رد: ,,,___((&&)) هـــذا التجمع غــــير _ تفضلوا حيـــاكم(مدة الموضوع شهر من تاريخه)
صباااااااااااااااااحكم ورد ياأحلى منه ....
حبايبي ابفضفض لكم واقولكم شصار معاي اليوم ..
اليوم دقت علي اختي وقالت بروح السوق تعالي معاي بتشتري بدله للعيد .. وانا من زماااااااااااااااااااااااااااااااااان ما رحت السوق .. اقولكم ليش؟؟؟؟؟
صايره نفسيتي زفت من فترة متعقدة من سمنتي فما اطلع وايد واستخسر اشتري لنفسي شي وانا بهالوزن لان لو لقيت وشريت يطلع علي يلوع الجبد.. كنت دايما لما اروح مع ريلي افتر لما ادوخ وما احصل شي وانحرج منه واخرتها اشتري واكود بهالجناط والجواتي تكرمون وهالعطور .. مناسبات ما اروح حتى اهل ريلي استحي اروح لهم .. وان رحت رحت مرة كل اسبوعين وانا حدي مفتشلة من شكلي..
كرهت نفسي حتى دوامي ما البس غير هالعبي السود لعل وعسى الاسود يخفي هالتضاريس والمطبات تخيلو كل يوم الصبح البس للدوام كورسيهين حتى مو واحد :cxxxp: واحد كامل وفوقه شورت .. لعل وعسى يشد هالشحم ويترقع شكلي وهم بدون فايدة مايترقع :0bee2e8d89:
حدي نفسيتي محطططططططططططططططططططمه
بالكورس الثاني صرت حتى ما احط مكياج اقول شحقه من حلات شكلي السالفة خربانة خربانة .. حدي قلوس وكحل ..
انا اساسا من الاول متينه وبعد الزواج متنت زيادة واللي زاد الطين بله المنشطات الي كنت اخذها عشان الحمال ( على فكرة صار لي سبع سنين متزوجه وما عندي يهال )
وبسبت هالمنشطات الزايده صار عني تكيس عالمبايض وخمول بالغدة الدرقيه وطبعا من اهم اعراضهم ومصايبهم زياااااااااااااااااااااااادة الوزن....
كانت فترة مرضي هذي هي اللي حطمتني لان مثل ما قلتلكم زاااااااااااااااااااد وزني اكثر من15 كيلو في سنه تقريبا من شهر 7 اللي طاف وتعبت نفسيتي زيادة واحط حرتي بالاكل
ادري قرقت واااااايد بس مالقيت غيركم افضفض له ..
( الحين هالسالفة الطويله كلها عشان اشرح لكم اني من زمااان مارحت السوق وان رحت فمثل ماقلت لكم مااااا أدش محلات الهدوم
فاللي صار اليوم اني رحت مع اختي للسوق وشفت هاالبدل اللي اشحلاتهم وتحسرت على عمري ضيعت شبابي واحلى سنين عمري بالمتن :0bee2e8d89:
تبون الصراحه مع انه ضاق خلقي الا اني تشجعت اكثر وصج هالمرة خلاص عزمت اني اضعف خلااااااااااااااص بس لي هني وبس لي متى اتحمل نظرات الناس لي .. لي متى ما البس مثل الناس
ضايعة بهالدراريع جني عيوز مو جن عمري 25 سنه...
عاد تدرون الحمدالله انتصرت على نفسي اليوم لما خلصنا اختي تقول تعالي نصعد نتعشى ميته يوع عاد اهي عصصصصصصصصصصصصصصصلة شوفوا الفرق بس وحده فيلة والثانيه عصله شنو ماكو وسط:dddds:
المهم وانا اتخيل هالمطاعم وهالاكل هم انا يوعانه جان اقولها لا حبيبتي انروح البيت واذا وصلنا طلبي الي تبين تقولي انزين انا يوعانه شذنبي اذا انتي تسوين رجيم قلتلها ذنبج ان اختج بطة ما كو يالله جدامي :eh_s(14): شرايكم فيني صرت مجرمه بعد ماكو رحمه
سوووووووووووووووووووووووووووووووري بنات قرقت عليكم وااااااايد وعورت روسكم معاي بس هذي معاناتي اللي محد راح يفهمها الا انتو .... عفية بنات خل نشجع بعض لان المشوار شوي طويل ولازم نقوي ارادتنا ونشجع بعض عشان نوصل للي نبيه......
احبكم والله:tek:
