[____أبـــيـــك و مـــا أبـــيـــهــــم____] ** قصة كويتيه واقعيه

[cute princess]

قوووة بناااات

هذي اول مشاركه لي بالمنتدى

وحابة اني احازييكم حزاية !!

اهي حزايه و قصه كويتيه واقعيه 100% مافي رووح تعااال

ممكن تصيرلج او تصيرلها او تصير لأي احد تعرفينه

وبصراحه بلا لف و دوران انا وحده من ابطال هذي القصه

و راح انزلها على بارتات طبعا وان شاءلله انشاءلله تعجبكم


.




.




.





.




.












ابيك وما ابيهم ( قصة كويتيه واقعيه )



******************************



الساعه 1.30 بليل ليلة الاحد....
لولوه كانت توها تبي تنام.. طفت الليتات وسكرت التلفزيون اول ما قعدت عالفراش وصلها مسج من فجور رفيجتها... ( لولوووو قاعده؟ )
لولو ردت عليها: ( الحين بنام اشفيج؟)
دقت فجور على لولو.....
لولو: الوووو
فجور: لولوووووو اهئ اهئ اهئ :0bee2e8d89:
لولو: اشفـــــيــــــــــج؟؟؟ ( اكيد ابراهيم ليش اسال انا بعد!! يا ليل ما اطولك! :× )
فجور: ابراهييييييييم اذاني لولو تعبت والله تعبت!!
لولو: اشفيه بعد ؟ شسوا ؟؟
فجور: كنت قاعـ... لحظه قاعد يدق علي...
وحطت لولو عال hold
شبكتهم مع بعض: لولو انا اكلمج باجر اوكي؟
لولو: خلاص اوكي... تصبحين على خير
فجور: وانتي من اهله.....


لولو عمرها 20.. تدرس ادارة اعمال .... ضعيفة مو قصيره ولا طويله طولها زين.... حنطاويه وشعرها اسود واصل لي جتفها... عيونها كبار وشفايفها متروسه... كلها على بعضها ناعمه... طيبة وحبوبه وكل ما وحده من رفيجاتها طاحت بمشكلة او حست انها متضايقه دقت عليها.... تعرفت اهيه وفجور بالكليه الي يدرسون فيها.... اول ما شافو بعض كانو يكرهون بعض حيل بس صار صدفه سنه ونص كله مع بعض فصارو رفيجات وتعلقو ابعض حيل ولان فجور ما عندها خوات كانت تعتبرها مثل اختها....

فجر وابراهيم... تعرفو على بعض بطريقه غريبه... ابراهيم كان مايعترف بشي اسمه حب... اذا تعرف على بنيه مايهتم حتى انه يعرف اسمها... كان عنده هالشي لعب وبس ليما شاف فجر صدفه مع رفيجتها مريم.... مريم كانت تحب واحد اسمه احمد الي اهوه رفيج ابراهيم وكان احمد ياي معاه عشان ايشوف مريم.... ابراهيم من شاف فجور حبها وعجبته... قال حق احمد ابيها!! احمد قاله البنيه مو مثل الي انته تعرفهم! اذا تبيها صج لازم تعقل وتتسنع! ولا ماكو.... من يومها تعرفو فجر وابراهيم وحبو بعض بسرعه وصارلهم مع بعض سنتين ونص.....


فجر عمرها 20 كبر لولو وتدرس ادارة اعمال معاها بنفس الكلية... بيضه شعرها صابغته اشقر.. مو طويله وايد... متروسه شوي...عيونها كبار... شفايفها صغيره وصوتها ناعم... كلها على بعضها جذابه مثل ما قلت مساع ما عندها خوات يعني وحيدة امها فـ امها مدلعتها وايد...

ابراهيم عمره 23.. يدرس اعلام.... اسمر شوي... طوله عادي.. جسمه حلو رياضي وشعره اسود قصير...


