يوميـــــات مخطوبة

[النوار]

ماسولفت لكم عن "تجهيزي" "الجهاز" "الدزه" وكعادتي ..
بنبدء من طئطئ ..
اختي تنام عندنا بالويك اند ..
او صارت بالآونه الاخيره عندنا عاده "يديده".. مرت خالي .. او رفيجاتنا .. او بنات خالتي والمقربين
يتيمعون عندنا لي وقت متأخر بالليل .. او يروحون بيتهم
المهم ..
كان الجمعه او كنا متواعدين نروح انتريق ..
قررنا نروح لانوتر حق لبرانج مالهم وايد حلو ..
قالي لازم تقعدين الصبح .. عشان نخلص ماقدر اتأخر وراي صلاه قلت له مو مشكله
مع انها كانت اكبر مشكله .. لاني صج اكره قعدت الصبح .. بس شنسوي
عشان عين تكرم ألف عين " مادري شدخل" الله يعين الانتقادات اللي بتيي اللحين وتحليلهم للتناقضات بين المثل اللي طرحته والموقف اللي قاعده اتكلم عنه
عالعموم ..
قعدني الاخ من فير الله .. او قالي يالله عندج ساعه او انا يايج .. مافي تأخير ..
قلت له انشاءلله ..
قمت او انا فاتحه عين او صاكه عين من التعب ..
قمت من الدفوه .. للبرد اللي يسرسف
المهم سبحت او ماكان ودي اطلع من تحت الماي الحار ..
داااااااااااافي
المهم .. بعد عناء جهزت .. ماكان لي خلق احط ميك اب .. لبست نظاره ..كبيره
او جينز او توب ابيض او اسود او في شوي احمر ..
او رحنا تريقنا ..
طلعنا او تمشينا شوي .. لين وقت الصلاه نزلني عند رفيجتي ..
صج حسيت اني من انخطبت وايد قصرت بحقها .. مع انها ماتستاهل ..
من زماااااااان .. اول ماهبينا نروح كل فتره نسوي اضافرنا تواعدنا انا او اهيا .. انه مانسوي اضافرنا إلا ويا بعض .. عشان لو شغلتنا الدنيا ..
او طلينا باظافرنا او شفناهم عفسه .. نذكر بعض ونروح ..
لانه بهالنص ساعه اللي نقعدها .. صج نستانس .. او صار لنا برنامج مادري شلون .. سخيف بس حلو ..
عاد البارحه كانت دازه لي مسج تقولي .. ها النور شخبار اضافرج .. نقزه
المهم ..
ييتي كانت مفاجئه اشوى حصلتها .. قعدنا انا او اهيا او امها نسولف .. لين ياني يوسف ياخذني عقب الصلاه او تواعدت وياها انه باجر يكون لها او نرجع حق برنامجنا القبلي ..
رحت مع يوسف البيت ماكنا مشتهيين غدا بس قعدنا طقطقنا مع خالتي .. ضايق خلقها لانه بدور بتسافر .. او بتطول شوي .. شهر او زود ..
قلت لها انا عندج باي وقت .. وفطومه ماتقصر بعد ..
المهم .. شوي او ردني كان بيريح وراه ديوانية الليله ..

رحت البيت او نمت .. استعد حق سهرة الليله ..
تيمعو بعد صلاة العشا ..
حطينا عشانا او انا كنت يووووعانه كلينا او بتدت السوالف

قالت لي مرت خالي شسويتي بالمهر ..
قلت لها توني .. طقطقت فيه .. شريت شوية ذهب حق ليلة الحنا " يدتي ناذره تسويلي" او بالبحرين يسوون معرض مجوهرات
الاسعار خياليه .. قلت بخش له او اشتري اشيا استفيد منهم احسن .. امي خشت لي فلوسي ..
اما الجهاز نفسه .. ساعات لي شفت شي شريته ..
قالت لي لاتغلطين غلطتي .. انا قعدت اتشرى بدون عدال ..
او قامت الاشيا تتكود عندي .. او انا مااحتاج هالكثر.. او من اللويه انسى اني شريت بعض الاشيا فأرد اشتريها ..
وطارت فلوسي على خرابيط ..
حطيلج ورقه قلم .. او كتبي شتحتاجين او كل ماتشترين شي حطي يمه اشاره ..
او راجعي ورقتج كل فتره شناقصج ..
"هالفكره تناسبني وايد .. خصوصا اني دايما اتمشى والنوت بوك بجنطتي .. واحب اكتب او ارتب . بس بهالفتره كلشي قاعد يصير لي بسرعه بسرعه ..
وشاغله بالي فكرة اني بسافر او بلقى اشيا احلى من اللي خذيتها او بقط اللي شريته .. او بعد انا قاعده اضعف .. اللي بيقدني اليوم ماراح يقدني باجر! .. المهم نصحتني شاخذ اللحين ..
بما اني بسافر وايد بالفتره اليايه .. او انا قبل كنت معتمده على بيتنا بسالفة جناط السفر .. نصحتني اخذ طقم شنط قطعتين او 3 قطع على حاجتي .. شكلهم ذرب ..او نوعيه زينه

