₪Ξ_‗بينـــا عشـــــرة عمــــــر.... ₪Ξ_‗

[نهى الأحمد]

..{مدخــــل...

عشرة عمر ما تنسى كلها سرور ..
وشلون ابنسى مامضىلي معاهم..
يبوني ابعد والغلا حيل محفور..​

أخواتي الحبيبات


بعض من الاشخاص في حياتنا

بينا وبينهم عشرة عمر


اشخاص نلاقيهم ويانا عالحلوة والمره

اكو رابط قوي بينا وبينهم

المحبة والاخلاص

عايشناهم في كل مكان وزمان

في منهم يستمرون ويانا ويحافظون على عشرة العمر اللي بينا
في كل زمان ومكان

وفي منهم للأسف عشرة العمر اللي بينا وبينهم ما لها قيمة عندهم
من موقف او خلاف صار
وتبتدي عشرة العمر بالتلاشي


وانا اقول مهما صار خلاف بينهم
لازم نحافظ على عشرة العمر اللي بينا
ومانضيعها لاي سبب كان

عشرة العمر

لو تدققون فيها
رح تلاقون انهم تحمل اجمل واسمى المعاني في الوجود​

عشرة العمر ....


شنو تعنيلج؟؟


وشنو الاسباب اللي ممكن تضيع عشرة العمر ؟؟



بانتظار آراؤكم ومشاركتكم



بقلمي الخاص

اختكم
نهى الأحمد

...مخـرج...}...

في وسط قلب مالة الا رضاهم..
لا مر يوم دونهم كنه أشهور..
تظلم مساحات الفرح من غلاهم..​

 

[aṕriliå]

رد : ₪Ξ_‗بينـــا عشـــــرة عمــــــر.... ₪Ξ_‗

اول شي يعطيج العافية نهوووي ,,

عشرة العمر ....


شنو تعنيلج؟؟
اممم شي صعب اتخلى عنه ,مكمل من مكملات الحياة, شي يكشف لي اشكال الناس ..

وشنو الاسباب اللي ممكن تضيع عشرة العمر ؟؟
اذا كان مستهين بالعشرة فمن اي موقف ممكن ينهي العلاقة ’ اما العكس فبيحاول بصلح ويتغاضى عن الاغلاط ..

 

[أحلى همبه كويتية]

تشكرات قلب :eh_s: على هالموضوع الحلو :edbf4317b9:



عشرة العمر ....


شنو تعنيلج؟؟


شي كبير مو بسهولة تروح وتتلاشى
واكيد السبب يكون قوي ولايحتمل اللي يخلي هالعشرة في طي النسيان




وشنو الاسباب اللي ممكن تضيع عشرة العمر ؟؟


فيه ناس تكون بوجهين بس ما يكشف الوجه الثاني الا الشدة والمواقف الصعبة
اهني تكون الصدمة :bbbiu:

بسرعة يخذلوووووونك ويبعدون عنك حماية لنفسهم مو لج
ويتحرون الأخبار من بعيد لبعيد
وبس تنتهي المشكلة ردوا لج مرة ثانية بالفرح بس لكن بالشدايد بينحاشون ويتعذرون مثل كل مرة


بس اللي فعلا يكون وفي وما ينسى الأيام اللي قضاها وياج على الفرح والحزن
اكيد بيوقف معاك مهما صار

هذا الأنسان ساعتها تحطينه وسط عينك
لأن مافي بالدنيا مثله وايد

ويستاهل عيني احطه له بصحن واقدمها له




العشرهـ ما تهون الا على ابن الحرام

يا طير يا مسافر له وصله هذا الكلام
ميت حبيبك كله والليل ابد ماينـام
يا طير يا مسافر له وصله هذا الكلام
ميت حبيبك كله والليل ابد ماينـام
عشرتنا ما ناسيها كل يوم افكر فيها
عشرتنا ما ناسيها كل لحظة افكر بيها
والعشرة متهون الا على ابن الحرام

