15 شهر رياضه ب 270 دينار وعلى دفعتين ! دشوا عطوني رايكم

[منوله كويتيه]

مرحبا بنات

اليوم مع الجريده لقيت اعلان منفصل لنادي فاتصلت كالعاده

رد علي واحد مصري عرفني بنفسه انه واحد من المدربين وهذا ملخص المكالمه :

النادي موجود بفندق كراون بلازا بموقعين الفروانيه والسالميه

في مكان تدريبات منفصل للسيدات وفي مكان مختلط للي تبي

حمام السباحه مختلط للأسف

العرض لمدة سنه وعليهم هديه 3 شهور يعني 15 شهر

وهديه عالعرض للمشترك أو المشتركه 10 حصص مجانيه مع مدرب شخصي أو مدربه شخصيه يعني تقعد على راسج سوي جذي وسوي جذي عشان عقبها لما تتمرنين مع المجموعه والمدربه تكونين عارفه شنو البرنامج اللي يناسب حالتج

النادي مفتوح 24 ساعه:eh_s(9):

ممكن أزور النادي مره واحده لتجربته قبل الاشتراك

العرض مدته لنهاية هالشهر فقط (شهر سبتمبر)

والأهم سعر العرض 270 دينار يعني ارخص من تشامبينز وإليزيوم وفلكس بس حسافه ماقدر استخدم حمام السباحه لأنه مختلط:eh_s(14):

قلتله ماقدر ادفع السعر دفعه وحده قاللي اذا في فيزا كارد أو ماسترد كارد ناخذ المبلغ على دفعتين أو ثلاث قلتله ماعندي الا كي نت فساعدني فكان رده انه بياخذ المبلغ على دفعتين يفصل بينهم شهر فعجبني الوضع على أساس ادفع على نزلة المعاش هذا واللي ياي

فهل في وحده من كويتياتي العزيزات مجربه هالنادي او تعرف احد مجربه تفيدني قبل لاأشترك وجزاها الله خير عني ؟؟؟

 

[xxx]

للأسف ماجربته

بس بسالج النادي مختلط ولا بس حريم ؟

 

[منوله كويتيه]

مشكوره بنت الكويت على ردج علي

حبيبتي حسب مافهمت منه فيه قسمين قسم للسيدات والمدربات سيدات ايضا وقسم مختلط

ياريت اللي تعرف شي عنه تفيدني قبل ماأشترك

 

[kuwait1981]

حبيبتي منولة كويتيه..........
والله بصراحه انا اخوي مشترك من فتره بهذا النادي و مطنش الله وكيلج ما يروح بس جنه قايلي ان في فترات مختلط وفترات حريم بس........
حبيت افيدج باللي اعرفه وسامحيني على القصور.....

 

[نور النت]

اخوي مشترك بكروان بلازا ويقول مختلط
ومادري اذا فيه مكان مخصص للسيدات ولا لآ .. انتي روحي وشوفي بنفسج احسن
وصراحه اذا النادي مختلط وما تقدرين تسبحين حسافه تشتركين سنه بدون سباحه
عموما هالشي راجع لج ومن رايي تروحين وتشوفين بنفسج واذا عجبج الوضع اشتركي العرض ممتاز والنادي حلو حيل والاجهزه ممتازه بس عيبه الوحيد مختلط

 

[منوله كويتيه]

Kuwait 1981

مشكووره على المرور والرد وزين نبهتيني ، قاللي للسيدات ومختلط ، لايكون يقصد فترات وفترات ؟ جذي بتقيد

نور النت

مشكوورة على المرور والرد ، أنا متحسفه على حمام السباحه والله لأني أحبها وايد بس العرض شجعني ، فعلا مثل ماقلتوا لازم أمر الأول أعاين النادي وبعدها أسوي استخاره واستقر

مشكوورين ماقصرتوا

 

[Q8_DeSiGnEr]

حتى انا اخوي مشترك بالنادي ويقول مختلط واغلبه اجانب

شالسالفه كل المنتدى اخوانهم مشتركين بالنادي هههههههههه

 

[الكويتـ80ـية]

و الله لو مختلط مشكله .. بس البنت تقول انه فيه قسم سيداات فقط
اتصدقوون بنات الأنديه ملووت الريايل أرخص من الحريم ... ما دري ليش؟؟؟

 

[سهارا]

حتى آنا اخوي مشترك فيه بس اهوا مختلط قايلي اخوي عنه واغلبه اجانب

 

[منوله كويتيه]

واضح انه ماراح ينفع

نشوووووووووووووووووفلنا غيره بس بعد رمضان وعليكم خير

مشكووورات وماقصرتوا

 

[paris]

والله اذا 15 شهر وبهالسعر
شي خيالي
عادي لو 3 ايام بالاسبوع مو مشكله وعاي مدربه خا

صه على راسي واتابعني واي اذا صج بصراحه صفقه

عموما مشكوره عالمعلومه بشوفهم يمكن اشترك معاهم

 

[DenTisT]

انا كنت اشتغل بكروان بلازا و شايفه النادي و اللي قصده انه في للسيدات " يعني لهم صاله بروحهم " و في مختلط " يعني الكل مع بعض
و يكونون مفصولين عن بعض مالهم شغل

بس ماكو رياييل بروح ، يعني يا مختلط او سيدات


و نصيحه النادي مو ذاك الزود لانه قمته و مسكر مال الحريم حتى ما فيه درايش و مكان المختلط شرح و حلو

 

[ظلال القرآن]

وييييييييييييييه جنى مو شي

انا ما افضل اي نادي يدشونه حريم وريايل
حتى لو كان ايام للحريم وايام للريايل تخيلو حمام السباحه ويع

وهذا شكله ساعات جذي وساعات جذاك

عاد تخيلو لي صار وقت الريايل ...تغطو يا حريم

ما انصحج شامبيون لو اهو غالي بس سعره فيه

على الاقل مخصص للنساء

 

[منوله كويتيه]

مشكورات على تواصلكم ونصايحكم

انا فعلا صرفت نظر وانشالله ببتدي مع دكتور عبدالله المطوع بعد رمضان يضبطلي اكلي ومن صوب ثاني اخلص تدريس العيال واطلع الممشى نص ساعه الى ساعه ،، واذا التزمت ونزلت بدخل تشامبينز عشان انسق جسمي

ادعولي بالعزيمه والصمود

وكل عام وانتم بخير وعيدكم مبارك