elly mtzwga mo kuwaiti td7`l

[hhateek]

رد: رد : elly mtzwga mo kuwaiti td7`l

هلا بنات ديرتي الله يعينكم اللي متزوجين من برا ,, بس الصراحه انا مو شايفه مشكلة بالحقوق الكويتية ,, حددوا شنو المشكلة ؟

انا اللي اعرفه انه السكن على الزوج , يعني الحكومة مو مطالبة توفر سكن للكويتية بمجرد انها تزوجت من برا الكويت .. و هذا ما يزعل الصراحة

في قانون راح يقرونه اعتقد قريبا يخلي الموظفة الكويتية المتزوجة من غير كويتي تاخد الزوجية و ايضا علاوة الاولاد و بدل السكن ..

فاتوقع هذا يحل الموضوع المادي ..

هلا حبيبتى ...
اىىىىىىى صح ان السكن على الزوج .... لكن لو نسوى مقارنة بين رواتب الكويتى والوافد ...
نلاقى فعلا انه صعب نقارن بين الاسرة الكويتية وبين اسرة الكويتية المتزوجة من غير كويتى .. يعنى الكويتية بالاخر هى اللى هتصرف على الكن وطبعا جزء كبير على البيت والمعيشة ...
لذلك الحكومة لما تساعد بالسكن او تعطى المرأة مثلا العلاوة المعيشية او علاوة الاولاد ... هى بالتالى بتساعد المرأة الكويتية التى تعانى من الظروف المعبشية نتيجة انخفاض رواتب الوافدين ...
اما بخصوص القوانين اليديدة الحمد لله والشكر ...

اقروا قانون السكن وبدل الايجار ... واقروا قانون كفالة الكويتية لزوجها واولادها بشرط ان زوجها لا يعمل باى جهة حكومية او خاصة ...
وقانون العلاوة وعلاوة الاولاد اعتقد لم يقر بعد لكن لجنة المرأة وافقت عليه ...
يعنى يحق للمرأة الكويتية سواء متزوجة كويتى او غير كويتى الحصول على العلاوة المعيشية وعلاوة الاولاد اذا لم يحصل عليها الزوج لاى سبب من الاسباب ...​

 

[VET-Nour]

رد : elly mtzwga mo kuwaiti td7`l

نبي نعرف قصة زوآجكم ؟ !!

....,

و من أي دوله مآخذين ؟

.....,

و شرآيكم بزوآجكم ؟

.....,

<~ أبييي أعرف

تبون تشجيع عشآن تقولون القصه ؟
أفآ عليكم !
يالله قولوا


و الله يوفقكم إن شآ الله

>> لآ تطنشوني

 

[عوار غربه]

رد : elly mtzwga mo kuwaiti td7`l

هلا بنات ديرتي الله يعينكم اللي متزوجين من برا ,, بس الصراحه انا مو شايفه مشكلة بالحقوق الكويتية ,, حددوا شنو المشكلة ؟

انا اللي اعرفه انه السكن على الزوج , يعني الحكومة مو مطالبة توفر سكن للكويتية بمجرد انها تزوجت من برا الكويت .. و هذا ما يزعل الصراحة

في قانون راح يقرونه اعتقد قريبا يخلي الموظفة الكويتية المتزوجة من غير كويتي تاخد الزوجية و ايضا علاوة الاولاد و بدل السكن ..

فاتوقع هذا يحل الموضوع المادي ..