طول علي بغيابه وانا موتني الحنين
يا طير من يرضاها ناسيني كل هالسنين
ذبلت الوان ورودي والدمع فاض خدودي
حتى النهار بعيوني بغيابه صاير ظلام
يا طير يا مسافر له وصله هذا الكلام
ميت حبيبك كله والليل ابد ماينـام

والعشرة متهون الا على ابن الحرام

سافر وكلي صبرلي راجعلك انا اكيد
راح وبعد ما جاني خلاني عايش وحيد
يا طير من يرضاها ايامنا ينساها
والعشرة متهون الا على ابن الحرام

 

[ملح و سكر]

..{مدخــــل...

عشرة عمر ما تنسى كلها سرور ..
وشلون ابنسى مامضىلي معاهم..
يبوني ابعد والغلا حيل محفور..​

أخواتي الحبيبات


بعض من الاشخاص في حياتنا

بينا وبينهم عشرة عمر


اشخاص نلاقيهم ويانا عالحلوة والمره

اكو رابط قوي بينا وبينهم

المحبة والاخلاص

عايشناهم في كل مكان وزمان

هلا وغلا نهووى اشلونج

عشرة العمر ....


شنو تعنيلج؟؟

ممممممم عشرة العمر تعنيلى اهى حياتى السابقه .بكل حلوها ومرها ....

وشنو الاسباب اللي ممكن تضيع عشرة العمر ؟؟

الغيره مثلا ....


بانتظار آراؤكم ومشاركتكم



بقلمي الخاص

اختكم
نهى الأحمد

...مخـرج...}...

في وسط قلب مالة الا رضاهم..
لا مر يوم دونهم كنه أشهور..
تظلم مساحات الفرح من غلاهم..​

صح لسانج نهووى

 

[شموع الفرح]

عشرة العمر يعني ناس كلوا وشربوا وعاشوا عمر وياج ويعرفون عنج كل صغيره وكبيره تحسين من غيرهم الحياة مالها معنى هذي عشرة العمر اللي غيرها دخول الشيطان بين الناس والحين بهالزمن احس ما فى ناس تحافظ على عشرة العمر انا وحده اقولج من تجربه ناس وايد كانوا بحياتي واهم من اهلي عشره من احنا صغار بس الحين وينهم ما فى احد ليش بسبة حجي حريم الكل تفرق الله يهدينا ويصلحنا قولوا آمين

 

[iron women]

اختي نهى احب اشكرج على موضوعج الممتاز بالبداية

عشرة عمرة كلمتين تعنى الفترة الزمنية اللي قضيتها مع اى شخص كان

لكن متى يصبح هناك تاثير علينا عند انتهاء تلك العشرة؟ لاي سبب كان

فهناك اشخاص نعاشرهم لسنوات طويلة فلايكون لوجودهم اى تاثير او معنى بحياتنا

وهناك اشخاص تتمنين ان يطول بكي الدهر لمعاشرتهم اكثر فأكثر

بالنسبة لي المسألة تعتمد على الشخوص نفسهم ومدى قوة العلاقة اكثر من الفترة الزمنية اللي اقضيها مع اى شخص لمجرد ان القدر شاء ان يكون في طريقي

الجارة مثلا ممكن انج تعاشرينها سنين وبنين بحكم الجيرة وبنفس الوقت من داخل ما تتقبلينها

وبقرارة نفسج تتمنين اليوم الللي تنتقل فيه من يم بيتكم

الخادمة مثلا ممكن تقعد عندج جم سنة لانج مولاقيا غيرها وتعودتي على بلادتها على مبدا اللي نعرفه احسن من اللي مانعرفه

ولمن تسافر وتيلج خادمه احسن منها راح تفرحين وتقولين الله لايعيد ايام الاولية

فالمسألة بنظري نسبة وتناسب ومرتبطه بالاشخاص

لاكن الطامة الكبرى لو هاذي العشرة هانت على زوج او صديقة او اخت او شخص مقرب جدا اهني راح تكون المشكلة بكيفية
التعامل مع هاذا النكران

وفي اشخاص نتعرف عليهم لفترة بسيطة لاكن نحس بقربهم وتعود عليهم بطريقة قوية

وهم راح ايكون في تاثير نفسي سلبي لو انقلبو علينا لاي سبب من الاسباب

يعطيج العافية


تحياتي لج:aha:

 

[عمرى شقا]

عشرة العمر تلك العلاقه التى لا تهزها العوصف
أو المواقف !!!!!!!