..
حطيت اب بالي باخذ ست من 3 او جنطه صغيره ..
بحط اهدومي بجنطتين او بحط جنطه داخل جنطه عشان اذا شريت شي .. احطه بالجنطه الثالثه .. او ماقعدر ادور او اشتريلي شنطه غيرها ..

المهم دخلو البنات بالنقاش او كل وحده تدلي بدلوها او انا اسجل ..
البنوتات قالو لي كثري من قمصان النوم .. اما المتزوجات قالولي لاتختبين على قمصان النوم مثلنا .. ترى بتمشين او بتلقين بالسفر الهوايل ..
اللي قالت لي اخذي 10 بس واللي قالت 30 .. واللي قالت لاتاخذين وايد ..
انا حددت بشتري 20 .. 5 من الغاليين البيض اللي ايون ستات بالروب , و الدانتيلات او هالسوالف ..
والباقي الخفاف الستان الملونين او فيهم حركات ..
او لي سافرت اتشرى اشيا غريبه احسن
حطيت اب بالي مكان بالصالحيه .. او طاهر او الباقي من نعومي او بطلب من فيكتوريا سيكرت .. او بشوف ومن سيكرت
او قلت بشوف محلات بالسعوديه ..
ومو رايح عن بالي المحل اللي شفته بدبي لما رحت اجهز للملجه اشياءه تينن او قلت لااااااااازم تكون لنا وقفه بدبي .. باول سفرة شهر العسل عشان اشتريلي منه ..
نصحوني بعد اخذ بجامات حلويين . قطن حق الشسمه .. اي هذا اهوا

وبعد قالولي كثري من البدلات الراقيه .. حق الاستقبالات او هالسوالف ..
لانه بعد العرس بتنعزمين وايد او الكل حاط عينه عالعروس اليديده .. او لاتخلين لوية البدله حق اللحظه الاخيره بتتوهقين او من اللويه مابتحصلين شي ..

او حق السفر .. انصحتني اختي اخذ تريننقات من فيكتوريا سيكرت او فيلا مودا الجوسي كتور واااااااايد حلوين او غريبين ..
شكلهم حلو حق التصوير .. او خفاف حق الحركه بالسفر .. او عمليين ..
او قالولي لاتكثرين جينزات اشكال او انواع .. مافيها شي اذا لبستي من اللي عندج .. او خذيتيلج 2 او 3 يداد ..
درجاتهم غريبه او اشكالهم حلوه ..
اكسسوارت وايد بالسفر ماتحتاجين
..
تراجي كبار الرياييل مايحبون .. او صج يوسف قالي هالشي مره .. يقول تضايقني لما اشوفها احس ثقيله او تعور او ماشوف بالترجيه العوده اي جمال ..
المهم قالولي اخذي اللولو اللي تيي لولوه وحده او لولوه معاها شي صغير ..
او اللي تيي فص كبير .. او هالشغلات اللي بس بالاذن تنحط ..

مرت خالي نصحتني احاول قد مااقدر اخذ اشيا تسوي تغيير بشعري ..
لكن اتأكد انه كهربة الديره اللي بروحها ينفع لها اللي شريته او لا ..
وايد بنات اعرفهم توهقو بالسشوار!! .. يوصلون او يغسلون شعرهم او اييون بيركبون الشسوار!! .. يفقع كهربتهم ماتستحمله او العكس .. او تتوهق البنت بشوشتها! فقالت شوفي بالنت او سألي ..

