(✿◕‿◕) تفسيــــــــــر الاحلام (◕‿◕✿)

[Dan Dan 88]

رد: (✿◕‿◕) تفسيــــــــــر الاحلام (◕‿◕✿)


حبيبتي ممكن تفسيريلي هالحلم

مرت ابوي حلمت فيني اني قاعده امشي على حشيش طويل يوصل لي الركب تقريبا وشكله حلوو واخضرر والجو حلو
وكان شعري طويل وكثيف وحلوو لونه اسوود ومرت ابوي حق امي شوفي بنتج شحلات شعرها جان امي تناديني وودها اتيي عندي جان تقولها مرت لا يبا خليها مستانسه ؟؟

ابي تفسيره ولا عليج امر

 

[...الجوهرهـ...]

رد: (✿◕‿◕) تفسيــــــــــر الاحلام (◕‿◕✿)

تحلمت ..ان كان في احد يلاحقني ..وكنت خايفه دخلت مبنى والمبنى هذا كان في جاليات من بلدان مختلفه ..وكان يفصل مابين غرف هالمبنى خشب ..والي كان يلاحقني وقف عند باب وهالباب مافي مخرج من المبنى الا من عنده ..كنت انقز من غرفه لغرفه ..الا طحت على غرفه فيها جالية باكستانيه حريم ..وطحت بحظن وحده وقامت اتسمي علي ..وكانت اتقولي قوليشهد الاخير قلته ..وقلتلها ان في واحد يلاحقني ..وهالشخص واقف عند الباب الي مافي مخرج من المبنى الا من عنده ..قالت روحي لهالرجال وحطي عينك بعينة ولاطالعتيه لاتخافين وقولي وانتي اتطالعينه اسم الرسول صلى الله عليه وسلم ..وبتنبط عينه واطلعي بكل سهوله وسويت الي قالت وقلت اسم الرسول وانبطت عينه وطلعت وافتكيت ..

((متزوجه ..حامل ..متوظفه ))
حلم محيرني بليز فسريه لي يالغاليه


​

 

[شمس ووقمر]

Re: (✿◕‿◕) تفسيــــــــــر الاحلام (◕‿◕✿)

مرحبااااااااااااا

مره حلمت اني لابسه عقد الماس كبير يهبل نصه الماس اصفر والنص الثاني ابيض وفيه ثلاث لولوات
ومعاه خاتم كبير فيه حبه لولوه واسواره كبيره وفيها ثلاث لولوات بس ماكان علي تراجى


ومن كم يوم اختي حلمت فيني .... كان عندي سلاسل عقود اكسسوار وجات امي وعطتني عقد الماس كبير وفيه ياقوت

انا انسه وموظفه ... واختي متزوجه وعندها بنت ولدين

ومشكوره مقدمن​

هذا حلمي لو سمحتي فسريه .. ولا ترا بزعل عليج والله .. هم حلمين لاتنسين بليزززززززززز

 

[khulod80]

رد: (✿◕‿◕) تفسيــــــــــر الاحلام (◕‿◕✿)

السلام عليكم أختي الكريمة أرجو منك تفسير حلمي
أنا حامل بأخر الشهر الخامس ولا أعلم ماذا يوجد معي ولد أو بنت
ولدي 3 أطفال وانا ربة منزل
حلمت البارحة هذا والله اعلم بالصباح الباكر لأنه كنت قد صحيت قبل الحلم
أنني قد أنجبت بنت وهذه البنت هي بنت أختي بالحقيقة وأصبحت أناديها بأسم أبنة أختي
وقلت في داخلي لم أجد أسم بعد لبنتي سأسميها غير هذا الأسم وسميتها حلا
ولكن هذه البنت نسيت أرضاعها مدة يومين ولما أتيت أرضعها تذكرت أنني قد نسيتها بدون رضاعة
وجدتها على وشك الموت ولا أذكر شي بعد ذلك هل أرضعتها أم لا
واختي كانت في المنام متزوجة حديثا وسعيدة كثيرا علما أنها بالحقيقة متزوجة ولديها 3 أطفال وهي أكبر مني
أرجو تفسير حلمي وشكراً .......

 

[a7la.moon]

رد: (✿◕‿◕) تفسيــــــــــر الاحلام (◕‿◕✿)

جزاج الله خير وماقصرتي*

حبيبتي من فتره حلمت حلم :*

حلمت اني لابسه قميص نوم مال ثاني يوم لزواجنا

بس بدوون روب وكنت نايمه علي سريري ونايم يمي مثل ولد صغير وهالوولد جناا ولد اختي

*لمهم اني كنت بقوم جان اشوف تحتي مثل الدم بس كتله دم بحجم الكرز
جان اقول امبيه فشله لا يشوفه فلان (زوجي) جان اشيل الولد من سريري ومثل بغير البامبرز
جان اشوف مثل الدم علي فخذه جان اقول اذا سالني بقوله من فلان ( اسم ولد اختي )*
ترا هذي رابع مره اكتبه اتمني تفسرينه. لي
واكون شاكره لج
وسسسلامتج...