هى الصداقه أو العلاقه التى لا تتغير على مر الزمن
قد تواجهها المصاعب وتتعثر أحيانا
ولكن تبقى واقفه فى وجه الريح
الصداقه هى هى هى هى ............. أن تلتمس العذر للصديق
وتسامحه إذا ماأخطأ مره فى خقك دون قصد
أو زل لسانك بكلمه دون قصد
أن يكون هو أول شخص تفكر به أو يطرأ على بالك
عندما تضيق وتحتار وتكشر الدنيا بأنيابها فى وجهك

 

[هــدوء]

رد : ₪Ξ_‗بينـــا عشـــــرة عمــــــر.... ₪Ξ_‗

الصراحه عشرت العمر تهووون ع الكل الحين

زمن مصالح مافي لارفيجه ولا حبيب

زمن يخوووف كل شي صار مصالح

اكيد بتهون العشره وينسون كل شي بزله

والاسباب ...


الزمن تغير وقلوب البشر صارت حجر



مشكووووووووووووووووووووووووره ياقلبي ع الموضوع

 

[~LiBrA~]

رد : ₪Ξ_‗بينـــا عشـــــرة عمــــــر.... ₪Ξ_‗

تعرفون اكيد المثل(العشره ماتهون الا على ابن الحرام)

خاصه بين المتزوجين لو مهما كانت المشاكل بينهم و يحسون بلحظات انهم يكرهون بعض بس ما ينفصلون لان الي بينهم عشرة عمر بالحلوة والمرة

مايقدرون ينسونها بيوم وليلة


وعشرة العمر مااعتقد تروح مهما كانت الاسباب


يمكن انا عايشه بالاحلام لان صج يمكن ماكو بهالزمن عشره كله مصالح بس اتمنى ان يكون في ناس تقدر هالشي

شاكرتلج

 

[الحــــياة]

ماتدووووووم الا عشرة العمر وصداقة الطفوووووووله


الله يخليلي رفيجتي عشرة عمر من19 سنه

لكن مشاغل الدنيآآ والظروف والدنيآآ اشغلتناا عن بعض صرنا رسمي مناسبات ومن فترة لي فترة من بعد ماكنآآ يوميآآ

لكن مازالت بالنسبه لي اغلى واحب انسانه على قلبي لانهآآ ((عشرة عمر))..

 

[ورد و ريحان]

عشرة العمر شي صعب اي احد يفهم معناه الا الاوفياء ياقلبي
بس وين الوفا بهالزمن
مااقولج الدنيا مافيها وفا بس قليل جدا
وصدقيني العشره ما يهدمها الا شيئين
ياسوء التفاهم سواء بكلمه او موقف
او كلام وثرثره وغالبا تكون من الحريم
والسموحه من كل البنات بس هذا الواقع

 

[شلال إراده]

تسلمين نهى على هالمواضيع
والله عشرة العمر شيء كبير بحياة الإنسان,
والأسباب اللي ممكن تضيعها ممكن تكون لحظة غضب,أوجهل بقيمة الطرف الآخر،وساعات تكون طمع بالدنيا الله يرحم الحال.
بس مهما كان لابد الأنسان يستثمر هالعشره وينميها معاه طول حياته.

 

[شلال إراده]

تسلمين نهى على هالمواضيع
والله عشرة العمر شيء كبير بحياة الإنسان,
والأسباب اللي ممكن تضيعها ممكن تكون لحظة غضب,أوجهل بقيمة الطرف الآخر،وساعات تكون طمع بالدنيا الله يرحم الحال.
بس مهما كان لابد الأنسان يستثمر هالعشره وينميها معاه طول حياته.

