_-_ الحشوة مالت الكفر.... دبنهامز ولا ايكيا.....؟ _-_

[Stylist]

مساء الخير







بنات ابي حشوه يكون نوعها زين حق الكفر مليت من كثر مااشتري كفرات قلت ارجع عالحشوة والتلبيسات احلى واسهل حق اللي يحبون التغيير
كان عندي مالت ايكيا بس مليت منها لأنها تتيمع بمكان واحد حسيتها مو زينه
وشفت مالت دبنهامز وقالولي زينه بس ابي اتأكد اذا ماتتيمع بصوب اذا حركتيها ,,,,؟؟؟
واذا في بعد مكان احسن قولولي بليز

 

[حروف من ذهب*]

عندج في سنتربينت ما جربتها بس شفتها
شوفيها يمكن تعجبج

 

[Stylist]

مشكوره حروف
اي صح قالولي بعد فيه بسنتر بوينت
بس انا حبيت اسأل اللي جربوهم عشان لاتصير فيني نفس المشكله ان الحشوه ماتثبت مكانها
ابي شئ ثااااااااااابت مايتحرك

 

[دانة بعين بحاري]

الحل حق مشكلتج انج تثبتين الحشوه بالكفر مالها من الاطراف الاربعه بابره وخيط وبجذي ماراح تتحرك الحشوه

 

[أم حمادين]

بنات انا ودي بعد فيها بس ابي الحجم الكبير كنج سايز يكون راهي مو حده حده ووين احصله؟

 

[ترووفه]

انا جربت

مالت سنتر بوينت حلووووووهــ

 

[♥ąϻᴑŁ♥]

مالت ايكيا اللي بالريش وااابد زينه ..

انتي ماخذه العادية عدل .؟ لان انا اخذت العادية ولاعت جبدي منها بس مع الريش وايد ارتحت ..

ودبنهامز مدحوها لي بس ماجربتها

 

[MJ_LoVeR]

للرفع ......

 

[Souly]

عندج بجمعيه الفيحا محل الكفرات خذيت منه حشوه وايد زينه
وماتتيمع بمكان واحد

 

[اخت فروحه]

انا بعد جربت حشوة ايكيا وماخذة الحجم الكبير بس حسيته حده حده ابي اكبر مادري وين

 

[++The DuchesS++]

انا على طوول اخذ من ايكيا بالعكس حلوين
لا تاخذين العاديه في كذا سعر ونوع
اعتقد انا ماخذه الل30 يمكن ما اذكر
بس زينه عندي منهم 3 ابدل فيهم بين فتره وفتره
بس ترا اكبر شي احسها حدا حدا مو حيل كبيره

 

[DeeR_MusK]

استعمل الحشوه مالت ايكيا اللي (بالـــــــــريش) حلوه تعودت عليها و ما قام يترس عيني حزه اللنوم الا اهي ... ريلي شايف الحشوه مالت دبنهامز يقول شكلها حلوه بس ما جربناها ليمن اللحين ..




يحلوو هالطريقه بس ابدل بالتلبيسات ..وااااااااااااااااااااااااااااااااااااااااااااااااااااااااايد ارتحت من ناحيه الغسيل و التخزين ما تاخذ مكان ... عكس الكفرات ...صارلي على هالطريقه اربع سنين ...

 

[ارستقراطيه]

والله انا مجربه الثلاث من ايكيا ومن سنتر بوينت ومن دبنهامز
اللى ليلحين عليها اهيا مالة سنتر بوينت من عجيبه صارلى 3 سنين عليها
لا اتيمع ولا شى وانصحج بكفرات دورا فوق مو التلبيسات اللى بستى سنتر تحت
انا شريت اكثر من اللى تحت بالسرداب مال سنتر بوينت ما تموا وياى سنه
اللى فوق من دورا اشحلات خامتهم بارده وكرف ونقشات حلوة وراقيه
وجربت من دبنهامز كفر دبل اثنين يلصقون ببعض بطباقيات شريته ب70 دينار وكاهو رديته بكرتونته مره وحده بس

 

[عمار يا كويت]

حشوة ايكيا اللي بالريش صارلها عندي يمكن ست سنين بصراحة حلوة خفيفة وباردة وثابتة

 

[Om JooD]

قلبج ع قلبي ستايل

ناوية اشتري وللحين مو عارفة من وين

ومن اراء البنات اللي فوق ايكيا اللي بالريش وسنتر بوينت

نبي تجارب اكثر

وثانكس استايل ع الموضوع

 

[نوارة الكويت]

اختي انا شريته من دبنهامز وقياسة 220*260
واهو وايد زين وما ينيمع
بس شنو المشكلة اني ما احصل له تلبيس بس في دبنهامز وزارا ومثل ما انتي عارفة اسعارهم شلون غالية يعني لي بغيت اشتري تلبيس والشرشف وويه المخدة يطلع علي 75 وساعات 90 دينار
وجم مرة رحت ايكيا يقولون احنا ما نييب هالقياس لانه سوبر كنج
وانا احب بين فترة وفترة اغير

 

[Om JooD]

نوارة اشدعوووووووة حيييل غالي

 

[جلاديلياس]

عزيزتي انا جربت ايكيا روووعه والله

 

[ام سعود ديكسون]

رفيجتي امدحت كفرات بدريم مول بس امانة ماجربتهم اهي قالت سهل غسيلهم بالبيت ورخاص بالسعر بس انا شخصيا شفت محل اثاث عجبني بمول 360 اسمه freedom furnitureعند جيان سوبر ماركت بالسرداب روحي شوفي نوعية كفراتهم من طقة ايكيا ودبنهامز

 

[Stylist]

مشكورين بنات ماقصرتوا

قلبج ع قلبي ستايل

ناوية اشتري وللحين مو عارفة من وين

ومن اراء البنات اللي فوق ايكيا اللي بالريش وسنتر بوينت

نبي تجارب اكثر

وثانكس استايل ع الموضوع

اي ام جود التلبيسه احلى بواااااااايد
بس انا شفت مالت دبنهامز والله شكلها حلوووووووو اقصد الحشوه واهيا كانت ب50 والحين خسم اخر اسبوع ب25
بس احلى شئ التلبيسات عذاااااااااااااااااااااااااااااااااب روحي اخذي طله يهبلون حدهم انا باخذ منهم 2
والحشوه مادري للحين بروح ايكيا بشوف اللي قالوا عنها البنات بس المشكله يقولون حده حده بنتهاوش :dddds: