bipolar اضطراب ثنائي القطب ؟؟؟ مساعده بليز

[KpoperxLoveless]

انا كنت اقرا عن اشياء ولقيت موضوع عن bipolar وجذبني ولقيت بعض المواصفات نفسها فيني
كلمة تخليني ابجي كلمة تخليني اضحك كلمة تخليني ازعل
انا احب اكون بروحي ما احب اشتغل مع ناس وفيني اكتئاب غير طبيعي بس يختفي بسرعه هل شعور و احس اني مستانسة و ايان اكون مستانسة انقلب اسير نفسية لاحد يكلمني
و تجيني حالات اتكلم بسرعه حتى امي ما تفهم علي و حالات ما لي خلق اتكلم
وتجيني احساس اني طايره من الفرح و اتكلم و ما اثبت بمكاني حتى اختي الصغيره تقول عني ان جنه عمري 7 سنين
لما اقعد مع نفسي اتخيل اشياء من خيالي اكون قاعد بكاني بس عقلي مو موجود اذا تخيلت شي يضحط اضحك تقول جني مجنون اضحط بروحي ابجي بورحي ازعل بروحي من دون اي سبب و سببي هو اني اقعد اتخيل
و بعض الاحيان اكون مفتخره بنفسي بس انا ماعندي ثقه كلش وبعض الاحيان اكون جاطه نفسي على اني كللللششش ثقه
ونادرا ما تجيني حالات اقعد بروحي اطالع القلم و اتخيله انه يطير و كتاب يفتح صفحاته من نفسه
اذا عندي محاضره ما عمري ركزت معا دكاتره و لا الابلات عقلي كل مشغول بتخيلات و مشاكل
وعندي ذكريات و دي امسحها لان بعض الاحيان تمر بعقلي
ما اقدر اقعد بكاني اذا كنت في محاضره لازم اهز رجولي او اتحرك يمين او يسار على اني ابي اقعد عدل
ماعندي شي واحد حبه مثل الحين هوايتي الرسم ودي العب كرة سلة و تنس وكل انواع رياضات ودي اشتري الوان بس محد يوديني لان امي تقول " هل اشياء ما لها داعي روحي ادرسي متى ما توضفتي سوي اي شي"
رفيجاتي شوي وهم وياي من 2006 الحمد الله و الله يفظهم لي و لاهلهم و يطول بعلاقتنا بعض وهم 2 بس الني ما اقدر اثق بالناس بسرعه ب تجيني حالات اتكلم مع الي وياي الي بالمحاضرة عادي
تجيني حالات لما اعصب ما عندي مشاعر حتى مع خواتي الصغار كلهم يخافون نتي اذا عصبت و بعض الاحيان مالي خلق اعصب
انا حياتي في اكثر الاوقات على قولت ابوي الله يحفظه لي " ما شاء الله عليج قاعده ومالج خص في اي شي حتى لو البيت يحترق ما تحركين" صج خواتي الصغار لما يتهاوشون مع عيال اختي يطقون طق حييل وانا قاعد بغرفه بروحي ما لي شغل فيهم
صح تجيني نادرا تجيني حالات ودي اطب من دريشه اذا مريت جمبها نااااادرا
اكثر الاوقات تجيني هلوسه
لما اكون بغرفه مضلمه فيها نور خفيف مثل دريشه لما اطالع سقف او اي مكان كل الي حولين المكان الي اطالعه يصير اسود يبدى من بعييد الين المكان انا اطالعه بعدين طل شي يصير اسود فاغمض عيوني وارد اطالع مكان ثاني و يرد نفس شي
طبعا انا مو اجتماعيه ابدااا
اسولف وجه بوجه لاااااا ساكته ما اتكلم بس اذا برسايل او مسجات ما اسكت
انا استحيييي حيييل هذا عيبي عندي حيى غير طبيعي و لما اكون معصبه يوح هذا الحيى
لما اهلي يبون يطلعون اقول يلا ابي اطلع بس من اول ما اتجهز اقول لا مابي غيرت رايي
و عكس صحيح ولما اقول لا ما ابي اتحسف بعد ما يروحون و اذا رحت اتحسف اني رحت مثل ما ابوي يقول " انتي نفس طعنه الي بظهر لما توافقين بعدها تهونين "








اسفه اذا في اغلاط كتابيه
تكفون اذا تقدرون انا نريضه نفسيا ؟؟؟؟؟؟؟

 

[KpoperxLoveless]

انا بعد ما اقول اي احد عن مشاعري كلها داخل ما اطلعها اخوي الكبير يقولي لازم اطلعها بس ما اقدر اخاف اجرح الي حوليني واخليهم يكرهوني
وعندي ذكريات حيل خربتني ابي امسحها للحين ما قلتها حق احد
حييل اسامح ناس بس من داخل لا ما اسامح اذا سوى شي بعمد
ولما امي و ابوي يتناقشون ((( هواش ))) لازم اروح بعيد علشان ما اسمعهم او اذا مضطره اني اقعد بالغرفه الي انا فيها اسد اذنيي
اما نومي يجيني ايام ما انام صح اني احس بالنوم بس ما انام و ايام اذا نمت انام 3-5 ساعات اوقوم نشيطه و ايام انام 8-12 ساعة و للحين دايخة
انا وحه ازهق بسرعه حتى لو شي انا كنت ابيه ازهق

