360 يصرخ يااهل الكويت وين التوعيه حراااااااااااام

[<< أزيان >>]

العفو حبايبي

الله يعافيكم

شاكره مروركم حبايبي

 

[جاي الضحى]

وعليكم السلام؛

الصور تبين شي مخزيييي جداً وودي أبين إن الحاجة إلي الحراسه المكثفه تعكس صوره إن رواد المول في حاجه إلى مراقبة شديدة و تقويم دائم ؛ غير قادرين على ضبط سلوكياتهم تلقائياً. ااااه يا خزيااااه.


الحل الامثل اهو تشديد جزاء تخريب/تشويه ممتلكات الغير والحرص على تطبيق هالعقوبة حرص صارم على كل متعدي سواء كان مواطن (الاخزى) أو وافد. ماكو أرحم من الله في عباده مع ذلك وضع أشد العقوبات للمخطيء لأن بالنهايه فيها قوام وراحه للجميع.

وإلي تقول الهنود اهم السبب أقول... ما شفتو الشخابيط/ السب إلي ينكتب بالعربي على طوف بعض المدارس!!! ولا على الادراج والحمامات. ليش تكابرون وتدورون ال ازي واي اوت؟!


للاسف فيه ناس تسعي وراء إقتناء ماهو ثمين و تتباها فيه هادفه انها تبين للغير مدى رقيها متناسيه إن السلوك السوي وعدم تشويه ممتلكات الغير وتربية عيالنا على هالقوام من أبرز علامات الرقي الحقيقي.

أقدر وطنيتج يا ماركيه. والله يحفظ ديرتنا.

 

[Shima-Style]

امبيييييييييييييييييه شنوووو هــــذا ليش جذي :eh_s(1)::eh_s(1)::eh_s(1):
والله الواحد مايبي يحط بذمته صج عيالنا شايفين خير والحمدلله .. وعلى قولتكم المجمع متروووووووس وافدين وبالذات الهنود

 

[78MariMar78]

وااااااااي ..مت من الحره

ليش جذي؟؟؟؟؟

بس واللي يعافيكم لا تقطونها عالهنود....عيال الديرة مو مقصرين ..

والله لا اهو قلة تربية ..ولا اهمال..ولا قلة مجابل لهم ..

بس قلة توعيه ..الاهل ما يوعون عيالهم على انه عيب وغلط وحرام شرعاً..

ما يسولفون معاهم عن هالشي...الكل يستبعد انه عياله يسوون هالشي..

و المراهقين يسوون اشياء تسود الويه وتعور القلب ..والدليل الكتابه عالطوف والمحولات ..بكل منطقة بالكويت لازم توقيع عالطوفه !!!

أكيد مو هنود..

الله يهديهم يااارب..ويحفظهم ويوعيهم

وانا مع الأخت اوركيد كفت ووفت...

تسلمين ماركية على التنبيه

ربي يجزاج الخير...

 

[sun_kisses]

ياااقلبي هذيلا مو عيااالنا ... عيااالنا مأدبين وشااايفين خير ... واااعين ويحبون ديرتهم ...

هذيلا الهنووود والوااافدين اللي يروووحووون عشاااان سوبر مااااركت اجياااان ....

يمرووون من يمج كل واااحد معاااه كاميرا وريحته خاااايسه و يخزوونج جنها ديرتهم مو ديرتج ... والله حرااام هالأشكااال يخربووون هالمكااان ويوصخووون الحمامات... :0bee2e8d89:

اي والله خيتووو قلبي على قلبج من شفت الصور يايه برد انه مول 360 اكثر شي فيه وافدين

تروحين ولا جنج بالكويت شي يحييييررر



مشكورة خيتووو على الموضوع التوعويه والله يحفظ ديرتناااا ويجملهاااا اكثر واكثر

 

[bnota.class]

انبطت جبدييييييييييي مشكورة حبيبتي والله يرزقج ماتتمنين

 

[fajer-85]

انا ماراح اعلق على الاخت الي كتبت الموضوع لأن يزاها الله الف خير وماقصرت

لكن انا تعليقي على كل الاخوات الي قالوا هذيله الاجانب لهنود وغيرهم

على اي اساس انتي حكمتي ان هذيله الاحانب ليش شايفتهم بعينج

اظاهر يا اختي ماشفتي الشخابيط الي بالجمعيات والمدارس والفرع حته المحول والمستوصف ماسلم من عيالنا

