4 سنوات عذاب والله العظيم صرع نفسي

[الجنان 86]

شلونكم بنات انا سالفتي سالفه تحير كل من قراها حبيت واحد حب موطبيعي وقعدت معاه 3 سنوات حب وكانت احلى 3 سنوات بحياتي كلها كنت اشوف الدنيا جميلة وكلشيء له حل ماكو شيء صعب ومهما مريت بظروف السعادة والطمانينة ماتفارقني والضيق وبضيف شغلة ان كانت حياتي مع اهلي فيها اهانة وعلاقتهم معاي مو مبينية علي احترام وتقدير الذات واعطائي قيمة واهمية لانهم بالاصح ماكانوا يحبون بعض كانت حياتهم مع بعض كلها صراع فعشت طفولة ناقصة حب وعاطفة ومشاعر من قبل اهلي فكنت ابحث عن الحب وتقدير الذات ان احد في الدنيا يحسسني باني مهمة وذات قيمة فكنت ابحث عن الحب لين لقيته طبعا مثل ماقالت نعيمة الهاشمي ان الزواج السعيد او بالاصح العلاقة السعيدة هي السبب في زوال المشاكل النفسية السابقة طبعا انا موزواج كان حب وفعلا تغيرت من انسانة محبطة وسلبية ونكدية الي انسانة انظر للمستقبل بكل ايجابية وتفائل طبعا :eh_s(2): صار موقف خرب علي كل مخطط حياتي اني رح اتزوج من هالانسان تقدملي رجل من عايلة معروفة ومرموقة وطبعا لاقت اعجاب من قبل امي وابوي عليه وافقوا وحطوني جدام الامر الواقع :eh_s(11):حددوا مع اهل المعرس كلشيء واجبروني وحلوه بعيني مع العلم ماكان احد يعلم بعلاقتي السابقة سبحان الله استخرت ومثل رتحت لما صار موعد اللقاء مع المعرس عشان اشوفة ويشوفني مع الاهل ماعجبني ماكان حلو كان جيكر مادش بالي واهلة كانوا بسيطين مومثل ذوقي وستايلي وكشختي كانوا هيلق فالوضع كلش مايازلي طلعت ابجي من كل قلبي اقول معقولة اترك اللي احبة عشان هالخمة مستحيل كانوا وايد هيلق سبحان الله مرت الايام بسرعة وملجت علية وكانت المدة شهر بين الملجة والعرس ماجذبني باسلوبة ولا استحواني ولا عجبني بشيء كان انسان بسيط حيل شخصيتة عادية يعشق السكوت والهدوء وانا شخصيتي غير طبعا طول هالفترة وانا ماقطعت عن حبيب قلبي الاولى وماكوا ولا نتفت مشاعر تجاة خطيبي ولا حب ولا رهبة ولا احترام ولا تقدير انظرله كانة رجل عادي جدا مابيني وبينة الا عقد زواج كنت مااشتهه وبعد الزواج فكرت بيني وبين نفسي اني اترك حبيبي السابق خوفا من الخيانة وان زوجي مهما كان نايحقلي اخونة :eh_s(16):عشت مع هالانسان عيشة الله ارحم بحالي جني عجوز نطفت كل احلامي وراحت كنت كل ليله ابجي مابي اعيش نسيت حالي صرت كبيرة جيل لا لبس زين ولا مكياج ولا حياة جميله ابدا اخترق المشاكل كا يوم سالفة ومشكله عشان بس يمل مني ويتركني ويطلقني ماحبيتة حملت منة وكنت كلي حزن ماتقبلت حمالي وكرهت اللي اب بطني ليما ولدت واهنية المصيبة اني ماتقبلت بنتي كرهتها قسيت عليها وقمت اعاملها باحتقار والله العظيم يابنات غصبن علي موبيدي رفض تام والله اني موعارفة شنو رح يكون مصيري ومصير بنتي كل مشاكلي النفسية السابقة طلعت فيني والله العظيم نفس مااهلي كانوا يسوون فينا حسيت شعورهم بغض وكرة وعدوانية يابنات لحقوني انا ضايعة وبضيع بنتي معاي الحين بنتي عمرها 3سنوات وماني قادرة اكسر الحاجز اللي بيني وبينها والله اهني كل ام علي علاقتها اب بنتها لاني فعلا محرومة منها كلها معصبة عليها ومغمومة بنتي صارت حساسة حيل وسلبية ماكو شيء يعجبها والله قاعدة اشوف طفولتي بعينها واتحسر والحين بقوة قاعدة ادور الحب ابي احب وانسى همومي ابي ارتاح