 

[نونا**]

حالتج طبيعيه جدا كونا مجتمعات مغلقه مانعبر عن عواطفنا فساعات نختنق شوي ويحوشنا اكتئاب

انا قبل كل ماقريت عن مرض تنطبق الاوصاف علي لووول ايام المراهقه كنا فضيعين نمتص اي شي

انتي في فراغ كبير وكل مازاد الفراغ زاد تركيز الشياطين عليج والشيطان لي ركز عليج يلعب فيج يخليج حزينه حيل لدرجه انه ممكن تكرهين الضوء وتحبين تقعدين بظلمه عشان جذي الله قال بالقران بما معناه اذا نزغك الشيطان فاستعذ بالله يعني كل ماجاج هالتفكير تعوذي من الشيطان لي 100 مره

وانا اقولج عن تجربه كلنا مرينا بهالشغلات لانا للاسف شعب مايعبر عن ضعفه ونكبت بداخلنا

 

[أميرة-]

غلط تشخصين نفسج ومو كل شي تقرين عنه وتحسين ينطبق عليج يعني فيج المرض

كلنا تحوشنا حالات اكتئاب واحباط ومزاجيه ومرات مالنا خلق شي واحيانا نشاط عالي بس هذا مو معناته انه مرضى نفسيين بالعكس الانسان الطبيعي مثل السيارة ماتمشي على وتيرة وحدة على حسب الظروف المحيطة فيها

انا اقول لا تقرين عن الأمراض النفسية ترا كل واحد يتعمق بعلم النفس يصير مجنون هههههههههه صج بعلم النفس كلنا مرضى نفسيين وكنت أشوف دكاتره قسم علم النفس أغلبهم مختلين الحمد لله والشكر مادري دراستهم أثرت على إتزانهم النفسي ولا من كثر ما يتعاملون مع مرضى صاروا نفسهم

حاولي تغيرين من الصفات اللي فيج وحاولي تغيرين من محيطج يعني لا تقعدين مع ناس سلبيين او يحبطونج وغيري فكرتج عن نفسج خليج متفائله .. طول ما تفكيرج سلبي عن نفسج ماراح تتغيرين وإذا صار تغيير بيكون سلبي

 

[KpoperxLoveless]

مشكورين حق الي ردوا على هذا الموصوع بس بغيت اتاكد ههههه شكلي مو الوحيده زين بعدين رفيجاتي ولا وحد فيها افكر سلبية كلهم مرحين وحبوبات

 

[woroodalward]

اختي الكريمة حالتج مو صعبة ولا معقدة ربما اضطرابات بسيطة خلتج توصلين الحالة هذي بس هذا الشي لو زاد راح يؤدي لجالة صعبة الافضل انج تراجعين عيادات استشارية حاليا منتشر بالكويت هالشي حتى لحالات بسيطة مو غلط ان نصلح من ذاتنا ولا عيب علشان نتمتع بشخصية متكاملة ومعتدلة لابد من اللجوء لمتخصصين قبل لا تسوء الحالة
اذا جابة اعطيج رقم استشاري انا سبق وتعاملت معاه
الله يهدي بال الجميع يارب


أم حمد

،

،

،

 

[صاعقة بيوتي]

مدري احسج طبيعية ومافيج الا العافية كل اللي فيج يصير باغلب الناس واغلب اللي فيج سلوكيات لا اكثر ولا اقل تقدرين تغيرينها بنفسج
طبعا هذي وجهة نظري وانا مو اخصائية نفسية

 

[منيره آل ثاني]

روحي الطبيب النفسي أحسن واعرضي عليه مشكلتج وشوقي هو مرض ولا امر بسيط

 

[كاريزما حلوة]

لا طبيب نفسي ولا شي

حالتج طبيعية ومافيج الا العافية ان شاءالله


اولا غيري روتينج غيري ديكورات غرفتج او مكان التسريحة والكمدينا وحطي فازات ورد طبيعية وغيري كفرج

ثانيا كل يوم هوي الغرفة بطلي الدرايش ويفضل بالنهار واستنشقي الهوا وانتي تبطلينها ونااااسة


ثالثا حاولي تمارسين هواياتج مع اهلج يعني مثلا الرسم لاتقعدين بروحج لا اقعدي بالصالة ولوووني وارسمي

رابعا حاولي تغيرين عاداتج الشي اللي تحسين انج مو مرتاحتله حاولي تغيرينه

اطلعي استانسي غيري جو


والاهم من كل هذا حافظي على صلاتج واذكار الصباح والمسا وكثري استغفار ١٠٠ مرة كل يوم


وشغلي سورة البقرة كل يوم بغرفتج


ومالافيج الا العاافية تدلعيين وقولي كاريزما ما قالت