يوم شوفتي :$ شنهو ألبس؟

[sarate]

مرحبا بنات
في وحده بتجي بيتنا تشوفني يوم الثلاثه بس بروحها بدون ولدها
طبعا خطبه وتعارف :eh_s(22):

شورو علي شنو ألبس يعني قصير وجذيه ولا بدلة طلعه عاديه؟ :eh_s(22): وشنو الستايل اللي يطول يعني يوحي باني طويله غير الكعب ؟ طولي يفشل هههههههههه

وادعولي أعجبها مو مهم بعدين ولدها كيفه اهم شي هي :rgewrg:


:eh_s(7):

 

[سويت فانيلا]

حبوبه لبسي دراعه طويله وكعب

 

[mazoon]

الله يوفقج.... اللهم أمين
ألبسي شي ناعم وهم المكياج ناعم لى ماغير مالمج الوجة لاطولين بالقعدة معهم أحسن علشان ماتقول ماصدقعت يكون كلامج قليلة ....,انشاءالله يتمم عليج وردنا خبر اذا صار شي
الله يوفقج
لاتنسينا بالدعاء ياحبابة

 

[sarate]

لا انا غير الناس الدراعه والنفانيف ماتطولني ههههههههه يصير شكلي عبيط

 

[Fa6ayem]

حــبيبتي والله نفسي انا وايد إحترت ..
بس لبست نفنوف قصير بس مو وايد لي تحت الركبه ..
وفليت شعري طبيعي ما سويت استــشوار !!
ومكياج خفيييييييف حيل .. من غير حمره مرطب بس :eh_s(22):

والله يوفقج يارب

 

[sarate]

الله يوفقج.... اللهم أمين
ألبسي شي ناعم وهم المكياج ناعم لى ماغير مالمج الوجة لاطولين بالقعدة معهم أحسن علشان ماتقول ماصدقعت يكون كلامج قليلة ....,انشاءالله يتمم عليج وردنا خبر اذا صار شي
الله يوفقج
لاتنسينا بالدعاء ياحبابة

الله يسعدج ويوفقج حبيبتي

 

[sarate]

حــبيبتي والله نفسي انا وايد إحترت ..
بس لبست نفنوف قصير بس مو وايد لي تحت الركبه ..
وفليت شعري طبيعي ما سويت استــشوار !!
ومكياج خفيييييييف حيل .. من غير حمره مرطب بس :eh_s(22):

والله يوفقج يارب

:eh_s(7):

 

[one two 3]

شدعوه الي تقول دراعه والي تقول مكياج خفيف ومرطب

وين قاعدين؟؟

يا راعيه الموضوع شوفي حبيبتي


كشخي لبسي لبس عدل نفنوف او بنطرون وقميص سنع مو شي عملي

تمكيجي بس مو وايد جنج رايحه عرس
لا مكياج حلو وحطي حمره

وبس موفقه

 

[*حبيبة جراح*]

اممم لبسي نفنوف لونه هادي ولي تحت الركبة بالظبظ وحطي مكياج ناعم عشان تبين ملامح ويهج عدل وشعرج سويه استشوار وخليه مفلول ولبسي كعب زين مو عالي حيل
وبسس
والله يوفقج ويااارب تعجبينها ​

 

[الحــور]

سوي شعرج ستريت والبسي فستان راقي وناعم طويل او ثلاث ارباع والسوق متروس بالفساتين اللي تاخذ العقل او تنورة وبلوزة وراقية على حسب شنو لايق عليج
وحطي مكياج ناعم كريم اساس ناعم وشدو وعدسات وماسكرا وحمرا بس ابتعدي عن الدفاشه ترى بيقولون ما صدقت
واقعدي خمس دقايق عشان يشوفونج عدل وابتسامه اهم شئ ولا تتكلمين الا اذا سألوج
والله يوفقج يارب وتصيرين ملكة جمال بعيونهم واهم شئ خطيبج لووووول

 

[توفـــا]