ثاني يوم الصبح بالكليه... اول ماوصلت فجور ركبت لولو معاها السياره عشان يسولفون على راحتهم على ما تبدي اول محاضره.....
لولو: فجور اشفيج امس ؟؟
فجور: ابراهيم اذاني!!
لولو: اشفيه؟!
فجور:لولو شنو يعني نص اليوم بالدوام والباجي يا نايم يا بالمخيم!!! مايكلمني كلش!! ما ادري عنه طول اليوم!! كله مع ربعه انا ما ادري عنه! سكت وايد!! بس لي متى عاد! مليت!!
لولو: ( انا قايله سخيفه وماعندها سالفه!) انزين عادي كلميه شحقه تبجين!!
فجر: اهوه غثني! :\
لولو: زين شصار لما دق ؟
فجر: ماصار شي عصب منو ويتنق! وبعدين ليش تبجين ومادري شنو وقالي خلاص مايصير خاطرج الا طيب وقعد يسولف معاي لي الساعه 3 وانا قلتله بنام تعبانه! ومادري عنه الحين لانه نايم الاخ!
لولو: لووووووووووووووول زين زين قومي نشربلنا شي قبل لا تبدي المحاضره...


*******************






المكان: ستاربكس مشرف.....
ديما كانت رايحه تاخذلها قهوه مثل كل يوم الصبح قبل دوامها.... واهيه طالعه دعمت واحد
طالعته وبكل براءه: اسـ ــ ـ فه...
انصدمت ديما بجماله... كان طويل... ابيض.. جسمه حلو... مسوي قفل وشعره كثيف واسود... والي ذبحها اكثر ابتسامته
سعود: لا عادي... حصل خير ( ماسك ضحكته غصب على شكلها )



ديما بنت خالة فجور...عمرها 21... تدرس تربية فنية.... كانت مو طويله ولا قصيره شعرها كيرلي مثل ميريام فارس؟... لونه بني فاتح.. عيونها كبار جنها الرسومات اليابانيه كانت حدها كيوت....
استوعبت انها تنحت بالصبي وايد استحت نزلت ويهها ومشت....





**********************





بعد ما خلص الدوام قعدو فجور ولولو مع رفيجاتها بالحديقه الي بالكليه مع رفيجاتهم الي دوامهم متاخر يسولفون معاهم....
حصة تأشر حق لولو... لولو لولو شوفي مناك
لولو: وين ؟
حصة: الصخلتين الي يمشون مناك
لولو التفتت شافتهم ونزلت راسها وسكتت....



فجر: لولو؟؟ يلا انا بمشي!
لولو: أي انا بعد... حصه دقي على اخوج قوليله انا بوصلج البيت
حصة: أي يلا اوكي...

بالـسيــــارة:
حصة تسولف ولولو ما كانت معاها ساكته!
حصة: لولوووووووووو اشفيج انتي!!
لولو: ها لا ما فيني شي
حصة: تفكرين فيه صح ؟
لولو: لا مالت عليه.... بس تذكرته لما شفت هذوله :\
حصة: ولهتي عليه ؟
لولو: صارلي 6 سنين اعرفه ... طول هالسنين واهوه معاي... الحين صارلنا 4 شهور ماندري عن بعض ماتبيني اوله عليه ؟ اطلع جذابه اذا قلت لا...
حصة: خليه يولي مو كفو... ما يستاهلج...
لولو ابتسمت: يلا وصلنا بيتكم!
الساعه 5 العصر دقت فجور على لولو: لولووو وويعه قومي خلصينا ورانا امتحان خل ندرس


لولو: هفففففففف فيني النوووم
فجور: قومي قومي خلصيني لا تهببين باجر بالامتحان!!
لولو: زين زين الحين اقوم...
فجور: أي عفيه شبكي وخلي المسنجر شغال عشان اذا توهقت بشي اسالج وانتي نفس الشي...
لولو: أي يلا اوكي...


شبكت فجور لقت زينه رفيجتها من ايام الثانويه.....
فجور : هااااااااااي
ما ردت زينه!!
فجور: زيووووون وويعه اشفيج حاقره ؟؟
فجور: زيييييييييييييييينه
زينه: هاااااااااااا اشفيج تحنين!
فجور: اشفيج ماتردين!!

زينه: مجابله حبيب القلب
فجور: لووووووول ايييييي ..... شخباره؟
زينه: تمااااام
فجور: انا مادري شلون تحبين واحد لا شفتيه ولا شافج!
زينه: شتبيني اسوي يعني؟ الصبي يدرس بره! بعدين عادي قاعده اشوف صوره واهوه يشوف صوري... لما يرد الكويت انشالله بالاجازه بقوله بشوفه
فجور: اها زين
زينه: ماعندكم امتحانات؟؟ ليش شابكه ؟
فجور: امبله بس ناطره لولو تشبك عشان نبدي دراسه بنفس الوقت واذا توهقنا بشي نسال بعض بدال لا كل شوي ندق على بعض
زينه: اها اوكي موفقين.... فجور لازم تعرفيني على لولو وايد تسولفين عنها وولا مره شفتها! شوقتيني!!
فجور: أي انشالله... نطري خل نفضى ونخلص من الامتحانات واعزمكم كلكم ابيتنا وتشوفينها
زينه: أي اوكي :>
فجور: يلا كاهي شبكت.... اكلمج بعدين :*



