ღ♥ღ قطوة الفالنتااين ღ♥ღ

[ღ Prettyღ♥ღWoman ღ]

قوه بنات اشلووونكم عسااكم بخيييير...:eh_s(17):


هذي طريقة قطوه انا سويتهااا
وطريقتها سهله حيييل ومايبي لهاا شي

أول شي الأدوااات:

جرايد
شريط لاصق(لزااق)
ألوان مائيه
قطعتين قطن
كلينكس
كميه قليله من الجبس او (طحين +نشا ذره+ صمغ الغراء)
ماء

خطوات العمل:
سويت من الجرايد كورتين وحده صغيره و وحده كبيره وعشان اتاكد انهم ما يتبطلوون لفيت عليهم اللزااق
وبعدين ثبتهم مع بعض الصغيره فووق والكبيره تحت

بعدين لفيتهم بجريده ثانيه

وطرف الجريده لفيته مثل الحلاوه ولفيت عليه اللزااق عشان ما يتبطل ويصير ذيل القطوه

عند رقبة القطوه لفيت لزااق عشان اتبين الرقبه

 

[ღ Prettyღ♥ღWoman ღ]

بعدين سويت من الجريده شكل اسطوانين اصغاار للريوول

وثبتهم يم الذيل من تحت ولازم الذيل يكوون بالنص

ومن الجريده سويت مثلثين صغاار عشان يصيرن اذن القطوه
وثبتهم بالمكان الي ابيه براس القطوه لصقتهم بلزااق من جدام الاذن ومن وراهاا عشان اتظل واقفه

ذوبت الجبس وحطيت كلينكس ع القطوه وبالفرشاة قعدت ادهنهااا بالجبس
والجبس مايكوون خفيف ولا ثقيل حييل

وهذا شكل القطوه بعد ما لفيتهاا كلهاا بكلينكس وصبغتها بالجبس وخليتها لين تنشف عدل

بعدين اخترت اللون الوردي ولونت فيه القطوه كلهااا
وبعد ما انشفت القطوه سويت العيووون

غمست القطن بالجبس وثبته بالمكان الي ابيه ونطرت لين تنشف

​

 

[ღ Prettyღ♥ღWoman ღ]

وبقلم اسود رسمت البؤبؤ والخشم والحلج ونقط الشوارب وبكركتر سويت خط صغير ع الخشم يعني لمعه

وهذي القطوه بشكلهااا النهااائي

هاا شرايكم بنااات انشالله اعجبتكم ....

[media]http://song2play.com/play/song_118918.asx[/media]

​

 

[سحيله_الحلوه]

ماشالله خوش شغل
تسلم ايدج

 

[keeka]

نايس خوش شغل حلو بعد تسوينه مع اليهال يحبوون هالسوالف

 

[فن وذوق]

شغلج يهبل ماشاء الله
تسلم ايدينج

 

[.]

نايس ..

تسلم ايدج..

 

[الـــحـ دبدوب ــب]

حدها تشوق

تسلم ايدج حبوبه

 

[زلابيا]

تسلم ايدياتج

شحلاتها القطوه ..

 

[أغلى حبيبه]

تسلم الايدي

رووووووعه ماشاءالله