Dictionary user,, مستخدمين القـاموس الإلكتروني

[hot caramel]

هـلا و غـلا


يـاعساني ماانحرم من سنعكم وطيبكم ياكويتيات الغاليات :hjy5jewf:



ماعليـكم كلافه ,, بقيت اشتري Dictionary وابي وقفتكم معاي ومساعدتكم






















وهالموضوع موجه بالدرجه الاولى للي شاريه هالقاموس الالكتروني



طبعا مااتوقع انه عندنا غير ماركه اطلس atlus

صح :080402ask_prv:


وودي بإنه يكون شكله حلو ولابج بحيث استخدمه وآخذه معاي بكل مكان



وابيه يكون full options يعني مواصفاته عاليه مو اي كلام ولا مش حالك


ولغاته فرنسي وانجلش(بريطاني وليس امريكي) وعربي



واذا خرب شسوي ؟



وشلون يشتغل عالشحن والا باتري ؟ كلش مااعرف شي بخصوصهم واخاف اروح اشتري واخبط :eh_s(1):




وشنو أحسن نوع نتصحوني فيه ؟




وبجم سعره ؟



وودي لو يي معاه كفر يلد اسود >> اتنسى بهالكفر لووووول مادري من وين لي هالتشرط ,, طق بمزاجي بعد !



ويـاعل ربي يوفج ويسمح دروب كل الي ترد علي الردالي يبرد الجبد وتساعدني ويرزقها الرزق الوسيع ويطرح فيها البركه


ويفج عوقها نفس ماراح تفج عوقي ويريح بالها ويعطيها الي بقلبها :yaaaaaarb::yaaaaaarb::yaaaaaarb:



وسمحولي عالطـواله يـابعدهم كلهم

 

[hot caramel]

خـواتي محد رد علي !

افااا عليكم بس ,, والله ماهقيتها منكم

 

[puppet]

ما انصح بالقواميس

انتي اهتميتي بالسعر وسألتي : لما يخترب ش تسوين

ما فكرتي شنو عنصر الاستفادة ؟؟ ..أنا أقولج .. كل اللي استعملوه قطوه !!

 

[hot caramel]

ما انصح بالقواميس

انتي اهتميتي بالسعر وسألتي : لما يخترب ش تسوين

ما فكرتي شنو عنصر الاستفادة ؟؟ ..أنا أقولج .. كل اللي استعملوه قطوه !!

هـلا و غـلا


حبيبه قلبي ماقلت ابيه وابي اشتريه الا لاني محتاجته بالتالي فكرت بباجي الاشيا :eh_s(3):

والا اكو احد يشتري شي ومايبيه والا مايفيده !


وليش كل الي ستعملوه قطوه ! ! :eh_s(10):


عمري بحياتي ماشفت احد خذاه وبعدين تندم وقطه :bbbiu:


الدكشنري مو هبه عشان استخدمه لفتره معينه واقطه :eh_s(6): ,, بالعكس وين مااروح بقطه بجنطتي واقعد اتعلم انقلش منه


وازيد الحصيله الكبيره الي عندي بالانقلس والحمدلله



ومشـكوره عالرد الحلو يابـعدروحي :tek:


وقـواج الله :eh_s(22):

 

[hot caramel]

هـا بنات وينكم .؟

كثر الله خير الاخت الوحيده الي ردت علي !

 

[hot caramel]

ياربي هلب مي بنات


والله حدي متـوهقه

 

[مليكة الدنيا]

انا عتدي فرانكلين واااايد زيين
انجليزي عربي والعكس
وفرنسي عربي ويشتغل ببطارية عادية
أنصحج فيه
وينباع بمكتبة العجيري

 

[Turquoiseya]

كان عندي اطلس
لعنت خيره وانا بالجامعة وما اخترب علي الا بعدين
مادري يمكن حظي معاه كان زين :dddds:

 

[hot caramel]

انا عتدي فرانكلين واااايد زيين
انجليزي عربي والعكس
وفرنسي عربي ويشتغل ببطارية عادية
أنصحج فيه
وينباع بمكتبة العجيري

يــابعد عمري مشكووووره وايد عالمرور الراقي :hjy5jewf:


وعسـآاج عالقوه :eh_s(6):


لكن عندي استفسار ,, ماعليج امر :eh_s(22):


ماركته فرانكلين :080402ask_prv:

والا يندرج تحت اطلس بس اسم الفئه فرانكلين او اسم الدكشنري نفسه :080402ask_prv:



لانه النوع الوحيد الي اعرفه عندنا هوه اطلس

وينبـاع بـ:كل مكتبات الجمعيات , الكترونيات الغانم , يوريكا , مكتبه جرير , مكتبه العجيري , كارفور , الكتروزان , x-cite


وعسى ربي يوفجج ياالغاليه ويسمح دروبج كلها ويسهل عليج امورج :yaaaaaarb:

 

[hot caramel]

كان عندي اطلس
لعنت خيره وانا بالجامعة وما اخترب علي الا بعدين
مادري يمكن حظي معاه كان زين :dddds:

اهليييين فيج حبوبتي


تسلمينلي عالطله الحلوه يابعدهم كلهم :tek:


وعسى ربي يوفجج دنيـا وآخره ويسمح دروبج ويعطيج كل الي ببالج ويريحج :yaaaaaarb::yaaaaaarb::yaaaaaarb:



لوووووول عفيا عليج :ggdw:..., حللتي يد يده ,,, والله انج زقرتيه :eh_s(15):




وي يحسرتي ليش يخرب وشلون ؟



يعني موعملي بسرعه يخرب ؟ :eh_s(12):



تكفون علموني اذا خرب شسوي ؟ :s141:


عاد انا اكرف الشي كراف وماعندي استخدام نفس الاوادم تقطط وتحذف وترزح

 

[Turquoiseya]

طلتج اهي الاحلى
وما قصرتي بهالترحيب الحار فيني << تشققت من الوناسة
الله يسلمج لما اخترب كان بسبب البطارية الخربانة خليتها فيه فترة عقب ما توظفت وانقردت بتدريس الابتدائي
وصار ما عندي وقت اتفرغ للقراءة في وقت الدوام
بعدها شريت لي كم كتاب من المكتبة وصدفت لي كم كلمة ما عرفتهم
دورت القاموس ولا القى البطارية مصدية وخربته لي
وعلى فكرة كان لونه عنابي فاتح وسعره 18 دينار على ما اذكر، واعتبره خوش مساعد لي في امتحانات الترجمة

حاليا انطر صدقة الوزارة ( المعاش ) تنزل عشان اروح داخل الديرة واقلب مكتبي فوق حدر
وحاطة في اولوياتي اني اشتري قاموس اطلس

 

[hot caramel]

طلتج اهي الاحلى
وما قصرتي بهالترحيب الحار فيني << تشققت من الوناسة
الله يسلمج لما اخترب كان بسبب البطارية الخربانة خليتها فيه فترة عقب ما توظفت وانقردت بتدريس الابتدائي
وصار ما عندي وقت اتفرغ للقراءة في وقت الدوام
بعدها شريت لي كم كتاب من المكتبة وصدفت لي كم كلمة ما عرفتهم
دورت القاموس ولا القى البطارية مصدية وخربته لي
وعلى فكرة كان لونه عنابي فاتح وسعره 18 دينار على ما اذكر، واعتبره خوش مساعد لي في امتحانات الترجمة

حاليا انطر صدقة الوزارة ( المعاش ) تنزل عشان اروح داخل الديرة واقلب مكتبي فوق حدر
وحاطة في اولوياتي اني اشتري قاموس اطلس

يـابعد روحي يزاج واقل من يزاآج هالترحيب الحار :hjy5jewf:



اي يعني فهمت لازم بين كل فتره وفتره اغير البطاريه


لووووول لوازم العايله مايقصـر




وعسى ربي يوفجج ويعطيج الصحه والعافيه ويفتحها عليج دنيـا وآخره :yaaaaaarb::yaaaaaarb::yaaaaaarb:




هههههههههههههههههههههههههههاي فطستيني من الضحك على سالفه الصدقه :krkrkr:


لله يامحسنين ,, ياالله كريم يلطفون بحالنا ويزيدون هالصدقه :eh_s(3):



ومشكوره اخيتي ,, فديت عمـرج :fun:


وردج وايد فادني ماتخيلين شكثر :eh_s(22):

 

[Turquoiseya]

بعد قلبي ما سويت شيء
وعسى ضحكتج دوم ان شالله
وحياج الله باي وقت

 

[تنـــاســـانــي]

اب

اب

اب

 

[hot caramel]

بعد قلبي ما سويت شيء
وعسى ضحكتج دوم ان شالله
وحياج الله باي وقت

خيـرج سابج ياالغاليه


موالمشكله انا الي عاجبني ب 113 ,, شايفته بهالسعر لماكان موسم العروض يعني الحين اغلى

وكل شي فيه حده زوووغه


بس اخاف مايسوى هالسعر !

