e.l.f products with Lulu Asa3'eira

[الؤلؤه الصغيرة]

السلام عليكم ورحمة الله وبركاته
كيف حالكم بنات

اليوم حابه اتكلم عن ماركة elf احتمال تكون شوي مظلومه ممكن في عالمنا العربي لآنه ما اخذت تجارب

ممكن تخوف انه نطلب ويطلع الشيئ مو اوكيه وتمام ونتوهق فيه وينرمي في الدرج


بس انا قبل لا اطلب اي شي شفت اكثر شي يمدحوه واخذت اشياء كذا حابه اجربها ولله الحمد احسها حلوه


وحتكلم عن جودة المنتج وكيف شغله بالنسبه لسعره لآنه اسعارهم جدا رخيصه

انا طلبت المنتجات من موقعهم الاساسي لآسباب كثيره

للسبب سعرها وفي الموقع يعملو عروض حلوووه تستحق نغامر ونطلب وتخزين المنتجات بحكم بلدهم اكثر بروده من عندنا

واغلب اوقات طلبي يكون العرض 50%

اول شي طلبته الفرش وكانت رررروعه جودتها ما توقعتها كذا ابد حلوه حلوه حلوه وحتكلم عنها واكثر فرش استخدمتها وحبيتها
صورت لكم كل الاشياء اللي عندي في بعضها صورتها اول ماجات وفي بعضها موجوده عندي وكلها مجربتها

والصور كلها حطيت فيها اسامي المنتجات واسامي الوانها عشان يكون الموضوع واضح جدا

بسم الله نبدأ .....

اول فرشه حسيتها غير عن الكل هي فرشة Powder Brush :L:
جدااااااا حلوووووووه اول مره طلبت وحده وبعدين طلبت 3 لي ولخواتي
الكل يستخدمها في دمج الاساس جدا تدمج الاساس بشكل حلووو
وبدون خطوط شغلها جدا حلووو لو اتكلم عنها مابعطيها حقها لآنه بسعر هذا تلقين فرشه بالشكل كذا !!!! سعرها 3 دولار

والفرش الباقيه

هذول الفرش السته اول فرش مع البودر برش

اول فرشه Complexion Brush للبودر والبلاشر

ثاني فرشه Stipple Brush استخدمها بوضع الاساس في وجهي بس الدمج البودر برش واستخدمها في البلاشر السائل

الثالثه Angled Blush Brush اكثر استخدامي لها للكونتور واحيانا للبلاشر بس للكونتور اكثر تنحنت بشكل حلو

الرابعهFlawless Concealer Brush احبههههها استخدمها للكونسيلر تحت العين حلوووووه احب اوزع الكونسيلر
بالفرشه عشان ما يسبب لي خطوط ويعطي مظهر طبيعي

الخامسه
Mineral Powder Brush هذي احبها واستخدمها كثير دايم في شنطتي استخدمها في الاساس الكونسيلر في البلاشر
للكونتور والهايلات حجمها متوسط لصغير وهذا يساعد انها تستخدم لآكثر من شي

السادسه Small Stipple Brush هذي المفروض للبلاشر السائل بس انا استخدمها للهايلات سواء سائل او باودر

Kabuki Face Brush
والحين فرشة الكابوكي جدااااااااااااااااا حلوووه وناااعمه بالحيل احبهاااا استخدمها للباودر سعرها 6 دولار


وبعدها طلبت المجموعه كلها عشان ارتاح ويبرد خاطري هههههههههههه

سعرها 30 دولار

صور المجموعه

الجزء الاول ولكل فرشه اسمها

الجزء الثاني

الفرش حلوه وسعرها جداااا حلووو


والحين بتكلم عن فرش اللي بدولار

فرش للعين 3 فرش اللي عندي

الأولى Eye Shadow Brush حلوه تشيل كميه من الظل بذات اذا كنت مستعجله وتفرد بشكل حلو الظل

الثانية Blending Eye Brush جداااا حلووووه لكسرة العين تدمج بشكل حلو وتحدد بشكل نااااعم من احب الفرش عندي

الثالثة Eyeliner Brush هذي استخدمها للحواجب جدااا ناعمه وحلوه بس مخصصتها للحواجب

بس هذي الثلاث الفرش اللي عندي للعين اللي من لاين الدولار



اما للوجه عندي وحده وهذي هي

Total Face Brush

أكرررررررررررررررررهها ماحبيتها شعرها جدا كثير وخششششششششنه لمن تحطيها في الوجه كأنها
دبابيس ما ادري كيف ماعجبتني مو حلوه مو حلوه مو حلوه


