*_* رشيقات 2013- الجزء الثاني *_*

[miss $_$ semsem]

^^^

نفس فكرتي والله حرام رمضان خوش فرصة حق الدايت

اليوم :
الريوق جاي اخضر + 3 حبات تمر

الغدا : ماكنت مشتهية الا تمر فكليت 7 تمرات + كوفي ميت خالي الدسم

ومشيت ساعة وبعد الرياضة يعت

كليتلي صدر دياية مشوي مع خضروات متنوعة و نص خبزة سمرة خفيفة و جبنة ولبنة قليلين الدسم وجم حبة مكسرات نيه << حسيت الرياضة خلتني جني فمجاعة

بس الحمدالله كله صحي

 

[ام ديما22]

سلام
كيفكم اشتقت لكم تعرفون اجازه وجمعات
وزنت 67 5 الحمدلله زايد شوي بس بحاولىارجع كيفكم

 

[miss $_$ semsem]

قوة بنوتات اليوم دقيت على عيادة احمد الخولي خذيت منهم موعد ليوم السبت ان شاء الله وباجر بسويلي تحليل شامل + فيتامين دي لأن يقولون يأثر عالنزول وبما ان وزني صاير ثابت فمن جذي قررت اروح لدكتور تغذية وان شاء الله خير

 

[حرم راشد الماجد]

ابي حل حق الامساك

دايما جذي التزم بالريجيم ويني امساك يخرب علي


انا الحمدالله صارلي اسبوع ملتزمه دعواتكم لي يابنات انزل وزني واحمل واييب بنوته حلوه

 

[حرم راشد الماجد]

ام سمسم تكفين حطيلنا رجيم احمد الخولي

 

[حرم راشد الماجد]

انا مجربه احمد الخولي رجيمه حلو ومرن يعني اذا يعتي وانتي مسويه رجيم يعطج وجبه تاكلين حتى الشبع بس من المسموحات

 

[miss $_$ semsem]

من عيوني ان شاء الله :* بس اروحله بنزله هني ان شاء الله موعدي يوم السبت بالليل

 

[هدوءالبحر@]

اهلين حبيباتي
اشتقت لكم
فكره حلوه خلينا نبدأ رجيم برمضان وبالتوفيق للجميع

 

[حرم راشد الماجد]

بماان القروب نايم قلت احركه شوي

انا مبلشه رجيم من اسبوع بس وزني مانزل وايد

الله المستعان


المهم


ريوقي امس : بيض مفيوح + عصير اناناس

سناك : بسكوت مالح 4 + نسكافيه 3في1
الغدا : رقي + دجاج مفيوح مع صلصه
سناك 2 : نسكافيه + 1 بسكوت دايجستف
العشا : شوربة كنور بالشعيريه والشوفان


ريوقي اليوم :
شريحة تيركي + خردل + مايونيز لايت + جبن سلايس قليل الدسم + عصير اناناس نص قوطي + خس

 

[حرم راشد الماجد]

هدوء البحر ان شاء الله ناويه اسوي رجيم برمضان ضروري انزل 10 هالفتره اخييييييييييييييه لو اصير 95 راضيه

 

[حرم راشد الماجد]

من عيوني ان شاء الله :* بس اروحله بنزله هني ان شاء الله موعدي يوم السبت بالليل

:eh_s(7): ناطرينج قلب

 

[طريق السعاده]

سلام عليكم

اسفه بنات تركت القروب مع اني اتواجد بالمنتدى بس نفسيتي صفر والله وتحت الصفر مادري وش جايني لي شهر ونص تاركه الرجيم وماخذه راحتي وماسوي رياضه ونومي معتفس
المشكله ماحس بالسعاده وانا اكل طول الوقت اقول بداخلي اخاف ارجع دوبا نفس قبل واطالع صوري قبل وبعد وفرق فضيع بس مافي بداخلي حماااس مدري وش جايني احس بارده والله اهلي صارو يهاوشوني تبين ترجعين نفس قبل وترا صايره تاكلين بزياده و24 ساعه جالسه ع الابتوب

تكفون ابي نصايح ابي يرجع لي حماسي وارجع التزم ماني عارفه شلون احرك مشاعري من داخل وابدا بدايت من جديد

اخر مره كنت معكم وزني صار 59,9
الحين وزني 63

مره متضايقه من وضعي ومو عارفه كيف ارجع حزينه ع نفسي وع جسمي وع تعبي

ابي اوصل 50 والله مو صعب بس مو قادره

 

[هدوءالبحر@]

اهلين حبيباتي
لي كم يوم اكتب رد ويعلق وينحذف مادري فين المشكله؟؟؟؟

طريق السعادة ياعسل لاتتحبطين كلنا نمر بهالضروف ان شاء الله نوصل للحلم وماشاء الله عليك وزنك موكبير.....

