ادعولي الله يسهل ولادتي .......؟!

[ريوومتي حياتي]

صبآح آلخير & مسآء آلخير


بنات أبي مسآعدگم أنآ مليت وزهقت ولآعت چبدي أبي أولد ملييييييييت 
آلحين تقريبًا بآخر آلتآسع بس أحس بآلام ببطني وظهري گأنهم ولآده ومن نص التاسع ملابس تبلل نفس المآي واحس نفس آلولاده وگل مآروح الطبيب يقولي مافيچ ولآده صرآحه شي يحير شلون گل اللي يصير فيني نفس الطلق ولما اروح الطبيب مافي شي وآخرتها امس لما كنت بالدوام بالكرسي لما قمت في نفس بقعة الماي وعقبها رحت للطبيب وقالي انتي مومفتوحه والماي هذا مو ولاده هذي افرازات والله أني تعبت نفسيآ وحتى عطاني ورقه وقالي انتي آخر موعده لچ 3/18 واذا مافيج طلق تعالي گل يوم سوب تخطيط واذا ماولدتي لغاية 3/25 نعطيج طلق صناعي وانا حدي خايفه ودي اولد طبيعي بدون طلق وامي تقولي الطلق الصناعي موسهل والله من كثر ماافكر صار فيني ارق حتى نوم ماانام وهذا من غير الترجيع اللي تقريبا بشكل يومي .....؟!
وأمس سويت لي دارسين واحس مافي شي بس حسيت بآلام خفيفه ...
اذا تعرفون شي يسهل الولاده وبسرعه لاتبخلون علي ؟!؟!؟!؟!؟....

ادعولي يابنات الله يسهل ولادتي طبيعي وابشرگم ......
والله يسهل يااارب ع گل حامل ويرزق گل وحده ماحملت ....

 

[ام ساره 4]

الله يسهل عليج إن شاء الله بس تو الناس على تاريخ ٢٥ / ٣ ليش مستعيله ما اقدر أقولج شي تاخذينه وتلعبين بعمرج مالج غير المشي وكثري من أكل التمر وشربي حليب بالزعفران والله يسهل عليج يارب

 

[صحكة الايام]

موفقه

 

[ام هالدنيا]

اشربي كف مريم ودارسين واله يسهل عليج وعلي يارب

 

[بحرينيه كوول21]

الله يسهل عليج يااارب

 

[أم عزيـز]

الله يسهل عليج حبيبتي

اكلي تمر وامشي على رمل البحر تره وايد زين المشي على رمل البحر
وشربي منقوع الحلبه كل يوم مرتين

بس دارسين لا تشربين تره الدارسين حق اللي ولادتها متعسره كلش ما يصلح
انا اذكر بأول حمالي من ايني الطلق واشرب دارسين يختفي

عاد من وراها كرهت شي اسمه دارسين

الله يسهل عليج ويسهل ولادتج يارب

 

[ريوومتي حياتي]

مشكورين وماقصرتو حبوباتي 
والله يسهل ياارب وأولد وابشركم ان شاالله

 

[ريوومتي حياتي]

حبيبتي الله يسهل عليج وعلي ان شاالله
ومشكوره ع الافاده بس آخر موعد لي ٣/١٧ مو ٣/٢٥
الــ ٣/٢٥ هذا معطيني مهله زياده واذا ماجتني ولاده يعطيني طلق صناعي

 

[اميرة انفاسه]

الله يسهل ولادتك
حاولي تكثري مشي

 

[قشطة بعسل]

الله يسهل عليج إن شاءالله

 

[خبيرة اعشاب]

عسى الله يهون عليج و تولدين بالف سلامة

 

[L.a.v.e.n.d.e.r]

الله يسهل عليج ويهون ولادتج
ماراح يطلع الا بوقته لا تتعبثين بعمرج
كثري من المشي والجماع والتساهيل من الله
الله يهون علينا وعليج يا رب ��

 

[je t'adore]

عشبة كف مريم مفعولها مو انها اتييب الطلق بس تسهل الولادة حدها
جربييييها


بس الدارسين يودي الطلق
حاولي انج تكثرين من التمر وبالليل كل يوم اخذي شور حار عشان العضلات ترتخي
لاتاخذين خروع لان بس اييب الاسهال مايسوي شي
يغسل بطنج بس


ولاتفكرين
اسهل حل لج انج تقولين للدكتورة مالتج بالفحص توسع تهيئج للولادة
وافتكي

 

[dala3-katkoota]

اول شي الله يسهل عليج يا رب و يسهل على كل وحده حامل يا رب و يرزق كل محرومه يا رب امين ...:yaaaaaarb:

ثاني شي والله ثم والله ثم والله ان كل تاخيره باي شي بالدنيا و فيها الف و الفين و مليونين خيره و يا رب ثبتنا حتى لا نحب تعجيل شي اخرته و لا تاخير شيئا عجلته ...
:yaaaaaarb::yaaaaaarb::yaaaaaarb:
​

عس الله بهالتاخير هذا يخلي ولادتج اسهل ولاده و يجعل البيبي باحسن حال يا رب ,
انا وايد سمعت عن التمر و ترى على فكره النفسيه تلعب دور وايد كبير:eh_s(2): و دايما احسني الظن بالله كله قولي ان التاخير هذا فيه كل خير يا رب و اكثري المشي و الله حاسه فيج معنه انا اول حمل لي بس تفائلي بالخير و انسي التواريخ و كثري استغفار و ان شاء الله نفرح عن قريب بخبر ولادتج الطبيعيه السهله و البيبي الكامل بكل صحته يا رب ...


يا رب تسهل على كل حامل و تقر عيونا بشوفه الظنى باحسن حال و احسن صحه و ترزق كل محرومه يا رب العالمين .

 

[نور**الدنيا]

الله يسهل عليج بولادتج وتوولدين بالسلامه يارب طمنينا عليج ​

 

[ام فوااز]

الله يسهل عليج يارب
وعليج بالتمر وايد زين ويسهل
والدارسين اذا بتشربينه لازم يكون فيج عوار طلوق

 

[عطاء أنثى]

الله يسهل عليج وتولدين طبيعي ان شالله




الصبح ع الريج اكلي تمر او رطب




وامشي امشي امشي

 

[-فلانة-]

عسى الله يسهل ولادتج و ولادتي انا بعد..
انا دخلت ثالث أسبوع من التاسع و الرحم مو مبطل عندي ولا حتى نص سانتي بس والله مو شايلة هم شي الحمدلله مع إني بجرية..
صدقيني ما يتبطل إلا بيومه و ما ينزل البيبي إلا بيومه..
أهم شي ارتاحي الحين ولا تتوترين و وكلي أمرج حق رب العالمين
وسواء طلق صناعي ولا طلق طبيعي بالحالتين عوار بس كله بأجره إنشالله و على قولتهم إهيا ساعة منسية بس تشوفين الضنا بحظنج تنسين الألم كله إنشالله..
عسى ربي يقومج بالسلامة إنشالله..
​

 

[" ام حمود "]

الله يسهل عليج وتقومين بالسلامــة ياارب

 

[LiL MaMa]

نصيييييييييييييييحه لا تشربين دارسين و لا كف مريم الا لما تكونين مفتوحه لأنهم يحمون الطلق بس
ما يفتحون الرحم و اذا صار الطلق حامي و الرحم مسكر راح يتعب البيبي
حطي بالج و لاتلعبين بنفسج يالله هانت
كثري من الجماع لأن السائل المنوي يساعد على الولاده
الله يسهل عليج و يرزقج الذريه الصالحه