نصحوني اخذ جلابيات او انا ببالي محلين بالبحرين او محل بدبي ..
بالبحرين السعفه او يشمك او بدبي محل ماذكر اسمه بالبرجمان .. يبيع جلابيات شغلهم عااادي بس قطعه روعه .. او حلويين حق وقت الغدا لما اكون بالكويت

عندي رفيجه بالسعوديه تسوي توبات رووووووعه مستحيل تقولين خياط .. ماشاءلله عليها ذويقه او خياطها فنان
ذكرتني فيها بنت خالتي .. فقلت بكلمها عشان تسويلي كذا بدله ..
كريمات او عدة الله يعزكم الحمام .. طلبتها من وحده تييب من Bath and Body works
خذيت طقمين على التين والسكر.. اموت عليه او الخيار مع البطيخ روووووووعه
التين حق الليل .. والخيار والبطيخ حق النهار يعطي انتعاش غير طبيعي
انا احب العمبر بعد بس قلت بخليه لين انا اروح ..

بنت خالتي قالت لي اهم شي حق شهر العسل تاخذين لج كاميرا عدله واضحه
او تأكدي انه صورها بالليل حلوه .. بعضهم يحرووووون بالليل .. اهيا خبيره نصحتني بكانون
DOS 400
شي جذي مو متأكده ..

جواتي قالولي اشتري بس لاتودين معاج .. اهناك بتحصلين اشياء وايد .. اهم شي اخذي معاج اشيا مريحه او ألوان حياديه تنفعج مع كذا شغله ..
نصحوني اغلف العطورات او الكريمات عدل او اخذ جنط واتر بروف حق هالسوالف عشان مايصير بالملابس شي ..
لانه رفيجتنا مسكينه .. كانت حاطه دهن عود .. بين ملابسها او نكت او صارت اهدومها كلها صفره ..
ماتت من القهر وعليه .. قالت لي تحملي يصيدج ماصادني ..
فحطيت خطين تحت هالنقطه ..

قالت لي مرت خالي شغله مهمه اخذي معاج مكينة جونسون للمناطق الحساسه .. او اذا قدرتي حلاوه احسن ..
انا اهني تذكرت هالسالفه او عورني بطني
الله يستر...


كتبت بالورقه احزامات ..
جنطه اللي تيي فيها 3 جناط منها او فيها تنباع في ماركس سبنسر ..

عشان اوزع المكياج صح وتشيل اغراضي ..
او يكوون فيها مكان للاكسسوارات البسيطه اللي "بشيلها" وياي
وشغلات وايد .. بس يوسف رجع البيت او قمت عنهم اكلمه .. او ماحسيت بروحي إلا وانا نايمه
فشله ماسلمت عليهم .. لكن اشوى خواتي وياهم ..

 

[النوار]

السلام عليكم و رحمة الله و بركاته ...


اشكرج اخت نوار على ردج علي ... مع احترامي لج الا ان ردودج ما زادتني الا استغراب و حيره !!


بررت في الكثير من ردودج انج ما تبين تبين شخصيتج .. و انج تتحاشين تنعرفين
مع ان الموضوع هو يومياتتج و حياتج الخاصه .. انتي بكيفج يتي و عرضتيها و قلتي انا اكتب لكم يومياتي كمخطوبه بكل شفافيه و وضووح <==== اسمحلي لي ابدا ما كنتي واضحه !
في امور تافهه و غير مهمه ذكرتيها بادق ادق تفاصيلها .. و امور ثانيه تفوقها اهميه تغاضيتي عنها و غلفتيها بالغموض !!
ف كان الاولى ان هاليوميات تكون اكثر وضوح .. وما يكون فيها جوانب غامضه لان القارئ شاطر , خصوصاً ان يومياتج يقرونها شريحه كبيره من البنات .. و ما اظن انج مستهينه بقدراتهم و ذكائهم !!!!





ذكرتي ادق التفاصيل بقصتج على مدى الاجزاء .. و اكدتي لي انج تبين و تحبين تذكرين التفاصيل لانها تثري القصه !! طيب
هذا يثير استغرابي اكثر .. هديه يوسف للبيت نقطه وايد مهم
لانها هديه من الخطيب .. و موضوعج عنوانه (( يوميات مخطوبه )) ما اعتقد انها تقل اهميه عن سباحتج و اظافرج و الوان مكياجج ...............





