ّّّّّّّ""""بسافر وبكتب وصيتي عندكم!!!!!!!!!

[ودااع]

مرحبا خواتي وحبيباتي كويتيات كنتن خير صديق لي عند ضيقي واسال الله ان يفرج كرباتكن ويرزقكن من حيث لاتحتسبن وان يهدي ضالكن ويحفظ اهاليكن ويرحم موتاكن /////////

انا بسافر بكره للعمره ومشتاقه لها من زمان والحمدلله ربي يسرها لي بس بوصيكم تسامحوني اذا غلطت على احد وتذكروني بالخير انا عندي احساس اني بموت قريب وهذا الاحساس يجيني احيانا اذا بسافر والاحتياط واجب وارجوكم تدعون لي اذا صار لي شي ادري بتقولون شلون تعرفون طبعا اذا رجعت ببلغكم واذا مارجعت انا كاتبه وصيتي وبعطيها اختي وبكتب فيها اذا صار لي شي بلغي خواتي كويتيات وبعطيها النك تدخل فيه ادري يمكن تمر عليها شهور ماتفكر تدخل النت بس اذا افتحت وصيتي بتنفذها خصوصا انها تعرف مكانتكم ومنتداكم عندي انتم اللي لما اكون متضايقه تونسوني بسوالفكم وانتم ماتعرفوني بس يشهد علي الله مااحب الا هالمنتدى وبوصيكم على اختي حبيبتي الوحيده تواسونها وتحاولون تخففون عنها ادري بتقولون شلون بس هذا الشي اللي نفسي اكتبه اااه ياختي مادري شلون بتعيش بعدي وامي الغاليه فديتها واخواني ربي يحفظهم لامي ولنا مدري شقول بس هالاحساس ملازمني خصوصا بعد وفاة كثير من قريباتي واقاربي صغار بالعمر وماتوا فجأه او لاني اول مره اروح بدون اختي عشان عندها امتحانات قلت باخذ احتياطي الواحد مايضمن عمره وسامحوني اذا طولت عليكم


واللي تبيني ادعيلها انا حاضره تكتب اسمها ودعوتها وانا بجتهد وكل شي على ربي

وماانسى الهدايا اذا تبون كاميرات مكه اختاروا الالوان ههههههههههه

فديتكم يالغوالي*:jbdwjbd:

 

[أإلع ـشق دلع ـهـأإ]

.














تروحين وترجعي بالسلامه ياااااااااااااااااااااااااارب ..


وتقبل الله طاعتج مقدماا .


ولاتقولين هالكلام هذا


ترى شكثر ناااس يحسوون انهم يبون يموتون .. بس كلها وساوس ..

تعوذي من الشيطان وباذن الله ترجعين لنا سالمه مافيج الا العافيه ياااااااااااااارب ..


والله يطول عمرج ع طاعته ويحفظج لاهلج وكل غالي يااااااارب ..


عورتي قلبي والله


وانا ودي كنت اروح العمره .. بس ربي ماكتب ..


ابيج تدعين لي لو ماعليج كلافه ..

ان ربي يتمم خطبتي ع خير ويرضون اهلي فيه ويوفقني معااه ..

























.

 

[ودااع]

نسيت صديقتي اللي خذلتني وجرحتني وعذبتني بفراقها ليت اقدر اعرف اذا جاها خبرموتي هذا اذا جاها وش بتسوي يمكن عادي ويمكن تندم بس وش بعده الندم وعنادها خرب كل شي حلو بينا عالعموم الله يسامحها وييسر امورها وبظل احبها وماراح اكرهها واهديلها هالبيت (على فكره هي نقلت للرياض)

يالرياض شوفي حزينك ضاق بهمومه وفاض

ارسمي الضحكه بعينه يرحم امك يالرياض


واعذروني ازعجتكم بس اعتبروا هذا اخر يوم من عمري وهذي اخر مشاركه تقبلوها

 

[ودااع]

تسلمين يالغاليه(العشق دلعها ) والله يتقبل مني ومنك وييسر لك العمره والله يتمم خطبتك على خير ويوفقك في زواجك والله يجعله زوجا صالح وربي اني كتبت اسمك بالورقه وكتبت دعوتك والله يتقبل دعائي

 

[6moo7a]

لا اله الا الله

عزيزتي فعلا الحرص واجب بس ليش هالفال الشين ؟؟

تروحين وتردين بالسلامة واتمنى ان ذكرتي تدعين لي ان ربي يسهل اموري ويرزقني حسن الخاتمة

ان شاء الله بتروحين وتردين وتترسين المنتدى مواضيع حلوة ومفيدة

وعلى فكرة مو شغلي انا ابي الكاميرا بكل الوانها هاهاهاهاهاهاهاهاهاهاها

وتقبلي مروري عزيزتي وداع

 