 

[الجوهره الغاليه]

Re: (✿◕‿◕) تفسيــــــــــر الاحلام (◕‿◕✿)

انا حلمت انه لي تحت حنجي شعر اسود سميك و اقول ياربي صاير عندي هرمون ذكوري نفس بعض الحريم و وراها بيومين حلمت ان شعر شاربي زايد وجني اقول لازم احفه جني رجال صرت @انا متزوجه وحامل وعندي اطفال​

ابي تفسير هالحلم كنت كاتبته في الصفحات السابقه وابي اضيف اني موظفه

 

[الاحساس والطيبة]

رد: (✿◕‿◕) تفسيــــــــــر الاحلام (◕‿◕✿)

حلمت في الشيخ صباح انه قاعد بتوضا بحمام عمي ابو زوجي وانا قاعده في الصاله وقاعدهاسولف مع عيالي بعدين دخل علينا وكنت عادي فاله شعري ومو متغطيه وسلمت عليه حبيت خشمه وراسه وسالني اذا ناقصنا شي ورديت عليه سلامتك

 

[الجوهره الغاليه]

رد: (✿◕‿◕) تفسيــــــــــر الاحلام (◕‿◕✿)

عفيه ردي على حلمي وانا اول حملي كله احلم اني اااكل عيش و مره انه وحده جايبتلي بوفيه تارس الحوش و من ضمنه عيش يهبل و لحوم بحريه و طيور و حمام وغيره شكثر بس مو مطبوخه مجمده جنها يعني طيب منها جايبتهم مع البوفيه بس مو مبين منو هالوحده و جني بوزعهم من كثرهم و مستانسه

 

[حلمي الجنة]

رد: (✿◕‿◕) تفسيــــــــــر الاحلام (◕‿◕✿)

:eh_s(17):

مرحبا فرفشه ياريت تفسريلي حلمي انا عملت سونار بالحقيقه بس باقي وادش الرابع 8ايام وسالتها عن نوع الجنس قالت صغير مو واضح تعالي بعد شهر في نفس اليوم قبل ماانام كنت افكر بنوع الجنين وحلمت ان بنت جيرانا تقول لامي تر ا حلمي الجنة حامل في ولد 100\100قلت طيب ليش ماقالتلي الدكتوره لما سالتها قالت حابين نتاكد انتهى الحلم ......مع العلم ان بنت جيرانا صيدلانيه في مستشفى حكومي وانا عملت السونار في مستشفى خاص

 

[دندنه23]

رد: (✿◕‿◕) تفسيــــــــــر الاحلام (◕‿◕✿)

حلمت اني بالسوق ودخلت محل اكسسوارات اتوقع كان اسمه بالحلم كليرز وكان السوق خبصه وجنه صاير شي غريب بالسوق
مافي حراسه ولا حتى امن ولا كاشير والناس قامت تبوق اللي تبيه جان انا استغل فرصتي واخذ اللي ابيه خذيت خاتم فضه عليه رسمت ورده لونها كحلي ولبسته وخذيت اسواره لونها خشبي على ساعه ولبستهاا وخذيت لي جنطه صغيره ملمومه حلوه لونها بيج
وكنت اقول حق صديقتي اشرايج بالجنطه جان تقولي حلوه قلت لها ليش ماتاخذين مثلها دام كل شي بلاش قالت لا بدور غيرها وانا كنت مستانسه لاني قاعده اخذ اشياء بخاطري

انا موظفه موموتزوجه وعمري 25

 

[فجر الجنوب]

رد: (✿◕‿◕) تفسيــــــــــر الاحلام (◕‿◕✿)

الله يوفقك
من حملت كثير احلم با ابوي الله يرحمه
وكذا مره حلمت فيه
حلمت اني والده با المستشفى وجاني ابوي زياره وانا كنت اصيح وابكي واجد عاد اختي جت معه قالت لي مات ولدك شفت اني جبت ولد قلت لا الحمد لله طيب قال ابوي الحمدلله وقام يوزع حلاوى على عيالي الصغار وقمت

ومره ربي يسلمك حلمت ان الغالي الله يغفر له احنا وياه مجتمعين عند اخوي الكبير واني على وشك ولااااده عاد قال يا الله بنسافر قلت لا ابوي اخاف اولد لاني موجعه فقال لا انشا الله خير وبطريق ولدت وجبت بنت
الله يسعدك وييسر امرك فسري لي

 

[أميرة الورد 88]

رد: (✿◕‿◕) تفسيــــــــــر الاحلام (◕‿◕✿)

مرحبا حبوبه وينج تحلمت حلم ثاني وللحين ماتفسر الحلم الاولاني
المهم الحلم الثاني حلمت اني في وحده كبيره بالسن عطتني عباية وملفها بكرتونه جدد مع العلم انا حامل بالسادس

 

[بنت ذآك الأمير!]

