Al-Bayan Belingual School BBS

[no yes]

السلام عليكم
شلونكم حبوبات
اليوم انا داخلة لكم ل وجه الله
انصحكم بمدرسة البيان
مدرسة خاصة من الحضانة لي الثانوية
ثنائية اللغة و وااااااااااااااااااااايد زينة انا ولدي فيها بالحضانه بالسنة 1400
وكل ما كبت المرحلة يزيد السعر
لكن المدرسة رووعة تعليمها وايد ممتاز
واذا حابين تعرفون عنها اكثر هذا الموقع
http://www.bbs.edu.kw/

 

[الصابرة المحتسبة]

مشكورة أختي على الإفادة

 

[اي اسم]

اختي يس السعر اللي ذكرتي غريب

اسعار البيان حسب موقعهم الاكتروني للعام القادم 2010- 2011
الحضانة 1825
روضة اولى 1961
روضة ثانية 2135
الابتدائي من اولى الى رابعة 3292
المتوسط 3470
الثانوي 3630

 

[الفرسان الثلاثة]

اي والله اللي اعرفه الرسوم غالية و القبول صعب حيل !!! المدرسة وين موجودة

 

[mr000]

مشكوره أختي عالموضوع.. المدرسه وايد زينه بس الله يهديهم مبالغين بالأسعار ... الفرسان المدرسه تشوفينها قبل مجمع النقره الشمالي عند الدوار لونها بني.. عاد تصدقين كنت مفكره فيها حيل بنت خالي عيالها فيها وتمدحها وايد بس اشدعوه غريد 9 (3600)! خل نقضب مينونا أحسن!!كلمالهم ويزيدون الأسعار

 

[*نور الكويت*]

بصراحه ينوا واقعدوا على هالأسعار اشدعوه !!!

والحين بنظري البيان مافيها زوود عن باجي المدارس ..

كل المدارس فيها حضانات ومعتمدين على اللغه الأنجليزيه ووايد مدارس تتبع المنهج الامريكي ومعتمد فيها

ولد اختي بالبيان من الحضانه والحين برابعه ابتدائي وعيال اخوي بالخليج الانجليزيه هم برابعه ابتدائي

مافيه زوود ولد اختي عنهم ,, اللغه قويه كلهم والكتابه بالعربي والانجليزي كلهم توب ماكو فرق

على الأقل الخليج ارخص من البيان اللي طايرين

 

[no yes]

الصراحة ريلي اهو اللي يدفع و قالي 1400
انا عيال اختي الباجي بالتكامل اللي بصباح السالم يم مستشفى طيبة كلينك زينه بعد
بس البيان بنت اخوي الكبيرة مشالله بكل شي فطينه من المدرسة
والمدرسة اهي بمنطقة حولي

 

[شرطيه حلوه]

ينو المدارس كل سنه زايدين

 

[الفرسان الثلاثة]

اهما صج ينوا عالأسعار والمشكلة ان مافي احد يوقفهم مستمرين الى مالا نهاية زين لين جم بيوصل السعر أذا كل سنه 5 بالميه!!

 

[حلم الطفولة]

مشكوره اختي ماقصرتي .. صاجه البيان ماعليها ,, ممتازه ومعروفه وقديمه من أربعين سنه .
موقعها بحولي على الدوار جدام مبنى جامعة الخليج القديم
واسعارها مثل ماوضحت الأخت اي اسم.

شكرا للموضوع.