▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته♠ ♣

[نهى الأحمد]

▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته♠ ♣

السلام عليكم ​

واسعد الله صباحكم حبيباتي ​

مواضيعي اللي كتبتها كلها من واقع الحياة اللي نعيشه كل يوم​

حياة الانسان مليئة بالمواقف الصعبة والمفاجآت والصدمات ​

البعض يوقف عندها ومايقدر يستمر بحجة انه مو راضي بالامر الواقع​

المكتوب ما منه هروب يا اخواتي ​

شعور الانسان بغيره من البشر من اللي يعانونه
يخليه يفكر امية مرة بنفسه ​

يبعد عن الضيق والزعل ​

ينسى همه واحزانه ​

لانه فعلا من شاف مصايب الناس هانت عليه مصيبته ​

يا ابن ادم ​

مهما تعرضت لآلام وانجرحت ​

شي تمنيت يكون لك وما صار​

مواقف صعبة مريت فيها ​

تذكر وقتها انه في الكثير من البشر يتألمون واكثر منك بعد​

يمكن تكون احسن من غيرك​

لانه فعلا من شاف مصايب الناس هانت عليه مصيبته​

الارزاق مقسمه من رب العباد على كل انسان​

وكل من بهالدنيا ياخذ رزقته ونصيبه ​

يقول الله عز وجل :​

(وَفِي السَّمَاءِ رِزْقُكُمْ وَمَا تُوعَدُونَ *فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ) (الذريات:22-23)​

صدق الله العظيم​

مهما كان الانسان قوي رح تجيه لحظة ضعف في يوم من الايام
بمجرد موقف حصل معاه ​

او مشهد مؤلم من مشاهد الحياة ​

رح اتكلم عن بعض المواقف اللي ممكن تخليكم تنسون الضيق والألم والهم ​

اللي قاعد يصير بسوريا وموت الأبرياء اللي مالهم ذنب ​

مجرد ما شفنا اللي يصير فيهم ونشوف كل يوم صورة لشهيد ​

رح ننسى اللي احنا فيه​

اليهود الانذال لما يقتلون في كل يوم عدد من الابرياء من أبناء فلسطين ​

ذوي الاعاقة ​

اللي يعانون من اعاقات حركية وعقلية وبصرية وغيرها ​

ومعاناة امهاتهم معاهم ​

وللعلم ​

عندهم روح التحدي والاصرار احسن من اي انسان عادي ​

الخير كله عندكم ولله الحمد واهم محرومين منه​

( مجاعة الصومال )​

وماتنسون الفقراء والمساكين ​

حالتهم صعبه وبنفس الوقت في ناس تفكر بس بنعيم الدنيا ​

وحايسه بمشاكلها ​

وغيره وغيره من المشاهد المؤلمة في حياتنا ​

لو فكر الانسان بنفسه ​

على الدنيا السلام​

لكن لو فكر باللي يصير مع غيره ويشعر معاه​

الدنيا تكون بخير ​

أخواتي العزيزات ​

من فترة بسيطة كنت متضايقة من موضوع وكلمت انسانه عزيزة علي​

قالت لي بعض الامثلة عن بعض الاشخاص ​

والله ثم والله مجرد سمعت منها حسيت اني نسيت الشي اللي مضايقني ​

وقلت يا الله لك الحمد والشكر ​

الدنيا ما تخلى من الهموم والمشاكل​

مرة تكسر ومرة تجبر ​

فعلا لو طالعنا الناس اللي حوالينا نقول ​

الحمدالله على كل حال ​

وفي النهاية اقول ​

ياللي شايله هموم الدنيا فوق راسج​

من شاف هموم الناس هانت عليه مصيبته ​

بقلمي الخاص ​

أختكم ​

نهى الأحمد​

 

[دلوعة أبوهآ]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

وآلله كلآمك كله صحيح ..
عايشين بنعمه وخير من ربي لكن أقل مشكله أو ضيقه نمر فيهآ !!
تخلينآ ننسى كل نعم آلله علينآ ونسخط ونغضب ..

لو الانسآن دآيم يحمد الله ويشكره كآن مافكر بالمصآيب والهموم ابداً ..

.

نهى دايماً موآضيعك تشرح القلب وتريح النفس ..
عسى الله يشرح قلبك ويسعدك يآرب ..


