✔✔تجمــ؏ لحوامــل التــوأأأم✔✔

[** باربي **]

الله يسمع منج احساس
دلع بيني وبينج شهر انا بالسادس
الا على طاري شريط الحمل شلون اسوية منزمان بسوية شويه يشجع

 

[احساس السعوديه]

باربي كتبي الطريق بجوجل راح تطلع لك طبقي الخطوات وبيضبط


انا عندي طريقه بس ماضبط الا يوم خذتها من جوجل

 

[سمو النفس]

صبآحوووو



شلونكم صبايا وشلون حملكم ربي يهون عليكم وااالف مبرووك للي ولدوا




وحشتووني حيييل اعذروني ماادخل مثل قبل بس لا ولدتوا وجربتوا بتعذروني ههههههه






عيالي عمرهم ثلاث شهور ونص وصج تعب تربيه التونز قومتهم وحده ورضعتهم،، ربي يعينآ ولاتحاتون تولدون بالسابع والثامن مو شرط اللي فيهم تونز يولدون قبل التاسع الحمدالله انا ولدت بالتاسع واوزانهم كانت زينه




حبايبي اي سؤال انا حاضر وان شاء الله بحاول اطل عليكم مااقطع عنكم

 

[سكره في زمن مر]

سلام بنات انا ولدت بمستشفى العدان سبحان الله على اساس عاليه بس دكتورتي الله يسامحها حزت الولاده مو دوامها وكنا ندق عليها ماترد المهم اني بالعدان للحين نسبه الدم عندي ضعيفه وتعبانه من القيضريه مااقدر اقوم ولااقعد الحمدلله على كل حال وبناتي بالشيشه للحين وحي خايفه عليهم يبون مني حليب وانا مايطلع حليب وشفطته وشقق صدري وقالو بيدك احلبي ماعرف شايله هم مدري وش اسوي ابي يكبرون بسرعه فيدوني وادعولي

 

[انشودة المطر]

سكره مبرووووووووووووووك


خواتي ياليت تذكرون حمل التوام علاج وعند منو ابر او حبوب ؟؟​

 

[glby7sas]

اشلوووووووووونكم بناات واشلون التونز ويااكم

بنات سؤال متى بدا النساة وياكم انا بنص الثاني وقاعده احس بس بعوار الظهر يذبحني
وبعد بسأل منوووووو سوولها ربط ياربي حدي خايفه واحاتي هالسالفه حيل وشنو سووتو مع دوامكم مجلس طبي وله داومتو عادي



سمو النفس مبرووك عالولاده والله يخليهم لج ياارب

سكره حبيبتي مبرووك والله يشافيهم ويعافيهم لج وتشوفينهم بحظنج ياارب


انشوده حبيبتي انا حملت بحقن مجهري

 

[دلــــع الكويت]

انشودة المطر
انا طبيعي ان شاء الله البنات يفيدونج

 

[دلــــع الكويت]

انا بدا النساه معاي من الثاني
وكان قوي وللحين انا بالسابع
وماراح عني الترجيع
وترا وحده عن وحده تفرق
وموضوع الربط انا سويته نهاية الثالث
وعلى موضوع الدوام انا مااداوم
بطاليه

 

[سمو النفس]

قلبي حساس ااالف مبروك الحمل حبيبتي اذكرج قبل بتآخر الانجاب عسئ ربي يتمم عليج حملج وتفرحين بآحلئ تونز ،، النسآة حبيبتي لاتستعجلين تووج يمكن هالاسبوع تبلش انا بدت معاي من الاسبوع السادس من الحمل لي شهري وانا ترجيع ان شاء الله تكون نساتج هينه ،، وبالنسبه لدوام خذيت مجلس طبي من بدايه الثالث لي ولادتي وانا مجلس طبي سوي اوراقج من الحين وككل شووي اطلبي تجديد مجلس طبي ،، ونصيحه لاتجهدين نفسج ولا تمشين كثير

 

[سمو النفس]

سكرررره الف مبروووك والحمدالله ع السلامه لاتحاتيين العمليه بدايه تعب بس يصيرلج ١٠ اياام ترتاحين وبناتج لاتحاتين بيكبرون ان شاء الله

 

[احساس السعوديه]

أهلين سمووووو منوررره. الحمدلله على سلامتك طلعتييي من الشرررر


وربي يخلي لك الحلوين ويبارك لك فيهم ويحميييهم




الحمدلله طمنتيني أنا خايفففه من القيصرية
وش نصااايحححك ؟؟!!


