يوم تقربت من الله جاني ذا الشعور وماجاهدت نفسي

[تواضع انثى]

السلام عليكم

شخباركم بنات

بدون مقدمات بدخل بالموضوع على طول شوفوا انا مازكي نفسي بس هالفترة نوية التقرب من

الله اكثر وقبل امس اخر الليل حفظت سورة النبا وقمت بيها الليل المهم وانا ساجدة والله يابنات

اني ماتخيل اسمع اصوات اصوات خافته وكان احد دخل علي الغرفة كل البيت كان نايم وهدوووووء

ماتسمعي غير صوت المكيف حتى مادعيت ربي في السجود من الخوف وخلصت صلاتي بسرعة

وبعدها قعدت ادعي عادي بعد الفجر يوم جيت ابي انام والله يابنات ماكذب عليكم وانا منسدحة

الحين انا عادتي قبل مانام لازم احرك رجلي واقعد احركها والله اني حسيت ان احد معاي بالسرير

احس بحركات احد معاي يوم خفت ووقفت قعدت اطالع من الخوف ماحسيت بشي وبعدها امي دخلت علي قعدت تكلمني

اليوم الي بعده نفس الشي وانا ساجده اسمع اصوات والله تعبت معد اقدر ادعي مثل اول

لازم اقطع صلاتي عشان ماسمع ذي الاصوات واقعد ادعي عاادي بس كذا احس اني غلطت

لان المفروض ماخاف من ذي الاشايء شفتوا قبل مايصير معاي ا الشي صارت بيني وبين امي اختي

مشكلة وبعجها قعدت ابكي ابكي ومررررررررره زعلت اصلا كانت اول مره في حياتي كذا يجين ذا الغضب

المهم ان فجاة يوم اقوم احس اني بفقد توازني ولا وانا امشي يجني نفس ذا الشعور احس انه بيغمى علي

استمر معي لين مانمت بنات تتوقعون ان ذي الحاله لها صلة بالي يصيرلي لاجيت اصلي

مع ان حالة الاصوات الي اسمعها ماتجيني الا اذا جيت اصلي اخر الليل الفروض العادية ماسمع فيها ذي الاصوات

:bbbiu:

 

[Tom ♥ Jerry]

.


حياتي استمري على صلاتج و اقري قران
و شغلي سورة البقره كل يوم واقريها و بروح هااذا كلا بعد فتره قصيره ان شاء الله

 

[روانتي 12]

سلام عليكم . .

حبيبتي أقري سورة البقره يوميآ . . و كملي صلاتج لا تقطعينها أبدآ الين ماتخلصين . .

 

[حلوه بس هبله]

كملي صلاتج وجاهدي قد ماتقدرين ولمن تجين تنامين حطي بتلفونج سوره البقره للشيخ سعد الغامدي احب، صوته هااادي جدا وخفضي على الصوت ومايجيج شي ان شاء الله ' جربي الليله وادعي لنا حبيبتي
الله يوفقج يارب

 

[Patcholli]

حبيبتي بالعكس يمكن هذا الجن او الشيطاين يحاولون يخوفونج عشان تقطعين هالاعمال والصلاة كملي على مشوارج وصدقيني شوي شوي راح يروح عنج لان ابليس راح يشوفج صامده ومستمره بالقران وراح يتعب منج

 

[<> إيلاف الكويت <>]

هذا وسواس
تعوذي من إبليس واستمري بصلاتج وطاعتج والله يتقبل منج ان شاءالله
لا تخلين الوسواس يأثر فيج

 

[قطوووة قطر]

ياسسبحان الله نفسسس مشكلتي .. حتى بالنوم ,, شوفي حبيبتي هاذي بعيد الشر عنا هاذي اعرض (المس) وعليج بالمسك الاسود وحطية مع الزيت المقري فية وحطية ع جسسمج ونامي باذن الله مراح تحسين باي اذى بس داومي عليها

واذا ع الصلاة انا اذا صليت اقرا البقرة ومايجيني هالاصوات الاا وقت السسسجود وقت ماادعي اكوون خايفة
واي صووت افزع منة واحاول اخلص بسسرعة
بس عقب لقيت الحل ,,,

اني اتعوذ من ابليسس ثلاث مرات واذا جيت ابي اصلي اصلي بغرفة يكون فيها احد معاي يعني اختي الصغيرة بس طبعا تكون نايمة بس اهم شي احد معاي وبجذي ارتااح واطول بالسجود وبالدعاء واحسس بالراحة اكثر ..