 

[ســحر الانـوثـه]

ياويلي عليك حرام اللي تسويه بنفسك وببنتك ...هذي امانه وانتي مسؤؤله عنها امام الله ..نصيحتي ياقلبي الا بنتك بالله اسالك وش ذنبها تسوين لها كل هذا ...طيب وزوجك ماسوا لك شي يخليك تزعلين او تنقهرين ..يمكن هذاك اللي حبيتيه لو بوقتها ليش ماتقدم لك وخطبك ..بس خلاص صار اللي صار وهذي الحين حياتك لازم تعيشيها انسي اللي فات ..ماراح ينفعك بشي
انتي قلتي بمشكلتك ابغى احب وانسى همومي وارتاح طيب حرام عليك انتي متزوجه طيب حاولي تحبينه هو ماسوا لك شي يخليك تكرهيه
اذا هو مو عاجبك تصرفاته انتي بامكانك تغيريه للافضل تقدرين ياما في متزوجات ازواجهم وين كانو وكيف صارو
اقترحي عليه انكم تسافرو تغيرين جو عشان نفسيتك ترتاح الرسول قال بمعناه انو اللي يطفش او نفسيته تعبانه وصانا بالسفر
بس مو متذكرة نص الحديث
وياعمري الحمد الله بنتك عمرها 3سنوات لو كانت اكبر صدقيني ماراح تنسى حركة من حركاتك لها وراح تتذكرها طول عمرها وتعيشيها بنكد اش ذنبها الطفله البريئه تعامليها كذا لا مو غصب عنك طلعي حرتك باي شي ثاني مو فيها مو عشانها صغيرة
صدقيني راح تتعقد اذا ظليتي كذا تعامليها باحتقااار ...
وانتي الله يهديك عليك بالاستغفار والدعاء خاصة بالشهر هذا وانشالله يارب تتحسن نفسيتك ياقلبي ..دايم استغفر وماتصير لي مشكله الا وتنحل خلي املك بالله كبير وادعيه ..او روحي خذي لك عمرة وادعي ربي وانشالله بيتحسن حالك ياعمري
انا ترا مو احسن منك انا نفسيتي تعبانه لابعد الحدود ,,لان طستني عين من سنه تقريبا وصايرة عيشتي تجيب الهم وصايرة مااتكلم مع احد وحتى امي ملاحظه بس انشالله بروح ارقي نفسي
وعلى فكرة انتبهي على بنتك امانه لاني انا صارت لي مواقف وانا صغيرة مع امي ليوم يومك مانسيتها اتذكرها بس الحمد الله انا عمري ماعصيت امي بكلمه او رفعت صوتي عليها وانا اكثر وحده امي تحبها بالعايله
بس مع كذا مانسيت مواقفها معاي يعني حتى الصغار يتاثرو ويحسون
بس حبيت انبهك ...
واسفه قلت قصة حياتي لك
وانشالله يارب يبعد عنك جميع الهموم والاحزان

 

[NEW WOMEN]

مآدري شقول لكن ربي يغفر لج ويرحمك ووهو خير الرحمين

 

[FeShinGoOo]

مابني على باطل فهو باطل ..

اولشي هذاك انتي ماكنتي تحبينه يمكن كان مجرد اعجاب لانه مركز ومستوا وستايل ولو كنتي تحبينه جان رفضتي فكرة الخطبه من اساسها مو عقب ماشفتي المعرس تقولين هيلق وابي هذاك ..

ثاني شي انتي ماصفيتي نيتج مع رب العالمين لو انج مصفيه النيه جان ربج عطاج على نيتج ..
نظرتج للناس انهم هيلق وانهم جياكر على قولتج هاذي نظرة اهل الدنيا مو نظرت انسانه تبي رضا ربها ..

