✔✔تجمــ؏ لحوامــل التــوأأأم✔✔

[Dream_hope_love]

جوزائيه لا تستعيلين علي اليهال تأكدي قبل ما تطلعينهم شكثر يبيلهم زياده انا ماحب تغير مستشفيات
انا ولدي اخوي كان بالعناية برويال وخذوا 250 دينار باليوم

 

[جوزائيه مغروره]

دريم لا تسكتين لازم تراجعين وطمنينا عليج حبيبتي

وعاليهال باليوم تقريبا ياخذون عليهم اثنينهم ١٦٠

بس انا ابيهم قراب مني

 

[glby7sas]

جوزائيه عنايتهم فوق الممتازه صج تحطينه عندهم وقلبج مطمن بس اتوقع يبيلج واسطه عشان تحولينهم
الحلو فيهم مهتمين بالرضاعه الطبيعيه حيل ودايم اشوف دكاتره مع اليهال غير السسترات ومايعطون اي معلومه لاحد الا الام والابو ومحد يدش عليهم غير الام حتى الابو يشوفهم من ورا الجام وماتدشين عليهم الا لابسه اللبس ومغسله ايدج ومعقمتها والسسترات يهبلون يراعون ضروف الام وفي غرفه داخل تسحبين فيها الحليب وتعطينهم واذا متوهقه في عندهم غرفه رقم ١ هذي حق الرضاعه الطبيعيه ادشين عليهم تقولين مشكلتج واهم يساعدونج مايخلونج بصراحه انا لما كنت اسمع عنهم اقول ويع العدان رايحتله اكثر من مره ويلوعون الجبد بس بصراحه لما شفت بعيني عنايتهم فيني وفي اليهال استغربت حتى اهلي مستغربين منهم عموما عندهم انستقرام للخدج دشي عليه وشوفيه وتقدرين تسألينهم اللي تبينه يردون عليج وايد مفيد اكاونتهم

 

[Dream_hope_love]

اهلين الدكتوره خذت عينه من الإفرازات وانا انظر النتيجه
وخذيت ابره كل يوم وترك والله يثبتهم يارب

 

[جوزائيه مغروره]

قلبي توني قلت حق ريلي كلامج قالي لو ابيع ملابسي واقعد امفصخ ما احولهم العدان هههههه قافله معاه

دريم ربي يثبتهم لج يارب ويتمم عليج

لا تهملين ادويتج والابر ويارب تكون تحاليلج سليمه

وجيكي على عنق الرحم وانصحج سوي ربط حتى لو عنق الرحم عندج سليم لانج بعد الرابع ماراح تقدرين تسوينه

وسوي السونار الثلاثي علشان يتاكدون من المشيمه وكل الامور بالتفصيل

 

[Dream_hope_love]

قالت لي الدكتوره المشيمة ماتبين قبل الأسبوع 12
فحصت عنق الرحم بالسونار العاد ي تقول زين والعينات يبيلها 3 ايام
و سوت لي اختبار سيوله بعد
الله يحطمنكم علي عيالكم و تفرحون بطلعتهم من المستشفي

 

[glby7sas]

جوزائيه قتلج انا بعد قبل ماكنت مصدقه بس خل يروح جناح 6 يشوف بعينه راح يتفاجئ عنايتهم احسن من الصباح نفسه


دريب انا نزل عليي دم بدايه حملي بس مااذكر كان اي اسبوع جنه كان بالثاني واذكر كان وقت عيد والعياده مسكره كلمت الدكتوره قالتلي روحي طيبه سوي سونار ثلاثي لمه سويت لقوو تجمع دم اسدحوني على ظهري سيده وحطوني تحامين وحبوب وابره اخذها مرتين بالاسبوع

 

[katrina90]

بنات خايفه على البيبيات من عصبيتي وصراخي اني اجهض صايره نفسيتي زفت وكل يوم نجره مع ريلي

مرات ادور النوم دواره عشان ارتاح وعشان الحارج والترجيع واقوله نزهب شغلك من بليل كل يوم لازم يقرقش وانا اقعد الفير واتعب يالله ارجع انام ومرة من المرات قمت الفير وبجيت من التعب وقتله ابي ارتاح بليز اليوم احس بتعب رد علي عادي انتي كله تعبانه انزين خلني انام اعوض


والمره هاذي شمعنى اهلج يدرون انج حامل في شنو واهلي لا يعني امي وخواتي اثق مايتكلمون اما اهله نظامهم كل شي يقولونه المهم نطرت فترة وقلت عشان ارضيه رحت قتلهم تخيلو قعد يزفني ويصرخ علي وانا بجي وصراخ مرة تزعل ليش ماقلت لهم ومره تزعل لان قلت تناقض وهاليومين كله صراخ وبجي وانا من نفسيتي الزفت وصداعي واهوا يصارخ فانفجر ابجي واصارخ

صايره اعصاب بالحمال تهقون ياثر على ثبات الجنين؟

 

[Dream_hope_love]

كاترينا انتي اي شهر
ان شاء الله مالج الا العافيه حاولي ترتاحين أقرئ
قران و طلعي مع رفيجاتج غيري جو اشوي
وتعوذي من ابليس

 

[katrina90]

انا الحين كملت 17 اسبوع ماشاءالله ..


