ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

[عمرى شقا]

ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

_



موضوعي هذا هو كلمة حق و شهادة انصاف للمراه الكويتيه
سواء العامله او ربة المنزل على حد سواء ...

نحن نعلم انه في الفتره الأخيره و مع تطور المجتمع و التحاق عدد كبير من النساء بالعمل
قي وزارات الدوله .. اصبح للنساء الكويتيات شأن و قوه ودور مؤثر في المجتمع الكويتي ..
هذآ بالنسبه للعاملات منهم ...

و حتى ربات البيوت اصبح دورهم لا يقل اهميه عن دور المرأه العامله , و صارت المرأه
في مجتمعنا الكويتي و هذا ملاحظ جدآ و ظآهر للعيان , هي مسؤوله مسؤوليه تامه و كامله عن الأسره
و متطلبات الأبناء , و احتياجات البيت و الزوج ايضآ

تساهم في مساعدة الزوج في مصاريف البيت , نجدها في كل مكان
بالجمعيه : تقضي احتياجات اسرتها , في السوق والمجمعات التجاريه : تبحث عن كل ماهو جديد لأبنائها .. تنهض منذ ساعات الفجر الأولى .. تجهزهم للذهاب لمدارسهم .. و تأخذ بأيديهم و تذهب بكل واحد منهم إلى مدرسته و ترجعهم ايضآ , وتحرص على مستواهم الدراسي , تذهب بهم إلى المستشفيات و العيادات إذآ مآ أحسو بالمرض و حدث أمر ما لهم ..
تتجول بهم وتتنزه معهم وتدخل الفرحه إلى قلوبهم , توجههم تنصحهم تتابعهم وترشدهم أين ما ذهبوا .. و تكون على اتصال دائم بمن حولهم من مدارس ومدرسين واصدقاء يرافقونهم
توفر لهم كل ما يحتاجونه من متطلبات الحياه ..
هذا غير دورها الكبير الذي تقوم فيه باإهتمام بالبيت و الخدم و الزوج نفسه
نقدر نقول ان المرأه الكويتيه super women

> قادره انها تتحمل مسؤوليه الأسره والأبناء و المنزل .. احيانآ لوحدها مع وجود الزوج اللي
احيانآ يكون دوره شرفي بس ..
لأنه يعلم أنهآ على قدر المسؤوليه و بأستطاعتهاا أنها تحل محله

لذآلك( تحية تقدير و احترام و موده لأخوآتي الكويتيات اللي فعلآ أثبتوا قوة و كفاءة و تحمل المرأه الكويتيه )..

 

[اخت واختها]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

اى صح

طلعي الصبح وشوفي الشوارع تحسين جنج بمدينة حريم الرياييل ينعدون على الاصابع p:

موفقين كلنا

مشكوره على الموضوع

 

[بـنـت مـكـة]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

الله يبارك فيكم كلكم يااارب ..

انا سعوودية وما أقدر احكم منو اللي يتحمل أكثر ..؟

بس ليش عندكم المرأه هي اللي تجيب المونة من الجمعية ؟؟.. وتودي عيالها وتجيبهم هذي الشغلات على الرجال أكثر شيء ..؟

على العموم الله يبارك لكم في صحكتم ويخلي لكم احبابكم ..

وعلى عيني وراسي والله بنات الكويت اخووااتنا ..

وقفة احترام لكم

 

[الباحثات عن الجمال]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

( تحية تقدير و احترام و موده لأخوآتي الكويتيات اللي فعلآ أثبتوا قوة و كفاءة و تحمل المرأه الكويتيه ).
مشكوره على الموضوع.

 

[بسمتي]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

صح كلامج حتى في وجود الخدم 00لكن ما زالت الأم لها دور كبير في المجتمع
نلاحظ تواجد النساء مع اولادهم
في
* اجتماعات أولياء الأمور في المدارس
* مراجعات المستشفيات
* الترويح عن الأولاد
*في المجمعات والمولات
*عند مواقف السيارات في المدارس
*0000أشياء لاتحصى

أكن كل احترامي لبنات ديرتي الكويتيات

 

[أميرة-]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

والله حبيبتي السنعه سنعه والرفله رفله .. مو كل الكويتيات super woman

والله انا مدرسه واشوف وليات امر مايدرون عن عيالهم كل شي يسونه الخدم تلبس وتوكل وتنوم وتعطي الدوا وتدرس مو باقي الا تحمل وتولد وتلقين بعضهم الام ما تشتغل بس تترزرز عروس وطلعت وسوقه .. يعني الزين والشين بكل مكان مو حكر على دولة

 

[**فراولة**]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

تحية تقدير و احترام و موده لأخوآتي الكويتيات اللي فعلآ أثبتوا قوة و كفاءة و تحمل المرأه الكويتيه ..



يعطيج العافية

 

[زين الوصايا]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

الحمد لله على نعمة الإسلام
اولا:
السنعه سنعه والرفله رفله
مثل ماقالت اختي الكريمه
وانا مأيدتها ......
تقبلي مروري
وتحياتي
زين الوصايا
وهذا راي

 

[عمرى شقا]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

والله حبايبى هذا رايكم ...... واذا فيه نسبه ممكن تكون قليله ولكن الأغلبيه

من الكويتيات شايلين بيوتهم واعيالهم حتى القروض بعض الموظفات ياخذونها

بالتضامن مع ازواجهم لبناء وشراء بيوت لأسرهم .... حتى اللى موموظفه

تسوق سياره وتراكض ورا عيالها و تسنع بيتها تروح للحموله وتوجب

الناس وتحضر المناسبات فوق ماهى شايله هم البيت والزوج ..........

