يوم الخميس ملجتي

[jnan]

السلام عليكم

شخباركم شمسوين عساكم بخير

بنات ملجتي ان شاء الله هالخميس بس الحفله بنسويها اليمعه بإذن الله

فيوم الخميس شنو تنصحوني اسوي فيه لان بس الريايل راح يملجون

ويمكن لما يخلصون ايي المعرس بيتنا

انا ما اعرف أول مره تصير عندنا جذي

كل مره بنفس يوم الملجه الحفله

بس هالمره قلنا الملجه بيوم والحفله بيوم ثاني

فياليت تساعدوني بنات

واشلون لازم اتصرف واشقول :eh_s(2):

 

[um sara50]

خليكي طبيعيه وايد لانو الرجال مابيحبو التصنع بهاد اليوم وخلي كل شي طبيعي ولا تحاول تتكلمين معه وايد يعني جاوبي علي قد السوال وخليه هو يلي يحكي اكتر وموفقه حبيبتي وعقبال كل العزابيه

 

[حبيبة قلبي]

لا لا لا لا رديتييييييييني ليلة ملجتي نفففففس الاسئله بالضبط والجواب اللي ياني ان خلي كل شي عادي والسوالف راح تيي بروحها
وصج نفس اللس قالوا لي اياه صار بس خلج هاديه ومبتسمه

الله يوفقج يارب

 

[nooor2120]

ربي يسعدك

 

[اهذريبك~]

خليج على طبيعتج ولا تبوزين ولا تبتسمين حححيل خليج وسط جنج لا مبتسمة ولا مبوزه فهمتي يطلع شكلج واو
ومثل ماقالو السوالف هي اللي تجي

 

[Ziona]

عسى الله يوفقج حبيبتي عااادي انا ملجت وبعد شهر سويت حفلتي
ومثل ما قالوا البنات خلج عادي كل شي ايي بوقته وخلج طبيعيه لا تتصنعين

وعسى الله يوفقج يارب ويتمم عليكم

 

[white**angel]

اذا قصدج شتسوين من ناحية البس و الميك اب
يعتمد اذا بيقعد شوي وبتطلعون لبسي بدلتج الطلعه اللي مزهبتها حق هاليوم و سشوري شعرج و انتي حطيلج الميك اب حيل حيل ناعم نفس الميك اب اللي انتي متعوده تحطينه
اما اذا ماراح تطلعون لبسي نفنوف قصير لي تحت الركب ويكون راااقي بس مو خبه يكون بس ناعم وشعرك وميك ابج نفس اللي قتلج عنااا

اما ان شتسوين من لمن ايي لا تسوين شي اهوا بيسوي اهوا كل شي بيطلع طبيعي احلى من ما تخططيله لانه لمن تفكرين غير لمن تصير الصجيه

 

[لمى الهاجري]

تدرين احسن جي عشان ما توترين خلج عادية وكل شي طبيعي لا تحاتين

 

[فرزاتشى]

ع البرررركه
خلج طبيعيه وقد ماتقدرين نااااعمه لبس وميكاب وشعر ياستريت ياويفي خفففيف تعرفين النفانيف اللي تصير شيفون وطويله والكم بف خفيف ماعرف انزل صور والا كان وريتج حلوووين بعد
لاتفكرين وش بتقولين اهم شي تصورين حتى لو مافي حفله ولاتشقين الضحكه ولاتبوزززين لو شنو صار خليج ريلاكس واستانسي وضحكي بكككل نعومه
والله يوفففقج عقبال مانجي تعلمينا خخخخخخ

 

[LoLaTi]

نفس ماقالو البنات خلي كل شي على طبيعته
والف مبرووووووووووووووووووووووووووووووووك

 

[غنآآآتي]

ع البركه يالغاليه ماقصروا البنات والسوالف تجي من نفسها لا تحاتين اهم شي خلج طبيعيه وبالتوفيق يا قلبي

 

[&موناليزا&]

الف مبروووووووووووك عزيزتي

 

[))) ساره (((]

الله يوفقك ويهنييك وربي يكتب لك اللي فيه خير

 

[LiL LiLeY]

الف مبروك حبيبتي

و مثل ما قالوا البنات 

 

[nooor2120]

الله يسعدج

 

[لآلئ وردية]

ألف مبروك حبيبتي

عسى يا ربي يتمم علييج

و يجملج بعينه

و يجمع بينكم على خيـر

أهم شيء حبيبتي اذكارج

و لبسي شيء ناعم

و سوي شعرج سيده ستريت

و لبسي ناعم و لون انثوي حلوووو

و خلج على طبيعتج

و عسى ربي يوفقج

:eh_s(7):

 

[bent babaty]

الف مبروك والله يتمم عليج يارب خلج ريلاكس والامور بتمشي بدون ماتحسين فيها ان شاء الله خير ياارب

 

[نـعـومـه]

ليش ماتخلون يشوفج اليمعه مره وحده !!؟؟ احلى

 

[mi corazon]

اذا قصدج شتسوين من ناحية البس و الميك اب
يعتمد اذا بيقعد شوي وبتطلعون لبسي بدلتج الطلعه اللي مزهبتها حق هاليوم و سشوري شعرج و انتي حطيلج الميك اب حيل حيل ناعم نفس الميك اب اللي انتي متعوده تحطينه
اما اذا ماراح تطلعون لبسي نفنوف قصير لي تحت الركب ويكون راااقي بس مو خبه يكون بس ناعم وشعرك وميك ابج نفس اللي قتلج عنااا

اما ان شتسوين من لمن ايي لا تسوين شي اهوا بيسوي اهوا كل شي بيطلع طبيعي احلى من ما تخططيله لانه لمن تفكرين غير لمن تصير الصجيه

نفس الراي

 

[اوتار الحياه]

الف مبرووووووووووووووك وخليك سو كيووووووووووووت وطبيعيه وحاولي تلبسي شيء راقي وبسيط مع لمسات ميك اب خفيف والبخووووووووور والعوده الزينه لاتنسينها والله يسعدك