18-12 آخر موعد حق ولادتي و دكتورتي سافرت !!!!!

[GhaiR_iLNaS]

قوة بنات شلونكم... اليوم دقوا علي عيادة دكتورتي ماجدة اليتامى و قالولي انه دكتورتي طلعلها مؤتمر طبي مفاجئ و سافرت و انا آخر موعد حق ولادتي يوم السبت الياي 18-12 :tongue22:

ودي أعرف إذا يتلي الولادة قبل و اهيا ليلحين ماردت شسوي ؟:gr4uu:
امي قالتلي أروح حق دكتورة خالدة المجيبل أفتح ملف عندها و أدخل أقولها السالفة.. تتوقعون توافق تولدني؟ ولا لأ !!!

و شرايكم فيها اهيا زينة ؟ نفس مستوى ماجدة ؟ هذا ثاني بيبي و أنا ودي بخياط زين.. عرفتوا ؟

بليييز اللي عندها فكرة عن دكتورة خالدة تقولي و هل ترضى تولدني و لالأ ؟

و مشكووريين :tek:

 

[GhaiR_iLNaS]

رد : 18-12 آخر موعد حق ولادتي و دكتورتي سافرت !!!!!

شدعوة محد يرد !!!!

 

[غلاي غير]

انزين الدكتوره ماقالت متى ترجع يعني اطول والا اقل من اسبوع

اي اكيد ادورين دكتوره خياطها زين وروحي واخي امج وياج وكلموها اعتقد بتوافق

والله يهون عليج بهون وسلامه

 

[نماين]

ما عندي فكرة عن الدكتورة خالدة

بس الله يوفقك ويسهلك

 

[GhaiR_iLNaS]

رد : 18-12 آخر موعد حق ولادتي و دكتورتي سافرت !!!!!

قالولي احتمال ترد يوم الخميس !
بس انا ابي احطلي دكتورة احتياط أخاف اييلي الطلق قبل الخميس و أتوهق !

و مشكورين اللي ردوا :*

 

[زهرات]

د خالدة زينه وشاطرة
بس مادري اذا يفتحون لج ملف بشهرج او لا

 

[حرم يوسف بيك]

رد : 18-12 آخر موعد حق ولادتي و دكتورتي سافرت !!!!!

الله يسهل عليج وترد دكتورتج قبل ولادتج ودكتوره ماجده شاطره والكل يمدحها دوري دكتوره بمستواها ودكتوره خالده ماعرفها بس سوي سيرج بقوقل عنه واقري تجارب البنات والله يسهل عليج

 

[om-3abodey]

زين اذا في دكتورة تستقبلج وانتي بشهرج
ان شاءالله تلاقين دكتورة زينة الحين في وايد دكتورات زينين عندج امل عبدالعزيز حتى عند دلال السالم نداء بوخضور البنات يمدحونها
والله يسهل عليج يارب

 

[hneen2]

والله ماعندي فكره عند الدكتورره

بس حبيت اهنيج علي تاريخ ولادج اينن تكفين اولدي بهاليوم تدرين ليش







لان يوم عيد ميلادي لووووووول

ربي يهون عليج ياااارب وتيبين احلا بيبي ان شالله

 

[خليفة العظماء]

للاحتياط روحي لدكتوره ثانيه او دكتور وفتحي ملف واذا يتج ولاده ودكتورتج ماردت روحي لهم وخلصنا

 

[LiL MaMa]

رد : 18-12 آخر موعد حق ولادتي و دكتورتي سافرت !!!!!

الله يسهل عليج

 

[om al ghaleen]

الله يسسهل عليج ياارب
والله مادري شقولج من الحين كلمي د خالده
يمدحونهآ بس ماجربتها


\\

 

[هوازن العتيبي]

رد : 18-12 آخر موعد حق ولادتي و دكتورتي سافرت !!!!!

الله يهون عليج

 

[روبرتوكافالي]

رد : 18-12 آخر موعد حق ولادتي و دكتورتي سافرت !!!!!

نداااااااااء بوخضور وبسسسسسسسسسس

والله يسهل عليج ولادتج يارب

 

[دلع86]

جربي دكتوره ليلى اشكناني انا ولدت عندها مرتييين والله تهبل عسسسل

 

[كويتيه مذهله 87]

كلهم فيهم الخير والبركه اكيد بيرضوون السالفه فيها فلوووس لوووول

 

[om_dodo]

شكو دكتورة ثانيه وعيادات وخرابيط
روحى مستشفى احسن لج واظمن فتحى ملف وسوى بيانات عندهم
متى ماياتج الولادة الا اهو مستشفى موجود ومفتوح بابة 24 ساعة نصييييييييييحة
وموفقه

 

[غلاي عزوزي]

انا تفاجأت يوم ياني الطلق الا دكتوري مسافر لاحس ولاخبر ولاقالي مالت عليه وولدتني دكتورة الطوارئ
والحمدلله ربي يسهلها لاتحاتين
من الحين شوفيلج غيرها

 

[& الذاهبه &]

الله ييسر امورج

 

[نمله ممصوعه]

الله يسهل عليج وانا كلامي مع كلام اختي ام دودو

روحي للمستشفى وخلاص وكلهم شطار
والله يكتب اللي فيه الخير