بغض النظر الخدامه مسويته او انتي <=== مو هذي النقطه اللي عليها الخلاف
النقطه اللي ابي اوصل لها .. .. ليش ينطبخ من الظهر للعشى ؟؟؟ <===== بصراحة شي مو منطقي بالمررره ؟!!!





بحياتي ما سمعت عن تناقضات منطقيه !!!!!!!!!!!!!!!!!!!!!!




ابداً ما شككت بهذا الشي .. و هالشي بالذات اهو اللي خلاني استغرب شلون طافت عليهم !!
و الحمدلله بنات الكويت كلهم مثقفات و ذكيات و لامحات و يلقطونها و اهيا طايررره ..




على كل حال , اكيد كلامي ما عجبج .. بس حبيت احط النقط فوق الحروف .


---------------------------------------------------------------


الاخت لوير ..
مشكوره على ردج .. ما قصرتي

لكن للاسف ردج كان عباره عن افتراضات .. ما تودي ولا تيب !!

على كل حال اشكر لج جهدج ..


---------------------------------------------------------------


عفوا للبنات اللي قالوا (( تبي تشتغل محقق .. و اللي قاعده تحقق و تدور بالتفاصيل )) و اظنهم يقصدوني
احب اقولهم ..

المشاركه كانت موجهه لنوار بالدرجه الاولى .. فاذا ما كان عندكم رد بمستوى الطرح و الاقناع و الأدله .. ما كان له داعي تردون لاني طلبت رد مقنتع مو كلام فاضي و تفاهات !!!

عموماً انا اكتفي بهذا القدر .. ابدا ابدا مو تهرب و اقولها بثقه تاامه , اللي عنده شك بهذا الكلام .. يرجع لرودودي و يشوف الردود اللي تقابلها !!!
سببي الاساسي .. ان بالرغم من إن (( البعض )) ما عنده ردود مقنعه و منطقيه .. الا إنه لا يملك الرغبه بالإقتناع .. و اكـــــــــــــــــــــــرر ((( الرغبه ))) لاني ما اظن ان هالامور تفوت عليهم ..





و الله يهني سعيد بسعيده :dddds:

كنت اتمنى نكمل نقاشنا عالخاص ..
بس دامج طرحتي عالعام ولا يهمج راح ارد عليج عالعام .. بس ياريت المشاركات اليايه اذا كان عندج اي استفسار تكون عالخاص وانا اوعدج اني استمر معاج بالنقاش بصدر رحب بس عشان ماتسمعين كلام يضايقج ولا انا اسمع كلام يضايقني او احنا كلنا الغرض من وجودنا اهني التغيير والمتعه وبس .. لا ورى قصتي امتحان ولا نتايج ولا راح تكون دستور تمشي عليه كل مخطوبه عشان تكون خاليه من الشوائب ..

انا انسانه بالاول او الاخير مثلي مثلج .. يمكن انتي تفوقيني بالنباهه والذكاء ..
وانا انسانه افكاري محدوده او اغلاطي كثيره لكن هذي سنة الحياه .. او مو كل الناس نفس بعض .. عالعموم بابتدي ارد عليج .. بالنسبه للي قلتيه بالبدايه انه ردودي زادتج غموض اعتذر ماعندي ردود غيرها او حاولت اوضح قد مااقدر ..

في اشياء انتي تعتبرينها مهمه مثل سالفة الهديه .. من ناحيه ثانيه انا نسيتها او اهتميت باللبس .. يمكن ميولي او اهتماماتي غير عن اهتماماتج والتفاوت والاختلاف شي طبيعي ..

واكيد انا مو مستهينه بقدرات احد .. لكن يمكن انا اللي ذكائي او قدراتي محدوده او انشاءلله مايتضايقون من هالشي لانه خارج عن ارادتي او الله موزع هالاشيا بحكمته سبحان وتعالى ..


بالنسبه حق الاكل .. اللي انطبخ وقت الغدا ..
على فكره في ناس يشتغلون طول اليوم لين الظهر او يطبخون اكلهم من الليل ويصخنونه ..
او انتوا يمكن متعلمين اكلكم دايما فرش .. احنا عندنا عادي .. اذا ماتغدينا بالاكل انتعشى فيه ..
والصخان والمكروويف او حتى الفرن يردون لج الاكل كانه توى مستوي ..

