B e n i h a n a kuwait ... الطعم الياباني الحقيقي ( تجربه ولا في الأحلام ) ..!!

[فانسي نايت]

​

السلام عليكم ورحمه الله وبركاته ..

كل مارحت ( الدوام _ الزواره _ طلعه رفيجاتي _ والأهم سوالف أخواني ..!! )

وكل ما قعدت ع ( النت _ التلفزيون ) ...

الكل يسولف عن مطعم ( بينهانا الكويت ) والضجه عليه واااايد كبيره الكل يمدح والكل طاير ب هالمطعم
وأنه سوى نقله كبيره ب ( الطعم الياباني الحقيقي ) وسحب البساط ( حدي مثقفه ) من كل المطاعم اليابانيه الموجوده
بالديره ...


على الرغم من هالشي ... شفت هجوم غريب يناقض كلام الناس ومن مدونات محدده وبعدها سمعت أن المطاعم اليابانيه
اللي بالديره وأغلب أصحابها ( مو كويتيين _ لك شو بدك ..!! ) يدفعون ل مدونين لمهاجمه هالمطعم اللي سبب وايد
خساير لهم ..!!


مابي أطول عليكم .... واااااااايد قرقت ..


انا رحت ... وأنا هم بروح ... وبعد ما روح هم بروح ... مطعم أقل ما يقال عنه ( روووووووووعه )
ل عشاق الطعم الياباني الحقيقي ( مو اللي قاصين علينا فيه ..!! ) والأسعار وااااايد مناسبه وتعتبر رخيصه عن المطاعم الثانيه ..

أنا رحت بس للأسف ما صورت ف حبيت أنقل لكم تجربه وحده من الخوات أعتقد ما راح أوصل ل وصفها عن المطعم
وبأذن الله راح أنزل تجربتي الشخصيه هالاسبوع .. ​

______________________________________________________________

على حد علمي ان اهو اخر مطعم تم افتتاحة بدولة الكويت ومن بعده للحين ما سمعت انة فية مطعم تم افتتاحة

اخذ سعه كبيرة من الاعلانات والانتشار ..واتوقع ان الاغلب تم تجربتة

انا توني امس قريت في احدى المدونات الكويتية ان تم رفع قضية من صاحب المطعم على صاحب المدونة الكويتية لاسباب تتعلق بالتعليق التي تم نشرة في التدوينة

قلت امس لازم اجربة واشوف هل فعلا الكلام يتسحق .؟؟؟

للامانة راح اكتب راي بكل صراحة بعيدة عن ما قيلة عنة وما كتب عنة

دخلت المطعم الساعة 3:30م فهذي الفترة فترة غدى << صايدة الحركة الاخت





ما علينا بعلق وبتكتب باللهجة الكويتية وتسموحون لي اذا كان فية بدليات <<مو شي يديد عليج

نكمل دخلت المطعم وكان جدا هادي والي رايحة معاي اختي صاحبة الذوق دايما ذوقها ما شاءالله بالاكل توب

اخترنا المكان المناسب الي يناسبنا .. استذنت اني اصور الاكل والمكان وبكل رحابة صدر رحبو وما كان عندهم مانع بالتصوير

الي تشرف علينا وتاخذ الطلب كانت اتييين وااايد وتنصح وفعلا اختيار موفق للستاف ولكن في نهاية الموضوع هناك ملاحظة اكتشفتها باخر ما طلعنا








اخترنا الطلب وعلى ما يتحضر انا بهالوقت شسوي مو معقولة بقعد انطر لا قمت خذيت جم صورة للمطعم بجم زاوية
















قبل لا ايبون الاكل قدمو لنا شوربة خاصة بالمطعم واسمها

Onion Suop




حلوة لا باس فيها

عصير اناناس

وااايد حلوووو مكوناتة غريبة




والحين وصل وصل الاكل

ايبي تمبورا
روبيان مقلي بالزبدة على الهادي حتى تصبح ذهبي اللون ويكون من 5 قطع



انصح فيها وبشدة تاااااااااااامة لازم الي يروح يجربها لانها توب

ياكيتوري
دجاج طري مشوي على السيخ . مخلوط بالبصل الطازج والفلفل الاخضر الحلو مبلل بقطرات من صلصلة بنيهانا ترياكي ومرشوش بالسمسم