[سمو الغلآ]

حبيبتي سمعي بقولج شغله انا قبل لا اسافر حسيت بالاحساس هذا
وحسيت بضيقه مو طبيعه ودقيت ع رفيجتي وقالت لي هذا وساواس واقرى دعاء السفر وماعليج شر ان شاء الله

رووحي حبيبتي ودربالج ع نفسج واقرى الدعاء السفر

وربي يطولنا بعمرج ويخليج لنا ..اللهم امين

 

[~*~الملكة~*~]

تروحين وتردين بالسلامه

 

[غزلان]

تعوذي من ابليس مافيه الا العافيه

 

[ودااع]

حبيباتي الله يخليكم لي ويوفقكم ويرزقكم حسن الخاتمه وكل وحده وصتني ادعيلها ماراح انساها ان شاء الله وبكتبها بورقه

واللي تبي كاميرا بكل الوانها غالي والطلب رخيص عاد تدرين حتى وانا كبيره احبها تحسسني ان الواحد جاي من مكه صحيح ههههههههه

 

[نهى الأحمد]

شلونج ياقلبي



تفائلي بالخير يا قلبي


وان شاءالله تروحين وتردين بالسلامه


ولا تنسينا من دعواتج الطيبه

تعوذي من ابليس واقري المعوذات يا الغاليه

أختج

نهى

 

[ودااع]

يسلمك ربي يالغلا( نهى الاحمد) وربي احبك وان شاء الله ارجعلكم بالسلامه والله يوفقك بالدنيا والاخره

 

[الفدنه]

تروحين وتردين بالسلامه حبيبتي
تقبل الله طاعتج مقدما
تفائلوا بالخبر تجدوه
والله يردج لاهلج سالمه غانمه يارب وبلا هالفال الاقشر ترى مو رايحه حرب

 

[جوزائيه مغروره]

لج طوله العمر ان شاء الله

وتروحين وتردين بالف سلامه يارب

ولا تقولين جذي الاعمار بيد الله

 

[نيولوفر]

تروحين وتردين بالسلامه حبيبتي
تقبل الله طاعتج مقدما

و تعوذي م ابليس حبيبتي هذه مجرد افكار تروح و ترد

بس اختي ابيج تدعين لأخوي مريض حيييييل و هو حاليا بمستشفى مكي جمعه ابيج تدعين بالشفاء له و لأمي و ابوي و جزاااااااااااج الله خير

 

[ودااع]

حياتي والله ربي يخليكم لي ماقصرتوا

اختي نيولوفر الله يشفي اخوك ويطول بعمر والديك بدعيله ان شاء الله

 

[وسن 11]

ان شاءالله تروحين وتردين بالسلامه


ولا تنسينا من دعواتج الطيبه

تعوذي من ابليس واقري المعوذات يا الغاليه

 

[هــدوء]

تروحين وتردين بالسلامه

 

[أمواج البحر]

شنو هالتشاؤوم من الحياة!!!!!!

صحيح الموت حق بس مو لهالدرجه

الرسول عليه افضل الصلاة والسلام دعانا حق التفاؤل

صج جيل هالوقت عايش وحاصر نفسه بالتشاؤم

مادري ليش دايما تفكرون بالموت والفراق والهم والحزن والبجي

ويييين حسن ظنج بالله؟!

الرسول عليه الصلاة والسلام على كثر اعداءه والحروب اللي يدشها الا انه كان يتفاااااءل ويحسن الظن بالله

فالرسول صلى الله عليه وسلم من صفاته التفاؤل، وكان يحب الفأل ويكره التشاؤم،

ففي الحديث الصحيح عن أنس رضي الله عنه عن النبي صلى الله عليه وسلم قال :

( لا عدوى ولا طيرة، ويعجبني الفأل الصالح: الكلمة الحسنة ) متفق عليه.والطيرة هي التشاؤم

ومنها تفاؤله صلى الله عليه وسلم وهو في الغار مع صاحبه، والكفار على باب الغار وقد أعمى الله أبصارهم

فعن أنس عن أبي بكر رضي الله عنه قال :

( كنت مع النبي صلى الله عليه وسلم في الغار، فرفعت رأسي، فإذا أنا بأقدام القوم، فقلت: يا نبي الله لو أن بعضهم طأطأ بصره رآنا،

قال: اسكت يا أبا بكر، اثنان الله ثالثهما ) متفق عليه

ياااازينه من تفاؤل ويازينه من حسن ظن بالله

انتي رايحه عمره وعباده رايحه تقابلين الله وتشوفين بيته ... تروحين وانتي كلج حزن وتشاؤم وكآبه!!!!

عذريني قسيت عليج بالرد بس لاني جدااااااااااااا ما احب صفة التشاؤم

وتروحين وترجعين بالسلامه يارب