7000 تكفي الماس ؟

[faloda]

بنات ابي أسألكم اذا عندي 7000 اتكفي ذهب ابيض في الماس بلجيكي شكله شبكه ناعمه يعني اتصير شبكه و هم حق مناسبات (مو خبه يعني)
و اذا تعرفون محلات فيها بحدود هالسعر موديلات ايطاليه جذي

ترى انا ما عندي خبره كلش بالذهب و الالماس فابي مساعده اكيد انتوا فارين السوق و شايفين حدود الاسعار و الشغلات الحلوه

 

[faloda]

اب اب

 

[حناينq8]

اي حبيبتي تكفي وفي شبكات الماس بلجيكي بذهب ابيض باقل من هالسعر بوايد

انتي عليج تدورين عدل وتكاسرين

ترى الالماس يوصل لي نص سعره

انا على ايامي شبكتي الالماس كانت ب 3 الاف اخذتها عقب المكاسر ب 1700

والمحلات وايده - منها الاربش والفارس والزمرده وديماس ومحلات ليلى جاليري
محلات المباركيه افتري عليها ومحلات حولي بعد شارع بن خلدون

 

[مشتطـه]

اذا راهيه وفلوسج وايد
اي يكفي و راهي

واذا محدوده فلوسج

ترى الاربش شهر 3 عرض نص السعر
اللي ب7000 الاف يصير بـ3500
لايطوفج زوووغه الماس بلجيكي

 

[faloda]

اشوه ان فيه ارخص انا يمعت الحين قولي 2000 بس كنت بعرف لي متى بيمع يعني زين مو لازم انطر لين يصير عندي 7000
عاد انا كلش ما اعرف بالذهب شكلي بخلي احد يعرف اهو اللي يكاسر بس اشوه قلتيلي خرعوني بالقسم حسيت 7000 ما بتيب شي
(ترى انا ما بتزوج مو عروس بس ان ودي اصرف على ذهب مو على ملابس و خرابيط عشان باجر اذا صار نصيب يكون عندي اطقم حلوه حق المناسبات)

 

[faloda]

اذا راهيه وفلوسج وايد
اي يكفي و راهي

واذا محدوده فلوسج

ترى الاربش شهر 3 عرض نص السعر
اللي ب7000 الاف يصير بـ3500
لايطوفج زوووغه الماس بلجيكي

مشكوره على الرد يعطيج العافيه
بس اتصدقين في بنات يقولونلي الاربش الماسهم مو وايد حلو والفارس وايد يبالغ بالسعر مدحولي محلات ليلى جاليري اشرايج فيهم؟ رحتيلهم لمن دورتي على ذهب؟

 

[مشتطـه]

والله الاربش ذرب وراقي واسعاره معقولة حييييييييييييل

والناس اذواق روحي وشوفي في اشكال وانواع


والفارس موت نار بـ 18 ألف يوصل شدددعوه


لا والله ما فريت وايد رحت الاربش والزمردة ويازولي حيييل

 

[faloda]

لا وايد 18 شنو , يلا يلا اوصل لي 7
المشكله استحي ادش محل الماس ولا مره دشيت بروحي احس هدوووء يبيله اخذ احد معاي
خلاص شكلي بشوف الاربش

اذا في احد مر على محل لامركيز قولولي جم اسعارهم في بحدود 7 و حلوين؟

 

[Sugarlips]

رد : 7000 تكفي الماس ؟

حبيبتي 7000 مبلغ شبكة عروس اذا تبين شبكة فخمة و كبيرة روحي مجوهرات الشرق بليلى جاليري فوق شبكاته حلوة و اسعاره معقولة و محل لا ماركيز بنفس المجمع او الاربش ... بس لا تنسين تكاسرينهم عدل عدل ... و مدامج مو مستعجلة نطري معرض المجوهرات الهندي اللي بشويخ عجيييييب

 

[faloda]

رد: رد : 7000 تكفي الماس ؟

حبيبتي 7000 مبلغ شبكة عروس اذا تبين شبكة فخمة و كبيرة روحي مجوهرات الشرق بليلى جاليري فوق شبكاته حلوة و اسعاره معقولة و محل لا ماركيز بنفس المجمع او الاربش ... بس لا تنسين تكاسرينهم عدل عدل ... و مدامج مو مستعجلة نطري معرض المجوهرات الهندي اللي بشويخ عجيييييب

مشكوره وايد ما كنت ادري ان في معرض تاريخ جم بيسونه؟

 

[رفيعة الشآآن]

رد: رد : 7000 تكفي الماس ؟

اي يكفي

عندج زمردة راقي حييل خذيت منه الماس مع ذهب ابيض ب 3500 و من المبرقعة طقم ذهب ب2750 وجوز اساور وخاتم ب500

وبعد في مجوهرات الفرولة خذيت منهم تقليد لكارتير 150 و سلفاريا طقم جلد بمجوهرات ب 250

واذا تسالين عن الالماس المحلات الي قلت لج عنهم وزيادة العوضي و الفارس

 

[faloda]

رد: رد : 7000 تكفي الماس ؟

مشكورة ما تقصرين و اي اعرف محل الفراوله وايد حلو
بس ان انا ابي الماس بس مشكوره على الرد

بنات وين محل الزمرده وايد تمدحونه

 

[دنيابدونج خساره]

رد : رد: رد : 7000 تكفي الماس ؟

اي حبوبه يكفيج انشاءالله انا توني ماخذة الماسي من الاربس اللي جدام مجمع النصار بالمباركيه ايمه الاربش بارثلي وموفقه..

 

[faloda]

رد: رد : رد: رد : 7000 تكفي الماس ؟

مشكورين بنات ما تقصرون على الردود فدتوني وايد

 

[رفيعة الشآآن]

رد: رد : 7000 تكفي الماس ؟

مشكورة ما تقصرين و اي اعرف محل الفراوله وايد حلو
بس ان انا ابي الماس بس مشكوره على الرد

بنات وين محل الزمرده وايد تمدحونه

بسوق الذهب بالمباركية يم محل المبرقعة

 

[faloda]

رد: رد : 7000 تكفي الماس ؟

مشكوره طلة قمر

 

[! Miss.Q8 !]

رد : رد: رد : 7000 تكفي الماس ؟

اي يكفي حبيبتي

انا امس خذيت من الاربش طقم ذهب ابيض والماس قال لي اول شي 6000 وشوي بس خذيته اخر شي بـ 4250 اخذي معاج احد يعرف يكاسر انا لو مو امي جان خذيته ومشيت من الاول

 

[faloda]

رد: رد : رد: رد : 7000 تكفي الماس ؟

اي انا من جذي لازم احد معاي لان ما اعرف اكاسر بالمره بس زين يعني يطيحون من السعر اشوه
و مشكوره حبيبتي عالمساعده

 

[soso7elwa]

حبوبه حسام الرومي بليلى غاليري عندا شبكه روووووووووعه وثقيله الماس يعني فيها وزن بس مو طويله وايد بس مبين فخمه فيها شغل 3000دك الماس بلجيكي
والشبكه صج راقيه ومو سوالف الي بالسوق لا غير الستايل

موفقه

 

[~وريثة الملوكـ~]

تكفي وزود بعد
انا شااريه شبكي وكبيره وسوارتهاا كبيره
والمااس بلجيكي
ب 3000 من الزمرده
وكنت مفتره قبلهاا
ع الاربش والشرق
ومعرفي
كل شغلهم اللي من 3000 وفوق
كبييياار ورااقين
واللي 3000 وتحت ناااااااااااعم وحلووو​