حلوة الصلصلة مع الدجاج مع الخضروات انا امووت عليها واهي مشوية ما اقدر اقاومها

ارز هيباتشي بالثوم
هذا الارز عجييييييب ولذيذ انصح انصح فية وبشدة تامة .. الخطلة مالتة غريبة وطعمها واااااااااو











راااح أكمل نطروا لحد يكتب مشاركه​

 

[فانسي نايت]

وعبارة عن عيش وخضروات يابانية – عادية

وهذي سلطة اسمها

Benihana special salad

وااااااااااااااااااايد واااااايد حلوة الصلصلة الي فيها غريبة واتيين







الطاولة الي احنا فيها يطبخ الشيف الاكل جدامنا وهذا شي حلو وكل طاولة لها شيفها الخاص وصج الاجواء كانت حلوة

Ragupathy شيفنا العزيز عرفنا علي اسمة واسمة

طبعا هم من الواجب اني استذنة ويسمح لي بالتصوير وبكل رحابة صدر وافق واستاانس اني راح اصورة

واعتذر من الشيف لاخفاء ملامحة لكي اخلي مسئوليتي التامة في حالة تم نشر الموضوع ما في المنتديات والايميلات اخلي مسئوليتي في حال تم نشر الصور بطريقة خاطئة

وهذا سبب اخفاء الملامح لكي اخلي مسئوليتي التامة



Funny وايبون الاكل في طاولة متحركة انا شفتها وصورتها ويا حليلة مسوي لي حركاات ايييين واايد







هذي عبارة عن بصل يقصصها ويخليها مثل الاهرام





ويخلي لها فتحة من فوق وشوفو شنو يحط داخل بالفتحة









والاكل الي راح يسوية الشيف من اختياركم طبعا انا واختي اخترنا

طبق بنيهانا البحري المخصوص
ذيل كركند المياه الباردة . سكالوب بحري وتونة مشوي حتى الانضاج












يمي يمي يمي كاااااااااااااان لذيذ وفريش وحااار​

 

[فانسي نايت]

هذا كلة من الاختيارات الي اخترناها من

طبق بنيهانا البحري المخصوص
















الشيف راح يغادرنا للاسف عشان نقعد ناكل وبالاخر سلم علينا بطريقتة






Thank so so so much chef Ragupathy

الحين خلصنا اكل والحمدالله الاكل واايد حلو ويستحق الواحد يجربة والشي الي مستغربة منة انا واختي

في اغلب المطاعم لما ناكل نحس بثقل في الاكل وانة خلاص شبعنا بس سبحان الله هذا على كل الي طلبناه قاعدة اقول لها لا فيني بعد اكل

جان تقول لي تصدقين حتى انا عادي بعد اكل قلت لها يالله فوقة عيل خل نطلب سويت

شفت قائمة السويت للاسف انة كلها سويت عبارة عن برد اتمنى من الادارة زيادة اصناف للسويت بلييز

طلبت ايسكريم بالسمسم













واايد حلوو وخاصة العسل الي فوقة

راي بالمطعم للامانة المطعم يستحق التجربة .. الاكل وايد لذيذ وطريقة الطبخ مشوقة وطريقة الشيف في العرض غريبة واتونس

انا صورت فيديو ولكن راح اراسل الشيف واخذ منة موافقة في عرض الفيديو لكم لانة بتشوفون شي يونس

وبالنسبة للمكان والديكورات والاضاءة واااااااااااااااايد خطيرة ومريحة



انا اول مرة اقعد في مطعم وخاصة بالكويت على كرسي مريح فعلا هالميزة اول مرة اشوفها في مطعم بالكويت اختيارة كراسي مريحة

ساعات اقعد باي مطعم كان ساعاتين ولا انا بس متملله مو الكرسي لانة مو مريح .. هذا ماشاءالله الكرسي لو اقعد علية 10 ساعات ما يتعب

الشي الي ما حبيتة واتمنى يركزون علية كادارة السيرفس وااايد بطيء وما فية سرعة بديهه يعني الي حصل معاي بالمطعم

كلينا الحين وخلصنا المفروض المشرفة علينا تمر كل 10 دقايق او بالكثير ربع ساعة فقط تنظر للطاولة مو شرط تسال