 

[happy&single]

عشرة العمر بالنسبة لي عمـــر
عمر لا يمكن ينعاد عمر راح بحلاوته ومرارته
عمر كون شخصيتي والسبة ناس عاشرتهم

كل شخص عاشرناه اهو جزء من شخصيتنا من عمرنا
رضينا ولا ما رضينا هذا الواقع ..

اللي يفرق بين كل اللي عاشرناهم .. ان في ناس الموضوع ماكان عشرة وبس
كان روح بجسدين ومشاعر وحده أحلام وحده أماني وحده
توحدنا معاهم لين صاروا يسكنونا ونسكنهم وما نقدر نخليهم أبد

العشرة لا يمكن نضيعها .. ممكن نفترق نتزاعل الدنيا تغيرنا بس لا بد نجتمع
وان غابوا عنا الذكرى والشوووق يردنا لهم لو بعد فراااق طويــل

الله يجمع كل من افترق على حب وخير يا رب
ولا يفرق لج حبيب ولا عشير يا نهى
تحياتي عزيزتي ...​

 

[سـيـدة آلـمـطـر]

عشرة العمر ....


شنو تعنيلج؟؟
تعنيلي ,, ضحكه ,, دمعه ,, فرحه ,, لمه ,, جمعه ,, روحه ,, رده ,, سفره ,, !
تعنيلي ,, تعاون ,, تكاتف ,, ترابط ,, آيثآر !
تعنيلي ,, آخلآص ,, وفآء ,, صدق ,, آمآنه ,, !
تعني حآضري ومآضي !

وشنو الاسباب اللي ممكن تضيع عشرة العمر ؟؟
تتعدد الاسباب و تختلف من شخص لاخر !
لكن بتكلم عن نفسي ,!
احاول على قد ماقدر اتمسك بالعشره و عشان العشره اتنازل عن اشياء وايد في سبيل اني ما اخسرهم
و كنت دآيمآآ آقول لولا العشر جآآن و جآآن . . !
آفترقت مع شخص عزيز علي اختلفنا و تهاوشنا لكن ما قليت ادبي قلتلها
انتي فيوم كنتِ اخت و حبيبه مستحيل انسى هالشي وانزل مستوى الحوار معاج !
احترام للعشره اللي بينا ما راح ارد عليج !
نآآس تنسى و تقسى !
زمن يجرح !
و وقت يخوف !

,’
آىستمتع بالحوآآرآت ,, خآآصةً بمتصفحآآتج ,, آتشرف بوجودي بين آسطرج
دآآئمـآآآ تتحفينآآ بموآضيعج !
,’
آشكرج ع جمآل آلموضوع ,, لآمس آلوآقع بحذآفيره
,’
دمتِ بنقآء​

 

[يــ عذآبيئ ــآ]

تعنيلي : ..:27d66a9c24b146327bf
شي مهم وغالي وثمين ومافرط فيه .. ومااقول عن اي علاقه عشرة عمر .. صح في علاقات تكون طويله بس موذات اهميه .. و كذلك في علاقات بالعكس .. تكون حيل قويه وعميقه .. العلاقات القويه والعميقه اصحابها اللي ألقاهم معاي بالحزن قبل الفرح .. واذا احتجت نصيحه ينصحوني .. واذا غلطت يوجهوني ومايسكتون على غلطي .. وبالمقابل انا بعد اكون معاهم بكل الظرووف ومانتخلا عن بعض

الاسباب اللي تنهي العشره :.. :eh_s(13):
انا الحمدلله ما اعاشر اي شخص .. والحمدلله اللي احبهم واعزهم حيل وبيننا عشره .. متفاهمين وعارفين اطباع بعض وماتصير بيننا مشاكل .. لان التفاهم من الطرفين .. لكن الاسباب اللي ممكن تنهي العشره لاسمح الله .. اهي الخيانه .. والغدر والنفاق .. وانها تكون جدامي شي ومن وراي شي ثاني .. بس اهم من هذا كله ان لازم الشخص يعررف يعاشر منو ويوخر عن منوو .. عشان ماينصدم بعدين ..

