بشوشه انا زوج ام ملاك الكون انا كلمت المكتب وسالتهم عن سعر الشقه يقولون 1200 في الاسبوع بصراحه اشوفه سعر مناسب لنظافه الشقه وموقعها هادي وحلو وامان وهدوء انا حاس بس احنا اللي في العماره من الهدوء اللي فيها
وجنب النهر وقريب منها مجمع فيه مطاعم ومحلات وفيه سوبر ماركت وتحت العماره على النهر فيه تقريبا 5 مطاعم الشقه فيه غرفتين ودورتين مياه اعزكم الله ومطبخ وصاله وطاوله طعام وتي في ونت فري واوتي تقريبا جميع الاجهزه حتى المكنسه الكهربائيه وميكروويف وثلاجه مطبخ كامل بجميع اغراضه جاهز حتى للطبخ اذا تبون تطبخون وينظفون الشقه مره في الاسبوع لان زميلي ساكنه في شارع العرب في شقه يقول انها حلوه وسعرها 1600 بصراحه انصدمت لما شفت الشقه ما تقارن بهذي وشقتهم بصراحه اشوف سعرها 600 او 700 لان شارع العرب غالي في الصيف وشقق عاديه عيب الشقه هذي شي واحد فقط انها تبعد عن شارع العرب تقريبا نص ساعه وانا اشوف هالشي عادي لاننكم راح تطلعون في اليوم طلعه واحده تتمشون وتتغدون وشوبينق وفي الاخير تردون يعني مشوار يكفيكم تروحون اي مكان وهذا رقم مكتبهم اذا تبون تسالونهم اي معلومات عن الحجز والدفع لان هما قالو لي متى راح يجون وكم يوم جالسين قلت راح اعطيهم رقمكم وهما راح يبلغونكم عن اي شي 02075381848 واي استفسار انا حاضر على فكره انا مادفعت شي لان حنا جايين علاج والشركه هيا اللي سوت لنا كل شي من حجوزات وغيره نسيت اقول لكم ان فندق فور سيزون الكوفي شوب مالهم يفتح على حديقه العماره
