بعض العرب حبة يـوردك الجنـون*
ولا يوصف له غـلاة حكـاك لـه*
مايقنعه وسط الغلا لـو وش يكـون*
لو كل حرف بالحريـر يحـاك لـه*
الموت جاك وهـو تقلبـة الضنـون
ولا لك الا الصبـر وش وداك لـه*
ان قلت ضايق قال هونهـا تهـون
مايدري ان ضيقتك له وبكـاك لـه*
تقعد تحبه وانـت ساكـت ومغبـون*
يمكـن بيـوم يقـال مااوفـاك لـه*
وكانك مشكك هم يمون او ما يمـون
تخيل ان عفت الصبر فرقـاك لـه*
غلا ومن فوق الغـلا ماهـوب دون*
حكاه سمعك يجبـرك بأرخـاك لـه*
ودك تحطه في العيون من العيـون
وتبسط على رمضا الثرى يمناك لـه*
وتظله من الشمس في ظل الجفـون*
ولا يمـر اذنـه سـوى لبـاك لـه*
وتسج من غيره لو انهـم يذكـرون*
ومنين ماسجت القـدم ممشـاك لـه*
غرو يميله الترف ميـل الغصـون*
غصنً ميال ومكرمـه باسقـاك لـه*
جديله الى اقفى ستر منـه المتـون
كني بريحه لاألتفـت لأدعـاك لـه*
كيك وعسل لكن ماهو في صحـون*
ودعاك من عين الحسود غطاك لـه*
الله لايعطـيـه نــاسً ينضـلـون*
ويستر علية مـن النحـل لا ياكلـه*
الوصف والتعبير في وصفه يهـون*
غير اطلب الله يستجيب دعـاك لـه*
وعذال قلبـك فـي محبتـه يهبـون*
سكينهم عـن قطـع حبلـه حاكلـه*
ناس عن اعراض العرب مايعرضون
ودايم على نفس الشكـل والشاكلـه*
اللـي مـن لحـوم الاوادم ياكلـون*
وحلوقهـم دفـع البـلاء متواكـلـه*
في سلمهم اولى بالاكـل الاقربـون*
واطيبهم اللي صيدتـه شكـواك لـه*
عازمهم الشيطـان للذنـب ويجـون*
هـذا يقطـع لــه وذاك يواكـلـه*
ياجعلهم فدوة ثـر الغـض الفتـون*
اللي على الدرب الطويل خطاك لـه*
طيفه الى نام البشـر زارك بهـون*
وطيفك الى نام البشـر سـراك لـه*
حبه دفان ومقبرة خضـر الطعـون*
بين العظـام العـوج كنـك ناكلـه*
اللي كذا حبه لـو تمـوت مغبـون*
ولا لك الا الصبـر وش وداك له
