|█|-[ حملــة لنبدأ بتغيير حياتنـا للأفضــل ...الجزء الثانـي ]-|█|

[نهى الأحمد]

15- اشعر بمشاعر طيبة إزاء إنجازات الآخرين .

طبيبعتي احب الخير للكل وما أحقد على احد بدون سبب قوي
افرح بنجاح الأخرين مع انهم ما يفرحون بنجاحاتي
لييييييييش ؟؟ :23_asmilies-com:

اكشتفت ان الناس ما يستاهلون :23_asmilies-com: بس حسافة بعد فوات الأوان
وخليت علاقاتي اغلبها سطحية مو عميقة
عشان لما انجرح منهم ما تكون لي صدمة خصوصا اني حساسة حيل والكلمة القاسية
تمرضني

الا في بعض الناس اكون حيل صادقة وياهم لدرجة اني اناقش وياهم امور تخصني

حبيبتي همبووش

انتي تسوين باللي يرضي ربج ومقتنعه فيه

مثل ما يعاملونج الناس عامليهم ياقلبي

 

[أحلى همبه كويتية]

مثل ما يعاملونج الناس عامليهم ياقلبي


صاجة نهوي

عامل الناس بأحلاقك لا بأخلاقهم الزفرة
ههههههههههههههه

هذا شعاري الجديد

 

[نهى الأحمد]

صبآح آلسعآدة وآلرآحة
شلونكم بنآت عسآكم طيبين ..؟

هلا حبيبتي

صباحج رضا وسعاده

دام انتي بخير احنا بخير ياقلبي

 

[نهى الأحمد]

صباااااااااااااااااح الخير

هلا وغلا بالجوري الغاليه

شخبارج ياقلبي

طمنيني عنج

 

[نهى الأحمد]

صبآآآح الخيـــر على احلى حمـــله

شلونج نهوي

شلونكم بنآآآت؟؟

مدمد مبروووك ماجاكم؟؟

يآحلو البنات

صباح الورد حيووت

انا بخير يا ويه الخير

طمنيني عنج

 

[نهى الأحمد]

دقايق وراده لكم حبيباتي

 

[أحلى همبه كويتية]

اكمل شغلي وارد لكم

 

[الحــــياة]

نهوي انآآ بخير بعد عمــــري..

 

[نهى الأحمد]

باااك


عندنا لكم من جديد

 

[نهى الأحمد]

حبيباتي




انطر تعليقكم على هذا الكلام


وياكم الليلة او باجر


وعلى فكره

اختنا miss madry
كتبت تعليقها

الثقة بالنفس اهي سبب رئيسي للابداع والنجاح

واهي الارض الصلبة اللي تنطلق منها قوة النشاط اللي لها تأثير في الحياة الدراسية أو العملية أو الاجتماعية


الثقة بالنفس حبيباتي لها اسباب وطرق معينة

الحين الانسان لما ينولد رح تنولد وياه الثقة بالنفس؟


اكيد لأ

لانه الثقة بالنفس تكتسب وتتطور مع الايام

انعدام الثقة بالنفس يكون بسبب....

احساسج انه الناس تشوف ضعفج وسلبياتج

او القلق بفعل هذا الاحساس وتتفاعلين معاه وتحاتينه

الاحساس بالخجل من نفسج..وهذا الاحساس يؤدي احيانا لعدم الثقة بالنفس

وهذا الاحساس السلبي رح يأثر على حياتج وقدراتج

اول خطوة لازم تقومين فيها

حددي مصدر المشكلة عندج اللي خلتج تحسين انه ما عندج ثقة بنفسج

يعني ممكن يكون هذا المصدر

تعرضتي لموقف وانتي صغيره مثل احراج او استهزاء بقدرتج وقارنتي نفسج بالغير؟

او انج فشلتي في الدراسة أو تلقيتي انتقاد من المدرسات او دكتورج بالجامعة بشكل جارح جدام الكل؟

الاقارب او اي من صديقاتج لهم دور في زيادة احساسج بالألم


حاولي تسألين نفسج هذي الاسئلة حتى تتوصلين لحل

كوني صريحة مع نفسج ولو لمرة وحدة

استخدمي ورقة وقلم

كتبي كل الاشياء اللي تعتقدين انها لها دور او سبب لعدم ثقتج بنفسج
وحاولي تعرفين شنو الاسباب