يعنى الكويتيه شايله 80% من مسئولية الأسره ةهذا شى واضح وما تغطيه

الشمس وكلامكم فيه انتقاص لمكانة المرأه الكويتيه والنماذج اللى تكلمون عنها

فئه قليله بمجتمعنا ولاتنقص من دور الكويتيات المشرف ......

اللى تقوم فيه ولا اشتكت واعتبرته واجب عكس اغلب النساء الخليجيات

اللى الزوج قايم بكل شأن وأمر من أمور حياتهم وفوق هذا مدللات ومدلعات

 

[فوشيه كويتيه]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

انآ معآج

 

[سحـآبة مطر✿]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

كلـآمج 100%

آللـه يحفظ آلكويتيـآت . .

 

[ROoONY]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

يعطيهم العافية

بنات ديرتي قدها وقدوود

 

[::كيك وعسل::]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

مشكوره حبيبتي

 

[حلمي بر أبنائي]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

والنعم والله بالكويت والكويتيات ,, بس والله هالظاهرة منتشرة حتى عندنا

المرأة اللي تسوي كل شي وهو قاعد وما درى عن هوى داره ,, ويتشرط بعد

ليه اليوم مافيه خضار على الغدا ؟ ليه ماجبتوا موز مع الفاكهة ؟ ,,

ولا أحيانا يتصل عليك وأنت بالدوام ويقول ترى الولد تعبان وديه الدكتور...

الله بس يرحمنا برحمته ....

الله يعينكم وتبقون ذخر لديرتكم وعيالكم .....

 

[Čut!e Quèéи]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

والنعم بالكل
المرأه الكويتيه مسلط عليها الضوء
لانهم اكثر نساء الخليج منفتحين و عاميلات في الدوله
شكرا لج

 

[عبق الزهور]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

كلامج صحيح بس هم فيه فئه قليلة ماتدري عن هوا دارها

وتحية تقدير للمرأه الكويتية :eh_s(17):

 

[برنسيسة الشمال]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

الله يعطيج العافيه على التشجيع الحلو


بس لي وجهة نظر بسيطه

علما اني سعوديه وعايشه بالكويت
الحريم هني معطين وجه للرجال ومو عاجبهم بعد

يعني ليش المرأه تخلي الرجال يعتمد عليها بكل شي الجهال الطبيب الجمعيه كل شي


مستحيل اذا تسوي كل هاذا بتكون موفقه بكل شي مستحيييل
الحياه مشاركه وانتو تعطون الرجال الضو الاخضر وتالي كل شي عليج


انا زوجي كويتي واعتمد عليه بكل شي متفرغه لعيالي وتربيتهم ودروسهم ومافي وقت اجابل عمري
ةحمواتي يحسدوني على هالوضع يقولونًليتنا مثلج وماتعودوا



وبالاخير كلن الله خلقه بتحمل
طاقه معينه


والله يوفق الجميع

 

[برنسيسة الشمال]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

ومره رحت مدرسه بنتي باخذ طبيه الصبح
ولا بنت تبجي
تقولها الابله شفيج قالت ابروح البيت تعبانه

قالتلها ليش ماقلتي لا مج تعبانه قالت امي نايمه
قالت اجل من لبسج قالت الخدامه ومن جابج قالت الخدامه


انجنت الناظره وقالت كثرانات الامهات اللي جذي الله المستعان
يعني يامسوؤليه كامله او ولا شي

الله يعين

 

[عمرى شقا]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

حياكم الله حبايبى وماقصرتوا وعطرتوا الموضوع بردودكم الطيبه

 

[عمرى شقا]

رد: ڪويٺياٺ من أڪفأ نسآء الخليج وأڪثرهم ٺحمل للمسؤوڵيـﮧ • «

كلامج صحيح بس هم فيه فئه قليلة ماتدري عن هوا دارها

وتحية تقدير للمرأه الكويتية :eh_s(17):

جزاج الله خير ..... وفعلا الكويتيات يستحقون التقدير والإحترام

ومستغربه من رد فعل بعض الأخوات اللى لايرون سوى الجانب السلبى

واللى قد يكون نسبه بسيطه جدا ويعممونه على الأغلبيه من النساء الكويتيات

وكأنهم يستكثرون لوكلمه بسيطه فى حق بنت بلدهم .... اللى أحب أقولهم

راجعوا أحداث الغزو وأقرؤا عن دورنا وعن شهيدات الكويت وأدوارهم البطوليه

دول الآن قامت فيها ثورات وقتل وتنكيل ولم نرى دور لنسائهم على كثرة عدد سكانها

ونسائها .. واحنا بالكويت النساء يوم الغزو على قلة عددنا كان دورنا واضح

وبين مثل دور الرجل وأكثر ولم ترهبهن الدبابات والأسلحه

وهذا شى بسيط ينبئنا عن مكانة وعظمة المرأه الكويتيه وقوتها فلا تأتى

وحده وتقول فيه وليات أمر مايدرون عن بناتهم ويعممون الشى هذا على الكل

ويحاولون طمس الحقائق والتقليل من شأن أخواتهن اللى مفروض يفتخرن

بهن ,,,,,,,,,


أ