محد جبرج توافقين على زوجج ..
وبنتج مالها ذنب تكرهينها ..!!
خاصه اذا زوجج مو مقصر معاج ..

الحل حبيبتي انج تطلعين من راسج سوالف المراهقات وسوالف الناس الي شاريه الدنيا برستيجي لبسي كشختي مكياجي مستواي ..
صفي نيتج لرب العالمين اتقربي منه اكثر طلبي منه الهدايه وانه يمسح على قلبه وينور بصيرتج للحق والصلاح
ترى ريلج له حق عليج والمره الي تبات وزوجها غضبان عليها تلعنها الملائكه وانتي شكلج كلش ماسويتي خير بزوجج
اهو الحين صار ابو بنتج ..
تبينه لازم اتغيرين من نفسج وتيوزين عن افكارج السلبيه جيكر وماحبه ومن هالكلام .. فكري برضى ربج وركظي ورى الاجر مو ورى الشكل
ماتبينه الطلاق حلال ولاتعلقين ولد الناس معاج وتنكدين عليه عيشته ومنتي مجبوره تستمرين بزواجج معاه
طلبي منه الطلاق وارتاحي وريحيه من المشاكل ..

 

[مآمآتي]

حبي زوججج وتفائلي ولا تقاريني زوزجج بحبييجج

وتقربي من ربج بالدعاء وقرات القرآن وقيام الليل

والله يفرجج يهمج يارب


فكري ببنتج قطعه منج

ترى في ناس محرومين من هالنعمه احمدي ربج عليها

 

[حكاية شهرزاد]

اولا شي عليج بالصلاة ,, وسورة البقرة والرقية الشرعية ...

ثانيا , عرفت مشكلتج ,, انتي اختي ماتبين تتزوجين زواج تقليدي ,, انتي شايفة نفسج وتحبين حياتج ,, وياليتهم هلج خلوج مستانسة بكشختج .. سواء كنتي تحبين ذاك الحبيب ولا ما تحبينه ..

انتي وايد كان مهم عندج ومازال الاسلوب الجذاب ,, عادي عندج تتزوجين غير عن حبيبج بس يكون نفس الشي على مستوى شبابي وستايل ينحب ..

فكرتج عدله ,, بس مداها صغير ,, ليش لانها مؤقته ,, انتي الصج يبيلج رجال نفس زوجج لانه هالزوج على مدى طويل ينفع ..

ااذا ماحبيتيه مابتصير حياتج حلو ة,, حبيه ,, بمبدى انج انتي تحبين املاكج وهو املاكج

بنتج حبيها ,, حتى لو اهيا بنت اللي من زوجج اللي موعاجبج .. الامر الواقع غيريه ,, بشكل يناسبج

يعني يودي بزوجج وفي بنتج ,, وثقلي ,, وتعدلي من قالج انه الزوج اذا ما يه على مزاج الوحده تكون هي قليلة ذوق ,, لا اهتمي لانه اهتمامج حق نفسج ,, وحق بنتج اللي اهيا هديه من الله .وحق البرستيج ..

انسي الطلاق انتي بيلعبون فيج وبيقطونج .. صغيرة ومطلقه وعندج بنت .. لاتسويين لج سوالف ..

عدلي الواقع بشكل يناسبج ,, لا مو اخذه ,, استانسي بالجنس مع زوجج .. واكا فايده منه هالنقطة ..
تعودي انج تحبين الجنس وخليه شي اساسي عندج ,, ويا ما ريايل ما يحبون حريمهم وممشين معاهم عشان الجنس صح ولا لا .

واستفيدي منه وجاهه ,, اكا الا البنات يلصقون روحهم في رفجانهم ..

واستفيدي انه عندج بنت حلوة اعتبريها لعبة تهتيمن فيها ...

واستفيدي انج متزوجه وهالشي يحميج من المجتمع من ناحية روحه وجيه ..

واستفيدي الظهر والامان ..

وطلعي ثقتج بالنفس , نظرا لهالعوامل اللي عندج ..