بالنسبه حق اللي ذكرتيه انه بعمرج ماشفتي تناقضات منطقيه انا كنت اعقب على جملتج او استعنت بالكلمه اللي ذكرتيها او كتبت قبلها اللي برايج تناقضات .. او قلت انا منطقيه لاني حسيت كلامي مافي شي خارج عن المنطق .. اتمنى وصلت الجمله هالمره ..

عالعموم .. احنا نتناقش ..
والحمدلله القلوب مافيها شي ..
او اذا انتي شفتي قصتي ركيكه او متناقضه او ماجذبتج ..
من ناحيه ثانيه جذبت عدد كبير من البنات ماايخفى عليج هالشي طبعا ..
او كل واحد له ذوقه او حسه .. او الله يعطيج العافيه مره ثانيه ..
او اتمنى انه مافي خاطرج شي علي ..
او حياج الله باي وقت ..
تصبحين علي خير ..




او البنات اللي كانو متواجدين او ينتظرون ..
الله يبارك لكم او مشكووورين على التهنئه .. بخصوص التثبيت او عودة القصه ..
ردودكم تفرحني واااااااااايد
انا طفى شحني .. بس ماراح انام .. بكتب بعد جزء بس ماراح انزله إلا باجر انشاءلله
استودعكم الله

 

[أغلى حبيبه]

الله يهنيج نواره

يلا ننتطرج لا اطولين علينا

نوم العوافي

 

[mrmr mrmora]

الله يعطيج العافيه نواره ويهنيج

ومبروك التثبيت

ومتابعين للقصه الحلوه مثلج

 

[ام قدووور]

الله يوفقج ويهنيج حبيبتي نوار وانا متاااابعه معااااج على طووول يا قلبي :ggdw:

وبخصوص الأخت الي ردت عن القصه وقالت فيها تناقضات ومو منطقيه

اختي هذا رايج ولو القصه مثل ما قلتي ما شفتيها تثبتت ولا شفتي البنات متابعنيها!!

ومثل ما ذكرتي احنا مو اغبياء !!

ومشكوره على التوضيح وجزاج الله خيرررر

واذا القصه مو عاجبتج ولا تناسب ميولج محد جبرج تقرينها

بس لا تقعدين تطعنين في البنيه وتفترضين سوء النيه لأنه هذا حرام وما يجوز!!

اظن احنا في النت صح ولا لأ؟

مو شرط الناس الي تقرا وتكتب اخلاقها عاليه ..وهذا السبب الي خلاها

ما تحط تفاصيل اكثر عن حياتها وهالشغله خاصه!!

اصلها او اسمها ما يغير من محور القصه ولا يخليج تقولين عنها مو واقعيه!!


جزاج الله خير اختي ...في ناس متابعه القصه ... مو مصدقه شي راجعلج بس لا تطعنين!!

 

[ام مضاوي]

متاااااااااااااااااااااااابعه

الله يوفقج نواره

 

[النوار]

قعدت تريقت مع امي او رحنا مرينا يدتي ..
صاير تشتت بالعايله يدتي او كلمن مسافر او مامريت يدتي من رجعت
فاقتنمت فرصة قعدتي او رحت مع امي .. قعدنا مع يدتي ..او بعدين استأذنت لاني مواعده رفيجتي
رحنا لسبا تسمكرنا
او تغدينا متأخر او سولفنا او عالمغرب رحت اخذت يوسف من الدوام سيارته بالسيرفز او رفيجه خذاه فردينا بيتهم ..
بدور هالاسبوع بتسافر ..
خالتي او يوسف والكل ضايق خلقه ..
ماخفي عليكم انا بعد .. هالبنت ماشاءلله عليها سنعه او ذربه او مأدبه
الله يرزقها الريل الصالح انشاءلله ..
ويفرحنا كلنا فيها ..
على تعليمها او ثقافتها متواضعه او حبوبه ..
اهيا الكبيره لكن مايمر يوم ماتسأل عني فيه ..
كل ماتيي فبالي او اقول بكلمها تسبقني ..
راعية واجب .. توجب لصغير قبل لكبير ..
تسمع الكل باهتمام .. او ماتدخل نفسها إلا بعد ماتقتنع انه احنا نبيها تتدخل ..
وجودها بالبيت حياه تسوي جو ماينمل من قعدتها ..

