✔✔تجمــ؏ لحوامــل التــوأأأم✔✔

[sara_87]

جوزائيه

الفيتامينااات ضروريه ضروريه


ماراح اتحسين فيها الا لما تولدين بالسلامه ان شاءالله


انا حمالي اللي طاف توأم وكنت التزم بالفيتامينات وما اترك ولا حبه

وفوق هذا بعد الولاده صار فيني فقر دم وتييني دووخه

الياهال الواحد ياخذ عافيه الام فما بالج اثنين الله يحفظهم

 

[جوزائيه مغروره]

ساره ادري والله بس ما اقدر عليهم

هالايام تييني دوخه ومرات احس نظري ضعيف

الدكتور قايل دمج نازل بس ما سالته شكثر

 

[جوزائيه مغروره]

انا مشتركه بنشره توصلني كل اسبوع عن الحمل

اليوم وصلني هذا

حملي هذا الأسبوع
30 اسبوع




أهلاً وسهلاً!

إليك بعض الأخبار السارة: في هذه المرحلة من الحمل، توشك رئتا طفلك وجهازه الهضمي على الاكتمال، ما يعني أنه سيكون في حالٍ أفضل إذا حدثت ولادة مبكرة. ويعتقد الباحثون أن بإمكان طفلك أن يرى الآن، داخل الرحم، إلا أنهم غير واثقين من مدى وحجم الرؤية وما الذي يمكنه أن يراه.

كما يصبح أكثر "تقوقعاً" داخل الرحم وأقل قدرة على التحرك بحرية، على الرغم من أنك ستشعرين به عندما يتحرك. وبما أن رحمك يتمدد، قد تشعرين بضيق في التنفس وهو حالة طبيعية في هذه المرحلة من الحمل.

أضيئي نوراً على بطنك وسيتمكّن طفلك من متابعته.

 

[HOT^CHOCOLAT]

شلونكم كروشات أنا كنت بهتجمع اسم الله عليكم اجهضت اول سادس لانه لكلاب ماسولي ربط وكانو كل أسبوعين يجيكون على عنق الرحم بس دكتور بالغلط حطلي موعد عقب شهر الا انفتح رحم ودخلت خامس ماكو مجال لربط بس تنومت شهر ونزلت البنت وولدوني واظطريت انزل الولد يدور بالكم أنا كان عندي قبل ولاده مبكره مفروش بدون كلام ربط والله يتمم عليكم يارب

 

[HOT^CHOCOLAT]

ومعارفه أشيل توقيع ابتلشت فيه أنا موحامل

 

[glby7sas]

حبيبتي الله يعوضج ياارب ويرزقج بتوأم سليمين وتوصلين لي التاسع يارب

 

[جوزائيه مغروره]

ربي يعوضج هوت حبيبتي

وترى مو دايما ينصحون بالربط دام المشيمه مو نازله وعنق الرحم سليم

انا كان فيني نزيف بسبب المشيمه وانا سويت الربط بالخاص بطلب مني

وفي ناس تنزل مشيمتهم بالخامس او السادس فجاه وما يقدرون يسوون العمليه

 

[glby7sas]

جوازئيه ينزلي افراز ابيج مايل للبيج اشوي ينزلي مو وايد ودار مداره مثل الماي بس هم شوي هذا التخاب وله شنو ؟!

 

[HOT^CHOCOLAT]

حبايبي تسلمون يارب والله يتمم لكم على خير انشالله

 

[سكرررة]

حوامل الله يحفظ لكم أجنتكم ويسهل عليكم يارب
بس عندي سؤال متى عرفتوا ان عندكم توائم ماشاءالله الله والله يحفظهم في اي أسبوع

 

[glby7sas]

حبايبي ماقصرتو عالدعاء جزاكم الله خير
سكره بالنسبه لسؤوالج عرفت من اول ماحللت

 

[سمو النفس]

صبااح الخير

شلونكم بنات وشلون حملكم

 

[glby7sas]

اهلين سمو النفس الحمدالله حبيبتي ليلحين كل شي ماشي تمام بس عارفه الحارج اللي يلوع الجبد شكله لي الولاده الله يستر

وخايفه من سالفه الالتهاب مو قادره اميز بينه وبين الافراز العادي



انتي اشلونج ولشلون بيبياتج وتعب التربيه واي احاتي احس راح احوس عدل

 

[جوزائيه مغروره]

تسلمووون بنات

سكره انا عرفت من اول مراجعه وبنص الثاني عرفت انه في جنين ثالث بس مو مكتمل جيس فاضي

قلبي عاادي دام الافراز بيج وبدون ريحه ولا حكه ولا حرقه بالبول اوكي

انا الفتره اللي طافت اشكثر ما الحق بس الحين حيل خف صارله يومين او ٣ الحمدالله

سموو هلاا والله شخبارج

الحمل الحمدالله تمام بس الثقل لا تعليق استغفر الله

كل شوي اطق كرتي بالحمام

 

[جوزائيه مغروره]

قلبي دكتوري يقولي الافرازات اذا شفتيها تزيد ترى من الربط وما منها خوف

 

[glby7sas]

والله جوزائيه تعقدت انا الافرازات الاوليه مايتني حكه وله ريحه واكتشفت بالصدفه قمت اوسوس وايد

 

[جوزائيه مغروره]

لا توسوسين وخليها على الله

دكتوري قالي افرازات التوام وايد ومع الربط وايد وايد

بس اذا حسيتي لونها اخضر شوي ولا فيها ريحه او معاها حكه هني راجعي

 

[glby7sas]

اييي عاد كنت ناويه اروحلها السبت تسويلي مسحه وتشوفلي سالفت الحبوب طالعتلي حبوب امبي من كثرها حتى بشتفيفي طالعتلي وحده �� كل مالهم ويزيدون.

 

[جوزائيه مغروره]

يمكن حبوب حراره

انا شفايفي حيل جافه ومتشققه وكل شوي ارطبها

 

[glby7sas]

لا جوزائيه حبوب صغار صغار بكل مكان طالعتلي بجتفي ويهي ظهري بطني فجأه جذي اطلعتلي حتى برقبتي طالعتلي