۞۞ الى كل كويتيه .... تحب الكويت تتفضل ۞۞

[حروف]

السلام عليكم ورحمة الله وبركاته

رسالة حب ووفاء الى وطننا الحبيب والى حكومتنا الرشيده

شكرا على الزياده

الموضوع لشكر الوطن اللي مابخل علينا بشي

كنا نحن على الخمسين وعطونا 120 شكرا شكرا من القلب

وعمـــــــــــــــار ياكويت

بعدين خلونا نبتعد عن التذمر الشديد ....... وخلونا نحمد ربنا .... اهم شي ان الله يرضى علينا واحنا بموسم

مطر ولا شفنا قطره

يعلم الله ان ظروفنا مايعلم فيها الا رب العالمين قروض والتزامات بس نفكر ان شلون كنا وشلون صرنا

وطني لو شغلت بالخلد عنه ........نازعتني اليه بالخلد نفسي

الله يحفظ ديرتنا لنا من كل مكروه .... ويوحد قلوبنا على طاعته وعلى حب الكويت وحب بعضنا

وعسى الله يبارك لنا بهالزياده ويطرح فيه البركه

ومبروك لأخوانا الوافدين وعليهم بالعافيه​

 

[^وجد قلبي^]

بيطفون عيون الوافدين للووول عطوهم حالهم من حالنااا

الحمدالله على كل حال ...

شكرااا لشيخ صـــــــــــباح وشكراا ياكويــــــــــــــــــــــــت

 

[حروف]

شكرا ياغاليتي على مرورج الاكثر من رائع

وفعلا شكرا للكويت وشكرا لبابا صباح والله لا يغير علينا

 

[العود الأزرق]

أولا :الحمد لله الذي بنعمته تتم الصالحات

الحمد لله على الزياده ثم الشكر لسمو الأمير الذي قدر ظروف الناس وراعى أحوالهم

اللهم احفظ الكويت وشعبها من كل مكروه

 

[حروف]

مرحبا العود الازرق

كلامج صح اللهم آمين

وكلمة الحق لازم نقولها

شكرا لمرورج الراقي

 

[atooma]

الحمدلله على الزياده وان شاء الله نصرفها بالخير


بس للامانه حز بنفسي بعض الموظفات اللي معاااي بس سمعوا ان الزياده اشملت الوافدين قعدوا يدعون عليهم


حرااام ومايجوز هالشي ربج هو اللي يقسم الارزاق يحسدون هالناس عالزياده


وبعدين الزياده اشملت الكل عالاقل يخف الحسد شوي


والله يا اختي اليوم يقولون ليش يعطونهم خمسين جان ضافوها على زيادتنا


واخيرا الف الف الف مبرووووووووووك عالزيااااااده 120 تسوي اشيااااء


وعسى ربي يحفظ الكويت واهلها من كل مكرووووه

ويديم علينا نعمه الخير والصحه

ويبعد عنا كل مكرووووه وعين حااااسده​

 

[ii DareeN ii]

مشكوره اختي على طرحج الراقي

 

[حروف]

atooma
حياج الله يالغاليه ....... شرفني مرورج واسعدني

الحمد لله وعسى نصرفها بالعافيه

وكلامج صحيح ..... تدرين شنو مشكلتنا ان بعض الكويتين فيهم مرض الحســــــــــد ....... رسولنا يقول فيما معناه

ولا تحاسدوا ولا تباغضوا

الحين اعوذ بالله مافرحوا ب120 لا إحسدوا الوافدين على خمسين اعوذ بالله

احنا مسلمين ماادري ليش جذيه


المفروض ماننكر المعروف ....... بعض هالوافدين قامت الكويت على اكتافهم اهم اللي علمونا وعالجونا

وبنوا بيوتنا

مااقول اللهم لا تؤاخذنا بما فعله السفهاء منا

 