فكلنا صايدنا حالة كتئاب لانها بتسافر ..
فطومه بعد عمري طيبه او حبوبه بس بعالمها بروحها ..
مع ربعها او جوها .. كأنها اختي اللي اصغر مني .. زميلتها! مادري شلون ماصارو ربع

المهم .. قعدنا وياها .. قالت تبي تروح تشتري اغراض ..
اختي دقت علي .. قالت لي بالليل مريني او انتي راجعه البيت لانه ماعندي سياره ..
قلت لها اوكي ..
رحنا مع بدور تتشرى او شفت الشنط او لقيت ست عجبني ..
خذته او يوسف اخذ له نفسي بس وحده كبيره ..او جنطة سحاب صغيره او تنشال بنفس الوقت حلوه او عمليه حق السفرات السريعه

تمشينا مع بدور ..
او رجعنا ..
انا كان خاطري بشي فاست فود ..
فنزلتهم او كان الوقت متأخر قلت لهم بروح حق اختي او بعدين البيت ..
مريت اختي او رحنا ناخذ اكل او ردينا البيت .. او نمت من وقت ..

 

[نظـــرات حـــائرة]

وناااااااااسة أنا أول رد



يعطيج العافية

 

[حبيبة أهلها]

لايوقف لايوقف

الله يعطيك العافيه حبيبتي

 

[ام قدووور]

الله يعطيج العافيه حبيبتي

ويوفقج انشالله ويبعد عنج الحسااد

 

[q8**girl]

قلبي دليلي كنت حاسه بتنزلييين صليييت الفير وشبكت ههههههههه
يعطييج العافيييه ومتابعييييييين ..

 

[دخــــــــــــــــون]

بدلت بناتي للمدرسة وريقتهم وعدلتهم وبعد ما اطلعوا قلت اشبك يمكن اصيد شي .... والحمدلله خوش صيده متابعيــــــــــــــــــــــــــــــــــــــــــــــــــــــــن يا نـــــــــــــــــــــــــــــــــــــوار _03BA:

 

[ام انس انا]

لا يوقف لايوقف ايوا ايوا ايوا ايوا لوووول صراحه قصتج واسلوبج روعه ناطرينج لاتطولين علينا الله يهنيكم يارب

 

[ام مضاوي]

 

[أمونة الحلوة]

انا بالدوام وقاعده اقرا معاكم

كلنا متابعين معاج

لايوقف لا يوقف لايوقف لا يوقف لايوقف لا يوقف

 

[ضوى العيون]

مشكورة حبيبتي وايد فديتني بفكر وتجهيزاتج والله بصراحه فكرة العيدميلاد وبالاحلام يعني حيل روعه شكلي بقلدج بالحركه
بس صج يبيلها ميزانيه وان شاء الله يمديني اجمع لها شكلي يتفيد من خبراتج حقي اذا ضعت بشي

 

[ضوى العيون]

حبوبه بخصوص التوبات للي قالتي عند رفيجتج بالسعوديه ياريت تفيديني بالخاص خاطري بشغلات مميزة بس ابيها تكون حق متحجبات اذا تعرفين وشلون اسعارهم ادري دوختج وياي وطلعت عن الموضوع والله يوفقج يارب

 

[لــــين]

Bnboona

وبخصوص الأخت الي ردت عن القصه وقالت فيها تناقضات ومو منطقيه

اختي هذا رايج ولو القصه مثل ما قلتي ما شفتيها تثبتت ولا شفتي البنات متابعنيها!!

ومثل ما ذكرتي احنا مو اغبياء !!

ومشكوره على التوضيح وجزاج الله خيرررر

واذا القصه مو عاجبتج ولا تناسب ميولج محد جبرج تقرينها

فعلا محد جابرني اقرأ شي مو عاجبني ولا امقتنعه فيه ..