حرم راشد ياعمري يدنا بيدين بعض وبنحقق اللي نبغاه ان شاء الله
من اليوم شو رأيك
انا كان وزني 107
والآن الحمد لله 90 و500غرام
ولوكنت مستمره كان من زمان وصلت
لاكن مشكلتنا التوقف وثبات الوزن اللي حطمنا
انا قبل شهر تابعت مع اخصائيه وانقهرت من وزني مره نزولي بطئ استمريت معاها 20 يوم ومانقصت غيركيلو صرت91
وتحطمت ورجعت الى 93
وخلال سبوع وشوي الحمد لله نزلت الى 90 ونص
وراح اكمل للعيد
راح اراقب سعرات اكلي وانوع فيه حتى ماأوقف باذن الله وراح استمر على المشي والرياضه واركز على بعض المناطق اللي معقدتني
ونشوف النتيجه اللي تفرحنا باذن الله

 

[حرم راشد الماجد]

والله شوفوا قررو وانا داعمه لكم وبشدة انا ادور التشجيع بس

 

[قَلبڪْ صًخرْ]

اناااااا معاكم


ابي انقص ١٠ كيلو عالعيد


ومتحمسه واحس اني قدهااااا



خصوصا ان رجيمي مو بس للشكل


لصحتي .... صحتي تدوره من الدهوووون
والوزن الزائد




لا للكلسترول
لا للسكري
لا للضغط
لا لامراض القلب







احناااا قدها ....




ايام وشهور وسنين كلينا على كيفنا

مجابيس و همبرجرات وحلووياااات
وفطاير و معكرونياااا ودهووون وسكريات
وبلاوي متلتله


شهرررر مانقدر نلتززززم ليششش ؟


نقدر

نقدر

نقدر

 

[هدوءالبحر@]

طيب خلينا نقرر على اي رجيم نمشي
نجرب السعرات
ولا عندكم رأي ثاني
وياليت اللي عندها خبره برجيم مضموووون تعطينا رأيها

 

[ندى البديع]

واخيرا شفت 69 ي ربي لك الحمد والمنه

 

[هدوءالبحر@]

الف مبروك ياندى الربيع
والله فرحت لك ياعسل
يعني وصلتي للمثالي ؟
ياليت تكتبي لنا كم كنتي وكم قدرتي تنقصي؟
اش افضل نظام بالنزول؟
خلال كم قدرتي تنزلي وزنك؟
ونصائح واقتراحات لنا برمضان ...........ماعليك امر

 

[حرم راشد الماجد]

مبرووووووووووووووووووووووووك ندى تستاهلين كل خير

 

[حرم راشد الماجد]

هدوء البحر انا عجبني نظام عبدالله المطوع ( الصاروخي )

تبين تبلشين معاي حياج احطه لج وشوفي نفسج

منقول من منتدى اخر

[[ الريوق ]]

نصف خبزه سمره خفيفه + جبن أو لبنه أو بيضة + خضار (طماط وخيار) أو 3 زيتونات + كوب حليب خالي الدسم



[[ الضحى ]]

حبه فاكهه (ممنوع الموز والمانجا) أو استكانه مكسرات (جوز - بيذان - فستق - حب) + شاي او قهوه



[[ الغداء ]]

سلطة (ملعقة زيت زيتون) + 2 همبرجر لحم او دجاج يكون مشوي أو صدر دجاجه مشوي أو علبه تونا بالماء أو 2 صيخ مشوي + كولا دايت أو ماء



[[ المغرب ]]

ككاو وسط (كتكات ابو اصبعين أو اي ككاو لكن الحجم الصغير) أو حبه فاكهه (الموز والمانجا ممنوع) + شاي او قهوة




[[ العشاء ]]

العشاء عندج اختيارات بس أفضل شي تمشين كل يوم على نوع والأفضل تكثرين من الي عليهم وجه مضحك لأنهم ينزلون الوزن بسرعة


أول يوم: 1 بيضة مسلوقة أو مقليه + عصير برتقال + توسته سمراء + خضار

ثاني يوم: تشيز برجر من ماكدونالدز + دايت + سلطة

ثالث يوم: (لو كنتي طالعة مطعم لبناني) كوب تبولة + صيخ مشوي + دايت أو ماء

رابع يوم: من 3-4 شرائح اناناس طازج + كوب روب اكتيفيا

خامس يوم: 1 توسته سمراء + جبن قليل الدسم + خضار + كوب لبن خالي الدسم + تفاحه

سادس يوم: روب خالي الدسم + خيار + 2-3 كيوي

سابع يوم: (سلطة) وتتكون من خس + (ملعقة زيت زيتون + ليمون + خل) + 3 شرائح جبن مالح أو حلوم قليل الدسم +ملعقة زيتون شرائح + دايت او ماء
او 2 سلطة أمريكانا اليونانية greek لو ماكان لج خلق تسوين هالسلطة لأنهم نفس الشيء

ثامن يوم: عصير أناناس kdd حطيه بالخلاط مع 3 حبات كيوي واخلطيهم واشربيه
أول شيء مشبع حيل واهم شيء لما تنامين يضل هالعصير يحرق الدهون بالجسم طول ما انتي نايمه
وهذا كلام الدكتور لي نقلته لكم بالحرف الواحد

$$$$$$$$$$$$$$$$$$$$$$$

ملاحظات مهمة

اشربي ماء في اي وقت بكمية كبيرة

مارسي الرياضة من 20 - 40 دقيقة يوميا تزيد من سرعة انقاص الوزن وبقوة

مسموح بتناول الخضار الورقية وبشرب الشاي (البابونج - المرمية - الينسون - الزنجبيل - النعناع) باي كمية بين الوجبات الرئيسية


ملاحظة مهمه

هذا الرجيم ينزل الوزن بدون رياضة
لكن مع الرياضة يصبح انقاص الوزن اسرع واكثر


الي نظامها تقوم الظهر الساعة 10 او 11
تتريق عادي بس ما تآخذ وجبه فترة الضحى وتنقلها لي عقب العشا بالليل إذا كانت تسهر الليل