زينه عمرها 21... تدرس اتصالات وملاحة.... طويله شوي... بيضه... شعرها طويل بني.... متروسه شوي.. عيونها مو كبيره ولا صغيره... وخشمها طويل... حواجبها لاصقه.. حبوبه وخوش بنيه... تعرفت على حسين من الانترنت صارلهم مده وتعلقت فيه... حسين يدرس طب باستراليا... ولا مره شافو بعض بس كان يوريها صوره... كان برونزي طوله متوسط... عيونه كبار وحلوين حواجبه مرسومين.... حلجه حلو.... خشمه حلو... نظراته تبين انه مغرور... يعني بكل بساطة الصبي جذااب....

كانو يدقون على بعض بين فتره وفتره بس مايطولون عشان مكالماته ماتزيد يعني اكثر وقتهم سوالف بالمسنجر.... كان عصبي مايتفاهم... اسلوبه مو ذاك الزود... بس هم كانت تحبه.....

عالساعه 7 المغرب.....
فجور: هففففففففففف ابراهيم طفرني
لولو: ليش بعد؟
فجور: بس بس ينرفز!!! ماني دارسه!!
لولو: مو جنه صارلنا نص ساعه مخلصين دراسه ؟
فجور: لوووووووووول أي بس عصبت عليه وقلتله مابي ادرس مايدري اني مخلصه عباله ما درست كلش

لولو: يعني صارلكم سنين تعرفون بعض.... مشاكلكم الي مالها داعي ليش قاعده تصير الحين ؟
فجور: مادري لولو :\ عين ما صلت عالنبي :\ مادري ليش صرنا جذي ما كنا جذي احنا!!!
لولو: مادري عنكم... كيفكم .....
بعد 10 دقايق وصل مسج حق لولو....
( هاي لولو شلونج؟؟ انا ابراهيم... بليز ميخالف تقولين حق فجور تدرس لانها عصبت وقالت ماني دارسه... مابيها تروح الامتحان جذي كله مني.... )
لولو: فجوووووووووووووووور لوووووول
فجور: اشفيج بعد ؟
لولو: ابراهيم دازلي مسج!
فجور: شنو ؟ :eh_s(1):شيبي ؟




لولو: نطري الحين ادزلج المسج....
فجور: كاهو وصل
فجور: لووووووووووول اهم شي
وقعدو سوالف عالمسنجر لي ال 10
لولو: فجور حبيبتي يلا بروح انام
فجور: ديايه انتي ديايه ؟ في احد ينام 10 ؟
لولو: ترا انا اقعد 5!! مو مثلج!!!
فجور: روحي روحي فكينا بس

دق ابراهيم على فجور وقعدو يسولفون...
فجور: ترا لولو قالتلي انك دازلها مسج
ابراهيم: شكو تقولج؟ هذي صج ما تفهم....
فجور: ليش يعني ما تبيها تقولي؟
ابراهيم: لا مو قصدي... بس كنت ابيها تساحلج عشان تدرسين بدون لا تقولج انه انا.. وباجر تقولج انا داز مسج... غبيه ما تفهم!!
فجور: لا والله؟ عشان اذبحك واذبحها!!!
وقعدو يضحكون ويسولفون لي الساعه 2 ونامو....





************************



ثاني يوم الصبح بستاربكس مشرف.....
ديما طالبة هوت جوكلت نفس كل يوم.... وناطرته يخلص
قاعده تتعبث بتلفونها وسمعت.... HOT CHOCOLATE
راحت بتاخذه واهيه منزله راسها مدت ايدها جان تحس في ايد ثانيه طقتها....
التفتت ولا نفس الصبي الي دعمته امس... ارتبكت ماعرفت شتقول ووخرت ايدها بسرعه........

سعود مبتسم: اسف هذا حقج ؟؟
ديما: ها... أي.. بس اخذه انته عادي انا انطر مو مستعيله
سعود: لا لا اخذيه انتي انا انطر
جان تييب مالت ستاربكس الهوت جوكلت الثاني وابتسمت لهم
ضحكو ديما وسعود وخذوه وراحو....