عادي لبسي شي حلوو يعني حق طلعه مو خبه يعني عندج نفانيف الطوال او الي يصيرون مكسي فرنسي او لي الركبه او عندج تنانير القصيره اشوي مع بدي او حتي لقنز مع توب يكون كشخه في سترس وشوار فسكي يعني او الوانه حلوه فرايحيه

وبالنسبه للميك اب حطي عادي يعني مو ماتحطين لا بالعكس حطي بس خفيف يعني فاونديشن وبودر وقلوس او حمره ناعمه وماسكرا كحل داخل العين خفيف او اذا ماتحطين كحل يكون ناجورال احلي

ولا تحاتين توكلي علي الله ​

 

[BoshBosh el3nzi]

شوفى انتى لا تحطين فبالج ستاايل معين وبنفس اليوم تضبطينه جذى تخربطين لانه تكونين راسمه شي فبالج

انا نصيحتى تلبسين نفنوف يبين تقااسيم جسمج واذا ضيج راح تبينين طويله طبعا مع كعب .. يكون لتحت الركبه ماله داعى قصير اوفر ولونه رااايق وسوى شعرج ستريت مع مكياج برونز

بينى ملامحج يعنى لبسى عدسات طبيعيه ترااى كلر مع مسكره طبقتين وسحبة شدو من تحت خفيفه وضبطى حاجبج عدل عدل << تموت على الحوااجب .. وحطي حمره لون الوردىالبيج طقة الوان بسام فتوح


والله تطلعين زوغه .. لبسى ساعه وتراجى بس واسوار ناعم بايدج اليمين وصبع اظافر... ترا االاشياء اللى اقولها يمكن محد ينتبه لها حيل بس تبييين الانوثه والله
وعسى ربى يتمم عليج ​

 

[فجر الجنوب]

موووفقه غلاي

 

[مولاي الفرج]

انا اقول لاتلبسين قصير شحقه يعني انا عندي تلبسين بدله طويله بس حلوة تكون راقيه

وشعرج استشوار

والمكياج فاونديشن وشوي بلاشر وحمرة خفيفه وماسكرا بسسسسسسسس

عشان لاتتغيرين وايد حلاتج طبيعيه ماتتغيرين الا بملجتج

 

[7oor kuwait]

لبسي نفنوف لونه هادي وكلوش خفيف لي الركبة بالضبط,او نفنوف مكسي فوقه جاكيت قصير,وميك اب ناعم يعني درجات الوردي وجذي او البني الفااتح,وغلوس,وعدسات طبيعية وستريت ,واذا تبين سوي ستريت مع شووية خصل كيرلي والله يوفقج

 

[غمزه وإبتسامه]

انا تووو زارتنا مرا شافتني وانا قصيره لبست قصير تحت الركبه ضيج وكعب كشخه بس مااصاار نصيب وللحين مادري ليش !!! على اني حلوووه بشهادة الكل بس مادري ليش للحين السبب مجهووووول

 

[Diana *]

حبيبتي لبسي شي حلو و بسيط ولا تبالغين بالمكياج
إذا انت قصيره لا تلبسين طويل لبسي شي فوق الركبة بشويه

 

[ام @ضحاوي@]

لبسي بدله كيوت ومعاها مكياااج خفيييييف حيييل

 

[أحبج يمه]

لبسي نفنوف بسيط وناعم وحطي مكياج خفيف لا تكثرين يعني خليج نعومة كثر ما تقدرين ولاتلبسين عدسات خليج طبيعية وشعرج خليه ستريت لأن الناس تحب لمن تخطب تشوف البنت على طبيعتها

والله يوفقج ويكتب لج اللي فيه الخير حبيبتي
وبشرينا عنج

 

[الغنج والدلع]

شوفي حبيبتي لبسي نفنوف ناعم واذا انتي قصيره لبسي نفنوف طويل بس دراعه اتوقع مو حلو كلش جنج عيوز وفلي شعرج وميك اب ناعم مو وايد خلج سمبل وسلمي وطلعي ع طول والله يوفقج حبيبتي ​