(( يوميـــاتي الى الرشـــــاقه))

[الكندريه كنديه]

السلام عليكم ورحمة الله وبركاته​

بدأت من تاريخ 10-7-2010 يوم السبت​

مع الدكتوره ميري العوضي سنتر وبما ان معاي الغده الدرقيه خامله عطتني رجيم خاص لها ​

وقالت لي النزول بالوزن راح يكون بطيء لان خمول الغده اهيا السبب وانشالله الامور سهاله ماتصير صعبه مثل محاولاتي الفاشله اللي قبل ​

المهم تااابعوني وراح احط لكم اسبوعيا جم نزلت واللي بتشاركني حياها الله :33_1185028183:​

وزني حاليا 86.6 والمطلوب الوزن المثالي اهوا 60

 

[الكندريه كنديه]

طبعا امس السبت عدىىى الحمدلله ومعروف الاسبوع الاول صعب لكن اذا اجتزتيه تسهلت باقي الامور

 

[mnayeer]

انا بشجعج وان شااااااااااااااء الله توصلين للهدف اللي تبينه يارب
وكتبلينا أول بأول وجم بالاسبوع تنزلين
وهالدكتوره زينه او لا
انا عن نفسي كان وزني 104 شهر 5/2009 والحين الحمدلله وزني 86 بعد عناااء طويل بس تعبت ومليت بس هم بكمل وبحاول انزل بعد مع انه الترهلااااات الله لايوريج غاااثتني
واليوم مبلشه رجيم من كيفي يعني بدون استشاره طبيه ولا شي
والله يعين
عمووووووووووووووما ياقلبي ناطرين نتااايجج مع الدكتوره وجم بالاسبوع تنزيلين

 

[الكندريه كنديه]

هلا مناير منوره موضوعي ومشكوره علي الدعوات الحلوه مشالله عليج انج طلعتي من ال 100 بعد كملي ولازم رياضه الترهلات علاجها الرياضه صدقيني اشتري جهاز الغزال الطائر حيل حلو واستخدمي كريم روك للشد نصيحه وعلي العموم قاللت لي الدكتوره ان الواحد لما يوصل لوزنه لابد في ترهلات وتروح الترهلات بعد سنه سبحان الله لان يلم الجلد للعضم

دكتورره ميري وايد زينه تينن اختي ضعفت عندها كانت 86 وصارت 69 تغيرت حيل والله يثبتنا علي رجيمنا انشالله

 

[mn.mn]

موفقة حبيبتي ودكتورتج جربوها وايد ناس وضعفوا معاها

حطي لنا الرجيم اذا تقدرين

 

[بنت عطا 24]

الله يوفقج يااارب وتضعفين

 

[ZajiL]

عسى الله يوفقج يارب وانا سنه من الاسنين رحت لها وحيل ضعفت
ترى صدقيني بس يعني اول اسبوع خلاص الباجي سهالات
عسى الله يثبتج وتنزلين بصحه وعافيه يارب

 

[منـــوه]

مرحبا ....

انا مثلج أراجع عند ميري وايد حلو نظامها ما تحسين باليوووع ,,

بديت معاها تقريبا من شهرين ونزلت 4 كيلو لأني ما انتظمت عدل بالرجيم ..

لظروف دخولي المستشفى مع ولدي المريض لفترات متقاربة فيعتفس نظام أكلي ..

وان شاء الله موعدي هالأسبوع بروح وتغير لي نظامي ، والله يسهل علينا وعليكم ....

لااااااااازم نضعف قبل العيييد لااااااااااازم ، انا معاج من الحين بس دخولي المنتدى قليل يعني جم مرة بالأسبوع عشان ظروفي ما تساعد ..

بين فترة والثانية بحط تطورات الوزن والنظام اليديد اللي بتعطيني اياه

وزني كان 101

وسويت رجيم بروحي ونزل لييين 90

وبديت معاها وصار وزني 86 ^_^

والمطلوب 55

الله يعينا ويااااااااكم حبايب قلبي