✔✔تجمــ؏ لحوامــل التــوأأأم✔✔

[مذهلة2013]

اوله شدعوه
وبرقنا بلان الي اعرفه يبلشون فيه من الشهر الرابع
فوليك اسيد صح المفروض من الحمال واناكنت اخذه قبل الحمال
تحليل بول ليش :/
وليش عطتج مال التقلصات :/
في اشياء احس مالها داعي
ليش ماتراجعين عند حيان الاحمد؟
شاطر ومايدفعج فلوس ٣٥ دخول + سونار
وحتى التحاليل يقولج كيفج باي مكان مو شرط
عندهم تقدرين بالمستوصف

 

[أمورته]

ودي اراجع عند مره عشان باذن الله اولد عندهاا مره وحده لانها تعرف الحاله عرفتي
ماعرف حريم دكاتره شطار صراحه

 

[مذهلة2013]

شوفي في دكتوره بس مادري اذا زينه ولالا
بس اسمع عنها
خالده المجيبل شوفيها
اهي يقولون اختصاص توأم و جذي
بس شوفي الي حواليج منو يولدون عنده وجذي

 

[أمورته]

اهاا بسأل انا بعد
وانا اصلا مو متاكده توام او لا
لان هالدكتوره ماحسيتها ثقه


انزين.يصير اخذ ملفي منهاا وتحاليلي?

 

[مذهلة2013]

والله يمكن عادي
ساليها احسن

 

[أمورته]

أوكييييه بس عوار الظهر ماسكني من زمان

 

[glby7sas]

حبيبتي جوزائيه حتى انا الله يتمم عليج لي التاسع حتى انا الدكتور قالي متفائل توصلين لي التاسع بس تدرين خرعه وانا اي عوار احسبه طلق من الخوف


امورته دامنه شاف جيسين ان شاءالله يكونون توووم لانه انا من اولها شافو جيسين قالولي هذيل تووم تقدرين تتأكدين من التحليل الهرموني سوي تحليل وبعدها 48 ساعه سوي تحليل ثاني وعطيه الدكتور بيعرف اذا واحد او تووم

 

[glby7sas]

حبيبتي هند الحمدان وايد ممتازه سمعي كلامها ترا شاطره حيل وانا ادري ليش قالتلج بسويلج داخلي انا قالتلي واشوه انها سوتلي داخلي اول شي اكتشفت طول عنق الرحم عندي طلع قصير وقالتلي لو مخلينج جان ولدتي بالخامس تخيلي
وفعلا عطتني سونار وديتهم لدكتوري قالي اي صح معاج قصر عنق الرحم وسولي عمليه مستعجله
بالنسبه للمثبتات كلنا خذيناهم ضروريين تمشين عليهم لي الرابع بعدين على حسب حالتج توقفهم او لا

هند ممتازه اتعب وانا اقول عنها ممتازه صادتلي جنس الجنين من الشهر الثالث والحين ان شاءالله بسوي عندها رباعي والتحاليل لازم تسوينهم التوينز مو نفس الواحد بعدين ماتجبرج تسوين عندها قوليلهم بسويهم بره عادي ماتقولج شي بعدين ترا كلش مو ماديه انا ساعات اتزفني وتردلي الفلوس تقول حرام كل شوي مسويتلي سونار مصختيها وفي تحليل سوالي ياه دكتور اللي بيولدني زفتني عليه قالتلي ليش ماشاورتيني ماله داعي حرام كل هذا وساعدتني بالمجلس الطبي بعد يزاها الله خير بس فيها عيب واحد انها ماتولد والله لو تولد ماافكر بغيرها ابد

 

[أمورته]

اهاا يعني هي شاطره بس ليش ماعطتني حقي بالكلام ماخلتني استشيرها عدل
مادري تقول في جيس ثاني هو فاضي هو في ياهل مومبين
قلت لها شنو بديل عن السونار داخلي قالت الدم قلت اوكي اخذي دم واخذت عينتين
وصت الرسبشن يقولون لي انه كل شي زين واخذي هالادويه وماعرفت فيني توام ولا واحد
وماعرف ليش تقول فيج ماي ع الرحم يعني ماطمنتني وايد لانها قبل لا يطلع تحليلي مشت ماستفدت شي
حتي البول وانتي بكرامه خذت يعني خذت مني فلوس وايد بس ماعطتني حقي باني اسالها واستفسر منها
يمكن هي شاطره بس ماحبيت طريقتها