ديما تدرس تربية فنية... طول الطريج كانت تفكر بسعود.... ابتسامته.... اسلوبه واهوه يتحجى... صوته... ابتسمت..... طبعا ديما ماتسوق... كانت اختها عليا توديها وتييبها... اختها سيارتها رنج.. حدها كلاس ومتحجبه...حلوه وجميله حيل وشكلها اصغر من عمرها بس سبحان الله ما يالها نصيب...
عليا التفتت عليها: الحمدلله والشكر اشفيج مبتسمه؟
ديما: ها...؟ لا ولا شي (وتضحك)
عليا: مسكينه اختي استخفت




************************




بالكلية بعد الامتحان.....
طلعو لولو وفجور وقعدو بالكفتيريا مع ساره و دانه
فجور تساسر لولو : لولووو شوفي هذا الي اهناك قاعد يطالع منو صارله ساعه يخز
لولو ضحكت وسكتت
فجور: اشفيج؟
لولو: عادي تعودت انا... كل يوم جذي لووول
فجور: يطالعج؟ شيبي يعني؟؟
لولو: شدراني انا! خليه مونسني لوول
دانه: اشفيكم انتو!! ليش تتساسرون
لولو: نحش فيج!!
دانه: لا والله؟
لولو: شدراني عنج يعني شتبينا نقولج... لو نبيج تسمعين جان قلنا بصوت عالي
دانه: مالت عليكم !!
مر شهر... فجر ولولو من امتحان لي امتحان... ديما وسعود كل يوم يتصادفون بستاربكس... زينه ناطره ردت حسين الكويت عشان تشوفه عالطبيعه....
فجر دزت مسج حق الكل انها عازمه البنات عندها بالبيت... وناسه وعبط وتضييع وقت....













ووو يبتع


هذي نهاية البارت الاول ان شاءلله عجبكم


شوي و ينزل البارت الثاني :eh_s(6):


​

 

[kalbo0oshaf]

<<<<<<<<<<<<الرواية وااايد حلوة و الله يوفقج بس عندي سؤال انتي الي كاتبة الرواية ولا منقولة ؟؟؟ >>>>>>>>>>

 

[cute princess]

هلا حبووبة مشكوورة كلج ذووووووووووووووق

اي انا كاتبتهاااااا

وانا مثل ما كتبت باول القصه انا وحده منهم لول بس لا تسئلوني منو


​

 

[UNiQe^PRiNceSs]

Bdiyaa 7lwa
KMlay na6reneech 7aboba

 

[cute princess]

يوم العزيمه........
فجور كانت لابسه نفنوف اصفر قصير مع تراجي طوال وفاله شعرها ومسويه بف وحاطه ميك اب ناعم.....
ديما كانت عندها من العصر عشان تساعدها بالترتيب وتجهيز الاغراض.... كانت لابسه بنطرون هاي ويست مع قميص شوي واسع و فاله شعرها مخليته كيرلي على طبيعته و مكحله عيونها وحاطه قلوس وردي فاتح.....
عالساعه 7 وصلت لولو رافعه نص شعرها ولابسه نفنوف قصير اسود مع اكسسوارات وتراجي وحاطه ميك اب خفيف....
بطلتلها الباب فجور...
لولو: هاااااي
فجور: مابغيتي تيين!!!
لولو: منو موجود؟
فجور: بس ديوومه
لولو: عيل جب شكو تقولين مابغيتي تيين!! ماكو احد!! :\
فجور: واااي بلا طولة لسان دشي وانتي ساكته.... تييب الحجي حق نفسها...
لولو: وين ديوم خل اسلم عليها واسولف معاها شوي ابرك من المناجر معاج!!
فجور: لحظه اناديها... ديووووووووووووووم تعالي لولو وصلت
ديما: اخيرا شفتج! شكثر تسولف عنج فجور!
سلمو على بعض وقعدو يسولفون ويتعرفون على بعض ويضحكون
طلعتلهم ام فجر: هاا لولو انتي اهني...
لولو قامت تسلم عليها: شلونج خالتي شخبارج
ام فجر: بخير الله يسلمج...
لولو: اذتج فجور بالحفله ها؟
ام فجر:شنسوي بعد مانقدر نقولها لا... بنخلي البيت لكم اخوها وابوها طالعين يتمشون... انا بروح بيت امي اخليكم تاخذون راحتكم....
وطلعت ام فجر ولا بدشة زيون... زيوون لاهيه بالتلفون مانتبهت ودعمت ام فجر وطاح التلفون من ايدها وقامت تصارخ.... انتبهت انه ام فجر واقفه منصدمه منها
زينه: انا اسفه خالتي مانتبهت اسفه والله اسفه
ام فجر: حصل خير... دشي البنات داخل ( بقلبها: الحمدلله والشكر)
زينه دشت والتلفون بايدها كل شي طايح بروحه... كانت لابسه بنطرون اسود مع توب فوشي وسيع شوي وحاطه حزام فوقه عالخصر مع اكسسوارات... حاطه فل ميك اب ورافعه شعرها كله لانه طويل.....


زيون اول ما دشت شافت فجور وويها جذي 
زيون: فجووووووووووووووووووووووووووووووووووووور 
زيون: طاح تلفوني لا لا ينكسر... حسين قال بيدق عليي بعد شوي 
فجور: شلون طاح يالمصرقعه ؟
زيون: دعمت امج فشله  وانا كل ما اشوفها لازم يصيرلي موقف بايخ معاها... الحين تلفوووووووني... امبيه عطيني تلفونج!! بحط خطي فيه
فجور: يعني اهوه ما يشتغل كلش الحين ؟
زيون: مادري ما جربت 
فجور: ركبيه قبل اذا ماشتغل اعطيج تلفوني
قعدت زيون تركب التلفون حطت البطاريه وركبت الكفر وشغلته واشتغل
قامت تناقز من الوناسه.... سمعت ثنتين يضحكون شافت ديما ولولو
زيون: امبييييه فشله ماشفتكم....
قامت سلمت على ديما: شلونج شخبارج
ديما: بخير الله يسلمج انتي شلونج ولهت عليج
زيون: وانا بعد حبيبتي
فجور: زيون هذي لولو رفيجتي
زيون: واااي ما بغينا نشوفج
لولو: انا اموت واعرف هذي شتقولكم!!
فجور: لا تخافين مو حاشه فيج!!
لولو: أي نطريني مو حاشه!
الكل: لوووووول
يو رفيجات فجور وجم وحده من بنات خالاتها غير ديما قعدو سوالف ورقص وعبط...
طلعو كلهم عالساعه 10 وشوي وفجور قطت روحها عالفراش ماعدلت ولا شي بالبيت...
لولو دشت غرفتها... بدلت هدومها قطت روحها عالفراش مسكت تلفونها.... قعدت تقرا المسجات... فكرت تدق بس هونت.. قطت التلفون بعيد وحطت راسها على مخدتها وقعدت تتذكر قبل 5 شهور.....

.....: لا تدقين مره ثانيه ولا تدزين مسج مابي اشوف رقمج عندي فاهمه!!!
لولو: انت اشفيك؟ شقاعد تقول ؟؟؟
....: يلا يلا مناك انا ما اكلم وحده من واحد لي واحد!!!
لولو: انا من واحد لي واحد؟! لوول شقاعد تقول؟ من صجك انته!!
....: يلا باي باي

لولو: ااااخ عقب 6 سنين بنتين يغيرونك علي!!
وقعدت تفكر بالموضوع ليما داخت ونامت

الساعه 12 الا ربع ابيت فجر.....

ام فجر: هالفجور هذي مادري شلون صايره!! عفست البيت ولا عدلت فيه شي !! مخليه البيت وصخ وعفسه!! أي جان شلتي الاكل الزايد عالاقل حطيتيه بالثلاجه!
فجر قعدت على صوت امها وضحكت وتذكرت انها ما دقت على ابراهيم...
ابراهيم: وييي كل هذي حفله ؟؟
فجر: لا لا خلصنا من زمان بس دخت ونمت ماحسيت بنفسي نسيت ادق علييك
ابراهيم: نسيتي تدقين علي؟ يعني ما ولهتي علي؟
فجر: ابراهيم متى نتزوج؟ 
ابراهيم: قريب انشالله.... ما بقى شي... كلها جم شهر وبتصيرين حقي بروحي!
فجر ابتسمت وحست براحه وقعدو يسولفون ساعتين ليما داخت ونامت

زيون ماقدرت تنام من الوناسه.... باجر بيوصل حسين...باجر بتشوفه اول مره.... قعدت تتخيله جدامها واقف تكلمه ويكلمها.....