 

[الجنان 86]

حبيبتي انا مااقدر اطلب الطلاق مهما كان انا ابي اصلح بس احس موبستطاعتي ابي اح يساعدني علي حبة والاهتمام فيه تلبية طلباتع لان دايما احسة اخر اهتماماتي انسى اوامرة واحتياجاته اقوم الصبح واطلع وانسي اقولة ماافكر فيه اذا قالي قعديني الساعة 5 انسي والله بدون قصد مو علي باللي مثال اكوى غترتي والله انسي اطلع من البيت بدون لا اكويها مااغار عليه كلش وبنتي اصلا صارت فيها صفات وايد سيئة وايد تكذب وتخترق اكاذيب مو خيال كذب وتاكل اظافيرها لدرجة رهيبة وعدوانية يارب والله موبيدي اهيا توترني وتقهرني ومااحسها قريبة مني جني مرت ابوها

 

[طموحه بزياده]

@@@



انا حاسه بمشاعر الاحباط اللي حاسه فيها انتي



لكنج صارلج اربع سنين مو معقوله ما تأقلمتي؟؟!!!


حرام عليج تسوين ابنتج جذي

انتي المفروض تعويض النقص اللي فيج وطفولتج الكئبه في بنتج ونسيها وحبيها ودلعيها ان شفتي فرحتها في عيونها راح تستانسين





@@@

 

[عبير العنزي]

أعـــوذ بالله... حبيبتي أنصحج تراجعين دكتوره نفسيــه..وين غريزة الامومه وين حنان الأم

حنان الام فطــره من الله سبحانه وتعالى مالها اي علاقه بظروف او مشاكل مرينا فيها

واللي قاعد يصير معاج حاله شاذه المفروض تروحين لدكتوره تعطيج حلول ونصايح تساعدج وتساعد هذي الطفله البريئه اللي مالها اي ذنب..

اقــولج حبيبتي اغلب البنات حبو وعاشو قصص حب وغراميات وجنون وخرابيط...لكن البنت لما تتزوج تنسى كل الماضي

كل هالخرابيط..خلاص مالها غير زوجها وبيتها وعيالها ..لي متى سوالف المراهقه والغباء

لي متى حبني واحبك واشعار واغاني ورومانسيه وتلفونات ومسجات..لا حبيبتي الحيــاة أكبر من جذي الحياة مسؤوليه

بعدين مايصير تقولين عن زوجج جيكر واهله هيلق ؟؟ في وحده اعرفها زوجها يشابه رابح صقر واهي اتهبل ملكة جمال

لو قالو لها انتي شلون ماخذه هذا...ترد عليهم وتقول لهم اخذو عيني شوفوه فيهاا ..انا اشـــوفه ملك جمال وماشوف غيره من الرياييل...تقول جذي لانها حبته

انتي من البدايه تزوجتي مو عن قناعه وهذي غلطتج

الحين عندج حلين اما الطلاق ..او انج تحبين زوجج وبنتج وتحسين بالمسؤوليه وتنسين الماضي

والله يوفقج

 

[رهــKSAــــف]

ليش كيذااا والله حرااام اللي تسوينه ببنتك علشااان حبيب وخرااابيط استغفرالله >>بصرااحه نرفزتيني
وش ذنب بنتكـ !!
ليش تزوجتيه من الاساااس كان بإمكانك ترفضينه
وغيرك يتمنى الضناااا وانتي عندك وموحاااسه بالنعمه
الله يهديك بس

 

[جود المري]

اتقِ الله في نفسك وفي زوجك وفي ذريتك

ما أحببتي ذلك الرجل إلا لأن الشيطان يزين الحرام في عينك

أنظري إلى زوجك نظرة أخرى إبدأي من جديد بعد التوبة والأوبه وأحتسبي معاملتك الحسنه لزوجك وابنتك لوجه الله عزوجل

ووالله لن تلبثي وأن ترين ذلك في صلاحك وصلاح حياتك بإذن الله

وفقك الله

 

[Nmnoum]

الله يحنن قلبج على ريلج وبنتج
نصيحة : كسبي بنتج

 

[سكوتي بذوقي]