بس تعبانه حيل جبدي وظهري ذابحني ونغزات برحمي وصداع وحارج الله يعيني


امس زرت بيت خالتي تغيير جو بس طلعات مشي ماقدر امشي وايد الدكتوره مانعتني قالت لاتحوسين وايد


الاسبوع اللي فات رحت الكوت وقعدت بكافيه تغيير جوو لان زهقت من البيت 4 شهور كله مستشفيات وبيت انغمت بس لما رحت الكوت مامشيت غير اني رحت للكافيه وقعدت بره


انا بدش الخامس الاسبوع الياي ماشاء الله ..


انتي ماشاءالله اي اسبوع؟

 

[Dream_hope_love]

الثامن و قاعده ينزل علي افرازات أمس بنيه واليوم صفراء وقاعده أخذ مثبتات وابر
الحمدالله رب العالمين
شوفي حاولي تروحين مكان مافي مشي رفيجتي تمدح مطعم اسمه gathering بره الصالحيه تقول
حلو وماكًو مشي كلش
انا نفسج نفسيتي حدها تعبانه ومالي خلق زوجي كلش وانا بعد
ما قلت بأحد اني حامل لان صاربي سنين أعالج

 

[katrina90]

انا نزل علي قبل دم والدكتوره عطتني مثبتات ودكتوره ثانيه ابر وحبوب



دكتورتي قالت التوام لازم ينزل عليهم دم قالت لا تحاتين بس لازم مثبتات وراحه


احسن لج لاتقولين ولو عرفو بعدين لاتقولين انج توام


انا محد يدري غير امي وام ريلي واختي



وصارلي فتره ظهري شاب علي حتى وانا منسدحه

 

[Dream_hope_love]

انا بس ريلي وأمي وأختي بعد ما قلت لأحد

 

[Dream_hope_love]

كاترينا اتوقع ظهرك شاب من السدحه تري عادي

 

[مذهلة2013]

ربي يتمم عليكم يارب
الراحه ثم الراحه ثم الراحه

 

[جوزائيه مغروره]

دريم ربي يسهل عليج ويتمم لج على خير يارب

ارتاحي كثر ماتقدرين وانشالله ماكو الا العافيه

كاترينا انتي مثلي انا كنت جذي وعااادي توصل معاي اطرده من الشقه ههههه عندي قاعده البيت للبنت واهو يدبر نفسه

انتي طنشي وشغلي نفسج بالمنتدى او برامج التلفزيون او خيطي ترى الخياطه تينن اخذي لج من بركات واشتغلي ترى جد تضيع الوقت

قلبي اليوم اقنعته لانه كل ٣ ايام يوصل المبلغ ٦٠٠ وشي قلتله قبل دفعنا هالمبلغ والحين بعد ويقولون يمكن يبيلهم اسبوع وعليك الحسبه وفوق هذا وااااايد بعاد وزحمه الطريج قالي يصير خير

 

[جوزائيه مغروره]

مذهله حياتي ربي يتمم عليج وتولدين بالسلامه يارب

 

[katrina90]

جوزائيه ضحكتيني انا ريلي ماقولج ماكو قلب فيه قلب يحس بس تعرفين طول هالوقت يشوفني تعبانه فيقول تعودتي يعني مو شي يديد هههه عباله لما اتعود يعني النفسيه بتغير ولا بستانس


انا اشغل نفسي بالمنتدى صايره اجيك عليه وايد ومرات اتابع واحب شغلات اسويها بس مع الحمل ممنوع فاحاول اشغل نفسي بشي ثاني ..


كان ودي اسافر بس الدكتوره قالت ممنوع ومو زين لج قلت ماعليه بتحمل بس صايره ماطلع الا بالسنه حسنه بس شكلي كل اسبوع بخصص لي كافيه اقعد فيه مع اهلي ولا ريلي بس كتغيير جوو .. الخياطه حلوه بس ماعرف اخيط وجان زين اتعلم اسوي للبييي جم بدله من خياطي اتفنن ههه

 

[katrina90]

جوزائيه ضحكتيني انا ريلي ماقولج ماكو قلب فيه قلب يحس بس تعرفين طول هالوقت يشوفني تعبانه فيقول تعودتي يعني مو شي يديد هههه عباله لما اتعود يعني النفسيه بتغير ولا بستانس


انا اشغل نفسي بالمنتدى صايره اجيك عليه وايد ومرات اتابع واحب شغلات اسويها بس مع الحمل ممنوع فاحاول اشغل نفسي بشي ثاني ..


كان ودي اسافر بس الدكتوره قالت ممنوع ومو زين لج قلت ماعليه بتحمل بس صايره ماطلع الا بالسنه حسنه بس شكلي كل اسبوع بخصص لي كافيه اقعد فيه مع اهلي ولا ريلي بس كتغيير جوو .. الخياطه حلوه بس ماعرف اخيط وجان زين اتعلم اسوي للبييي جم بدله من خياطي اتفنن ههه

 

[Dream_hope_love]

انا احاتي السمنه زايده كيلوين بشهر وانا ما اكل تعبت من السلطات وهم قاعده أزيد
وفعلا ملل بس منسدحه مجابله التلفزيون
والإفرازات تزيد ما تقل بس صارت بنيه وصفراء
اليوم الدكتوره قالت لي عادي
ودي ألاقي أخصائية تغذيه للحمال ودي اذا وقفت الإفرازات ادور اخصائيه تساعدني لاني حدي قابله
الانتفاخ