يومين فاضين بماليزيا وين احطهم?

[* فوشيـــه *]

السلام عليكم شلونكم يا بنات يا امامير

بغيت أسألكم ان شاءالله انا بحجز ماليزيا بالصيف وحاطين آبالنا نقعد 15 يوم
2 سيلانجور 3 لنكاوي 3 بينانج 5 كوالا ومن كوالا يوم بنروح جنتنج يبقى يومين عندنا فاضين شرايكم
وين نزيدهم ؟ او أحط منطقه بعد ?

 

[mafio98]

اذا تحبين الطبيعه حطي الكاميرون ولذا تحبين البحر حطي بورت ديكسون ةقللي ايام كوالا وخليها 3 ايام بوحده من هالمناطق

 

[كوكب الدرر]

أفاموزا حلوة إذا عندج يهال بس يبيلها 3 أيام
فيها أكوابارك
وحديقة حيوانات سفاري فيها عروض للفيلة والطيور والكاوبوي
وطيارات صغيرة لشخصين علشان تشوفين الطبيعة من فوق
وبالليل يسوون احتفال بالشارع مع ملابسهم الغريبة وحيواناتهم ووراها العاب نارية
وفيها بركة مع قوارب
ممكن تقعدين بفندق أو تحجزين شاليه يم البركة

 

[jen2n]

ليش ما تحطين يومين صن واي لاغون اهوا في فندق ومجمع اهناك واحواض سباحه وملاهي

 

[العمانية الملكة]

هلا اختي
اقترح تحطي اليومين في منطقة علي البحر اسمها بورت دكسي ممتازة و قريبة من منطقة افموسي حقت الحيوانات و العرض تقدرين تروحي لها
و تسكنين بفندق وتر هوم فلة فوق الماء مع مسبح خاص كبير روعه تشوفين الماي تحتك من داخل الفلة

فندق ليجند وتر هوم بورت دكسون ​

 

[اشراقة الحياة]

منطقه بااااره وحلوه مرتفعات الكاميرون .........

 

[* فوشيـــه *]

يعطيكم العاااااافيه بنات ماقصرتو

أفاموسا فكرت فيها بس يقولون حاااره وايد تكرهين عمرج
شكلي بحط بورت ديكسون او نقعد لنا يومين بجنتنج

تسلمون بنوتات*

 

[دموع-الاصايل]

كاميرون صج حلوه و بارده هى بس طبيعه ما فيها تسوق ولا ملاهى بس طريقها حيل متعب و يخوف يعنى اذا معاج جهال ما انصحج فيه كلش ما يسوى

و هاليومين ليش ما تخلين يوم فصنواى ليقون مدينه العاب ماييه و يوم تسوق

 

[العمانية الملكة]

لسه ما قررتي نهائي

و اش رايج ترحين للصنوي منطقة حيل حلوة و اسواق و ملاهي رائعة للاولاد

بس تاخذ الفندق الريوزت الجديد لانة في فندق الطويل قديم و مستواه موشي

فندق صنواي لاقون
​

 

[* فوشيـــه *]

هلا حبيباتي شفيكم انا حاطه يومين سيلانجور وسيلانجور فيها الصنواي لاجون بتروحون ان شاءالله

لا ان شاءالله قررت اخليها بجنتنج ماتقصرون ياحلوين

 

[نسر ماليزيا]

كاميرون هايلاند جميله جداا وتتميز بجمال الطبيعه الخلابه

وبالنسبه لافاموسا فالكثير من العرب اشتكوا من النظافه وسوء الخدمه

يمكنك زيارة افاموسا من كوالالمبور والعوده فى نفس اليوم

اما بورت ديكسون فهى اقرب مدينه يوجد بها بحر من كوالالمبور

والاجواء طبيعيه هناك فلكم الاختيار