,

 

[ابدا يالغالي مانساك]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

تسلمي نهووي
صااجه لكل انسان ضرووف يعيشهاا وشي يتمناااهاا
ولاشاف غيره قال الحمدلله عايش بنعمه

مثال انا اقعد احااتي مثلا الحماال ولاكان مافي شي
اقول الحمد لكك والشكر يارب حالي احسن من حاال غيررري

 

[خالتي قموش]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

يعطيج العافيه نهوي
صح لسانج
وفي كتاب اسمه لا تحزن
كنت دايم اسمعه
يشيل الهم صج
الحين اوضاع سوريا تخلي الواحد يتحمد ربه على حاله
الله يفرجها عليها
وكل شي زايل ومو دايم اللي وجه سبحانه
والله عطانا نعمة الصبر والنسيان
وكل شي بلاء من الله
يمتحن صبرنا
وان شاء الله نكون قد هلامتحان الصعب

 

[خالتي قموش]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

وهم انا احاتي الحمال والله يرزق كل محرومه يا رب

 

[foshia girl]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

يابعد عمري يانهى

اولا الف حمدلله على سلامتج يالغاليه وماتشوفين شر ابد الله يخليج لنا ولاهلج ومايحرمنا منج ومن كتاباتج

وموضوعج يا بالصميم حبيبتي الف الحمدلله على كل حال الواحد يحمد ربه بكل وقت على نعمة الامن والاستقرار والصحه والعافيه

انا دايما متمسكة بكلام رب العالمين ( لَئِنْ شَكَرْتُمْ لَأَزِيدَنَّكُمْ )

أحبج

 

[عسوله زوغه]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

كلامج صح والله الله يفرج عنهم وعساج علي القوه

ومشكوره علي الموضوع حياتي

 

[نهى الأحمد]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

وآلله كلآمك كله صحيح ..
عايشين بنعمه وخير من ربي لكن أقل مشكله أو ضيقه نمر فيهآ !!
تخلينآ ننسى كل نعم آلله علينآ ونسخط ونغضب ..

لو الانسآن دآيم يحمد الله ويشكره كآن مافكر بالمصآيب والهموم ابداً ..

.

نهى دايماً موآضيعك تشرح القلب وتريح النفس ..
عسى الله يشرح قلبك ويسعدك يآرب ..


,

هلا حبيبتي دلوعه

تسلمين على الدعوة الحلوة ياقلبي ولج بالمثل


فعلا ياقلبي

وبالشكر تدوم النعم

أسعدني ردج يا الغاليه

 

[نهى الأحمد]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

تسلمي نهووي
صااجه لكل انسان ضرووف يعيشهاا وشي يتمناااهاا
ولاشاف غيره قال الحمدلله عايش بنعمه

مثال انا اقعد احااتي مثلا الحماال ولاكان مافي شي
اقول الحمد لكك والشكر يارب حالي احسن من حاال غيررري

هلا وغلا ابوده ياقلبي

الله يسلمج يارب

واحسن شي تسوينه تقولين الحمدالله على كل حال

وعسى ربي يرزقج الذرية الصالحة عاجلا وليس اجلا ياااارب

 

[نهى الأحمد]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

يعطيج العافيه نهوي
صح لسانج
وفي كتاب اسمه لا تحزن
كنت دايم اسمعه
يشيل الهم صج
الحين اوضاع سوريا تخلي الواحد يتحمد ربه على حاله
الله يفرجها عليها
وكل شي زايل ومو دايم اللي وجه سبحانه
والله عطانا نعمة الصبر والنسيان
وكل شي بلاء من الله
يمتحن صبرنا
وان شاء الله نكون قد هلامتحان الصعب

هلا والله ياقلبي

الله يعافيج حبيبتي
صح بدنج

لو فعلا كل انسان طالع حواليه رح يلاقي انه اهو احسن من غيره

والحمدالله على كل حال

وهم انا احاتي الحمال والله يرزق كل محرومه يا رب

ان شاءالله حبيبتي تحملين وتييبين صبيان وبنات حلوين مثلج

اللهم امين

 

[نهى الأحمد]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

يابعد عمري يانهى

اولا الف حمدلله على سلامتج يالغاليه وماتشوفين شر ابد الله يخليج لنا ولاهلج ومايحرمنا منج ومن كتاباتج