[حروف]

ii DareeN ii

مرحبا فيح

الراقي هو مرورج وتشريفج لي يالغاليه

 

[нάγoηά cнεмίsтяγ]

تـرى البعـض مو حـآسين بنعمة الديـره اللي اهمـآ فيهـآ .. ما تحس بالـشي الا لمه تفقـده وانشالله محد يفقد النعمـه بس حطـوا مكـآنكم مـكآن المسـاكين والفقـآرا اللي مو لاقيـن ياكلــــون .. الحمدلله والله على كل نعمه إحنـا فيهآ وعليهم بالعآفيـه الوافديـن انا الحمدلله مادعيـت على احد ولا حآسدتهم بس قلـت لو فكـروا يزيدون الإعـآنـآت حق طلاب وطالبات الكويت مثل ما فكروا بالوافدين وترآ هذا مو لأني حاسدتهم بالعكس زين سـووا عشـان لا يحسدونـآ ويحسون بنقص بس ودي الخيـر يعم الكل وبعـدين كلهآ خمسيـن عيب نحسدهم عليهآ .. يعطيـج العآفيـه حبيبتي والله كلامج يحسسنـا بالنعمـة اللي احنـا فيهآ ويوقـف طمعنـآ عند حده .. تسـلمين ..

 

[fnoora]

الف مبروك الزياده

والحمدلله على الامن والامان

والله يحفظ ديرتنا الغاليه


الله يحفظ ديرتنا لنا من كل مكروه .... ويوحد قلوبنا على طاعته وعلى حب الكويت وحب بعضنا

اللهم امين

 

[*سوسو ستار*]

كل دول الخليج زادوا رواتب مواطنيهم فقط ولا فكروا انهم يزيدون الوافدين ..شمعنى إحنآ !!


ليش ماصرنا مثل الامارات ماشاء الله عليهم زادوا رواتبهم 70% يعني دبل دبلات زيادتنا البسيطه !!



هالزيآده رآح تقآبلهآ زيآده بالآسعآر يعني بتطلع الزيآده من عيوننآ !!



بس يللآ


العــــــــوض ولآ القطيعــــــــهــ



ومشكوريـــــــــــن يآ حكومتنآ الرشيــــــــــدهـ


وحفظ الله الكويت وشعبهآ من عيوووون الحآسدين

 

[مرت ريلي]

اي والله يعطيهم ويعطيج العافية
وعساكم عالقوة انشالله

 

[حروف]

Haya_86

شرفني مرورج يالغاليه ...... الله يديم نعمته علينا

 

[حروف]

fnoora

هلا يالغالية .........

اللهــــــــــم آميـــــــــــن....... يحفظ ديرتنا ويوحد قلوبنا

 

[حروف]

*سوسو ستار*

مشكوره على مرورج لموضوعي


بالنسبه للوافدين يابنت الحلال انتي شعليج فيهم

الرزق من الله مو من الناس الله كاتبلهم هالرزق

مايصير احنا نقول هالكلام .... حب لاخيك ماتحب لنفسك

وبالنسبه لدول الخليج ظروفنا غير ظروفهم ورواتبنا غير رواتبهم


اهم شي نحمد الله على النعمه لا ن النعمه زواله .

اتمنى ماتزعلين من كلامي انا اكلمج من قلبي ماابي احد ياخذ عليج مأخذ

احنا معانا خوات هنيه بالمنتدى من الوافدين مو حلوه يقرون هالكلام

 

[حروف]

مرت ريلي

مرحبا فيج ..... وعسى الله يعافيج

 

[aBoOoRa]

الحمدالله على كل حال

 

[& شهد &]

يا بعد عمري قلتي اللي بقلبي والله

الله يعز الكويت امير وحكومه وشعب

والوافدين همن مثلنا يعانون من الغلاء

 

[Om_RayooMa]

الحمدلله على كل حال
ديرتنا تعطينا ما تعطينا
نحبها ونموت فيها
وشكرا لج اختي