ويعطيج العافيه على الطرح ..

 

[Miss-Madry]

تعنيلي شي كبير

وما تهون علي ..!!

لو مهما تصير سوالف بين الاهل والرفيجآآت

ماتهون علي

واتضايق .. لو صار شي احاول اعدله ..

حيل اتضايق لو ناس بيني وبينهم عشرة عمر ومايقدرونهآ

الله كريم بس يانهاوي ومشكوره ع الجهود ..

 

[علولي]

اختي نهى احب اشكرج على موضوعج الممتاز بالبداية

عشرة عمرة كلمتين تعنى الفترة الزمنية اللي قضيتها مع اى شخص كان

لكن متى يصبح هناك تاثير علينا عند انتهاء تلك العشرة؟ لاي سبب كان

فهناك اشخاص نعاشرهم لسنوات طويلة فلايكون لوجودهم اى تاثير او معنى بحياتنا

وهناك اشخاص تتمنين ان يطول بكي الدهر لمعاشرتهم اكثر فأكثر

بالنسبة لي المسألة تعتمد على الشخوص نفسهم ومدى قوة العلاقة اكثر من الفترة الزمنية اللي اقضيها مع اى شخص لمجرد ان القدر شاء ان يكون في طريقي

الجارة مثلا ممكن انج تعاشرينها سنين وبنين بحكم الجيرة وبنفس الوقت من داخل ما تتقبلينها

وبقرارة نفسج تتمنين اليوم الللي تنتقل فيه من يم بيتكم

الخادمة مثلا ممكن تقعد عندج جم سنة لانج مولاقيا غيرها وتعودتي على بلادتها على مبدا اللي نعرفه احسن من اللي مانعرفه

ولمن تسافر وتيلج خادمه احسن منها راح تفرحين وتقولين الله لايعيد ايام الاولية

فالمسألة بنظري نسبة وتناسب ومرتبطه بالاشخاص

لاكن الطامة الكبرى لو هاذي العشرة هانت على زوج او صديقة او اخت او شخص مقرب جدا اهني راح تكون المشكلة بكيفية
التعامل مع هاذا النكران

وفي اشخاص نتعرف عليهم لفترة بسيطة لاكن نحس بقربهم وتعود عليهم بطريقة قوية

وهم راح ايكون في تاثير نفسي سلبي لو انقلبو علينا لاي سبب من الاسباب

يعطيج العافية


تحياتي لج:aha:

100%

 

[tbola]

رد : ₪Ξ_‗بينـــا عشـــــرة عمــــــر.... ₪Ξ_‗

خوووش موضوووووووع

ومنكوم نستفيييييييد

 

[Čut!e Quèéи]

حبيبتي نهوي يعطيج العافيه على الطرح الحلو

موضوعج وايد حساس ومشاعري تتعب فيه

الصراحه من غير لا اجمل وانسق في طبعي وشخصيتي

بس عمري ما اترك احد من بعد عشره عمر دايماً انفصال العشره تكون من الطرف الثاني

للاسف الحين ماراح يكون في شي اسمه عشره عمر بس صداقات ومعرفه وعلاقه العشره راحت

انا للحين ماعندي الا شخص واحد الي عايشه معاه عشره عمر وقبل سنه اتركتني وحده من بعد عشره عمر

والسبب ؟ تافهه تقول انها تعبتني معاها واني تحملتها وايد طيب انا ما اشتكيت انتي على اي اساس تقررين ؟

هذا يعني في نيتها من زمان

مادري شقول والله اذا الموضوع يلامس مشاعري تتلخبط كل الحروف والكلمات ماقدر اعبر

مشكوره نهووي ولهت عليج وايد