الحين خلصنا من الفرش

ونجي لمنتجات الوجه

نبتدي بالبرايمر Mineral Infused Face Primer
يخلي ملمس البشره مخملي يساعد كثير في توزيع الاساس بشكل حلو سعره 6 دولار

انا ما اشتريت اساس من عندهم اشتريت كونسيلر

Maximum Coverage Concealer Oil Free

حلوو بس مو واااااو احلى مافيه انه خالي من الزيوت تغطيته متوسطه وسعره 3 دولار
........................................................... يتبع ​

 

[الؤلؤه الصغيرة]

والحين الباودر

هذي باودر الاستديو سعرها 3 دولار

وهذي بـ دولار

حلوين ناعمين اللي بدولار حجمها صغير ع قد سعرها واللي بـ3 دولا حجمها حلو بالنسبه لسعرهم مررره حلوووين




والحين نجي للبودره Studio High Definition Powder

جداا حلوووه بودره شفافه تثبت الاساس بشكل حلووووه احلى شي في الموقع وعليها مدح



ونجي للبلاشررررات والبرونزات

اول شي بقوله بلشرررراتهم جداااا حلوووووه

حبدأ للي لها جهتين بلاشر وبرونز سعر كل وحده 3 دولار

حلوين مره اللون الاول جدااا دافي والثاني مشمشي مدري كيف بس حلوووين

هنا الكونتور لازم تحطين شويه بس وتكوني حذره عشان مايكثر
عليك

اما هنا الكونتور لونه شوي ع رمادي شوي مو مره لونه اهدأ من الاول

وبعدها البلاشر العادي { انا احط البلاشر قبل الباودريعني بعد الاساس عشان يثبت اكثر حتى
لو كان ثبات البلاشر مو ذاك الزود يصير ثباته اطول واللون واضح}

هذا فاااتح احبه في الصبح كثير في لمعه ذهبي ولونه ع مشمشي لونه يعطي لمسه حلوه احب الالوان الفاتحه انا
بس لازم احط من طبقتين لثلاث

اما هذا غامق شوي من اول طبقه يبان اللون ويوضح حلووه استخدمه حلوو وثباته احلى


البرونز

هذا برونز لونه خفيف بس جدااا احبه استخدم الفواتح
للهايلات مرررررره حلو ونااااعم

اما هذااا ...اللون اللي تحت الابيض برونز اذا دمجناه مع الابيض واللون اللي جنب البني استخدمه بلاشر
ونجي للون الغامق استخدمه للكونتور انا استخدم كل لون لوحده او ادمج لونين
لآنه لو استخدمت كل الالوان حيعطيني لوك محمر للوجه كأني حطيت برونز وبعده بلاشر محمر

احلى مافي البرونز انه حجم المنتج فيه كثير مايخلص بسرعه

.................................................................. يتبع ​

​

 

[الؤلؤه الصغيرة]

ونجي للحلوين e.l.f. Studio Baked

للخدود

اللي في النص هوا برونز ع ذهبي لونه هادي كابرونز ... بصراحه انا حبيته اكثر كظلال للعيون بس كبرونز لا فيه لمعه ذهبي

واللي على اليمين لونه اغمق حلووووووووو بالنسبه للي مايحبون اللمعه ماراح يحبوه لآنه فيه شيمر

واللي ع اليسار لونه فاتح وانا بطبعي احب الفواتح حبيته اكثر واستخدمه هايلات

بس اكرر اللي ماتحب اللمعه ماراح تحبه لآنه فيه شيمر


واخر شي في البلاشر


البلاشر السائل HD

حلووو حلوووو حلووو لونه يعطي صحه للوجه واستخدمه للشفايف بعد
لونه مره راااااق لي وجميل جدا



نجي للعيون

ملاحظه ... اكثر الاظلال جربتها وقبلها برايمر متعوده على كذا

اول شي حبدا بالبرايمر
حلو كاستخدام يومي وبالنسبه لسعره حلووو دولار



Studio Baked

بالنسبه للعيون مرررررررررررررررررره حلوين اللون الاول ع اليمين موف مايل للبني حلووو احب الدرجات هذي

