English play group *** حياكم أمهات المستقبل .. ** نتجمع ونشوف بعض

[Dress Me Up]

مرحبا حبايبي ... حبيت اتعرف على الامهات الي مسجلين عيالهم بهالمدرسة .. خلونا نتعرف على بعض ومساوىء وايجابيات .. هالمدرسة ومدى تعاون الادارة ... ومشاكل وهموم عيالنا ..


اتمنى ... اشووف ردوووووود .. ومشاركاتكم ......



عموما انا ببتدي اول ..

عندي بنوته في كي جي 1 ..

اسم الله على بنتي شطوره .. بس ماحس هالسنة في اهتمام .. ورعاية حتى الجدول ماعطوني اياه الا لما انا طلبته بعد 3 اسابيع .. كانت بنتي تداوم ... ولا ادري عندها كلاس P.E اي يووم ليما يوم انا سالتهم ..


وخطة المنهج ماعطوني اساها الا نهاية الاسبووع الثاني .. مع انهم متأخرين وايد المفروووض يكونون محضرين كل شي ........... عيل شكانو يسووون طووول هالعطلة ........


خلونا .. نتشارك همومنا .. ومشاكلنا



ويانتظاركم ​

 

[سيدة الكويت]

رفع

 

[Dress Me Up]

وينكم انجلش بلي قرووووووووب

 

[Dress Me Up]

شدعوه معقولة ماكو احد عياله بهالمدررررررسة

 

[فجورة]

هذه أكبر روضة خديت فيها مقلب و الان أدفع الثمن من وقتي و اعصابي و الحمد لله أني تداركت الامر قبل فوات الان ،

لازم تعرفي ان حتى رسومها ليست قليلة فالأفضل لك ان تنقلي ابنتك الى مدرسة ذات سمعة قوية حتى تتأسس بشكل جيد لن اهم مراحل التعليم بالمدارس الخاصة هى مرحلة التأسيس يعنى You can make your child or break him فانصحك تنقلي ابنتك بأقرب فرصة يا اما الى المدرسة البريطانية بالكويت أو مدرسة الكويت الانجليزية مقرهما بمنطقة سلوى و انت حرة ، بالنهاية انت تدفيعن المال فاجدفعي فرقا قليلا لكي تجني ثمارا كثيرة . اللهم أني بلغت اللهم فاشهد.

 

[Dress Me Up]

مشكورة اختي فجورة على رايك ........ ونسمع راي باقي الأمهات ...

 

[eng-khadkhad]

اهلين بنات انا بنتي في english playgroup
in kg active
أحس المدرسة حلوة ومرتبه ومستوى بنتي حلو الحمدالله لأنها من الحضانة اهي هناك فيها بعض المساوئ صحيح بس ماكو مدرسة تخلى من السلبيات

من سلبياتها لما بنتي كانت بالحضانة مرة يتني البيت قاعدة تشوف الألوان فذكرت لي لون من الألوان بلهجه سورية !!!!!!!!! حدي عصبت يعني مدرسة العربي سورية وليش ماتعلم اليهال لغة عربية وحتى اناشيدهم بلهجة سورية!

بعدها طوفت السالفه ... خفت آخذ الموضوع جد وأغير مدرسة بتني علشان هالموضوع بس .. بشوفها لما تخلص الروضة وقبل لا تدش الابتدائي والله يستر

اختي فجورة ممكن تعطيني أسباب ذكرج ان المدرسة سيئة ... ليش ترى خرعتيني !!

 

[Dress Me Up]

eng-khadkhad


شكرا على مشاركتج حبوبة .. والله يخلي لج بنتج

 

[Dress Me Up]

up up

 

[:: Diva ::]

up up up up

 

[سيدة الكويت]

شلونكم بنات ....ياربى هالأمهات كل مدرسه وطلعوا فيها عذاريب

انا رفيجتى عيال اختها اهناك تمدحها ..ما شوفها تشكى ..

 

[mr000]

عفيه فيدونا أكثرعن هالمدرسه آنا وناويه أدخل بنت ولدي فيها بالحضانه ومثل ماقلتوا رسومها مو شويه ومستعدين ندفع أكثر أذا فيه أحسن منها وآنا عارفه أنه البريطانيه ومدرسة الكويت الأنجليزيه أحسن بس ماياخذون عمر سنتين ونص وين أكو حضانه زينه حق هالعمر

 

[Dress Me Up]

هلا فيكم بنات ..

mr000
حبيبي انا مادري عن الحضانه عندهم .. بس انا بنتي في كي جي 1 .. ماحسهم ذاك الزود ...

اذا تبين حضانه حلووه .. في برميثية .. الحضانه الانجليزية رووووووعه .. وصاحبتها .. مدرسة انجليزي ..

ومنهجها وايد حلوو للأطفال .. رسوم التسجيل 100 او 90 ناسية .. وتاخذ على كل شهر 100 .. وتستقبل الأطفال من 7 لي الساعة 2

ومكانهم بالرميثية

​

 

[P!ng P!ng]

انا عيال رفيجتي بالسالمية

واشوفهم مرتاحين وبناتها شطورات الحمدلله

وتقول السالمية احسن من سلوى من ناحية التدريس والادارة والتنظيم والمدرسات

 

[بطاط مهروس]

والله كلامج عدل .... انا ولدى مرحلة روضة مستمع .... وما شفت اى شي غير اللعب ليش ما ادرى
مع العلم ان ولدى فطين وايد وشاطر قلت اقوية ...... كل ما اسال يقول عادى ماما بس ابى العب ...... صراحة طلعتة منها وسجلتة بمدرسة باكستانية انجليزية ...... ابى ولدى يتقوا ....... اكثر من اول

 

[mamanoonaa]

انا دخلت ولدي الحضانه والروضه واخته بس حضانه هذا الكلام من قبل 11 سنه هههههههههه
والله امغبره وكانت المدرسه مستواها وايد حلو واحس ان الولد تأسس صح والحين ولله الحمد اهو بأقوى مدرسه انجليزيه بالكويت واهي نيو انجليش سكول ومتفوق ولله الحمد
والحين عقب هالسنين دخلت اخته الصغيره كي جي 1 والحمدلله للحين ماشفت اي مشكله
وبالنسبه للاسعار ارخص من غيرها بوايد خصوصا ان اليونيفورم والوجبات افري
وبعدين بالنسبه لللعب هذا نظام المدارس الانجليزيه والامريكيه بعكس الباكستانيه تكون وااااايد جد من الكي جي
حرام اليهال بعدهم عالشقى

 

[بطة الزلبطة]

اهلين حبايبي الامهات انا بنتي ب kg 1 بسلوى وماشالله اشوفها وايد اوكي من ناحية الكتابة والاحرف والارقام بس الشغلة اللي محيرتني ان ليش مافي اجتماع اولياء امور عشان نعرف مستوى عيالنا والا ليش انهم بالروضة مو مهم مادري ويوم دشيت موقع المدرسة كانوا كاتبين انهم يعطونهم حاسوب بس لما اسال بنتي تقوللي ما يعلموننا كمبيوتر ومن ناحية الوجبات انا كل يوم احط لها اكل تقوللي ما احب اكلهم

 

[Dress Me Up]

اهلين حبايبي الامهات انا بنتي ب kg 1 بسلوى وماشالله اشوفها وايد اوكي من ناحية الكتابة والاحرف والارقام بس الشغلة اللي محيرتني ان ليش مافي اجتماع اولياء امور عشان نعرف مستوى عيالنا والا ليش انهم بالروضة مو مهم مادري ويوم دشيت موقع المدرسة كانوا كاتبين انهم يعطونهم حاسوب بس لما اسال بنتي تقوللي ما يعلموننا كمبيوتر ومن ناحية الوجبات انا كل يوم احط لها اكل تقوللي ما احب اكلهم

اي صاجة انا بعد ابي اعرف مستى بنتي ,,

واول امس دقيت عليهم ابيهم يطلعوونهم رحلة حرام بنتي عن خاطرها تبي تركب الباص وترووح رحلة
جان ترد علي المشرفة موقفين رحلات بسبة انفلونزا الخنازيررر

بصراحة عصبت عليها وقلت لها وززعووا اوراق اللي مو راضي يودي عياله لا يوقع واللي عادي عنده لا تحرموونه ..

قالت لي ابلغ رايج للادارة وانشووف .......

وابلة العربي بس عطتني الخطة مالت الدراسة اول شهرررررر وبعدين اسكببببببب مادري بنتي شنو تاخذ ..

بس ميسهم النجلش طرش الاوراق .. والحمدالله اعرف على الاقل شنو قاعد تاخذ بالانجلش ..

سمعت انها تاخذ علووووووووم .. بس مادري شنو تاخذ فيه .

 

[بطة الزلبطة]

اي صاجة انا بعد ابي اعرف مستى بنتي ,,

واول امس دقيت عليهم ابيهم يطلعوونهم رحلة حرام بنتي عن خاطرها تبي تركب الباص وترووح رحلة
جان ترد علي المشرفة موقفين رحلات بسبة انفلونزا الخنازيررر

بصراحة عصبت عليها وقلت لها وززعووا اوراق اللي مو راضي يودي عياله لا يوقع واللي عادي عنده لا تحرموونه ..

قالت لي ابلغ رايج للادارة وانشووف .......

وابلة العربي بس عطتني الخطة مالت الدراسة اول شهرررررر وبعدين اسكببببببب مادري بنتي شنو تاخذ ..

بس ميسهم النجلش طرش الاوراق .. والحمدالله اعرف على الاقل شنو قاعد تاخذ بالانجلش ..

سمعت انها تاخذ علووووووووم .. بس مادري شنو تاخذ فيه .

اهلين حبيبتي انا بخصوص الرحلات من زمان ادري انهم ما يودون رحلات وبالنسبة لخطة الدراسة انا قبل لا يخلص الشهر يدزون لي خطة الشهر اللي وراها بكل موادها يعني العربي شنو الاحرف اللي بياخذونها والانجليزي وسور القران اللي يعطونهم حتى الرياضة كاتبين شنو التمارين اللي راح يسوونها كل اسبوع والعلوم الله يسلمج اول شهر عطوهم اعضاء الجسم وبعدين عطوهم الاشكال خلصوا المربع والدائرة والمثلث والسبوع الياي بيعطونهم الستار هذا غير الالوان