رد: ,,,___((&&)) هـــذا التجمع غــــير _ تفضلوا حيـــاكم(مدة الموضوع شهر من تاريخه)
السلام عليكم ،
انا ما شبكت بالويك اند لانه ماعندي نت بالبيت بالوقت الحالي واشبك من الدوام ، يومياتي راح احط من يوم الخميس اللي طاف ليه الاحد ، نبدي :
الخميس: كنت صايمة تفطرت خمس تمرات + شوربة خضرا وبعدين رحت يمعة بيت يدتي ولما حطوا العشا كنت يوعانة بس قاومت وكليت سلطة مع شريحة جين وكانوا مسووين صينية دياي بالفرن كليت منها شوية وبالليل قبل لا انام شربت عصير كيوي واناناس وليمون
اليمعة: الريوق نسكافيه 3 في 1 ، الغدا عند حمولتي سلطة وشوربة عدس وصدر دياي وجم فلح رقي ، العصر انا كنت مسوية حلو بس قاومته وكليت قفشة صغيرة منه بسسسسسسسس :ggdw: وبالليل لما طلعت شربت وايت موكا من ستار بكس
السبت: الريوق حليب خالي الدسم مع موكا (نستله) واربع بسكوتات دايجستف البرتقالي اللي على قمح والغدا صمونة ديج رومي من دايت كير ما عجبتني :cxxxp:، والعشا رحت روبي تيوزداي بس ما خربطت الحمد لله ، كليت سلطة وطليت سمج سلمون مشوي وبروكلي لذييييييييييييييييذ وخفيف ولما رديت البيت كليت حبة من فيتامينات كروميوم
الاحد : الريوق اربع شرايح اناناس - الغدا سلطة وشوربة خضرا وشريحة سمج فيليه بالفرن ، بس امس احس مادري اشفيني شي كافخ براسي ابي حلووووووووووووووووو ، كليت عاد بسكوتين كوكيز مال الرجيم مع قهوة ، وبالليل تعشيت صمونة من دايت كير مالت الحلوم ... لذيدة بس هم ردت لي حالة الحلو اللي كافخ براسي جان اسوي حليب بالموز وحطيت وياه قفشة عسل ... هم تميت ابي حلو ... جان اخربها :eh_s(16): عندي بسكوت جراهام على شكل دب شاريته حق ولدي بس ما اعجبه جان احطة واحط عليه حليب وكليته سويته نفس الكورن فلكس ... يوم كليته وخلصت تحسفت
تاتوقع حالة الحلو اللي كافخة براسي يتني من حبوب كروميوم لانها تحرق السكر وتنمع امتصاصه عشان جذيه قررت اني ما استخدمهم الا بيوم الفري
اليوم: الصبح مبجر شربت عصير اناناس ( سوت تحليل دم وحسيت بدوخة) و الريوق كورن فلكس مع حليب خالي الدسم
