2 كيلو متر مشى او ساعه مشى بالممشى كم يحرق سعرات حراريه؟؟

[كويتيه رزتها ملكيه]

:68_asmilies-com:

بنات اذا مشيت يوميا 2كيلو متر او ساعه

جم ااحرق كالورى :eh_s(1):


االى تقدر تفيدنى بالاجابه الله يوفقها ومشكووره

 

[الاخلاص]

ساعه اكثر من 2 كيلو انا امشي نص ساعه بسرعة قدرها 5.5 احرق تقريبا 150 سعره او اكثررررر

 

[AL-N7EESAA]

انا بالنسبه لي لما اروح امشي اودي معاي اللي يحسبلي السعرات تلقينه فبوتس بست دنانير خوش جهاز ويشجعني امشي اكثر احرق تقريبا 2000 سعره بالرياضه

 

[كويتيه رزتها ملكيه]

مشكووووورين بنات


مااقصرتوا

 

[dan]

انا امشى بسرعه معتدلة يعني مشي سريع شوي تقريبا ال 40 دقيقة احرق فيهم 200 سعره حرارية اذا شوي مع جري 250_280

 

[~!@FOFY~!@]

وين القااه بالضبط

 

[أميره بأخلاقها]

والله انا صاارلي 3 سنين اقووول بااجر برووح امشي ولي هذا اليووم ما رحت

شراايكم

 

[رمانه كويتيه]

انا امشى على الجهاز ساعه وعشر دقايق بسرعه 4 ونص يطلعلى ماشيه خمسه كيلو وكسور والكلريز 380 طبعا يوميا

 

[عهود الحب]

خوخة حاولي تمشين بشكل جبل يعني ترفعين السير فوق ترى المفعول اقوى حيل

 

[dana777]

هو المفروض جم باليوم نحرق سعرات حراريه؟

 

[مس باتشي]

جم بنات المفروض نحرق باليوم سعره حراريه

 

[عهود الحب]

دكتوري قالي انه لازم نحرق اقل شي 500 كالوري

دكتور محمد ربيع

 

[كويتيه متغربه]

,وأنا حدي أمشي نص ساعه يعني ماتسوي شي الله يعينا

 

[عهود الحب]

كويتيه متغربه قليل دائم خير من كثير متقطع


بما معناه بالحديث الشريف


ودوام الرياضه احسن من عدمها لاتيأسين كل يوم زيدي دقيقتي الين توصلين للحد المطلوب




انا الطبيب قالي ساعه ونص مشي موبطيء ولاسريع زين يعني مشي رياضي خوش


وينزل الوزن



اما بالكالوريز قالي اقل شي 500 كالوري يوميا




وانا اقوووووووووول بيغست لوزرز بنات البرنامج تشوفونه كله يلعبون رياضه ويخسرون تقريبا 800 كالوري


سبحان الله مع انه البعض منهم كبرنا مرتين

 

[ناني سيكرتس]

حبايبي ساعه مشي سريع حبه بالهواء الطلق يحرق 500 كالوري, واذا قاعده تمشين عالجهاز يحرق 300..

 

[كويتيه رزتها ملكيه]

مشكوووووووورين بنات

وانا سمعت معلومه يديده

ان بعد 20 من المشى المتواصل يبدا الشحم والدهون ان تتحرك

يعنى لازم نواصل المشى لما بعد 20 دقيقه لان قبل هالوقت مافى اى شى بس تسخين للجسم والعضلات ويكون المشى تدريجيا من بطى الى معتدل وسريع الى هروله

يعنى من ساعه ونص الى ساعتين يوميا واااو انجاز

 

[الست اصيله]

200 تقريبا

 

[..صدى الأشواق..]

رد : 2 كيلو متر مشى او ساعه مشى بالممشى كم يحرق سعرات حراريه؟؟

أنا ودي أعرف شلون لما قلتوا ::أمشي 4ونص .. 5 ؟؟

شلون يعني هذي سرعه وإلا 4 كيلو ؟

وودي أعرف ساعه كم تساوي من كيلو؟

 

[توتايه الحلوه]

بنااات انا امشي بالبيت بصالتنا عووده
امشي تقريبا ساعه جم كالوري راح انزل ما اعرف

 

[Dubai-Girl85]

رد : 2 كيلو متر مشى او ساعه مشى بالممشى كم يحرق سعرات حراريه؟؟

صعب شوية تقيسين كم تحرقين...
لأنه الموضوع يعتمد على كذا شغلة:
1- السرعه
2- شدة الانحدار
3- المدة

وفي حالات مثلا الوحدة تكون حاطة اثقال تنلف على الريل.. فطبيعي بتحرق اكثر


وتحياتي لج...​