وشوي شوي راح يبتعد عنج هالواسويسس وربي يوفقج ويششفيج ​

 

[عسل سل]

الشيطان يبي يخوفج عشان ماتادين فروضج

 

[قمر بيت أبوها]

تعديت هالمرحله من خوف حتي من المرايا لجمود بلاده والله لو تنفجر جنبي قنبله أقول الله أكبر وأنا مرتاحه
حبيبتي اذا تحسين بأحد وراك ممكن مجرد وسواس قلت ممكن
ومممكن كذلك واقع
بس أنصحك من داخلك انك تكونين واثقه ان هالاشياء انما هي خلق من خلق الله لا يملكون لك خير ولا شر مالم يريد الله هذا بك
واستمري علي عبادتك
وهنيئاً لك قيام الله تناجين رب الأرباب وتسجدين بين يديه في هذا الليل الحالك السواد والناس نيام
أتركي الجن والأصوات والحياة أنتي بين يدي الله فأستشعري عبادتك بروحك وجسدك وحتما لن تشعري بشي

 

[شافوك بحساسي]

حبوووبه علاجج واضح ولازم تكونين قده
توضي وامسكي القران الكريم واقري سوره البقره كل يوم
ترى مدتها ساعه الا ربع وراح تسمعين او يمكن تشوفين بعد اشياء بس ماعليج قولي الله معاي واقري واقري
لاتوقفين لمده 40 يوم ورا بعض
وانشالله بترتاحين من هالشغلات
وشغلي سوره البقره يوميااااا بغرفتج

 

[لمى الهاجري]

جيبي ملح خشن ورشي بالغرفة

 

[فطوم السعوديه]

يمكن اعراض مس فعلا ويمكن تخويف من الشيطان بس

لو تحطين مسك بين انفك وفمك ومسافط يدك وورا ركبك وعند فخذك

وتقرين سورة البقرة يوميا يوميا يوميا ماتتركينها

والله ان تنامين وتروحين وتجين براحه وطمأنينه ولاتقرينها بنيه معينه

الا اذا كنتي تقرينها من باب الرقية لان قراءتها بنيه معينه بدعة كالزواج والسفر ..الخ


ولا بعدد معين اقرئيها ماشاء الله لك

ولاتخافين اضعف مخلوقات الله الجن .. واذا انتي وسوستي ترى القرين يقرأ وساوسك ويخبرها بمن حولك من الشيطاين
عشان كذا تلاقين ان الاشياء اللي تخافين منها يخوفونك فيها

يتسلطون عليك لانهم عارفين ..

لانك تحدثين بها نفسك فيعرفونها

طنششششي وقولي انا قويه بالله وبعلمك دعاء رهيب سبحان الله

اذا خفتي او بتنامين او باذكارك قوليه سبع مرات

اعوذ بكلمات الله التامه من غضبه وعقابه ومن شر عباده ومن همزات الشياطين واعوذ بك رب ان يحضرون
واقرأي سورة الزلزلة والله يشفيك ويعافيك


واذا بغيتي شي قولي لنا كلنا خواتك

واللف لاباس عليك

 

[دلوعة أبوهآ]

لآتخلي الوسوآس يآثر ع عبآدتك ..
آلله يقويكِ

 

[معالجة عن بعد]

ام محمد للمساعدة بعد الله

[email protected]

 

[جنون العاطفه]

الله يكون بعونج ي رب ​

 

[برنسيسة2007]

