يوميـــات عصـله مــزيونه + نظام يمتن *حيـاكم

[عصله مزيوونه]

بسم الله الرحمن الرحيم ..

شلونكم بنات

انا من زمان كنت اتابعكم من بعيد واحس اني اتشجع بس ما استمر

فقلت خل اسجل وافتح موضوع عشان التزم وتشجعوني بعد اكثر :eh_s(9):

المهم

انا وزني 50 وطولي 160 يعني ابي على الاقل 7 كيلو زياده عشان يبين على جسمي المتن

اللي قاعده اسويه حاليا اهو الشي الوحيد اللي اقدر استمر عليه يعني خلطات ماقدر عسل ماقدر أي شي ينخلط مع حليب حار مااااقدر تلوع جبدي وحاولت اغصب نفسي بس ماقدرت وقطيت فلوس بالهبل عالخلطات وكللللله على الفاضي

نظامي الحالي اللي حسيت بزياده عقب ما استمريت عليه هو الآتي:

ريوق ما اتريق اكون نايمه شسوي بعد

الغدا اتغدا من اللي طابخينه الاهل والاغلب مجبوس دياي او برياني او او او يعني يكون فيه عيش وانا احط حرتي اكل صحنين ثلاث

حزة العصر لاااااازم سنيكرز حجم كبير + حليب كامل الدسم باااارد
بالبدايه كنت اتغصب بس الحين لا تعودت الحمدلله

قبل العشا اخذ حبة سايبروفيتا
اتعشى عدل سواء مطعم او شي طابخينه ويكون دسم
وعقبها بفتره اكل ككاو او كيك او بطاط ناتشوز مع صوص

والمااااي احاول اشرب كثر ما اقدر

بس هذا نظامي واحاول استمر عليه وعقب شهر اشوف النتيجه واتمنى تكون مرضيه لي ولكم

شجعوني بليييييز واذا عندكم شي تزيدونه على هالنظام ماعندي مشكله
وادعولي امتن واحصل على جسم احلامي < على وزن فارس احلامي

ومع الف سلامه

 

[عصله مزيوونه]

أمس العشا كان بمطعم نينو وكليت عدل الحمدلله

طبعا اليوم الريوق طوفته كالعاده .. ان شاءالله لما ترد الدوامات واقعد الصبح (غصب) راح اتريق عدل

الغدا كليت صحنين عيش مع مرق دياي شوي بس + قفشتين سلطه مع صوص سيزر

والحين شربت قلاص حليب كامل الدسم + سنيكرز حجم كبير

وبس هذي كانت يومياتي النهارده

*يالله ماكو ردود اهم شي الأخلاق

انزين لا تردون بس ادعولي تتحقق امنيتي ويصير جسمي أحلى من اللي اتمناه

لي رجعه ..

 

[كزنوفا]

وشرايك يقروب اواتس اب افضل ونجمع العصقولات والكسولات مالهم مكان

 

[عصله مزيوونه]

^^^

مادري والله انا اساسا ماعندي واتساب ماسحته ومريحه راسي

انتوا بكيفكم تبون تسوون موضوع هنيه او تتيمعون بالواتساب او تشرفوني بموضوعي شوفوا اللي يريحكم والله يوفق الجميع

 

[عصله مزيوونه]

الحين باخذ حبة سايبروفيتا وانام ومن اصبح أفلح

*العشا كان بيتزا كليت 3 سلايس بس وعقبها بساعه كليت كيك بالككاو وبيبسي صغير

تصبحون على خير ..

 

[عصله مزيوونه]

النظام مستمره عليه حرفياااا

باجر ان شاءالله بروح الصيدليه اشوف زدت جم غرام على الاقل عشان اتشجع زياده

على العموم انا حاسه اني زايده من تحت شوي, بس باجر بتأكد وان شاءالله تفرحني النتيجه

ياااااااااااااااااا رب

 

[آمال أنثى]

يا زينك عصله .. من اول مانزلتي موضوعك متابعتك بس العجز مخليني مااكتب لك خخخخ رغم انك تستاهلين والله
نشيطة وشاده حيلك ومتحمسه
اتمنى يزيد وزنك الله يوفقك انا كمان نحيفة واحاول ازيد وزني
انا طولي 162 ووزني 44 هههههههههه
انتي اسمن مني بس شكلك تبين تسمنين اكثر اخاف اوصل وزنك ومايكفيني
عطينا علومك يعني اكتبي لنا كم تزيدين كل اسبوع

 

[عصله مزيوونه]

يا زينك عصله .. من اول مانزلتي موضوعك متابعتك بس العجز مخليني مااكتب لك خخخخ رغم انك تستاهلين والله
نشيطة وشاده حيلك ومتحمسه
اتمنى يزيد وزنك الله يوفقك انا كمان نحيفة واحاول ازيد وزني
انا طولي 162 ووزني 44 هههههههههه
انتي اسمن مني بس شكلك تبين تسمنين اكثر اخاف اوصل وزنك ومايكفيني
عطينا علومك يعني اكتبي لنا كم تزيدين كل اسبوع

أهليييين

ولج بالمثل يارب

شوفي احنا طول بعض تقريبا فـلازم وزنا يترواح مابين 57-60 عشان يبين علينا وهذا طبعا على حسب تقسيمة جسمنا