 

[hot caramel]

اب

اب

اب

اللـه يرفع قدرج يابعدهم :n2006107:

 

[Turquoiseya]

خيـرج سابج ياالغاليه


موالمشكله انا الي عاجبني ب 113 ,, شايفته بهالسعر لماكان موسم العروض يعني الحين اغلى

وكل شي فيه حده زوووغه


بس اخاف مايسوى هالسعر !

شوفي حبوبة
انا واختي كنا شارين قاموس اطلس
اهي مالها الغالي جنه كان 100 اول ما نزلت قواميس اطلس الالكترونية 00 يمكن سنة 98
وانا شريت مالي بعدها
اطلسها كان تروفه ويبيله استعمال حشمة وكانت تخاف عليه وفي النهاية شاشته خربت، وما اذكر ليش بالضبط
انا مالي كرفته وحللت فلوسه مع انه رخيص 00وقعد عندي حتى بعد تخرجي
الميزة الوحيدة الزينه اللي باطلس الغالي انه كان ناطق، واكتبي اي كلمة ينطقها لج حتى لو كانت من اختراعج
وهذي الشغلة الوحيدة اللي كنت افتقدها بقاموسي وبس

اذا انتي تخصصج انجليزي وتحتاجين القاموس اكثر وقتج وخصوصا بالجامعة
اخذي واحد رخيص وعملي وفيه عدد كلمات واجد عشان اذا طاح ولا صار فيه شيء ما تتحسفين على فلوسه
والغالي خليه بالبيت لاستعمالج الخاص ونطق الكلمات الصعبة

ترى نصيحة مو كل شيء غالي يستاهل قيمته

 

[hot caramel]

شوفي حبوبة
انا واختي كنا شارين قاموس اطلس
اهي مالها الغالي جنه كان 100 اول ما نزلت قواميس اطلس الالكترونية 00 يمكن سنة 98
وانا شريت مالي بعدها
اطلسها كان تروفه ويبيله استعمال حشمة وكانت تخاف عليه وفي النهاية شاشته خربت، وما اذكر ليش بالضبط
انا مالي كرفته وحللت فلوسه مع انه رخيص 00وقعد عندي حتى بعد تخرجي
الميزة الوحيدة الزينه اللي باطلس الغالي انه كان ناطق، واكتبي اي كلمة ينطقها لج حتى لو كانت من اختراعج
وهذي الشغلة الوحيدة اللي كنت افتقدها بقاموسي وبس

اذا انتي تخصصج انجليزي وتحتاجين القاموس اكثر وقتج وخصوصا بالجامعة
اخذي واحد رخيص وعملي وفيه عدد كلمات واجد عشان اذا طاح ولا صار فيه شيء ما تتحسفين على فلوسه
والغالي خليه بالبيت لاستعمالج الخاص ونطق الكلمات الصعبة

ترى نصيحة مو كل شيء غالي يستاهل قيمته

يــابعد روحي جم مره قلت مشكوره الله يعطيج العافيه قواج الله ماقصرتي !! :eh_s(7):

وليتهم يوفون بحقج والله :0bee2e8d89:


عسى ربي يوفجج غاليتي :yaaaaaarb:




مبلى كل شي غالي مثلج يستاهل جيمته وكل حب :hjy5jewf:




واكيد انا معـاج مو كل شي يسوى


سوري غلطت سعره 135 وعجبني وايد لانه فيه قاموس طبي يتناسب مع دراستي


وصراحه يتعدى انه يكون مجرد دكشنري كل شي فيه ووايـد تطوروا كل مالهم ويحدثون فيه ويطورونه

صبري عليهم شوي لين يسوونه لاب توب على دكشنري


وراح استخدمه دايما مو شرط كدكشنري وبس لانه مميزاته زوغه


بالذات اني احب وين مااروح يكون معاي كتاب انقلش سواء كان روايه او كتاب علمي واقرا فيه وان عصقلت بكلمه يفيدني




والحل الي قترحتيه صراحه واااايد حلو واقتصادي بنفس الوقت بس ياربي مااحب حق هالشقله والنقله خلاص اذا استخدمت شي فإني اركز عليه ومااحط له بديل