 

[glby7sas]

حبيبتي انتي ماخذه عندها بس سونار اخذي مراجعه سونار مع استشاره بعد السونار بتقعدج بره اشوي وتناديج مكتبها تقعدين معاه وسألي على راحت راحتج اهي اصلا تقولي يالله سأليني قوليلي اللي بخاطرج التحاليل هذي ضروريه اي مكان بتروحين بسوولج نفس التحليل انا صارلي معاها سنتين وعلى فكره اهي بعد اكتشفت سبب اللي ماكان يخليني احمل ولو تسولفين مع الموجودين كلهم صارلهم سنين معاها اهي كانت بمستشفى الفروانيه وبطلتلها هالعياده بعدين انا وحده صج عندي دكتور ثاني بس مااثق الا فيها حتى ريلي مايرتلح الا لها ومره صارتلي حاله طارئه وكان عيد فدقيت عليها قتلها قالتلي روحي طيبه لما رحت اهي كلمت دكتوره الطواري بنفسها حتى قالتلي طلعي قاعد ينصبون ماله داعي كل هذا اهم شي جيكتي على نبض الجنين وبس ظلت اهي ادق عليي كل يوم تطمن على صحتي بصراحه ماشفت دكتوره مثلها

 

[طموحه بزياده]

الله يهون عليكم ويرزقكم باطفال سليمين



انا سويت سونار بالاسبوع8 بين النبض وجيس وجنين واحد

بنات انا حلمت شكثر احلام توائم هل في احتمال يبنون توأم بالاسبوع 11 لان عندي فيه موعد

 

[أمورته]

اختي طموحه بزياده ماعندي خبره لكن اتوقع من الاول يبين
الا اذا كانوا البيبين في جيس واحد يتاخر اظن مو متاكده

 

[أمورته]

اغلئ احساس يمكن انا رحت بوقت مو مناسب
بس بعرف انا فيني توأم ولا واحد وشنو قصه الجيس الثاني والماي الي تقول عنه
وبعرف كل جم.ادش شهر
يمكن صار عندها شي ضرورس واطلعت قبل لا تكلمني

 

[glby7sas]

امورته دقي عليهم قرليلهم بكلم الدكتوره ضروري وكلميها قوليلها دكتوره ماقلتيلي اهم تووم او لا وشنو صار على تحليل الدم بين توائم وسأليها عرفتي

 

[glby7sas]

والله طموحه مادري بس انا سمعت انه اذا توائم وبجنينين اكثر شي يبين معاهم بالشهر الثالث

 

[أمورته]

القلب الحساس حياتي انتي بخليها ع الله لاحد ماراجعهم.بعدين باذن الله بالاسبوووع 13 اذا الله تمم لي
طبعا لان مو بكيفي هذا كلام ريلي

 

[Hambaa]

بنات الشهر الثاني جم اسبوع. اشلون اعرف انا باي شهر تاريخ ١١ اكمل ٨ اسابيع ومتى اقدر اقيس عنق الرحم

 

[glby7sas]

همبه حبيبتي الدكتور يحددلج متى الوقت المناسب اللي تقيسين فيه عنق الرحم انتي بس قوليله ابيك تقيسلي واهو راح يحدد الوقت المناسب

 

[glby7sas]

http://ar.calcuworld.com/آلات-حاسبة-...لحمل-إلى-شهور/

دشووو هالرابط وايد حلوووو ودقيق بس حطو انتو بأي اسبوع بالضبط بيطلعلكم الحسبه بالاشهر

مثلا انا 24اسبوع و يوم
طلعلي اني بالشهر السادس

اللي ماتعرف اشلون تحسب الاسابيع ادش على الرابط اللي تحت تحط اخر موعد دوره بيطلعها اهي باي اسبوع

http://baby.webteb.com/حاسبة-الحمل-وموعد-الولادة

 

[طموحه بزياده]

ليش الكل يتمنا توم وانا منهم وندري ان العنايه فيهم صعبه وماتخليج تطلعين ولا تروحين ولا تجين ولا حتا تسافرين ولا تنامين

وحدنا من عايلتنا ولدت بنتين توم بجرهم وجاهل اكتئاب حاد ثلاث سنين بالضبط مانشوفها بس مجابله التوم بالبيت


صدقون احس خفت من سالفه التوم

شرااااايكم؟؟؟