وتخدير كامل ولا موضعي وكبس والخياطة


أنا ينصحني بالقيصرريه الدكتور
لانه البيبيااات رأسهم فوق ولاني بعلاج





وش جبتي ربي يحفظهم ؟؟؟

 

[shayto0oNa]

احساسه القيصريه سهله بس بتتعبين اول اسبوع انا وايد افضلها عن الطبيعي لما قالو لي قيصري استانست هههههه


انا عيالي عمرهم ٤ شهور وتوهم استقرو وصحتهم تعدلت وطبعا انهرت انهرت تعب حيييل لازم خدامتين عشان تريحين شوي

بس لاتحاتون بس يصير عمرهم ٤ شهور يطولون شوي بالنومه يعني يسحبونها بو ٥ ساعات متواصله


الله يقومكم بالسلامه

 

[روزماري]

كل عام و انتم بخير
و عيدكم مبارك مقدما


سكره الحمدلله على السلامه و مبروك ما جاج
الله يقومهم بالسلامه و يفرحج فيهم

سمو و شيطونه
شخباركم
حلاتهم البيبيات كبرو ا هههههههه
أنا عيالي عمرهم 3 شهور. ماشين بالرابع بسم الله عليهم

أذكر أول فتره حملنا و سبحان الله مرت الأيام بسرعه


إحساس
هانت ما بقى شـي و تدشين شهرج
و القيصريه سهالات كلها أسبوع و ما فيج إلا العافيه
أنا أنقلج تجارب اللي أعرفهم لأني كنت نفسج أمشي و اسأل عن كل شـي :d
أهم شـي بالقيصريه المشي لازم تمشين عشان يلتأم الجرح
و إبره الظهر أحسن من البنج الكامل
البنج الكامل متعب حيييل
أما إبره الظهر لا راح تكونين مصحصحه بعد العمليه
هذا اللي ببالي حاليا و إذا في شـي راح أقوله لج

 

[روزماري]

قلبي حساس
الف مبروووووووك الله يتمم عليج
أنا بدت. معاي النساة بالأسبوع الثامن يمكن
و نساتي كانت لوعه و ترجيع و حبوب الآوندا كانت تخفف علي حيييل ما استغنيت عنها كللش لين الرابع و خفت نساتي

بالنسبه للربط
أنا سويت ربط بالشهر الثالث
و ترى ممو شرط الربط عادي
أنا عن نفسي سويته احتياط لأني كنت خايفه و أنا أتحرك واجد مااقعد

و المجلس الطبي
شوفي وضعج إذا قادره تداومين و لآلا
و أهم شـي الراحه بالشهور الأولى

 

[glby7sas]

مشكورين حبايلي عالتفاعل
انا صاير ضهري مو طبيعي اذا قعدت على كرسي مااقدر اتحمله وعسى ماكليت شي الا شب عليي الحارج
انا قالولي لازم ربط عشان نحافظ عالبيبيات خصوصا اني يبتهم من تعب وعمليه بس انا وتيد متضايقه من ظهري شي مو طبيعي لازم انسدح عشان ارتاح ابي اقعد مع احد شوي مااقدر

 

[glby7sas]

سمو النفس الحمدالله يارب العالمين الله ماينسى عبده رزقنا ويارب يرزق باجي البنات بالتجمع بشري عن اعيالج ان شاءالله مو مأذينج انتي متى قلتي حق الكل انج حامل بتوأم طبعا انا محد من اهلي يدري اني مسويه حقن مجهري عبالهم طبيعي لانه حسيته هذا شي خاص بيني وبين زوجي

 

[سمو النفس]

أهلين سمووووو منوررره. الحمدلله على سلامتك طلعتييي من الشرررر


وربي يخلي لك الحلوين ويبارك لك فيهم ويحميييهم




الحمدلله طمنتيني أنا خايفففه من القيصرية
وش نصااايحححك ؟؟!!


وتخدير كامل ولا موضعي وكبس والخياطة


أنا ينصحني بالقيصرريه الدكتور
لانه البيبيااات رأسهم فوق ولاني بعلاج





وش جبتي ربي يحفظهم ؟؟؟

اذا راسهم فووق شي طبيعي بيسون لج قيصريه نفس وضع بيبياتي كان راسهم فووق وعمليتي كانت تخدير كامل لان كنت خايفه ودكتورتي قالت بسويلج كامل انتي اذا تقدرين وحالتج تسمح خليج نصفي ،،، والعمليه اول 10 ايام صعبه بعدين عااادي لاتحاتيين وجبت ولد وبنت الحمدالله

 

[سمو النفس]

شيطووووونه روز مااااري وحشتووووني فديتكم شلونكم وشلون بيبياتكم



شيطوونه الووضع لايطاق هههههه بجيب خدامه ثانيه بجد تعب ،،


روز ماري سبحان الله الايام تركض شلوون وضعج معاهم وجبتي خدامه ثاني





قلب حساس
الحمدالله ربي عوضنا وانتي ديري بالج علئ نفسج ،، طبعا ماقلت لاحد ان فيني تونز الا لخواتي وامي واهله طبعا هو قالهم بس كان الموضووع بينا وبالنسبه للعلاج نفس الشي

 

[glby7sas]

سمو النفس انا ريلي صاير وسواسي ذبحني تصدقين مو راضي اقول حق احد كلش قالي اذا ولدتي يدرون انه فيج توووم حتى امي مو راضي وصاير وسواسي على كل شي قمت اتملل من تصرفاته بس ساعات اقول ما الووومه فرحته من بعد هالسنين

 

[روزماري]

سمو
أنا مرتبه وقتي معاهم حتى إذا عندي طلعه أو معزومه أقعدهم وقت طويل و الساعه 8 أنومهم
و الوضع آوكي مع خدامه وحده أنا ماداومت بس إذا داومت أكيد بجيب وحده ثانيه

بس لا تذكريني أول الأيام صج تعب تعب مو طبيعي بس كله أجر أن شاءالله
الحين نومتهم تعدلت و صار الوضع آوكي الحمدلله