وموضوعج يا بالصميم حبيبتي الف الحمدلله على كل حال الواحد يحمد ربه بكل وقت على نعمة الامن والاستقرار والصحه والعافيه

انا دايما متمسكة بكلام رب العالمين ( لَئِنْ شَكَرْتُمْ لَأَزِيدَنَّكُمْ )

أحبج

هلا حياتي

الله يسلمج ياقلبي والشر ماييج تسلمين

مشكووره للمشاركة الحلوة منج ياقلبي

والحمدالله على نعمة الصحة والعافيه

احبك الله الذي احببتني فيه

كلامج صح والله الله يفرج عنهم وعساج علي القوه

ومشكوره علي الموضوع حياتي

هلا حبيبتي

العفو ياقلبي والله يقويج

نورتي الموضوع

 

[اميره1980]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

مواضيعج نهى تهبل عجيبة و تريح قلوبنا الله يسعدج دنيا و آخره يا رب
يبيلنا دايما مواضيع جذي ترفع من معنوياتنا و تصبرنا
و الله و الله يا بنات احنا عايشين احسن عيشة من اي بلد ثانية كافي نعمة الامن و الامان و اني انام مرتاحة و مطمئنة
الانسان الله معطيه نعم وايد بس مو حاسين فيها و لو بذكر امثله ما راح اخلص و الحمد لله على كل حال

 

[حديث الروح]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

تسلمين يانهى وآسفة إني شفت الموضوع متأخر ..
موضوعج في الصميم ومن المعاناةة اللي تحيط فينا أشكالها وصورها والناس هنا في الكويت يعيشون بنعمة وخير مو منتبهيلها

وأكثر الناس غير قانعين والرسول يقول بما معناه أن الإنسان لو أعطاه الله نهرين من ذهب لطلب الثالث وفي الآخر مايملي فمه إلا التراب !

بالنعمة يجب أن نتظر الى من هو أقل منا فنشكر ، وفي البلاء ننظر الى من هو أكثر منا فنشكر أيضاً .

هذه هي المواضيع اللى تهم كل الناس واللي لازم نفهمها ونطبقها على حياتنا حتى نعيش برضا وسعادة

 

[أم عبووووود]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

يعطيج العافيه نهاوي على هالموضوع الرائع اللي أبكاني


سبحان الله الانسان فعلا احيانا يحس ان هو بروحه بهالدنيا مهموم هواللي عنده مشكله بس والله لو تقعدين بينج وبين نفسج تشوفين الكل عنده مشاكل بس كل واحد غير الثاني تلاقين كل واحد افضل من الثاني باحد الجوانب وعنده خلل بجانب ثاني رب العالمين موزع بينا الارزاق سبحانه بالعدل والتمام .

مصيبة سوريا والصهاينه حسبي الله عليهم هذي عدم امان واستقرار ويااارب لك الحمد احنا بنعمه من رب العالمين ننام واحنا مرتاحين وبامان والاكل ربي لك الحمد ننام واحنا شبعانين غيرنا مايحصلون اللقمه واشيااء وااايد يارب تديمها علينا من نعمه وتحفظها من الزوال .

انا عن نفسي ان حسيت عندي مشكله او متضايقه من شي دايما استغفر واكثر من الاستغفار والذكر واكثر من الدعاء .

ربي يصلح حالج نهاوي وحال جميع المسلمين يارب ويفرج هم كل المهمومين ويرزق كل محروم يارب العالمين .

 

[Unusual]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

الله يحرم ايدك عن النار يا نهى، ويبعد عنك أكدار الدنيا..

موضوعك في وقته والحمدالله على كل حال..

 

[جولينار]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

فعلاً موضوع يزيح الهم

المفروض تكون وصفة علاجية لعدم تضخيم مشكلتك

( عندما تشعر بالخيبة أو العجز عن حل مشكلك وتحقيق ماتريد ، اطرد هذا الشعور بالنظر فيمن هم أدنى منك وهم كثُر )

 

[شادن33]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

اي والله نهووووي صج لما تشوفين بلاوي الناس اطقين فوق راسج وتحمدين ربج على بلوتج

منو فينا ماعنده هموم بس حتى الهموووم هذي خير لنا وتعالج شي فينا مانشوفه احنا

ياتكون تكفير عن ذنوبنا ياابتلاء نؤجر عليه اذا صبرنا

بعدين اقولج البلاوي والصدمات تخيلنا أقوى واقوي جرينداااايزر خخخخ

 