ساجده لله وتخافين!!!
انا عكسج اذا خفت اصلي واطول سجودي انتي بحماية الله
بالله من يقدر عليج وانتي ساجده للرحمن الحافظ القادر القوي
استمري هذا ابليس حسبي الله عليه
عااانديه اقهرييييه اسجدي لله وقولي اذا سمعتي الاصوات حتى وانتي ساجده اعوذ بالله من الشيطان الرجيم وكرريها
والخوف انتي تحكمين فيه قولي لنفسج من يقدر علي وانا في حماية الله وادعد الله وانتي ساجده يحفظج بهلحظه وكملي دعائج وصلاتج وانت بحفظ الله

 

[femmi]

نفس الشي حسيت فيه بفتره قبل خمسه شهور

والله العظيم اني رحت حق وحده قرت علي وقالت فيج شي وصرت اوسوس وخايفه

والله العظيم اني تمسكت بالصلاه اخر اليل والقران يوميا والمعوذات الاذكار الرقيه

طلع كله اوهام وسواس

الشيطان يجري بعروقنا

وكل مانبعد عن الله نوسوس ونصدق كلام المس والعين

اهي صج حق ومذكوره بالقران

بس احنا لااااااااااااا قطعا لا هذا كله وسواس

والخوف شي منج انتي والتهيئات والتخيلات هذي كلها راحت يوم تمسكت بطاعتي لله والقرب منه

ويارب اتقرب اكثر واكثر

الله يرزقني واياك وكل من يقرا الطاعه والعباده وحب الله والبعد عن الشيطان

ربي اعوذ بك من همزات الشياطين واعوذ بك ربي ان يحضرون

كرري هالايه ليل ونهار دايما قوليها وربي بيحميج ان شاالله


الحمدلله الي خلصني من كل اوهامي وعرفت طريق الحق واني كنت خادعه نفسي بسوالف مالها اساس عين ومس وسحر وجن


بالاساس حبيبتي الجن خلق من مخلوقات الله ولو تقرين عنهم تلاقينهم مثلنا مايضرون ولاشيء

والشياطين لو تجتمع شياطين الدنيا كلها مايقدرون يلمسونج الا اذا ربي اراد

بما نج تحت حمايته وطاعته ماراح يرضى عليج وهو ارحم من نفسج لج

الله يوفقج يارب ويهدي نفسج

 

[femmi]

نفس الشي حسيت فيه بفتره قبل خمسه شهور

والله العظيم اني رحت حق وحده قرت علي وقالت فيج شي وصرت اوسوس وخايفه

والله العظيم اني تمسكت بالصلاه اخر اليل والقران يوميا والمعوذات الاذكار الرقيه

طلع كله اوهام وسواس

الشيطان يجري بعروقنا

وكل مانبعد عن الله نوسوس ونصدق كلام المس والعين

اهي صج حق ومذكوره بالقران

بس احنا لااااااااااااا قطعا لا هذا كله وسواس

والخوف شي منج انتي والتهيئات والتخيلات هذي كلها راحت يوم تمسكت بطاعتي لله والقرب منه

ويارب اتقرب اكثر واكثر

الله يرزقني واياك وكل من يقرا الطاعه والعباده وحب الله والبعد عن الشيطان

ربي اعوذ بك من همزات الشياطين واعوذ بك ربي ان يحضرون

كرري هالايه ليل ونهار دايما قوليها وربي بيحميج ان شاالله


الحمدلله الي خلصني من كل اوهامي وعرفت طريق الحق واني كنت خادعه نفسي بسوالف مالها اساس عين ومس وسحر وجن


بالاساس حبيبتي الجن خلق من مخلوقات الله ولو تقرين عنهم تلاقينهم مثلنا مايضرون ولاشيء

والشياطين لو تجتمع شياطين الدنيا كلها مايقدرون يلمسونج الا اذا ربي اراد

بما نج تحت حمايته وطاعته ماراح يرضى عليج وهو ارحم من نفسج لج

الله يوفقج يارب ويهدي نفسج

 

[تواضع انثى]

فديتكم والله وعلى نصايحكم الله لا يحرمني منكم قولوا امييين