عيالنا شياطين ويحبون يتعبثون في كل شي ويحبون ايخربون تدرون ليش لأن مع الاسف ماعندنا وعي وطني داخل البيت

كل وحده اتهمت الاجانب والوافدين والمقيمين راح تاخذين اثامهم كلهم

 

[brettey]

في ناس يمشون على المثل الي يقول مال عمك لا يهمك
والله عيب

 

[أحلى همبه كويتية]

اييييييييييييه ماركية
انا رحت له مرة وحدة عقب ما ردينا من السفر
وااااااااااااااي حدي انصدمت

اقول حق ريلي شوف شمسوين الغفنات ستن وكلهم مبقعين ومشققين

شنو هذا صج مو كفو

والله كافي عليهم طاولات وكراسي نايلون مثل الحديقة
حرام ماكو أحساس بالمسئولية


بس المجمع كله على بعضه ما عجبني
مليييييييييييييق

 

[أحلى همبه كويتية]

حبيبيتي محد يسوي جذيه إلا عيالنا المتفرعنين

الأجانب والوافدين ما يسوون جذيه


والله انا يوم رحت
ريلي قال خلينا ندخل نشوف معرض ام كلثوم
وإلا واحد عمره 12 سنة إلا يبي يدخل والأمن يقوله لا بس عائلات
تدرين شيرد عليه ؟؟

يقوله وخر انت مصري وبتكلمني ادخل يعني ادخل ورفع ايده بيطق الأمن
شنو هالأدب والتربية ؟؟؟

هيييييييييييييلق
ومسكين المصري عصب وقال حق مسئولهم الكويتي
احنا مالناش لازمة واقفين سيكيورتي
عيالكم ماعندهم احترام لنا

وهذا الكلام صار جداااااااااامي

لا تقولون وافدين الله يخليكم
عيب

 

[*بحر الشوق*]

^^
يالله والله عييييييييب

يعنى عيال الديره مومقصرين وهذا اكبر دليييل

 

[<< أزيان >>]

يسلمووووووووووو


حبايب قلبي

واشكر ردودكم

 

[صاحبه التميز]

والله وين ما نروح قاعدين نشوف اشكال ربي يعلم فيها ..
ومصيبه عليهم مو حارمين نفسهم بس اللي يعور القلب صج اللي قاعدين يسونه ..

وياكثر السعودين عندنا ..

 

[بنت بابا جابر]

عيااالنا هيلق ومتفرعنين و الهنووود والباكستانين ملائكه

عندكم سوق شرق من متى فاااتح ...؟؟؟

ومااافي حراااس أمن مثل الأفينيوووز وفيه سينما ومطااعم... ليش ما كسروووه وشققوا الغنفااات ...؟؟؟

لأن مااافي سوبر ماااركت راااعيه هندي مثل جيااان ولولو هايبر وسيتي سنتر ......

عمركم شفتوا هندي قاااعد يشتري من مركز سلطااان ......؟؟؟ لأ تدرون ليش لأن راعيه كويتي(عندهم ولاء مو طبيعي حق بعض مو احنا)

مو هذا مو ضووعنا ...

انا برد على الإخت اللي تسأل بالخط العريض الأحمر وبكل ثقه ليش شايفتهم بعينج برد عليها واقولها ايه بس مو تشقق الكراسي ...

حبيبتي شفتهم تعدووون أحواااض الزرع ويخربووونهم عشااان يصووورووون ... مت قهر

وانا الحين بسئلج نفس السؤااال انتي شفتي عيااالنا ... وهم يشققون الغنفااات ...؟؟؟ لا تقووولين لي المدارس والمحولات والمستوصفااات ... كل دول العالم بدون استثاااء المراهقين يكتبووون على الطوووف على فكره هالظاااهره وااايد خفت ... موضوووعنا عن مجمع 360 والمنظر اللي بالصوووور

 

[elzain^kella]

ma agool ella 7asbeya allah wa ne3ma al wakeel 3ala elli sawwa chethi

 

[sunkista]

وااااي صج حرااام

 

[آلسحرآلحلال]

لله يهديهم ..