اللون الثاني اضاءه مايل كثير لذهبي ههههههههههههههههههه >>> تموت في درجات الذهبي

الثالث عااااد وردي ولمعة ذهبي اعشق الدرجه دي بنات كثير احب الدرجات اللي فيها ذهبي احسها طبيعيه
وتعطي لوك مره حلو

اللي بعده

Baked Eyeshadow Palette

في عشرة اظلال الوانها طبيعيه جدا باودريه <<< مدري كيف جايه باودريه
يعني اول ماتستخدميه بالفرشه ينتثر في العلبه اللون ... بس الوانه حلوه



Eye Enhancing Eyeshadow

الوانه جداااا حلوه عجبني كثير اكثر من اللي قبله حلوه حلوه


التوب التوب في الاظلال:adore:

ليمتد ايدشن وهذا التوب عندي هذا عباره عن كتاب فيه 12 ظل مره الالوان جميله وحلوه حلوه حلوه

اما هذا الشي فهو 10 اظلال و ليب ستيك 2 وبلاشر واحد ...الوان الاظلال زي ابو 100 لون اليب ستيك بصراحه
ماجربته والبلاشر لونه جدا حلو ينفع لسفر لآنه حجمه مو كبير واغلب الاشياء فيه

............................................................ يتبع​

 

[الؤلؤه الصغيرة]

Endless Eyes Pro Eyeshadow Palette

فيه 100 لون حلو كل الالوان فيه سعره 10 دولار
بس انا ما احب كل الالوان كذا احب الألوان تاخذ حقها
لآني ما استخدمها كلها ولمن اشوف كل الالوان كذا احس الجوده
ماتكون مره اوكيه غير الاظلال لمن تكون وحده وحد

واخر شيئ في الاظلال

جاني هديه هو اظلال بـ دولار واحد جاني اثنين

اللون الاخضر هو الوحيد مافيه شيمر ولونين اللي في جهة اليمين حلوين بس عيبهم
الشيمر كثيرررر هو قلتر او شيمر ما ادري بس كبير وهذا اللي ماعجبني بس كألوان
حلوين اما اللون اللي فوق الاخضر ماعجبني ابد


الحين الايلينر والحواجب

الكريم الايلينر جدا حلوووووو سواده وكررريمي جدا سعره 3 دولار


الايلينر عادي جدا بس حلو استخدامه لآنه سهل سعره دولار

اما تبع الحواااجب هذا بطل بطل بطل بطل :adore:جدا حلو يخلي الحواجب طبيعيه جهه زي الجل
وجهه باودر لون الباودر فاتح يبان لكن لمن يوضع ع الحواجب لا لونه جدا جميل وطبيعي وزي لون الحواجب سعره 3 دولار

ونجي للكحل كريمي كثير حلو كأي كحل حلووو عندك احلى مافيه الجهه الثانيه فرشه اسفنج
لدمج الكحل وفيه برايه هههههههههههههههههههه دايم انسى اشتري كل شي الا البرايه سعره 3 دولار

وهذي عاقصة الرموش زي اي عاقصه اللي يميزها سعرها الرخيص دولار

اما الرموش ما ادري ليه اخذتها ما ادري !!...اخذتها اختي انا ما استخدمها بصراحه بس شفتها ع عينها

حلوه وطبيعيه {انا اخذت الرموش الطبيعيه }بصراحه تخوفت منها لآنه لمن شفت البنات اللي اخذوها
في بعضهم جاهم الغرا ناشف بس الحمد لله جاني تمام سعرها دولار

وفي شي اسمه e.l.f. Studio Makeup Lock & Seal هذا يثبت اللون اكثر انا استخدمه
احط منه شويه واحطه ع ايشدو بنفسجي وارسم به عيني سعره 3 دولار

كحل ابيض بعد عادي مو واااو سعره دولار استخدمه احيانا لمدمع العين

............................................................................. يتبع
​

 

[الؤلؤه الصغيرة]

الشفاااايف

اكثر شي جربته من عندهم الارواج بودولار

احلى مافيها الترطيب حلو تركيبها الالوان الغامقه جدا حلوه من طبقه يبان اللون

اما الفاتحه يبيلها من مرتين ل 3 مرات تعيدي عليها احلى لون عندي في الفواتح
Charming والالوان الغامقه Voodoo و Fantasy فانتزي جاي ع بني اكثر بس احب فوودوو


