بجدد للفـراق الوصـل , وامحـي للوصـال : فـراق
على شـان الطريـق اللـي مشينـا فيـه , واشقانـا
واعيد البرمجـه نحـوك , واثبّـت بالدمـاغ اطبـاق
عساها تبثّـك بقلبـي , وتسقـط مـن بـك اعمانـا
حبيبـي , والحيـا دامـه منعنـي نطقهـا لانـسـاق
تراني الحين سقت الشـوق لجلـك والنـوى اغرانـا
حبيبي , مالدّموع اللي جـرت فـي وجنتنـي تنطـاق
حبيبـي , وانـه كدّرنـا غيـاب , الوصـل ارضانـا
هو اللي فعلاً ارضانا , ومـن غيـره حكـم باخـلاق؟
زرع فـي راحتـي ريحـة عطـورك ثمّـن اعيـانـا
بعد , شهرين , مدري فصل , مدري عام , منهو فاق ؟
بعد جرحين مدري ؟ ذبح ؟ مـدري دفـن ؟ ينصانـا ؟
وانا اللي ما نخيتـه يـوم ينحـت صورتـك باعمـاق
خفوقي , ثـم يـذّل نبضـي علـى شوفـك بفرقانـا
ولا الصدفه رجيـت انهـا تجيـب وتبعـدك واشتـاق
لاماكنـا , وورد احمـر , وطـوفٍ كــان يقـرانـا
حبيبي , حاء : حتى الحب حـد الحـل حيـن احـراق
ببـاء : البـاب بيـن البيـن , بـدرٍ بيدكـم بانـا !!
ويا : يا يا ,, يصوت اليم يوم اهـل اليميـن اشـراق
يكـم يدعـون جعـل الله يقـرّب بيننـا , وآنــا !!
(بباء : الباب بين البيـن ) دمعـي لوصلنـا رقـراق
ويا : يانته ترى انت آنا ! , وآنا انته هـل انسانـا ؟؟
حبيبي كيف ؟ فسّرها قبـل مـا يْقيـل منهـو راق ؟!
وفسّـر معضـلات الوصـل اللـي بحـلـم دنيـانـا
صحيح انه فراق اسمه ؟ حبيبي قول : هـو فـراق ؟
حبيبي لـو تجـي وتقولهـا ! باتبقـى فـحنايانـا !!