بس خوفج لايكون نفس العتيج وتروفه ,, بس اتوقع انهم قووهم وصلبوهم مع التطور :eh_s(15):





لكن هذا مميزاته وايده :

1) 3 قواميس موسوعيه متكامله بالانجليزيه والعربيه و 4قواميس collins والقاموس المصور وقاموس الصور المتحركه مع امكانيه البحث على الكلمات

2)9قواميس طبيه متخصصه تغطي مايزيد على 50 حقلا معرفيافي شتى العلوم(طبي , تجاري,هندسي,قانوني)

3)قواعد واختبارات اللغتين العربيه والانجليزيه وامتحاناتهما(التوفل)

4)قاموس المفردات الاساسيه والمترادفات والمتضادات والمختصرات والمتشابهات واكثر من 30 موضوع يعتمد على الانجليزيه التفاعليه وطريقه تبادل الادوار في المحادثه

5)احدث المناهج التعليميه لتقويه مهارات الاتصال الانجليزيه وتعلم اللغه بطريقه تلقائيه وتعلم اللفظ الصحيح ومخارج الحروف الانجليزيه

6)امكانيه تحميل العديد من التطبيقات والكتب الالكترونيه والقرآن الكريم من موقع اطلس

7)منظمه مواعيد ثنائيه اللغه وآلات حاسبه علميه مع امكانيه حل المعادلات

8) يحتوي على دليل السفر والتوقيت المحلي والعالمي واوقات الصلاه في العالم واتجاه القبله

9) قارئ ومشغل photo album\****\pdf\video\flash\mp3 مع امكانيه التسجيل الصوتي للمحاضرات

 

[Turquoiseya]

يا بعد قلبي اعتبريني اختج
ان شالله مثل ما قلتلج بروح على نزلة المعاش للديرة عشان اسوي اكستريم ميك اوفر لمكتبي :dddds:
بشتري واحد ان شالله واكتب لج مواصفاته وبسال عن طريقة تصليحه وكفالته
ودام انج تخصصج مو انجليزي فيبيلج واحد كلمات اشمل من القاموس العادي

وعلى فكرة قاموس اطلس الغالي ( طبعا في السابق ) كان تقريبا اقرع مافيه مواصفات ذاك الزود
وبصراحة شوقتيني اشتري اللي انتي حاطة مواصفاته

عندي دكشنري مال موسوعة انكارتا
كلمة عجيب شوية عليه
بس انه يشتغل على الكمبيوتر
ومثل ما قلتي يبيلنا واحد دايما بالجنطة ناخذه وين ما رحنا

الله يوفقج يارب وعقبال نشوفج دكتورة ورافعة راس اهلج ان شالله

 

[hot caramel]

يا بعد قلبي اعتبريني اختج
ان شالله مثل ما قلتلج بروح على نزلة المعاش للديرة عشان اسوي اكستريم ميك اوفر لمكتبي :dddds:
بشتري واحد ان شالله واكتب لج مواصفاته وبسال عن طريقة تصليحه وكفالته
ودام انج تخصصج مو انجليزي فيبيلج واحد كلمات اشمل من القاموس العادي

وعلى فكرة قاموس اطلس الغالي ( طبعا في السابق ) كان تقريبا اقرع مافيه مواصفات ذاك الزود
وبصراحة شوقتيني اشتري اللي انتي حاطة مواصفاته

عندي دكشنري مال موسوعة انكارتا
كلمة عجيب شوية عليه
بس انه يشتغل على الكمبيوتر
ومثل ما قلتي يبيلنا واحد دايما بالجنطة ناخذه وين ما رحنا

الله يوفقج يارب وعقبال نشوفج دكتورة ورافعة راس اهلج ان شالله

كلي شرف بإنه تكون عندي اخت مثلج يابعدهم :eh_s(7):


والله يسمع منج ياالغاليه ويوفجج ويوفج عويلج ويرزقج الرزق الوسيع وكل الي ببالج



وموسوعه انكارتا زوووغه بمعنى الكلمه مع العلم اني ماجربتها شخصيا بس دايما اسمعهم يمدحونها


والله يسهل يمكن انا اروح قبلج واسأل وان شاالله نفيد بعضنا


وحبي نصيحه من اخت اذا بغيتي تشترين اشتري من الاماكن الي انا ذكرتهم فوق برد من ردودي :tek:


وثـانكس