السلام عليكم ورحمة الله وبركاته
شلونكم عرايس .. مبرووووووك عالحمله الجديده والله يجعلها خير عليكم :eh_s(17):
انا كنت مشتركه بحملة الستر والزواج من سنة 2009 يعني تقريبا من ثلاث سنين وقبلها ماكنت مشتركه بحملات بس كنت دايما ادعي ربي يرزقني بالزوج الصالح والذريه الصالحه بــس ما صار لي نصيب
بس تعلمت وايد خلال هالفتره
تعلمت ان كل شي الله يكتبه لنا خيـــــــــــر لان الإنسان مايدري وين الخير .. احيانا نعتقد ان هالشي خير لنا وهو شر
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
مثال : نعتقد ان الزواج خير لنا الحين ؟؟
بس يمكن بهالوقت بالذات مو خير لنا .. الله اعلم
أكيد ربنا بيرزقنا بس بالوقت المناسب
فاحسني الظن بالله وكوني على يقين تام أن الله لا يقدر لنا إلا الخير دائما
وتعلمت اني احمد الله على كل شي ،،
الحمدلله على كل حال ،، مهما كان احنا افضل من غيرنا
وتعلمت ان الصبر له فضل عظيم وان الله يرزق الصابرون بغير حساب
وتعلمت ان محد راح ياخذ رزقي .. محد ياخذ رزق أحد
قال الله تعالى :-
{ وَفِي السَّمَاءِ رِزْقُكُمْ وَمَا تُوعَدُونَ (22) الطور
وتعلمت انه لن يصيبنا إلا ماكتب الله لنا ..
قال الله تعالى :-
{ قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ (51) التوبة
ليش نحاتي ؟؟ وليش نحزن ونتضايق ؟؟
انا الصراحه جتني فتره قبل شهور كنت حيل متضايقه ويأست وماكان لي خلق ادعي وابتعدت عن ربي عقب ماكنت قريبه منه بس الحمدلله رجعت مثل قبل وأحسن ان شاء الله
وراضيه بنصيبي المهم ربي يكون راضي علي
يا بنات ماكو أعظم وأحلى من انج تحسين ان ربج راضي عليج :eh_s(17):
وتفائلوا .. أنا الحمدلله متفائله :eh_s(17):
ممكن تقبلوني معاكم يا أحلى عرايس ؟ :eh_s(22):
والله يرزقنا يارب ويرزق كل بنت تبي الستر والحلال والخير بالزوج الصالح والذريه الصالحه يارب :yaaaaaarb:
