Book Addicts Anonymous

[lailosh]

بنات ترى انا معاكم قاعده اقرى my sister's keeper

بس خلصت جزء بسييط لانها علجهاز وانا بس ابطله على طول ادش يا منتدى يا مسنجر

دامكم قاعدين تتناقشون الي بقوله الروايه واايد حلوه بس تنرفز شوي :$ الام الصراحه باطه جبدي شلون اتخلي اني على قولتكم سبير حق كيت يعني :/

وانشالله على قد ماقدر اكملهاا بسرعه

 

[C'est La Vie]

هلا ليلوش حياج الله معانا حبيبتي


بنات وين وصلتو؟
انا وصلت monday صفحة 280 تقريبا

 

[ScarletteO'Hara]

هاي c'est la vie
انا خلصتها امس
و اخيرا
متى المناقشة ان شاء الله؟

 

[C'est La Vie]

انشالله هالاسبوع بس خل اخلصها
سوري تأخرت عليكم هالمرة

 

[ScarletteO'Hara]

حبيبتي لا متأخرة و لا شي
take your time

 

[Megan Rocks]

hey i'm new her and i love to be in ur book club

i'm so book addict it's crazy , did you read my life in france yet

i'm spying on you girls

 

[C'est La Vie]

hey megan
you're very welcome to join us sweety
currently we're reading my sister's keeper
and after that we will start reading my life in france
maybe by next week

 

[rawona]

سي لا فيي انا مخلصتها من زمان بعد حطيت مناقشتي الاوليه و ناطرتكم تخلصون علشان المناقشه النهائية ..

ابتديت في مقدمة كتاب My life in france شكله مو مثل ما توقعته :eh_s(1):

​

 

[C'est La Vie]

روونا انا باجر على الكثير بخلص my sister's keeper
تبون نبدي my life in france باجر؟

 

[C'est La Vie]

اعلان:

بدأت المناقشة النهائية + التقييم

 

[rawona]

انا راح ابتدي المناقشة والتقييم


بالنسبة لmy sister's keeper فالرواية رائعة .. رائعة ..رائعة..

اهني صراحة الكاتبة على اسلوبها و بعد على مهارتها بتوصيل المشاعر لنا ..

كلنا تفاعلنا مع آن .. وزعلنا على كيت .. وعصبنا على الام .. وتعاطفنا مع الاب والاخ و المحامي!!

بصراحه القصة روعه .. وحيل حبيتها .. قريتها بكل مشاعري .. زعلت ما الابطال .. وعصبت معاهم.. وحسيت نفسي حاسه بكل المشاعر اللي حسوا فيها ابطال القصة ..!!

تقيمي لها 10/10



وعندي لكم خبر .. الفيلم راح ينزل بالكويت بتاريخ 15/10 شرايكم نروح له كلنا ويا بعض؟؟ لووووووووول

​

 

[C'est La Vie]

لووول روونا خوش بشارة يالله نسويلكم رحلة حق مدرسة BAA :dddds:
المهم بالنسبة حق القصة وايد عجبتني
حبكة القصة والمفاجآت كانت حلوة خصوصا بالمحاكمة
بس عندي ملاحظتين احس خربو عليها
اولا: قصة الحب بين كامبل وجوليا كلش ما تقبلتها
لأن مثل ما قلت من قبل كنت اتمنى انهم يركزون على القضية اكثر
ثانيا: ترابط الاحداث حيييييل دوخني
يعني اوكي مرة مرتين تغيرين ترتيب الاحداث من الطفولة ليما المحاكمة لي وقت ثاني
بس وااااااااايد مصختها الكاتبة راسي صكني احس ودي اقولها انزين الزبدة ؟؟ :eh_s(14):
المهم فهالشي نقصها نقطتين
8-10
حدي متشوقة اشوووف الفيلم :ggdw:
وبعدين كل وحده تقول رايها ايهو احلا الفيلم ولا القصة

 

[ScarletteO'Hara]

انا القصة عجبتني مع ان النهاية خربت القصة علي
ما يسوى على انا على كل هالبلاوي اخر شي تكون نهايتها مأساوية
بس طبعا لما قالت ان كيت قلبت انها تقتلها كانت بالنسبة لي صدمة
بين ان للحين انا تمشي على كلام اختها و هدفها من الدعوى مو انها تضايق اختها بس تلبيه لطلب اختها بشكل غير مباشر
كسروا حاطري الام و الابو
بس هم بالنهاية سوت انا الي اهي انولدت له
القصة اعطيها
7/10


روونا خوش راي انا عن نفسي بالبس كارديجن اسود مع وردة حمرةعشان تعرفوني
:dddds:

 

[C'est La Vie]

زين سكارلت بما انج قانونية

هل تعلمتي شي يديد من هالقصة؟
وممكن تشرحيلنا شوي عن الاخلاقيات العمل بالمحاماة؟
وشنو الفرق بين moral و ethics ؟
وعندي سؤال من زمان يراودني
ااذا واحد متلبسته التهمة 100% شلون محامي يرضى يدافع عن مجرم ذبح ولا باق؟؟ :080402ask_prv:

 

[ScarletteO'Hara]

اكيد ممكن القصة فتحت عيني على قوانين يديدة مو موجودة عندنا هني بالوطن العربي, كون ان الطفل بامريكا ممكن انه يتحرر من اهله لاي سبب اذا كان المبرر قوي, يعني ما ادري ما كنت متوقعة من القاضي انه يحكم لصالح انا, احنا هني طبعا الولي الشرعي الي اهو الاب يكون مسئول عن ابنه حتى سن 21, و مافي قوانين ممكن تنفع قاصر اذا ان بمكان انا, و عموما انا مو محامية و عمري ما مارست هذي المهنة بس بحكم شغلي بالمحكمة و و قرابة وظيفتي من مهنة المحاماة, قاعدة اشوف شغلة عندنا و اتوقع موجودة بالعالم كله بهذا السلك, انهم في اغلب الحالات يدورون الفلس ما يهمهم كان الي يطالبون فيه حق و لا لأ, و انا اكثر القضايا الي تمر علي من نوع الاحوال الشخصية و معروف ان قضايا الحضانة و النفقات بأنواعها كلها ممكن انها تنحشر بدعوى وحدة, انصدم من محاميين معينيين يفصلون دعوى النفقة الزوجية عن الحضانة و نفقات الاطفال, و تخيلي ان دعوى الاحوال الشخصية الوحدة عند المحامي تكلف 1000 دينار فيدفعه 3000 حق كل القضايا, فيعني كان بامكان المدعي انه يدفع الف وحدة عند المحامي و يجمع ما بين كله الدعاوي الي ذكرتهم, و لو اساسا المدعي لو ايي عندي يرفع الدعوى ما يكلفه الموضوع الا 20 دينار بس و ما تدش بجيبي يعني انا استلم راتبي من الحكومة بس و لا استفيد شي من رفع الدعاوي, الmorals تكون اغلب الاحيان الشق المعنوي من الاخلاق و الethics ما تفرق ذاك الزود عن الmorals, كلهم متعلقين بالاخلاق, ماني عارفة اعبر الصراحة كون دوري بالدعوى ينتهي من بعد ما احدد دائرة الدعوى ووايد ودي اني ادخل قاعة بس ما حصل لي للحين
المحامي ممكن انه يترافع عن متهم مدان اذا فيها ربح مادي, ممكن المحامي بشطارته يدور ثغرات بالقانون او بإجراءات القاء القبض او التفتيش و يطلع المتهم سواءا كان بريء او لأ, المصيبة ان مهنة المحاماة صارت تجارة و انعدام الضمير ممكن يخلي المحامي يترافع عن متهم يكون متأكد من انه مذنب, عشان جذي انا حاليا شايلة من بالي سالفة اني افتح مكتب, المحامي عنده افضلية علي كونه يمارس قوانين وايد ما تمر علي مثل القوانين الجنائية و الادارية و حكومة
امبيه وايد اخذت راحتي بالقرقة الله يعينكم علي

 

[C'est La Vie]

صج فتحتي عيوني على اشياء كنت غافلتها :eh_s(10):
خصوصا نقطة ان يقدر يسويها بقضية وحده بس يفرقها عشان المردود المالي
والاغرب بالموضوع ان المحامي المفروض ان يتبع القانون لمصلحة موكله
بس اللي حاصل حتى دكتور حقوق مرة قالنا
شغلة المحامي يدور الثغرات بالقانون عشان يربح القضية بس
مو لخدمة العدالة
ممممممممم شكلي ناوية اقرا عن مبادئ القانون والفكر من وراه :ggdw:
ميرسي سكارلت

ها نبدي my life in france ؟

 

[rawona]

انا قريت مقدمة كتاب ماي لايف ان فرانس .. متى تبونه نبتدي فيه؟؟

​

 

[C'est La Vie]

توكلنا على الله
نبدي اليوم :ggdw:
دقايق واقولكم الخطة

 

[C'est La Vie]

اعلان:

انتهت قراءة ومناقشة My Sister's Keeper
وبدأت قراءة My Life in France by Julia Child

الخطة :

من الاربعا 7-10 الى الاربعا 14-10
قراءة Part 1 الى صفحة 201

الخميس 15-10 الى الجمعة 16-10
المناقشة الاولى

السبت 17-10 الى السبت 24-10
قراءة Part 2 الى آخر الكتاب

الجمعة 25-10 المناقشة النهائية

 

[C'est La Vie]

بنات شلون على التصويت حق الكتاب الياي؟
حاليا احنا بس 3 بنات شرايكم؟ :080402ask_prv: