Acai Berry .. اللي مجربته تدخل ضروري

[ضــمــاد]

قوه بنات عندي أستفسار عن هالحبوب

اليوم لي رابع يوم من بدية فيهم



ملاحظه جسمي خصوصا اطرافي .. حيل حيل حيل فيهم جفاف



يعني أول أدهن ايدي .. بكريم ثقيل مثل جليسوليد .. احط نتفه .. ترطيبه يظل فتره طويله



بس الحين مو ملحقه



أنا اتوقع تسبب جفاف للجسم من داخل .. عشان جذي شربت ماي




قبل الريوق كوبين وقبل كل وجبه كوب .. هذا غير العصر شاربه نعناع وجاي



اهو يوم واحد سويت جذي وبعدها حرررررررررررررمت ..




كل دقيقه وانتوا بكرامه رايحه الحمام , حتى بالليل كلش ما أرتحت بنومي :eh_s(14):




الحين اللي مجربين هالحبوب هل صار فيكم جذي ؟​

 

[نارنجه]

ماعندي فكرة عن هالحبوب

بس في انواع تكون دايت و لتخليص الجسم من السموم
يمكن عشان جذي تكرمين تروحين الحمام وايد

سئلي الصيدلية الي اخذتي منها هالحبوب

 

[sh-q]

لاما صار فيني جفاف

 

[om '3ala]

من وين شريتيهم و بجم ؟ و شكثر ضعفتي ؟

 

[WAAAW]

الله يعييييييييييييييينج عالحمام والله حاسه فيج .. من كثر ما اشرب ماي ملييييييييييت وانا اروح الحمام

بس ما جربت الحبوب......

شربي 3 لتر باليوم ماي .. ديري بالج عشان لاتنشف الكلى عندج ... لان شكل الحبوب وظيفتها تطلع الماي من الجسم

 

[كريوكا]

يما خوفتيني. كنت بشتريهم. الحمد الله أني قريت موضوعج


عاد يصير حق غير المتزوجة تستعملهم

 

[M!ss Bask!n]

أنا امس شريتهم بس للحين ما جربتهم .. لان مو فاهمه شلون طريقتهم قبل الاكل ولا بعده ؟ ومكتوب كبسولتين باليوم s:

 

[WAAAW]

اي عادي

 

[خلطات المذهله]

صوريلي المكونات علشان اعرفلج شنو سبب الجفاف

 

[طموح دائم]

هذول التقليد مو زينين

 

[Hi--class]

Up
Up
:eh_s(7):

 

[ضــمــاد]

من وين شريتيهم و بجم ؟ و شكثر ضعفتي ؟

شريتهم من التاجره ام عفاف سعرهم بـ 15 والتوصيل 2 ..


بس ما أستمريت عليهم الا 4 ايام و وقفتهم ليومج هذا

الله يعييييييييييييييينج عالحمام والله حاسه فيج .. من كثر ما اشرب ماي ملييييييييييت وانا اروح الحمام
بس ما جربت الحبوب......
شربي 3 لتر باليوم ماي .. ديري بالج عشان لاتنشف الكلى عندج ... لان شكل الحبوب وظيفتها تطلع الماي من الجسم

3 لتر شناويه انام بالحمام لوووووول ..

انا جم كوب ولاعت جبدي .. لازم ادرج عشان أعود نفسي لاني ماشرب ماي وايد

عاد يصير حق غير المتزوجة تستعملهم

أنا مو متزوجه واستخدمتهم .. وجسم عن جسم يفرق

صوريلي المكونات علشان اعرفلج شنو سبب الجفاف

صورة بس الكلام مو واضح حسافه




تشكرات بنــات على ردودكم :eh_s(7):

​

 

[جورية الكوت]

السلام عليكم ورحمة الله وبركاته

الحبوب مالها اي اثار جانبيه وبالعكس الكل يمدحها ولازم تراجعين الطبيب يمكن لاسمح الله عندج مشكله

ماعليج امر دشي هالموضوع في المنتدى وشوفي المعلومات عن المنتج:

http://www.q8yat.com/t999230.html

الله يحفظج ويحفظ المسلمين آمين