رد: رد : (✿◕‿◕) تفسيــــــــــر الاحلام (◕‿◕✿)

اخوي تحلم فيني ..
انه زوجي منزلني عند باب بيتناورحت عند بيت جارتنا وقعدت ادخن وجا طقني طق السنه بساعه خخخ

بليز فسريه يا قلبي

:eh_s(2):

 

[بنت ذآك الأمير!]

رد: (✿◕‿◕) تفسيــــــــــر الاحلام (◕‿◕✿)

طبعا الللي طقني اخوي مو زوجي

 

[ms_fleka]

رد: (✿◕‿◕) تفسيــــــــــر الاحلام (◕‿◕✿)

االسلام عليكم
انا حلمانه انه خالتي ام ريلي تقولي بسويلكم عرس ثاني يلا قومي لبسي بس مالبست نفنوف عرس لبست عادي ويابتني انا وريلي قتلها خالتي هذا موعرس كنا بيت وحده من خواتها قالت لالا واهي تبتسم هذا مولد النبي صلى عليه وسلم
واتمنى تفسير وشكرا

 

[Petite]

رد: (✿◕‿◕) تفسيــــــــــر الاحلام (◕‿◕✿)

صباح الخير

فرفشه شلونج

انا حامل الحين وامي حلمت انها تلبسني قلاده
وقايلين لها يعني ان فيني بنت


واخوي الصغير عمره 16 سنه حلمان اني يايبه ولدي البيت

شنو تفسير الحلمين ؟؟

وايد قمت أفكر فيهم

 

[الجوف شهه]

رد: رد : (✿◕‿◕) تفسيــــــــــر الاحلام (◕‿◕✿)

اخي حلم بزوجته المطلقه وهي متزوجه الان لها سبع اشهر.وراها كانها عند اهله ومعها رضيعه وهي تضحك بصوت عالي وجالسه بين اهلي.ماتفسير ذالك؟​

اين التفسير اختي؟؟​

 

[MisS.Wawa]

رد: (✿◕‿◕) تفسيــــــــــر الاحلام (◕‿◕✿)

بحط الحلم مره ثانيه عشان تفسرينه لي ضروووري بليز اذا ماعليج امر

يعطيج العافيه اختي والله ما قصرتي :eh_s(7):
الحلم : انا حلمت من قبل جم يوم ان وحده من رفيجاتي زايرتني البيت مع العلم ولا مره زارتني البيت وكانت متضايقه مني وتقولي لا تتزوجين اخوي يبيج بس مو عارف شلون يكلمج لانه متفشل منج وماله ويه وموعارف شلون يبدي معاج الموضوع ويكلمج ويعتذرلج وانا كنت ساكته مارديت عليها مجرد كنت اطالعها ونبرة صوتها كانت حيل حزينه علي...


مع العلم اخوها كان خاطبني وكانت بينا فترة خطبه من قبل سنه بين ماسار نصيب وسارت مشكله بينا و كل واحد راح بطريجه وبرغبته واهوا جرحني بالكلام ... وانا حاليا ناس شافوني واحتمال اتزوج او ادخل فتره خطبه بعد فتره قصيره واهما نفس اليوم عرفوا بهالموضوع بس الحلم كان قبل لا يعرفون ...
ومشكوره ماتقصرين :eh_s(7):​

 

[aya faid]

رد: (✿◕‿◕) تفسيــــــــــر الاحلام (◕‿◕✿)

زوجي حلم انه كان في دوامه وياله خبر تفنيشه وكل زمايله بالشغل زعلانين عشانه وقاعدين يواسونه

هل له تفسير؟؟؟!؟!؟!


انا متزوجة صرلي شهرين وحامل

اختي طوفتي حلمي بدون ماتفسرينه

 

[Violetta]

رد: (✿◕‿◕) تفسيــــــــــر الاحلام (◕‿◕✿)

السلام عليكم
اختي انا عندي ولد الله يحفظه و سقطت عقبه و الحين حامل والله يثبت حملي هالمره
حلمت انه فيني 4 توائم بس ماعرف اذا كانو ذكور او اناث وانشاءالله يكون خير يارب