500ماليزيا 500تايلند

[tolip2tolip]

حابه اخذمشورتكم تكفيني 500 دينار حق ماليزيا و500دينار حق تايلند بانكوك فقط مشتريات وتكاسي وأكل ؟؟

 

[tolip2tolip]

نسيت اقول لكم ٦ ايام ماليزيا ١٠تايلند

 

[سحته اوي]

بصراحه ما احس يكفون تايلند عشر ايام مو شوي واذا سكن وتكاسي واكل وتبين تتشرين مستحيل ماليزيا المطاعم العربيه احسن شي بس غاليه يعني ما تطلبين شي تحاسبين بحدود 20
مطاعمهم تلوع الجبد اصلا ريحه المطاعم خايسه والمنيو مالهم
كانه دود وحشرات روبيان بشوارب يكرهونج بالمأكولات البحريه لان ماكوو نظافه ماك رخيص ارخص من الكويت تحسين وجباتهم احسن من الكويت خفيفه على المعده ما يغث اكلهم
حتى برجر وبيتزاهت رخيص الجوو مو مال مشي كلش رطووبه كله تكاسي وغالين 500 ما يكفونج واذا مع سكن انسى بالمره يكفون

 

[tolip2tolip]

مشكوره حبيبتي ......مو مع السكن بس اكل وتكاسي ومشتريات

 

[mafio98]

اذا لجً بروحجً ان شاء الله بيزونجً بس تسوق خفيف

 

[tolip2tolip]

شكرا

 

[N.o.d]

لا ما تكفي انا وريلي اذا رحنا نحسب ١٠٠ دينار مصرف حق اليوم الواحد
صج انه يزيد بس ماينقص وانتي ببلد غربه سبحان الله ما تدرين شيجري عليج فيها !

نصيحه روحي بمبلغ اكبر او اختصري ايام اقامتج

والسموحه عالاطاله

 

[لوكي وكلي دلع]

تايلند رخيصه بس ماتوقع 500 تكفي 10 ايام اذا بتوزعين فلوسج كل يوم 50
زين يكفي اكل وتكاسي لنفترض الريوق من الفندق 50 زين يكفي غدا وعشا وتكاسي
يمكن تروحين كوفي يمكن تبين تطلعين جولاتهم وجذي لا فلوسج ماتكفي
اصلا 500 مايكفونج تسوق نصيحه زيديهم عشان ما توهقين عمرج

 

[كوكا كولا]

ما تكفي مع التسوق ولا السياحه
علشان تستانسين يبيلج عالاقل ١٠٠٠ دينار مصروفكم غير السوق اكيد

انا عقب العيد ان شاء الله بروح بوكيت ٥ ايام وباقي الايام ماليزيا لاني استانست فيها العام وناويه اروح اماكن جديده هالمره ان شاء الله

علشان تستانسين عالاقل اخذي ١٠٠٠ دينار والسوق خلي فلوسه بروح افضل

 

[tolip2tolip]

تسلمووون حبايبي مافصرتو