شافت الصحون فاضية على طول تشيلها ما تنظر انا اناديها واقول لها لو سمحتي خلصنا لانة كنا نبي نقعد ناكل سويت

بس هذي النقطة الي لاحظتها انا واختي وان شاءالله يراعونها ويحطونها بعين الاعتبار

بس ككل المطعم قوي ويستحق تجربتة وصدقوني راح تشوفون اشياء تونسكم في طريقة الطهي

ولما طلعنا عطونا علم الكويت



وبالنهايه كل الشكر لمدونه ( meenakon) ومجهودها كان حيل كبير بأبراز هذا المطعم العالمي الخيالي



وبأذن الله راح أنزل تقرير ثاني عنه خاص فيني خلال أيام​

 

[استبرق أم علاوي]

علييييج بالف عافيه
صج صج شوقتيني

لازم اروووووووووووووووووووووح

 

[فانسي نايت]

علييييج بالف عافيه
صج صج شوقتيني

لازم اروووووووووووووووووووووح

تسلمين حبيبتي ,,, وبالعافيه مقدما ,,, وأنا راح أسبقج أهناك :RoadRunner:

 

[سارونه*المزيونه]

رد : B e n i h a n a kuwait ... الطعم الياباني الحقيقي ( تجربه ولا في الأحلام ) ..!



عليكم بالعافية
سؤال خارج عن الموضوع
حبيبتي شنو كاامرتج

 

[vogue grl]

شكله يشوق يبيله اروح له
يسلموو حبيبتي على تقرير رائع

 

[نيــلــوفــر]

حبوووبة عليج بالف عاافية و تره انا قريت رفيوو مارك المدون مافيه ولا غلط بالعكس ياما رحنا مطاعم و ماعجبنا اكلهم مو شرط كل شي يعجبنا و حلوة هذي يا تكتبون مدح عنا ولا نشوفكم بالمحكمة وين قاعدين الريال ما قال شي غلط ولا نصح اي احد بانه يروح مطاعم ثانية بالعكس قال انا ماني رايح هالمطعم مرة ثانية بروح واسابي ولا ماكي احسن
و على سالفه احد يدفعله فلووس تره مافي شي اثبت للحين انه احد دافعله فلووس عشان يكتب رفيوو هالحجي ممكن يكون تأليف و ممكن صج ما يندرى بس حرام نظلم الريال سوري طولت بالرد بس ما عجبتني سالفه انه هالمطعم يرفع قضية على شخص لانه بس قال رايه الصريح

 

[maysoon]

انا رايي من راي نيلوفر

صاحب المطعم شهر بعمره انا ما اعرف مدونة مارك ولا كنت قاريه الموضوع

عقب القضيه عرفت المدونه

وما حبيت حركه صاحب المطعم كل واحد ذوقه غير عن الثاني

 

[عيون سارة]

ما ادري بس بصراحه ما اتشجع اكل بمكان غير

ماكي

 

[وهج الخير]

رد : B e n i h a n a kuwait ... الطعم الياباني الحقيقي ( تجربه ولا في الأحلام ) ..!

بالعافيه حبيبتي

 

[أم حمودي**MALL**]

شكله يشجع

 

[krkooora]

عليج بالعافيه :blueSmCLR:
عن نفسي جربته و ماعجبني ماكو على ماكي و اوساكا :082502bye_prv:

 

[دلوعة بنتي]

انشالله نجربه

 

[الدلال]

رفيجتي جربته وما تمدحه

وانا كلش مو صوب الاكل الياباني :cxxxp:

بس الصور حلووه ويعطيج الف عاافيه

 

[أوكسجين]

بالعافيه
بس هذا تصويرج:080402ask_prv:

 

[فانسي نايت]

حبايبي ... أنا رحت و وايد كان حلو بكل شي

وبأقولكم أن التصوير والموضوع ( منقول ) من مدونه الأخت ( meenakon ) ​

 

[emankuwaiti]

بالعافية عليكم

 

[أحلى^حياه]

يعطيج العافية

 

[so_what]

رد : B e n i h a n a kuwait ... الطعم الياباني الحقيقي ( تجربه ولا في الأحلام ) ..!

عليكم بالعافيه