طبعا كان يوم اليمعه يعني عطله البنات كلهم متاخرين بالنومه....
قعدت زيون على صوت تلفونها.... رقم غريب
زيون: الوووو؟
حسين: صباح الخير حياتي
زيون: حسييييين ؟ حبيبي وصلت ؟
حسين: أي رديت وهذا خطي مال الكويت
زيون: حسيت بشوفك الله يخليك!
حسين: ها ؟ لا مو الحين
زيون: ليش مو الحين؟؟
حسين: لا تدرين توني راد وتعبان.... ولما اقوم بلهى مع اهلي مستانسين بردتي تدرين ما شفتهم صارلي فتره فـ بكون لاهي شويه
زيون: خلاص على راحتك بس لما تفضى بتخليني اشوفك ؟
حسين: اااا.... أي اكييد!

زيون ما تدري ليش ما حست براحه من كلامه.... حسته يتهرب منها...
قامت تسبحت وغسلت ونزلت تحت حق اهلها
لقت اخوانها قاعدين...
اخوها عبدالله: زيون قومي سويلي قهوه
زيون: يالله صباح خير... زين الحين اقووووم
عبدالله: اذا من غير نفس مانبي!
زيون: كا كا بقوم ماقلت شي
راحت زيون سوت قهوه حقها وحق اخوها....

صعدت فوق ودقت على فجور وقالتلها شنو صار معاها مع حسين
فجور: أي صح مو غلطان اهوه اكيد تعبان الحين وبيلهى بعدين...
زيون: مادري مارتحت حق كلامه... حسيت جنه ما يبي يشوفني
فجور: نطري جم يوم اذا ما قالج ابي اشوفج ردي قوليله...
زيون: خلاص اوكي ... ثانكس
فجور: شدعوه شسويت... زيون ابراهيم معاي خط ثاني اكلمج بعدين
زيون: اوكي باي
فجور: ها حبيبي
ابراهيم: ها منو تكلمين من الصبح
فجور: زيون داقه علي تتشكى شوي متضايقه
ابراهيم: اهاااا.. زين بابا انا بروح بيت اختي اليوم غدانا عندها... اكلمج لما اطلع ماشي ؟
فجور: اوكي حبيبي تيك كير...
ابراهيم: انشالله.. باي
فجور: باي...

مرت الايام.... البنات كلهم وضعهم مثل ما اهوه.... فجور وابراهيم يوم يتناجرون ويوم مثل العسل.... ديما وسعود يتصادفون بستاربكس كل يوم الصبح بس يبتسمون حق بعض ويمشون.... لولو هذي اهيه يا قاعده بالبيت مع خواتها او طالعه مع رفيجاتها... وزيون تحن على حسين تبي تشوفه.....

زيون: حسين!!! ترا ما صارت كل يوم اقولك بشوفك وانته تتهرب !!!
حسين: حبيبتي قلتلج مشغول!
زيون: لي متى كله مشغول مشغول... اوكي مشغول مع اهلك رضيت فيها.. ما بقى شي على ردتك استراليا وانا ليلحين ما شفتك!! منو اهم انا ولا ربعك؟ راضيه بخمس دقايق! بس خمس دقايق بقعد فيهم معاك!


حسين: خلاص خلاص باجر انشالله يصير خير
زيون: هفففففف اوكي
حسين: شتبين تسوين الحين ؟
زيون: مادري ملل.... بجابل النت
حسين: خلاص اوكي انا شوي واكلمج
زيون: اوكي باي

قعدت زيون جابلت النت شوي جان يشبك حسين...
حسين: زيوونه حبيبتي بوريج صوره...
زيون: اوكي
وراها حسين صورة واحد... برونزي بس ملامحه عاديه مو جميل ولا قبيح وايد عادي... اقرب الى المملوح
حسين: شرايج فيه ؟؟
زيون: منو هذا ؟
حسين: زيون هذا انا
زيون: نعم!!! والي قبل ؟
حسين: الي قبل هذي كانت صور رفيجي الي معاي.... زيون انا مو واثق من نفسي... اشوف روحي مو حلو... خفت تكرهيني وتهديني.... قلت اوريج صور رفيجتي يمكن تحبيني وبعدين اوريج صورتي الصجيه....
زيون:...........
حسين: زيون اشفيج ؟ ردي ؟
زيون: مادري شقولك!! حسين خلاص وخر عني لا اعرفك ولا تعرفني!
حسين: بس زيون نطري خليني اكلمج شوي!
فصلت زيون......
دقت على فجور: فجوور وينج؟؟
فجور: انا رايحه بمر لولو نقعد بكافيه نسولف نغير جو شويه الجو شحلاته
زيون: اقدر ايي؟ متضايقه شوي ابي اقعد مع احد
فجور: ايي اكيد... على ما تبدلين وتخلصين اشوف انا ولولو وين نبي نروح وندق عليج
زيون: اوكي باي





ابيت لولو.....