انتي ماتحبينه ليش

لأن تسوين مقارنه بينه وبين اللي كنتي تحبينه

طيب سؤال اللي كنتي تحبينه كان يبي يتزوجك

طبعاً لا لاتقولين راح يخطبني ويبيني كل الشباب وقت الجد يكون عندهم عذر جاهز

حبي زوجك ترى الشكل مو عيب أهم شي الأخلاق

والبنت شنو ذنبها تعقدينها من صغرها

وتغرسين بقلبها مبادئ الكره ترى الطفل

يتعود على الشي من صغره حرام اللي تسوينه فيها

فيه ناس يتمنون يكون عندهم لو طفل واحد بس ويسافرون الخارج علاج وغيره

بس علشان يشوفون الذريه

وانتي عندك نعمه من الله سبحانه ماحافظتي عليها

طفله بريئه تتعقد من ألحين

استغفري وصلي بآخر الليل وادعي قولي يارب

حببني بزوجي وفي بنتي واهديني للصواب

الله يهديكِ وانتبهي لبنتك وغيري اسلوبك معها قبل ماتكبر وتعاملك بنفس الاسلوب تحقد وتكرهك

 

[عالمي انا غير]

والله حبييبتي انتي اللي حطيتي نفسج بهشئ بدال ماتدورين الحلال عاجبج الحرام احمدي ربج تزوجتي في بنات وايد يحلمون يتزوجون ويكون لهم بيت واللي بني ع باطل فهو باطل حبييبج الاولاني اعتبريه مات خلاص حرام بعدي عنه لو يبيج كان تقدملج نفس العالم والخلق . وبخصوص زوجج ابتدي معاه من اول وجديد تقدرين تحبينه ان تبين بس انتي ماتبين والشكل مو مقياس الجمال ياحبييبتي بالروح وبخصوص بنتج لاتطلعين فيها حرتج حرام عليج هذي مالها ذنب حبيها حسسيها انج امها تحبينها وانج ماتقصدين تسوين فيها هشكل وخافي ربج انتي هشكل حولتي نفسج من مظلمومة لظالمة لزوجج وبنتج ونصيحة لاتعيدين اللي سوه هلج ببنتج وزوجج عشان واحد ولا هميتي انتي اصلا الحب الشريف الطاهر دايما يكتمل بالزواج وهو ضيع الوقت كله بتسليه

 

[لمعة سراب]

خواتي ماقصرو

 

[Moon-ae]

الله يفرجها عليج يااارب

عن بنتج حاولي تتقربين منها طلعي وياها بروحكم وديها السينما شوفو فلم كرتوني العبي معاها خذي لها ايس كريم او من هالاشيا
اعتبريها صديقتج

وعن ريلج هاتي ورقة وقلم واكتبي ايجابياته اكيد في ايجابيات دوري عليها

ترا فهالزمن البنات يتمنون عيشتج انتي تزوجتي غيرج عوانس انتي يبتي بنت غيرج عقيم

الله يهنيج ويسعدج يارب

 

[*الغاليه*]

كل اللي صارلج بصووب ومعاملتج وعلاقتج ابنتج صوب

حراام عليج لاتجسين عليها مهما كان اهي مالها ذنب باللي صار لج

كل اللي صار لج مقدر ومكتوب لج من قبل لاتنولدين

واختي ماتدرين يمكن لو متزوجه اللي تحبينه شنو كان مصيرج الحين

ارضي باللي كتبه ربج لج وحاولي تتأقلمين مع الوضع اذا مو علشانج علشان بنتج
اللي مالها ااي ذنب

الا بحاااله وحده انج تشوفين زووجج مو كفو انج تعيشين معاه بهذي الحاله اطلبي الطلاق

اما بغير هالحاله خافي من ربج لايعاقبج بتصرفج

والله يحنن قلبج على بنتج ويكتبلج الخير بالامور كلهاا

​

 

[Vdieta]

الله يعينج

 

[الجنان 86]

بنات انا ودي اتغير بس احتاج رب العالمين يساعدني يمليء حب زوجي بقلبي ابي احبه ابيه احترمة وبنتي ابي اشوفها كبيرة بعيني لها قيمة بقلبي احترم رايها واقدرها مادري ليش مااقدر وايد انهرها وادقرها واصرخ عليها
والله عقب مااسوي جذية قلبي يتقطع عليها من البجي

 

[unapproachable]

انا اقول خافي ربج ابنتج والبنت شكوو؟؟

صوني زوجج وبيتج وخلي عنج سوالف الحب والخرابيط ..