الحين عقب ما تحددين الاسباب رح تبين الحلول معاج

قعدي مع نفسج

فكري عدل


أهم شي

أهم شي


رددي هذي الجملة

من حقي أن أحصل على ثقة عاليه بنفسي وبقدراتي
من حقي أن أتخلص من هذا الجانب السلبي في حياتي

كتبتها لكم بالخط العرييييييييض

ههههههههههه


رددي هذي الجملة كل يوم

حاولي تبتعدين عن الكلام اللي يمكن يدمر يقتج بنفسج
طالعي نفسج انج انسانه ناجحة وواثقة
حذفي اي كلمة فيها احباط

اعتبري الماضي اذا كان فيه احباط انتهـــــــــــــــــــى

اغفري للي أساء لج وكوني متسامحه

لا تقارنين نفسج بغيرج من الناس حتى ما تفقدين قدراتج
وحطي في بالج انه مو كل الناس عباقره واذكياء

اختاري مثل اعلى لج وحاولي تعرفين شي عن حياته وانجازاته

ومثلنا الاعلى هو الرسول عليه الصلاة والسلام واصحابه
تحمل وايد وصبر وجاهد لاعلاء كلمة الله سبحانه وتعالى

ان شاءالله يكون كلامي مفهوم ووصل لكم


هذا بالنسبة


شلون تكونين واثقة من نفسج

ودي تقرون هذا الكلام اللي كتبته لكم

وابي الاجابة الواضحة باجر ان شاءالله عقب الخطوات اللي قلتها لكم

 

[الحــــياة]

مشرفتنآآ العزيزة متى يتثبت الموضوووووع

الموضوووع نآآجح وعلى مستوى والردود الصفحات ورآآ بعض..:eh_s(9):

كافي انه موضوووووع فيه داخله مواضيع ودورآآآت وشي رووووعه ..

يآآليت يتثبت..

 

[ضحكه مستعاره]

تسجيل دخول

شلونكم حبايب قلبي

مدمنه مبروك ماجاكم يااحلى خاله

 

[Miss-Madry]

حلو حلو مسسسس ., اخبارج حلووووووه ., والثقه فى تصاعد

مادام اتارجح ., حبه فوق وحبه تحت لابد ماتستقر ., يعنى ان شاء الله توصلين للتوب فى الثقه

مافى شي بين يوم وليله ., بعدين النفسيه لها دور ., نصيحه اى مكان تقبلين عليه

الجامعه ., العمل ., زياره ., ناس بتسير عليكم .., خل نفسيتج حلووووووه

راح ينعكس على الاخرين وتكلمين بثقه وقوه

حبيبتي والله مشكووره على كلامج الحلوو

اي صاجه الابتسامه تحلي اليوم كله

نطروني برد 2 بقولكم شسويت اليوم:eh_s(22):

 

[نهى الأحمد]

مشرفتنآآ العزيزة متى يتثبت الموضوووووع

الموضوووع نآآجح وعلى مستوى والردود الصفحات ورآآ بعض..:eh_s(9):

كافي انه موضوووووع فيه داخله مواضيع ودورآآآت وشي رووووعه ..

يآآليت يتثبت..

تسلمين حيووت ياقلبي


:friends:

 

[نهى الأحمد]

خواتي العزيزات


حبيت افيدكم ببعض النقاط المهمه تساعد على الثقة بالنفس



عندما نضع أهداف وننفذها يزيد ثقتنا بنفسنا مهما كانت هذه الأهداف.. سواء على المستوى الشخصي.. أو على صعيد العمل.. مهما كانت صغيره تلك الأهداف.

اقبل تحمل المسؤولية.. فهي تجعلك تشعرك بأهميتك.. تقدم ولا تخف.. اقهر الخوف في كل مرة يظهر فيها..
افعل ما تخشاه يختفي الخوف..

كن إنسانا نشيطا..

اشغل نفسك بأشياء مختلفة..

استخدم العمل لمعالجة خوفك.. تكتسب ثقة أكبر.

حدث نفسك حديثا إيجابيا..في صباح كل يوم وابدأ يومك بتفاؤل وابتسامة جميلة.. واسأل نفسك ما الذي يمكنني عمله اليوم لأكون أكثر قيمة؟

تكلم! فالكلام فيتامين بناء الثقة. . ولكن تمرن على الكلام أولا.