لولو: يماااااااااا ..... ترا بتمرني فجور وبطلع معاها... باي
ام لولو: تعالي تعالي تعالي.... على كيفج انتيييييي
لولو: يمااااااااااااااا هففففف يعني لي متى قاعدين بالبيت!!!
ام لولو: وشقول حق ابوج ؟؟
لولو: والله عاد ريلج وكيفج انا مالي شغل قوليله الي تبين
ام لولو: وريلي مو ابوج ؟
لولو: لا مو معترفه فيكم انا... بس انتي امي باجر البيت مايصيرولي تشابه اسماء بس!
ام لولو: روحي بس روحي... ديربالكم بالطريج... وبلا سوالف مني ومناك
لولو: شنو يعني سوالف مني ومناك بعد!!!
ام لولو: بعد بنات ويمكن يقصون عليج
لولو: ياهل يما الله يهداج ؟؟ باي بقعد تحت على ما توصل


وصلت فجر بيت لولو ودقت عليها
فجور: يلا لولو نزليييييييييي
لولو: كاني طالعه باي

ركبت لولو سيارة فجور... انفينيتي لون الكراميل..
لولو: هاااي وباست فجور
فجور: ها وين تبينا نروح؟
لولو: كيفج أي مكان
فجور: اوكي بس زيون بتيي
لولو: أي احسن بعد يصير اونس

لبست زيون بسرعه وركبت سيارتها وطول الطريج واهيه تبجي...

.




.




.



.



يتبع


​

 

[cute princess]

ثانكس يونيك برينسس كلج ذوق

وان شاءلله بتشوفوووووون الاحداث اليايه فيها اكشنات أكثر :d


​

 

[عاشقة البحر 93]

يعطيج العااااااااافية حبوبة الروااااااااية حدها حلوووة انمدمجت معاها وان شاء الله انخلصها قبل العيد>>>اتشرط مع الويه

ناطرينج فديتج

 

[MEMO GirL]

يلا كملي شوقتينا P:
o thX

 

[Xx Na3oOoma Xx]

الرواايه واايد واايد حلوه
و عجبتني البداايه
و اكيييد بكوون متاابعتج
بس لآ تتآخريين عليينآ

 

[الخياليه]

أقصه اّتشوق شكلهاّ :ggdw: :ggdw:

واّعتبريني وحده من الّمتابعين

وبس ننطرج اّتكملينها ونبي باّرت وطويل _03BA:


وثاّنكيو :blueSmCLR:

 

[Om sh'haBii]

بلييييييييييييييييييز كمليييييييييييييييييييييييييييييييييييييييييييييييييييييييي

 

[princess besho]

القصة روووووووووووووووعة



بليييييييييييييييييز كملي



ناااطرينج

 

[SLeePy PRiNCeSs]

NiCe 7adha tshaweg el qe9a KeeP iT uP!​

 

[بـــــــــدور]

هاااااااااي
القصة واااايد حلوة ومتى تكملينها

 

[qmr_14]

واااااااااااااااو

الرواايه اتيننن

وااصلي ويعطييج العاافيه

 

[cute princess]

هااااي بنات مشكورين عالمتابعه ونستوني وايد بردودكم الحلوه شجعتوني اكثر صراحه
اليوم انشالله عالساعه 8 انزل البارت الثالث وانشالله بيكون وايد طويل بس عاد نبي تشجيع اكثر عشان نكمل :>

 

[UNiQe^PRiNceSs]

na6rench 3alla elmw3ed enshalla

 

[UNiQe^PRiNceSs]

na6rench 3alla e.mw3ed enshalla

 

[[لين]]

ونااااااااااسه

يلا لا تطولين علييينا حدي اندمجت

 

[عاشقة البحر 93]

ناطرينج حبوبة والرواية ما شاء الله مبين عليها حلوووووووووة