السلام عليكم أختى الكويتية 80
شقول ويلا اقول مرات الواحد مايبي يتكلم عشان مايشوف الظلم الي قاعد يصير بدول مثل دولنا الإسلامية الي المفروض اتكون قدوة للدول الغربية يعني لو اتشوفين كل من امريكا او بريطانيا او استراليا كلهم معطين في المواطنة للبلد الحقوق وحده للرجل والمراه وبمعنى انه الرجل او المراه لهم نفس الحقوق بحكم الجنسيتهم لبلدهم وبالتالي قانون واحد يعني في حاله امريكية تزوجت غير امريكي اعيالها يتجنسون اوتوماتيكلي حصولها على بيت او حقوق اجتماعيه نفس شي والزوج يعطى له اقامه الدائمة في البلد مهما كانت جنسيته اووضعه وبعد مايمضى على زواجهم فتره من سنين وهشي يختلف من دوله لدوله مرات 5 سنين مرات اربع بين الدول الي ذكرتها ياخذ الجنسية وهشي واحد لوالرجل امريكي تزوج غير امريكية وهكذا مع كل من الدول الي ذكرتها فوق.
فالإسف مجتمعاتنا ماتدعم هشي والمصيبة احنا مسلمين والمفر وض القوانين الوضعيه هذي تكون عادل للطرفين بحكم واحد من طرفين حامل الجنسية لكن لأسف الي عندنا مهزله وظلم وخفق حقوق لو أعطيج صورة الوضع الي عندنا وهشي ساليه باي بمكان بلكويت تلقين الكويتي صارله اسنين يجنس اي وحده يتزوجها لأنه قانون معاه لكن المراه الكويتية ماتبي جنسية لزوجها لكن تبي العدل والحقوق اجتماعيه مثل ماهوه كان معاه الزواج قسمة ونصيب وخذا غير كويتية اهيه نفس الشي
وبليز لحد يقولي هذا داخله على طمع ومن هلخرابيط أتوقع الزواج في طرفين وفي أمور شرعية واضحه لأنه ماله علاقه طالما انه الواحد يعرف منو يزوج بنته او ولده والشي الثاني والي اهم دايما المرا في مجتمنا تتحامل على اختها الكويتية لما تتزوج غير اكويتي لكن العكس غير صحيح ألحين عقب سنين طويلة بلكويت أغلب اعيال الكويت من أمهات غير اكويتيات واشكثر اتشوفين تبدع بلهجاتهم لأنه ام غير اكويتية ودايما مقبوله الأم غير الكويتية بلمجتمع حتى لو كانت شنو جنسيتها مع احترام لجميع الجنسيات لكن المراه دايما مظلومة ومضطهده بمجتمعاتنا ولأسف وحكومتنا تدري لو تفتح مجال ماراح تلقى اكويتية تنطر اكويتي تتزوجه راح تتطور هذي الزواجات اكثر واكثر لأنه مافي رياييل بلكويت اتعرف معنى الزواج وقيمته وماقول الكل ولكن لأسف أصبح الحين الغالب الله يعين الجميع يارب ويفرج على كل انسان مظلوم سواء بعالمنا ومجتماعتنا أو مجتمعات اخري:yaaaaaarb:

 

[shai5at al3arab]

الله يوفقكم مع ازواجكم يااارب .. ويهنيكم وين ما كنتوا

بس احس فكرة انه الوحدة تعيش برة الكويت موووسهلة

الحين اللي يتغربون غالبا تكون سبب غربتهم انهم يدورون استقرار بمكان ثاني غير ديرتهم

فما احس انه فيه ديرة راح تعزني كثر الكويت الحبيبة ، فما احس فيه استقرار اكثر من هالديرة ...

الحمد لله ربي الكويت موفرة الحياة اللي يبيها المواطن ..

الشي ال2 .. صعبة انه عيالي ما يطلعون كويتيين .. وما يتنعمون بنفس النعيم اللي احصله انا الكويتية ..

عموما ربي يكتب لكم الراحة والاستقرار بحياتكم

 

[عوار غربه]

رد : رد: elly mtzwga mo kuwaiti td7`l

الله يوفقكم مع ازواجكم يااارب .. ويهنيكم وين ما كنتوا

بس احس فكرة انه الوحدة تعيش برة الكويت موووسهلة

الحين اللي يتغربون غالبا تكون سبب غربتهم انهم يدورون استقرار بمكان ثاني غير ديرتهم

فما احس انه فيه ديرة راح تعزني كثر الكويت الحبيبة ، فما احس فيه استقرار اكثر من هالديرة ...

الحمد لله ربي الكويت موفرة الحياة اللي يبيها المواطن ..

الشي ال2 .. صعبة انه عيالي ما يطلعون كويتيين .. وما يتنعمون بنفس النعيم اللي احصله انا الكويتية ..

عموما ربي يكتب لكم الراحة والاستقرار بحياتكم

مشكورة حبيبتي بس ترا مو الكل متغرب بره في الناس عايشه بلكويت وتعليقي على جملتج (مايتنعمون بنفس النعيم الي احصله انا اكويتية) كلام صحيح وشي غريب مرات أتسائل عيل ليش انا كويتية الجنسية ومالي حقوق عادلة حالي من حال الرجل المراه نصف المجتمع وهذا حالها بدولها بس شقول الله العالم المصلحة من ورا هضم حقوق المراه في بلد دستوره ينص على مواساة بين طرفين وعلى دولة تعبر ديمقراطية بالإسم اتوقع اكثر منه واقع وأكثر منه لصالح الرجل:bbbiu:

 

[salfoosha]

مرحبا بنات
انا كويتيه و متزوجه لبناني وعايشه بالكويت الحبيبه وعندي طفل ابي اخذ علاوة للطفل شلون الطريقه وبالنسبه للحقوق للكويتيه شنو ممكن تحصل عليه بالضبط لان انا مو عارفه وين اروح

 

[salfoosha]

ارجو الرد على الخاص بليز ضروري جدااا