حاول المشاركة بالمناقشات واهتم بتثقيف نفسك من خلال القراءة في كل المجالات.. كلما شاركت في النقاش تضيف إلى ثقتك كلما تحدثت أكثر، يسهل عليك التحدث في المرة التالية ولكن لا تنسى مراعاة أساليب الحوار الهادئ والمثمر.

اشغل نفسك بمساعدة الآخرين

تذكر أن كل شخص آخر، هو إنسان مثلك تماما يمتلك نفس قدراتك ربما أقل ولكن هو يحسن عرض نفسه وهو يثق في قدراته أكثر منك

اهتم في مظهرك و لا تهمله.. ويظل المظهر هو أول ما يقع عليه نظر الآخرين.

لا تنسى.. الصلاة وقراءة القران الكريم يمد الإنسان بالطمأنينة والسكينة.. وتذهب الخوف من المستقبل.. تجعل الإنسان يعمل قدر استطاعته ثم يتوكل على الله.. في كل شيء.

 

[Miss-Madry]

تسجيــل دخوؤل .~{


او شيء ثآنكس نهووي كلامج ايننن وصج انا مجربه انه اكلم نفسي واعطي روح Positive power

والي صآر اليوم معآي بلكليه .~

قمت اتفاعل مع الدكتور واذكره ومن هالاشياء وقاع اتجاوب معآه عكس اول يوم ..

وصرت احب [علم النفس ] المآده الي اشارك مع الدكتور فيها وحبيتها منه ومفكره [اتخصص علم نفس]

بس قآلولي تو النآس السنه اليايه قرري ،،


والحين بحآول

اكون اكثر تجآوب مع الدكتور الثآني بس مودري شلون اتعآمل معاه ..!!

:gr4uu:

وهم لما امشي بلممر والسيركل مع الشباب [اول يوم استحي وماكو ثقه]

صارلي يومين خذيت ع الوضع وبديت امشي ورآسي مرفوع :q8: [كويتي ارفع راسك








شرآيكم فيني نهوي %العودي ..؟




]SIZE]
​

 

[نهى الأحمد]

تسجيــل دخوؤل .~{


او شيء ثآنكس نهووي كلامج ايننن وصج انا مجربه انه اكلم نفسي واعطي روح positive power

والي صآر اليوم معآي بلكليه .~

قمت اتفاعل مع الدكتور واذكره ومن هالاشياء وقاع اتجاوب معآه عكس اول يوم ..

وصرت احب [علم النفس ] المآده الي اشارك مع الدكتور فيها وحبيتها منه ومفكره [اتخصص علم نفس]

بس قآلولي تو النآس السنه اليايه قرري ،،


والحين بحآول

اكون اكثر تجآوب مع الدكتور الثآني بس مودري شلون اتعآمل معاه ..!!

:gr4uu:

وهم لما امشي بلممر والسيركل مع الشباب [اول يوم استحي وماكو ثقه]

صارلي يومين خذيت ع الوضع وبديت امشي ورآسي مرفوع :q8: [كويتي ارفع راسك








شرآيكم فيني نهوي %العودي ..؟




]size]
​

يا هلا وغلا مس ياقلبي


احلى خبر اسمعه في نهاية الاسبوع

لاني حاسه انج قاعده تتجاوبين مع دروس الثقة بالنفس


عفيااااااااااااا عليج يا الغالية

 

[Miss-Madry]

وآآآآآآآآآآآآىي

ونأأسه يعني بين علي

عيل بعطيج بشاره من الاسبوع الياي بسد حلجي + بدش الناآدي

 

[نهى الأحمد]

وآآآآآآآآآآآآىي

ونأأسه يعني بين علي

عيل بعطيج بشاره من الاسبوع الياي بسد حلجي + بدش الناآدي

بعد عمري والله

عساه التغيير للأفضل عندج دوووم


عسى ربي يوفقج ويحقق لج كل اللي تتمنيه

 

[mo0o0n22]

رد : |█|-[ حملــة لنبدأ بتغيير حياتنـا للأفضــل ...الجزء الثانـي ]-|█|

تسجيل دخوول

امس ماقدرت ادخل لان صارتلي ظرووف خلت نفسيتي صفر .. الله يعين بس ..

نهى ياقلبي وحشتيني انتي والبنات ..بشووف شنو فاتني وبرجع ..