انا ابي 7 كيلو فقط وراح اكون راااضيه بالنتيجه لأني تقسيمة جسمي السمنه تتركز بالجزء الأسفل فمابي زياده قويه

وبالنسبه حق سؤالج جم ازيد كل أسبوع والله علمي علمج, نظامي اللي كتبته متبعته صارلي اسبوعين تقريبا فما اعتقد راح ازيد بسرعه يبيلي طوالة بال وبنهاية هالشهر راح اقولج جم زدت بالضبط

*وبيني وبينج انا حاسه بزياده بفخوذي واردافي ... مادري عاد

لا تنسيني من دعائج ومشكوره على المرور

 

[عصله مزيوونه]

اليوم بدت الدوامات والتعب

بس حاولت كثر ما اقدر احافظ على نظامي

طبعا قياس الوزن أجلته بخليه كل يوم يمعه عشان اشوف اسبوعيا جم قاعده ازيد واتشجع طول الأسبوع

اللي متابع بصمت يدعيلي

goodnight

 

[نكتار 2010]

نظام حلو استمري

انا مش من النوع الي استمر ابداا لان ما عندي وقت منظم

 

[فّقدّ]

ماشاء الله حلو ()*

بجربه , أبي أمتن ؛(

بس أنا اللحين اشرب حلبه , ،؛(

 

[عصله مزيوونه]

نظام حلو استمري

انا مش من النوع الي استمر ابداا لان ما عندي وقت منظم

مشكوره على التشجيع

كل مشكله لها حل يعني اذا مشكلتج الوقت وتنظيمه حاول تنظمينه قد ماتقدرين واذا صعب عليج الموضوع حاولي تزيدين السعرات الحراريه بالوجبه اللي تاكلينها

مثلا قعدتي بالليل اول شي اكلي شي خفيف عشان لا تغثين نفسج بعدين بالتدريج زيدي شوي شوي لييي وقت النوم واذا انتي من النوع اللي تسهرين خلج طول ما انتي قاعده تاكلين اشياء مفيده وفيها سعرات عاليه عشان لا تخسرين وزن

 

[عصله مزيوونه]

ماشاء الله حلو ()*

بجربه , أبي أمتن ؛(

بس أنا اللحين اشرب حلبه , ،؛(

جربيه واستمري

ودامج تشربين حلبه ترى راح تطول نتيجتها اذا كنتي تشربينها بروحها بدون خلطات ثانيه
اذا تبين تمتنين صج خلي معاها نظام سعراته عاليه وراح تعجبج النتيجه بأقل من شهر

وبالتوفيق

 

[سهم ويصيب]

خخوش نظام وزيدي عليه كاكاويات وهالسوالف تمتن


هم بعد انا ضعيفه واحاول امتن نظامج حلو وخفيف


بشرينا اذا زاد وزنج عليه

وصج شلون استخدام السبروفيتا نفعتج ؟

 

[عصله مزيوونه]

خخوش نظام وزيدي عليه كاكاويات وهالسوالف تمتن


هم بعد انا ضعيفه واحاول امتن نظامج حلو وخفيف


بشرينا اذا زاد وزنج عليه

وصج شلون استخدام السبروفيتا نفعتج ؟

افاااا عليج لاتوصين حريص الككاو ما اطوفه ولا يوم

السيبروفيتا نفعتني من ناحية فتح الشهيه يعني لو مو هالحبوب جان ماشفتيني مسويه نظام وآكل!
وانا مو ملتزمه فيها يعني اخذ حبه قبل لا انام عشان اقعد يوعانه ومرات اخذها قبل العشا واهيا مفروض ثلاث مرات باليوم بس على الرغم من هذا الحمدلله افتحت شهيتي وشوي طلعتلي كرشه بس مع الرياضه تروح

 

[عصله مزيوونه]

انا كنت مريضه الأيام اللي طافوا وماقدرت استمر على النظام لأني اغلب الوقت نايمه من التعب بس حاولت اني اعوض وما أخسر اللي زدته

زدت بعدد السناكس وكثرت سوائل كتعويض يعني

والحمدلله

بخصوص وين حاسه اني زدت:

طبعا اهو على حسب تقسيمة الجسم بس مره قريت كاتبين انه السنيكرز بعد الوجبه (خاصة اذا كانت عيش) يكبر الأرداف والفخوذ وهذا فعلا اللي صار, أحس الزياده متركزه بهالأماكن

 

[سهم ويصيب]

مممموفقه يارب و ان شاءالله نمتن بصحه وعافيا

 

[عصله مزيوونه]

مممموفقه يارب و ان شاءالله نمتن بصحه وعافيا

أجمعييييين ..

اللهم آمين يا رب

شدي الهمه عاد

 

[lial^^ليال]

موفقه
أضيفي لنظامك الرياضه راح تفيدك


Challenge Weight

 

[عصله مزيوونه]

موفقه
أضيفي لنظامك الرياضه راح تفيدك


Challenge Weight

أجمعييين

تصدقين جنج قاعده تقرييين أفكاري قبل شوي اقول حق رفيجتي شكلي بشترك بنادي عشان الاكل يتوزع عدل ومايطلعلي كرشه

يعطيج العافيه السايت شكله مفييييد حيل ماقصرتي :eh_s(17)::eh_s(17):