 

[*أم*خالد*]

ها ؟ ها ؟ ما سمعت ؟؟

حبيبتي قولي وتكلمي وحطي مواضيع من اليوم لي باجر لي عقب باجر لي يوم القيامه

اذا السنع ما يا من الحكومة واهيه الراس العود والمجلس .. إنسي

عيل اليوم ادق على البلديه ابي ابلغ عن واحد موصخ الشارع .. بلديه حولي .. الخط مقطوع ؟؟
شلون خط تلفون جهة حكومية رسمية وضرورية ومهمة مثل البلديه مقطووع ؟
ليش مافي خط ساخن مثل 777 حق هالأمور ؟
جان والله ديرتنا تلق لق مو كل واحد خاصة الوافدين الله يا وصاختهم يتفل ومادري شيقط بالشارع واذا قعدو بمكان على البحر ولا بحديقه ياكل حب ويحذف قشور على الثيل

شهالديره اللي اتييب المرض قطيعه تاخذ هالمسؤولين مايحللون معاشهم مصيبه تاخذ أرواحهم

وانتي تقولين قنفه مشقوقه ؟؟ يبا الشق عوووووووووود عووووووووووووووووود

واذا كان رب البيت للدف ضاربا فشيمه أهل البيت الرقص

إي أنا اسلوبي هجومي بس مو ضد كاتبه الموضوع لأ .. من القهر والواهي اللي صار فيني اليوم من هالديره اللي ودي احط المسؤولين فيها بمشخال واشخلهم عدل اهم وحاشيتهم واييب جدر عملااااق فيه زيت مغلي واحذفهم واحد ورا الثاني
الله ياخذهم => السيئين منهم

 

[\ بدوية ذووق /]

صراحه حراااام كل هالذرابه والمخاسيير اخرتها يجون ناس لاوعي ولا مبالاه ويخربون كل شي وياليت صارله فتره طويله من فتح حراام بعد هذا والمجمع للحين ماكتمل وبطلوا كل المحلات صج ناس ماتستحي والله خساره فيهم كل هالسنع والاهتمام صج يفشلوون وتسلمين حبيبتي عالتنبيه فعلا شغله تحر لاشفتي مكان مرتب ونظيف ومتعوب عليه يخربونه ناس عديمين الاحساس والمبالاه

 

[<< أزيان >>]

بنت بابا جابر

كلامج عالعين والراس بس هم هالهنود والوافدين فيهم الزين والشين

وهم ماننسى افضالهم والله لوموموجودين جان ديرتنا خاست ولا تبين عيالنا يشتغلون حشاكم زبالين

ولا حماليين يعني ميخالف طولي بالج ياعمري ووسعي صدرج

والاختلاف بالرأي لايفسد للود قضيه

شي طبيعي الناس تختلف بالراي حتى الاهل بينهم وبين بعض ساعات تصير صيحه ونجره بسبة اختلاف الراي

ويرجعون حبايب واخوان ولاجن شي صار

فديتج والله وعيانا مامثلهم ماشاء الله مايحتاج نتكلم عنهم افعالهم وانجازاتهم اهي اللي تتكلم

ومافي شعب بأكمله صالح بكل العالم واحنا موملائكه ومحد معصوم عن الخطأ سواء كويتي او وافد واللي علينا مجرد التذكير



ام خالد

طولي بالج حبيبة قلبي خابره قلبج كبير وروحج مرحه مع ان كلامج قوي بس هم عسل

ماعلي حبيبتي هذي ديرتنا واحنا لازم نتحملها بخيرها وشرها بزينها وشينها اقصد الناس اللي فيها

ولا الكويت حبيبتي كل شي فيها زين واحنا بخير ونعمه ولله الحمد شوفي الدول الثانيه شلون محسرين بشعبهم

ومافي لاديمقراطيه ولا شي لكن احنا والحمدلله اي شخص يقدر يوصل صوته للحكومه عن طريق الاعلام

وعن طريق اعضاء مجلس الامه الله يحفظ ديرتنا ويحميها من كل شر يارب

قولوا امين





كل البنات اللي شاركوا بالموضوع

واللي حتى طلوا

حياكم الله حبايبي ونور الموضوع بطلتكم الحلوه