انا كنت بتكفي بالقدر اللي قلته ... لاسباب وايد
اهمها اني مو لاقيه احد يقدر يرد على جواب مقنع .. وكل اللي يردون يقولون ( اذا مو عاجبج لا تكملين محد غاصبج ) <=== او اي جمله تعني هذا الكلام .. ما علينا

و ثاني سبب مهم .. انكم مستانسين , على الرغم من التناقضات و الشغلات الغريبه اللي عرضتها لكم ..
فدامكم مستانسن و مو هامكم هالاشياء ليش اعور راسي و راسكم .. لا انتوا راضين ترودن علي بشي يقنعني و يسكتني .. ولاا انا لاقيه رد احاول اقتنع فيه على مضض و امشي اموري فيه !
و الله يونسكم بالعافيه .. و يهني سعيد بسعيده



كنت قايله بيني و بين نفسي ان ردي لنوار الاخير هو اخر تعليق لي بهذا الموضوع ..
بس كلامج اضطرني ارد .....

بس لا تقعدين تطعنين في البنيه وتفترضين سوء النيه لأنه هذا حرام وما يجوز!!

عفواً .. رجعي اقري دودي كلها , انا ما طعنت بالاخت نوار ولاا غلطت عليها ..
ولاا افترضت سوء النتيه .. سوء النتيه افترضه اذا قلت اي هذي جذابه و مشيت عن القصه ..
انا ما سويت جذيه , حطيت اقتباسات من الموضوع نفسه لكلام الاخت نوار , شفت في هذي الاقتباسات غرابه و تناقض لذلك سألتها و استفسر عن الامر .. و طلبت منها توضيح ..
مع احترامي لج .. لا تمشين تحرمين و تجوزين الامور على مزاجج !!!

اظن احنا في النت صح ولا لأ؟

مو شرط الناس الي تقرا وتكتب اخلاقها عاليه ..وهذا السبب الي خلاها

ما تحط تفاصيل اكثر عن حياتها وهالشغله خاصه!!

اصلها او اسمها ما يغير من محور القصه ولا يخليج تقولين عنها مو واقعيه!!

قبل كلشي انا عارفه زين ان لكل انسان خصوصيته .. و هذا الامر حق من حقوقه و نحترمه ..

عزيزتي .. رجعي لاخر رد لي للاخت نوار بتلاقين اني عقبت على هالنقطه
قلت لها بختصار .. (( انتي يايه و حاطه قصه خطبتج و يومياتج .. بمزاجج و كيفج محد غصبج .. ليش اذا سألوج البنات تتهربين؟؟؟ ))
اعطيج ايها بصوره يمكن تكون اوضح عشان تفهمينها ... مثل وحده منزله موضوع مصوره بيتها غرفه غرفه و ماخلت شي ما صورته .. و اذا سألوها و الله سجادتج حلوه , من وين شاريتها؟؟ تقول لالا ما اقدر اقول ( يمكن لها اسبابها انها ما تقول ) .. بــــــــس اهيا عارضه هالشي بمزاجج .. خلاص تتحمل اللي بتسألون ؟؟؟
انا ما طلبت من نوار اسمها او اصلها .. بالعكس انا عطيتها السؤال و الجواب
قلت لها في كلمات غريبه ما تنقال بالكويت . انتي فيج عرج ؟ و اذا فيج ليش ما قلتي علشان نكون على بينه ؟!! <=== كان الاختلاف بيني و بنيها ان ليش ما قلتي!!

جزاج الله خير اختي ...في ناس متابعه القصه ... مو مصدقه شي راجعلج بس لا تطعنين

حيااااج الله
ارجع اكرر انا ما طعنت فيها انا طلبت توضيح ...
و اعتقد اللي منزل قصه او موضوع .. لازم يكون له سعه صدر للاسئله , و الحمدلله ان نوار ردت علي و كانت عندها سعة الصدر !!



و على فكره , ردج لا ودى ولا يااب .. لو مو كاتبته احسن !!
لان كلامج ما اختلف عن حجي باقي البنات ولاا يبتيلي ولااااااااااا شي مقنع ....


صج صج هذا اخرررر رد .. لوووووووووووول اذا تبون تفتكون من شري لا تعقبون علي :dddds:

 

[bnt_7waa]

3asht nwaar mtab3a

bel colya

3sa ma nn7rm mng wla mn rdodg

 

[سوسو82]

mabrook 3ala al tathbeeeet .... sara7a al qesa tynin o malich sh`3el ba7ad:>