Dictionary user,, مستخدمين القـاموس الإلكتروني

[hot caramel]

شـاكره لكم تفاعلكم الايجابي ياالغاليات

 

[hot caramel]

حبوبات ترى نزلوا اطلس دكشنري شوارفسكي حق الحريم

شكله ذرب .., بس ماحبيته مع العلم اني شفت صوره فقط ,, ماشفته على ارض الواقع

 

[Turquoiseya]

قوة يا حلوة
سبحان الله انا شريت اطلس الشوارفسكي قبل لا اشوف ردج اللي فوق
وقلت اذا خلصت وفضيت بكتب لج عنه وافتح موضوعج والقاج كاتبة عنه
بس حبوبة شكله ذرب وحلو وشاشته ملونة وباللمس وناطق وصوته واضح ولما سألت اللي بايوريكا قالوا لي انه اطور شيء نزل غير الشوارفسكي والزخرفة البسيطة عليه، شكله كوووول
بطاريته مثل بطارية تليفون النقال وفيه شحن وفيه سماعات ووصلة يو اس بي وسي دي ومحفظة حلوة وقلم
كفالته سنة واي خراب فيه يصلحه الوكيل مؤسسة او شركة الشروق
اللي دخل مزاجي انه ملون وفيه ام بي 3 وفيه قاموس اكسفورد english - english
collins thesaurus
collins idioms
غير قاموس العربي
اخذته 132 دينار
واذا في اي سؤال انا حاضرة ان شالله

 

[hot caramel]

يقوييييج ياالغلا :hjy5jewf:


:eh_s(21): سبحــان الله ,, شفتي شلون القلوب شواهد ! :eh_s(21):



:yaaaaaarb::yaaaaaarb:ومشــاالله الله يهنيج فيه شكله زوغه ,, :rerrerek:


لاني بس شايفته بالصوره مو بالصج فمااقدر احكم




بس بقيت اسأل حبيبتي باجي هالمواصفات فيه ماعليج امر :080402ask_prv: :


يمكن لانه نفس الي ابيه بس فرق شكل النقشه والشوارافسكي



1) 3 قواميس موسوعيه متكامله بالانجليزيه والعربيه و 4قواميس collins والقاموس المصور وقاموس الصور المتحركه مع امكانيه البحث على الكلمات

2)9قواميس طبيه متخصصه تغطي مايزيد على 50 حقلا معرفيافي شتى العلوم(طبي , تجاري,هندسي,قانوني)

3)قواعد واختبارات اللغتين العربيه والانجليزيه وامتحاناتهما(التوفل)

4)قاموس المفردات الاساسيه والمترادفات والمتضادات والمختصرات والمتشابهات واكثر من 30 موضوع يعتمد على الانجليزيه التفاعليه وطريقه تبادل الادوار في المحادثه

5)احدث المناهج التعليميه لتقويه مهارات الاتصال الانجليزيه وتعلم اللغه بطريقه تلقائيه وتعلم اللفظ الصحيح ومخارج الحروف الانجليزيه

6)امكانيه تحميل العديد من التطبيقات والكتب الالكترونيه والقرآن الكريم من موقع اطلس

7)منظمه مواعيد ثنائيه اللغه وآلات حاسبه علميه مع امكانيه حل المعادلات

8) يحتوي على دليل السفر والتوقيت المحلي والعالمي واوقات الصلاه في العالم واتجاه القبله

9) قارئ ومشغل photo album\****\pdf\video\flash\mp3 مع امكانيه التسجيل الصوتي للمحاضرات





وعسى ربي يوفجج يابعد روحي:eh_s(7):


ويعطيج الصحه والعافيه :fun:



انتم السابـقون ونحن اللاحقون ان شـاالله :eh_s(6):

 

[Turquoiseya]

هلا هوت كراميل
تبين الصراحة فيه مميزات واجد
يبيلي دهر عشان اكتشفها
كل المواصفات اللي كتبتيها موجودة
واحس فيه زيادة
فيه قواميس الانجليزي والعربي ومجموعة كولينز
القواميس العلمية والطبيه والهندسية عددهم 10
فيه اختيار اسمه اللغة لما تدخلينه تلقين داخله بحر من معلومات اللغة مثل المتضادات والامثلة والمرادفات
فيه تعلم اللغة الانجليزية ويشمل مهارات الاتصال والنطق الصحيح ومخارج الحروف واشياء ثانية
قواعد الانجليزي والعربي
القراءة والكتابة وفيها اسس كتابة المقالات والبحوث وعلامات الترقيم ومجالات ثانية
الموسوعة: مادري شقول وشخلي اعتبرها بحر من المعلومات وتشمل على الرموز الرومانية والعناصر الكيميائيةالاحجار الكريمة ومخترعون واختراعاتهم الى آخره
فيها اختبارات قصيرة
الحسابات وتشمل الحسابات الهندسية والمعادلات والمنحنيات والقروض وغيره
منظم مواعيد وتقدرين تحطين فيها بياناتج ومفكرتج وارقام تليفونات اهلج وصديقاتج
الوسائط المتعددة وتشمل اللي انتي كاتبتة بالرقم 9
متفرقات: اوقات الصلاة والقبلة وادارة الملفات
الالعاب فيها العاب شكثر واحلاهم الجنجفة
في اخيار التحميل واهي انج توصلينه بالكمبيوتر وتنزلين اللي تبينه
فيه فتحة تقدرين تشترين فيها ميموري كارد وتزيدين مساحة التخزين

انا اتوقع انه نفس اللي ذكرتيه اول واحد بس هذا اللي عندي مزينينه بالشوارفسكي
وخصوصا انهم نفس السعر

 

[Turquoiseya]

شوفي ياقلبي
انتي روحي ايوريكا وشوفيه جدامج
وترى شكله كووول وذرب
بس عيبه: اصابيعج تبقع على الكفر وهذي الشغلة اللي معقدتني

الله يوفقج ان شالله حبوبة
وبشريني اذا شريتي دكشنري ان شالله

 

[hot caramel]

يـابعد روحي عسـآاج عالقوه :tek:


ويـاعل ايدج ماتمسها النـار :yaaaaaarb:


ومـآا قصرتي والله بيض الله ويهج ياالسنافيـه :fun:


,,, ربي يهنيييج فيه ان شاالله





وان شـاالله بس اشتري دكشنري بحط مواصفاته كامله ومكمله وفوقهم صوره


بس شكلي مطوله شوي ,, نشغلت بأشيا ابدى منه


والله يسهل



​

 

[hot caramel]

كــل عـام وانتوا بألف خير ياالغاليـات :fun:


و عيـدكم مبـارك