[نهى الأحمد]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

مواضيعج نهى تهبل عجيبة و تريح قلوبنا الله يسعدج دنيا و آخره يا رب
يبيلنا دايما مواضيع جذي ترفع من معنوياتنا و تصبرنا
و الله و الله يا بنات احنا عايشين احسن عيشة من اي بلد ثانية كافي نعمة الامن و الامان و اني انام مرتاحة و مطمئنة
الانسان الله معطيه نعم وايد بس مو حاسين فيها و لو بذكر امثله ما راح اخلص و الحمد لله على كل حال

هلا والله اميره ياقلبي

عسى دوم تكونو مرتاحين البال ومستانسين في حياتكم وتبقى معنوياتكم عاليه

كلامج صحيح ياقلبي :eh_s(15):

الانسان لازم يقدر النعم الموجوده عنده وغيره محروم منها ويقول الحمدالله

 

[نهى الأحمد]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

تسلمين يانهى وآسفة إني شفت الموضوع متأخر ..
موضوعج في الصميم ومن المعاناةة اللي تحيط فينا أشكالها وصورها والناس هنا في الكويت يعيشون بنعمة وخير مو منتبهيلها

وأكثر الناس غير قانعين والرسول يقول بما معناه أن الإنسان لو أعطاه الله نهرين من ذهب لطلب الثالث وفي الآخر مايملي فمه إلا التراب !

بالنعمة يجب أن نتظر الى من هو أقل منا فنشكر ، وفي البلاء ننظر الى من هو أكثر منا فنشكر أيضاً .

هذه هي المواضيع اللى تهم كل الناس واللي لازم نفهمها ونطبقها على حياتنا حتى نعيش برضا وسعادة

هلا بالغاليه روح
الله يسلمج حبيبتي

ماعليه ياقلبي

صح لسانج يا الغاليه

نظرة من الانسان للناس من حواليه ممكن تغير شي بداخله

ولما يكون هذا الانسان قنوع يشعر بالرضا

أسعدني حضورك العطر في موضوعي

 

[نهى الأحمد]

رد: ▫ • ◊ياللي شايله هموم الدنيا فوق راسج،،اقولج: من شاف مصايب الناس هانت عليه مصيبته

يعطيج العافيه نهاوي على هالموضوع الرائع اللي أبكاني


سبحان الله الانسان فعلا احيانا يحس ان هو بروحه بهالدنيا مهموم هواللي عنده مشكله بس والله لو تقعدين بينج وبين نفسج تشوفين الكل عنده مشاكل بس كل واحد غير الثاني تلاقين كل واحد افضل من الثاني باحد الجوانب وعنده خلل بجانب ثاني رب العالمين موزع بينا الارزاق سبحانه بالعدل والتمام .

مصيبة سوريا والصهاينه حسبي الله عليهم هذي عدم امان واستقرار ويااارب لك الحمد احنا بنعمه من رب العالمين ننام واحنا مرتاحين وبامان والاكل ربي لك الحمد ننام واحنا شبعانين غيرنا مايحصلون اللقمه واشيااء وااايد يارب تديمها علينا من نعمه وتحفظها من الزوال .

انا عن نفسي ان حسيت عندي مشكله او متضايقه من شي دايما استغفر واكثر من الاستغفار والذكر واكثر من الدعاء .

ربي يصلح حالج نهاوي وحال جميع المسلمين يارب ويفرج هم كل المهمومين ويرزق كل محروم يارب العالمين .

هلا بالغاليه ام عبوووود


الله يعافيج ويخليج ياقلبي

فديت دموعج الغاليه :eh_s(2):

عدل كلامج ياقلبي وصاجه بكل اللي قلتيه

واللجوء الى الله بالدعاء والاستغفار رح يخفف من هموم الانسان ان كان يعاني

بمجرد مقارنة وحده من الانسان لغيره مثل ما قلتي عن المشاكل

هذا عنده مشكلة وغيره عنده مشاكل مالها حل يمكن

ناس عايشه بامان وغيرهم عايشين بخوف ورعب

مو كل الناس مرتاحه

بس اهم شي انه الانسان يحمد الله على كل شي


جزاك الله خير على الدعوة الطيبه يا الغاليه