ياعل قلب ماشكا الحب والتاع
تنهار من فوقه محاني ضلوعه
ياما نهيت القلب لاشك ماطاع
ماطاع يدله والليالي تلوعه
أثر المولع دمعته تجرح القاع
وإلى ذكر مافات هلت دموعه
ღ♥ღ ღ♥ღ
حرام أشوف الدمع .. يملي عيونك
يامالي قلبي من الحب ... وشفيك
تقول حظك ياحياتي ... يخونك
وش قولتي في حظي اللي غدر فيك
ترى شجوني زودتها ... شجونك
خذ قلبي ... العب به لعله يسليك
ღ♥ღ ღ♥ღ
شف بعد فرقاك وش كثر عشاقي
من على خبرك أنا أعشق مية مره
اكتشفت ان الهوى اللي لعشاقي
كان كذبه وكنت احبك مية مره
ღ♥ღ ღ♥ღ
توادعنا وودعنا المكان وحارت الاقدام
ولا ملت شفاه افواهنا ترديد اسامينا
ايلين الدمع طاح وطاح معه الشال والبسام
ياليتك تدرى بذيك الدقايق وش حصل فينا
ღ♥ღ ღ♥ღ
ياعيوني خاطبي دمعة عيونـه
جاوبيها خففـي ثـورة ظنونـه
حاولي تنسين نفسك لو دقيقـه
مايبي منك سوى نضره حنونـه
لاحظي الدمعات تحكي عن عذابه
لاحظيها كل مـا طبّـق جفونـه
ودّه يحكي ويتكلم عـن غرامـه
ومن حيا يخاف تعبيـره يخونـه
ღ♥ღ ღ♥ღ
أصد عنه وظـني انه يـجيني !!
وأشوف طيفه أحسب الشوق جابه
وأقول جاني سـيدي نور عـيني ا
ثره حنيني راسم ٍ لي سـرابه
ღ♥ღ ღ♥ღ
(( بعدك )) ذبح فيني مفاهيم الاشواق .....واسقا عروقي الفراق وزرعني
وانا ادري انك تملك احساس واشواق ..... احساسك اللي من عروقي نزعني
وش فيك ماتفهم ؟؟؟؟؟ ترى جد مشتاق سيف الثواني في غيابك طعني
ღ♥ღ ღ♥ღ
الحب ما يسكن قلوب ومحاني
الحب أسمى عاطفة تسكن الروح
يا حبك إلي كل ما أظمى سقاني
سراب لال ودرب مهجور ونزوح
ما اقول منك إللي لفاني كفاني
لاني أحبك هجر وعناد وجروح
إن غبت عني طال عمر الثواني
تقول عمر الثانية من عمر نوح
ღ♥ღ ღ♥ღ
يامشغل القلب بين تحبني ويعني ..
شفني عليك احترق ياسيدي حيره ..
مرات اقول اتركك لا شك يمنعني ..
شي يقول اعذره واقبل معاذيره ..
قلت احتفظ فيك وادري منت نافعني ..
يمكن مع الوقت اقول محبتك خيره !
لا احلى من زعلك بكل الدنيا ياكود رضاك
................ ولا احلى من خطاك الا ارتعاشة عذرك الواهي
ولا احد يشبهك عندي سوى دمعة ضماك وماك
................ وانا في حبك افرق حتى انا ماني من اشباهي !!
