1 - ماما انيسه - سلسله شخصيات كويتيه بارزه

[حناينq8]

للكويت ابنائها المخلصين
في شتى المجالات
السياسيه والاجتماعيه والفنيه والثقافيه والادبيه .........الخ

لفتة وفاء منا لهم
ان نخلي هالموضوع وكاجزاء نخصص فيه كل جزء لشخصيه معينه وهو ايضا مرجع نسرد فيه كل المعلومات الخاصه فيهم



بدايه مني

ماما انيسه
ام الكويتيين

انيسه محمد جعفر
من مواليد 1935
مذيعه كويتيه متخصصه في برامج الاطفال
تلقت تعليمها على يد المطوعه سبيكه العنجري وتعلمت القران والرياضيات ومن ثم دخلت المدرسه القبليه للبنات .
من اوائل مذيعات تلفزيون الكويت في فتره الستينات
وكانت ثالث مذيعه حيت تخصصت في برامج الاطفال

عملت في سنه 1946 معلمه في المدرسه القبليه
سافرت سنه 1960 الي انجلترا لمده سنه ونصف
احتلت مراكز عديده منها مديره النشاط المدرسي في وزاره التربيه
ورئيسه قسم برامج التلفزيون وتقاعدت سنه 1984



قدمت العديد من البرامج في التلفزيون والاذاعه منها :

التلفزيون

جنه الاطفال
مع الاطفال
مجلة الاطفال
نادي الاطفال
صبيان وبنات
الاطفال والصيف
ماما انيسه والاطفال

الاذاعه

ماما انيسه والصغار
ماما انيسه والشباب
للحديث مع ماما انيسه
عيال الديره

العديد من الاطفال ممن ظهروا مع ماما انيسه اصبحوا الان من مشاهير وشخصيات بارزه في دولة الكويت


نفتخر دائما بوجود شخصيه نسائيه نادره بالكويت بحجم ماما انيسه ام الجميع :eh_s(17):

 

[حلا الزين]

اذكرها كانت تجينا بالمدرسة الله يحفظها و يطول بعمرها

 

[ملوك الكويتية]

واااي ماما انيسة اموووت فيييهااا اتذكرها شفتها بايام الروضة ويي من زمااان حتى مصوورة معاها يماا فديتها والله يطول بعمرهاا

 

[حناينq8]

حلا الزين
ملوك الكويتيه
شاكره مروركم الغالي حبيباتي

 

[لمى الهاجري]

انا سمعت انها اخت سعاد عبدالله

 

[حناينq8]

لمى الهاجري - لا حبيبتي مو اختها
المذيعه امل عبدالله اهي اخت الفنانه سعاد عبدالله

 

[عادت ذكرياتي]

طلعت معاها بحلقة ماما انيسة بالابتدائي ^_^

 

[حناينq8]

عادت ذكرياتي - هنيا لج وناسه والله

 

[❤كول تحب سكول❤]

يحليلها ماما انيسه وينها اختفت مانشوفها بالتيفي؟

 

[حناينq8]

كول تحب سكول - لا اخر مره شفتها بالجريده في مقابله

 

[قلايد قطر]

لمآ كنت صغيره كنت من محبي برنآمجهآ عيآل الديره ..

الله يطولكم بعمرهآ ويخليهآ للمغلينهآ ..

وحتى عندنا بقطر يوم كنا يهال كنآ نحبها وآآيد ..

 

[el.mlkaa]

أأأأححححبببب هالإنسسآنه قبل كنت انطرها تطلللللع ههههههههه

الله يخليها انشاالله ...

 

[حناينq8]

قلايد قطر - حلو ان لها متابعين من اطفال الخليج
وتحبج العافيه حبيبتي

 

[حناينq8]

el.malkaa
اللهم امين ويطول بعمرها يارب

 

[ام الحوراء زينب]

الله يطول بعمرها ياااااااااااااااااااااااااااااااااااارب
وتسلمين حبيبتي على الموضوع الحلو

 

[فـــخـــر]

احبببببهاااا وليلحين اتابع برنامجها الله يطول بعمرها بصحه وعافيه

<< يطلعون الحلقات القديمه مالت التسعينات ع قناة كويتplus

انطرر حلقة طلعت فيها بـ 2000 وشي :$

 

[حناينq8]

الله يطول بعمرها ياااااااااااااااااااااااااااااااااااارب
وتسلمين حبيبتي على الموضوع الحلو

الله يسلمج حبيبتي - منوره

 

[حناينq8]

فخر - صاجه وايد حلوه كويت بلس
كل شي قديم ينعاد عليها وخصوصا برنامج ماما انيسه

 

[ريماس الحلوه]

ماما انيسه الكل يحبها الله يطول بعمرها ويعطيها الصحه والعافيه بس انا مستغربه اشلون اهي مواليد1935وصارت معلمه سنه 1946يعني معلمه وعمرها 11سنه ياليت تتاكدين من هالمعلومه ولج كل الشكر علي هالموضوع الحلو0

 

[حناينq8]

ماما انيسه الكل يحبها الله يطول بعمرها ويعطيها الصحه والعافيه بس انا مستغربه اشلون اهي مواليد1935وصارت معلمه سنه 1946يعني معلمه وعمرها 11سنه ياليت تتاكدين من هالمعلومه ولج كل الشكر علي هالموضوع الحلو0

حلت ايامج حبيبتي

جيكت باكثر من سايت وكله تطلع لي نفس هالمعلومه !!!