هذي الارواج مع اسمائها

القلوسات

Super Glossy Lip Shine

القلوسات ذي قوامها شوي ثقيل بس ماتدبق على الشفايف بالنسبه لي مالصقت لي شفايفي
بس انها ثقيله ومع كذا حبيتها سعر الواحد دولار


Shimmer Lip Gloss

حلوووو جدا عجبني خفيف ع الشفايف سعره دولارين


Jumbo Lip Gloss Stick

هذا الشي جدا عجبني ستيك قلووووس استخدمه داااايم بشكل يومي عشانه يرطب بشكل حلو
سعره دولارين


Matte Lip Color

جداااا حلوووووه حلوووووووووه اخذت 3 اللوان ومره عجوبوني كلهم سعر الواحد 3 دولار



نجي لهذا الشي Lip Stain

يصبغ الشفايف ويخليها حمرا وكل ما زودتي غمق اللون وصار اوضح سعره دولارين


ونجي لمقشر الشفايف

Lip Exfoliator بالسكر البني وزبدة الشيا يقشر بس يفضل قبلها مرطب طعمه حلو <<<< ذاقته
سعره 3 دولار

.................................................................. يتبع

 

[الؤلؤه الصغيرة]

وهذا بلسم ومرطب ملون لشفايف مرررررررررررررررررررررره حلو حلو حلو
ما اقدر اقوله عنه اكثر من كذا سعره 3 دولاد

مزيل المكياج

عباره عن مناديل جدا حلوه وتنظف بس للآمانه انا عمري ما استخدم ماسكرا ضد الماي
الماسكر العادية وتزيلها بس اذا تزل ضد الماي ماعندي علم سعره 3 دولار

المناكير

للامانه المناكير شريتها من هنا فماادري كيف في الموقع لو جاتني كيف بس حتكلم عنها

لآنه ما ادري هذا العيب في المناكير اللي شريتها من هنا او كل مناكيرهم كذا انها تتكسر

وتتشقق مدري كيف بس يعيبها الثبات ما ادري كيف بتكون لو طلبتها من نفس الموقع

بس هذا العيب وهذا اكبر عيب في المناكير لآنه جودة المناكير في طول بقائها

سعر المناكير الواحد في الموقع دولارين

ملاحظة .. بنات اللي استخدمت المناكير وشرتهم من موقعهم وشافت ثباتها اوكيه تقول لنا

ومبرد وملمع للآظافر زيه زي تبع بودي شوب بس الفرق اكيد السعر سعره دولار بس


انا حبيت اتكلم عن المنتجات بالنسبه لآسعارها المعقوله جدا >>> اقصد الرخيصه

واولا واخيرا يرجع لكل بنت تستخدم المكياج وترتاح له وتعرف استخدامه وتقتنع فيه

انا من النوع اذا شفت المنتج وحسيت في استخدامه ماجاب نتيجه احاااول الين اشوف له
طريقه ولايجلس عندي بدون استخدام

اتمنى الموضوع عجبكم واتمنى اذا نقلتو الموضوع ذكر المصدر ومشكورين حبايبي نورتو موضوعي

 

[Tom ♥ Jerry]

,


يششوقوووون ♥
خصوصا الايشادو و الفرش

يعطيج العافيه حبيبتي

 

[MRS.coupe]

يعطيج العافية حبيبتي
عجيبة منتجاتهم
جم طلع عليج مع الشحن
ودي اطلب ميكب من النت بس مادري منو قايلي ما يصير :/
​

 

[الؤلؤه الصغيرة]

,


يششوقوووون ♥
خصوصا الايشادو و الفرش

يعطيج العافيه حبيبتي

يعافيك ياقلبي ونورتي الموضوع بوجودك

اي خصوصا الايشدو اللي ع شكل كتاب والفرش روووعه

:eh_s(7):

 

[الؤلؤه الصغيرة]

يعطيج العافية حبيبتي
عجيبة منتجاتهم
جم طلع عليج مع الشحن
ودي اطلب ميكب من النت بس مادري منو قايلي ما يصير :/
​

الله يعافيك ياقلبي... يصير ياقلبي بالعكس متعه جدا

شوفي والله هي كذا طلبيه اغلبها سعرها حدود 50 دولار و 30 واخذها وقت الخصم

اما الشحن والله ما اذكر بكم بس حتى لو جمعتهم بتجيني الكميه ارخص بكثير من اني اشتريها من هنا


ونوررررررررررررررررررررررررتي ياعسل

:eh_s(7):

 

[نجـgggد]

موضوعك جدا حلو

والتصوير اروع

لاتحرمينا من جديدك

 

[foshia girl]

انتي روووعه والموضوع روعه
يعطيج الف عافيه حبيبتي
تعبت وانا امدح هالماركة وعندي كذا موضوع عنها من احلى الماركات اللي جربتها حدها عجيبه
عليج بالف عافية

 

[الؤلؤه الصغيرة]

موضوعك جدا حلو

والتصوير اروع

لاتحرمينا من جديدك

انتي الاحلى والاروع ياعسل

نورتي موضوعي بوجودك

:eh_s(17):

 

[الؤلؤه الصغيرة]

انتي روووعه والموضوع روعه
يعطيج الف عافيه حبيبتي
تعبت وانا امدح هالماركة وعندي كذا موضوع عنها من احلى الماركات اللي جربتها حدها عجيبه
عليج بالف عافية

ياحياتي انا

كنت اشوف مواضيعك لهذي الماركه وبصراحه هي حمستني اسلوبك فيها جدا يشوق

وخصوصا هذا الموضوع

طلبيتي من ماركتي الحبيبه elf أشياء تشوووق


ونورتي موضوعي بردك الراقي واسلوووبك الحلو

وشكر خاص لك لآنك نورتيني ع الماركه ذي بدون لاتدري

:eh_s(17):

 

[مملكه الرشاقه]

يعطيج الف عافيه على هالمجهود

 

[Sparkle]

مشاء الله ,,عليج اب الف عااافيه
موضوع كامل وروعه بخاطري اب فرش الستديو جربت الي سعرهم دولار واهما أوكي بس مو واو
والشاودات ما حبيتهم---بصراحه لو بشتري شىء باخذ الفرش والرموش
ومشكوره على هل موضوع الحلووو

 

[الؤلؤه الصغيرة]

يعطيج الف عافيه على هالمجهود

الله يعاااافيك ياقلبي

اسعدني وجودك بموضوعي

واسعدني اكثر ردك

منوره ياعسل:eh_s(17):

 

[الؤلؤه الصغيرة]

مشاء الله ,,عليج اب الف عااافيه
موضوع كامل وروعه بخاطري اب فرش الستديو جربت الي سعرهم دولار واهما أوكي بس مو واو
والشاودات ما حبيتهم---بصراحه لو بشتري شىء باخذ الفرش والرموش
ومشكوره على هل موضوع الحلووو

ياهلاااااااااااااا والله نور المووووووضوع ياقلبي بوجودك

يعافيك ربي يارب

انصحك بالقووووه تجربي الفرش حتعجبك مره بالنسبه لسعرها

ومشكوره ياقلبي ع ردك الراقي والحو والمشجع

نورتيني ياعسل

:eh_s(17):

 

[مشتطـه]

سبحـآن الله توني اعرف هالماركة

انا بأمريكا وقالولي عنها وانصدمت من الاسعاار حيل رخيصة


جربت فرش اللي بدولار تهبببببببل


الكونسيلر حيل عجبني لاني ما احب الفاتح وهذا طبيعي احطه حتى بدون فاونديشن تخيلووووو للطلعات السريعه



انا مرافقة زوج وقاعدين شهور بأمريكا

وموجوده بالجمعيات بس الركن صغير ومو كل شي متوفر


طلبت من الموقع وراح يوصلون لي بيتي الامريكي ب 7 دولار رسوم الشحن
كاتبينها من قبل لا احط عنواني


حسابي 73 دولار
يعني 21 دينار

وانا ماخذه واااااااااااااايد شغلااااااااااااااااااااات

لي ولاختي

حبيت الماركة الصراحه زينه وتستاهل التجرررربه


شكرآ على موضوعج المميز

يه بوقته سبحان الله توني هابه فيهاااا هههههه

 

[مشتطـه]

بصراحه الفرش اللي بدولار حلوة


انا جربت اللي عند الهنود بسوق المباركية تلوع الجبد لا ومو بسعر هذي


انا جربت فرشتين وطالبه حاليآ وايد وبجربهم بعد



مالت توزيع الفانوديشن حيل حبيتهاااا

والثانية لتحت الحواجب روعه

مادري كل واحد ورايه