.ღ. حــمــلــه لــنــرتــقـــي .ღ.

[beauty]

السلام عليكم ورحمه الله وبركاته​

.ღ. حـمـلـه لــنــرتــقــي .ღ. ​

الهدف منها ان نطور من اسلوبنا ونبتعد عن المجاملات
​

للاسف في ردود بس مدح بالصور مو معنى كلامي مانثني ع المصوره ونشجعها بالعكس
لكن مو كل ردودنا مدح ونبتعد عن التوجيه والنصايح ...
​

والمصوره اللي تحب تطور من تصويرها تتقبل النقد برحابه صدر ... ومن محبتنا لبعض من واجبنا ننصح ونشجع بعض
​

اتمنى الكل يشارك في الحمله
لان هدفها ... نــرتــقــي ​

نرتقي ... باسلوبنا
نرتقي ... بعملنا
نرتقي ... بابداعنا​

وبالتوفيق لكل مصوراتنا ​

 

[No0oNh]

مشكوره ويعطيج ألف عافيه عالموضووع الروعه الصراحه ,, فعلا في ردود وايد فيها نوع من المجاملة ,, والبعض يتغاضى عن عيوب الصوره ويبخل بالنصايح الي ممكن تكون صعبه بالبدايه ولكن مع الوقت بتحسن من الأداء كون البنات بالقسم وأنا منهم طبعا مبتدئات ,, أنا معاج يا بيوتي وأنا دايما أعطي نصايح وأشكر وأشجع وأتمنى الكل يسوي جذي علشان نطور من بعض ويصير مستوانا أفضل ,, وأنا ما أزعل اذا أحد أنتقدني بالعكس يمكن ينبهني على شغلات أنا ما كنت ملاحظتها ,, وأحيانا أكون أنا مقتنعه ولي نظرتي بالشي الي سويته لكن هالحالات بسيطه جدا ,, خلونا نساعد بعض ونطور بعض ومثل ما قالت بيوتي لنرتقي

 

[beauty]

العفوووو حياتي ... كل اللي اتمناه ان مستوانا يتحسن ونصير محترفات يااارب

آنا استغرب من اللي يزعل من النقد ... آنا افرح بالنقد لان هذا دليل ان هذا الشخص مهتم ويبيلي الخير وفي ملاحظات استفدت منها ومرات تنبهوني لاشياء مانتبهت لها مثل الاهتزاز

 

[PHOTO♥BOOTH]

هذا اللي مفرووووض يصير
يعطيييييييج العافيه
انا معاكم

 

[beauty]

الله يعافيج حياتي

 

[الشيخه شيخه]

خوووووووووووووش موووووضوووووع
وحلوووو ان الواحد يستفيد من الثاني
وحلوووو انه يسمع راي او نقد من ثاني
وانشالله الكل يستفيد من هذا الموووووضوووووووع

 

[SoSoWaa]

يعطيييييج العااافيه

و كلامج صح

انشالله كلنا نشارك بهالحمله

و بالعكس انا اتقبل النقد لأن صج ابي اتطوور ويكوون عندي معلوومات اكثر

و نقدكم هذا بنّاء مو هدّام

بالعكس احنا نتعلم من تجاربنا و اذا احد نقدنا يعني احنا غلطنا بشي و المره اليايه نحاول نصلحه و مانعييده


يعطييج العافيه

اتمنى فهمتو كلامي Pp= لووووول

 

[جاي وحليب]

beauty

من ارقى واحلى الحملات اللي مرت علي
اهداف واضحه ومفيده للكل..
حمله جميله والكل محتاج لما ذكر فيها
لنرقى ونرتقي.. محتاجين للردود المفيده
النقاد البناء.. الملاحظات المهمه

للتطور بمستوانا وعطاءنا....
يعطيج الف عافيه حبيبتي وشكرا على الفكره الراقيه
اتمنى من الكل التقيد فيها لنحصل على قسم ومواضيع
على مستوى عالي ونفخر فيها جميعاً...

 

[aBoOoRa]

يعطيج العافيه بيوتي


لان النقد اهي الي يبني الموهبه


اذا الواحد كل شي عنده حلوو عيل شلون نتعلم


حلو ان نبدي بالشيء الجميل ثم ننتقل للاخطاء

 

[a7la tooota]

أنا معاج قلبا وقالبا ,, وصج انه فيه بنات يزعلوون من الصراحه والنقد البناء بس كل هذا لمصلحتهم وعلشان مستواهم يتطور ,,

أنا من أول مامسكت الكاميرا وصورت ونزلت صوري بالمنتدى كان هدفي الأول والأخير أشوف أغلاط الصوره علشان أتفاداها مره ثانيه

و وايد استفدت من نصايحكم وكلامكم ,,

وأتمنى الكل يستفيد بعد ,, ومثل ماقلتي اللي تنتقدني نقد بنااء دليل حبها واهتمامها بتصويري


يعطيج العافيه خووش حمله وياليييت البنات مايجاملوووون بعض

 

[جاي الضحى]

وعليكم السلام ورحمة الله،

أوافقج الراي وأنا معاكم بالحملة.

إلي تبي راي عن الصورة من ناحية تكنيك وجوده تحط صورها بهالقسم إلي تبي العضوات بس يشوفون منظر أو شي معين ويتشكرون بدون تعليق على الصوره نفسها تحط صورها بقسم مكتبة الصور. كل قسم له هدف و إسلوب و طابع و رواد.

قواكم الله. :eh_s(7):​

 

[beauty]

يعطيكم العافيه ع تفاعلكم

اعجبتني كلمتج عبور ... نبدي بالشي الزين بعدين الاخطاء

 

[سمو]

السلام عليكم

اللهم صل على محمد وال محمد


عجبني موضوعج وااايد


وحبيت اضيف شغلة لاحظتها وايد بالردود ... وهي التشجيع على استخدام الفوتوشوب بالتعديل عل الصور ... ومثل ما قالت

اختي beauty ..عشان نترقي بتصويرنا ... انصح البنات ما يستخدمون الفوتوشوب ...علشان تصيرين مصورة محترفه

واغلب المسابقات المحلية والعالميه ..وان شاء الله تشاركون فيها ما تقبل صور معدل بها بالفوتوشوب ...تعلمي عدل على كامرتج وعلى التصوير قبل لا تستخدمين الفوتوشوب على صورج .



وسلامتكم ... ويعطيكم العافيه