HaPpineSs~

[~q8ia~]

السعااااااده






طبعا اهي كلمة كبييرة و معناها واسع و كبير و الكل يتمناها






الفقير الغني






الكبير الصغير






الحرمة و الريال






و الكلللللل






و طبعا كل واحد له وجهة نظره بالسعادة






البعض يشوفها بالفلوس هذا اول شي و معروف عند الناس بس هذا الشي خطأ اكييييد






هل الفلوس تشتري الصحة و السعادة؟؟؟؟!!!






اكيد لأ






و ياما شيوخ و ناس اغنية بس مرضوا و شقوا شفادتهم الفلوس






و البعض يفكر انه السعادة بالمنصب و هم خطأأأ






لأن لو دامت لغيرك ما اتصلت اليك






و دوام الحال من المحال فالواحد حياته ما تسير على وتيرة واحدة كل يوم غير






على قولة المغنية ذكرة الله يرحمها يوم ليك و يوم عليك ^_^






و همن المنصب ما ييب السعادة






انزين في ناس اتشوف السعادة بانها تحفر للناس و تلف و تدور عشان تصير احسن من الناس و تنجح






و اكيد ما راح يحس بالسعادة هالشخص لانه ضميرة اكيد مو مرتاح صج حقق اللي يبيه سواء فوز بمباراة او اي مصلحة ثانية بس همن من داخلة مو مرتاح






اللحين انا اقولكم سر السعادة






السعادة في طاعه ربي...






في اني اصلي صلواتي و ادعي ربي و ابجي خشية من ربي و مع كل دمعه تحس انه همومك تطيح هذي احلى سعادة مع رب العالمين ما فوقها سعادة ...و في اني اقرا و لو صفحة من القران الكريم يوميا قبل ما انام.. و اشكي و ادعي لربك اللي اهوا اعلم بحالك و ضعفك اكثر من نفسك و في شعار عجبني ((لون حياتك بالطاعات))






السعادة في رضا والديني






و اشوف بسمة من امي و ابوي تكفينييي و تسوى عندي الدنيا و ما فيها والله و لا دعوه من امي انها راضية عني تسوى عندي ملايين و لا لما ابوس راس امي و ابوي و ارضيهم و ابرهم..






السعادة باني اقعد مع خواتي






و اسمع لهم و اساعدهم و اونسهم و احاول اخفف عليهم سواء بالسراء او الضراء..لان ما بين الخوات مصالح و تربطنا روابط اسمى و اقوى من جذي ..






و السعادة باني اسعد صديقاتي






و اكون معاهم دايما و اوفي معاهم و ما اتكلم من وراهم بالعكس اقولهم الشي اللي زين حقهم لانه في حديث شريف يقول ((عامل الناس كما تحب ان يعاملونك)) و اوقف معاهم اذا احتاجوني و خصوصا اوقات الشدة ترى الواحد يحتاج صديقه..






و السعادة اني ادخل السعادة على اي شخص






كان سواء من اهلي او كان محتاج او طفل او اي انسان لان كل انسان يضل انسان و يحتاج من يساعده و يلملم عليه [الجنة من دون ناس ما تنداس] سواء بابتسامة او كلمة طيبة او صدقة لوجه الله((الصدقة تطفئ غضب الرب)) و ((صلة الرحم تقي مصارع السوء))

و بعد السعادة اني اخرج من دائرة((الانا)) و انتقل لدائرة ((النحن)) و افكر بغيري قبل ما افكر بنفسي و اراعي مشاعر من حولي و احاول اسعدهم ما احط كل تركيزي بنفسي و بس بالعكس افكر باللي حولي و اشلون انفعهم و افيدهم و ما اصير انانية لأن بالاخير انا للكل و الكل لي و بيوم راح احتاج للي حولي ..





و السعادة بان ضميري يكون مرتاح (راحة البال)






و انام بليل و اكون مظلومة احسن من انام و انا ظالمة و يا حلات النومة اذا انت متصافي مع الكل و مو شايل على احد حتى اللي غلط عليك سامحه فالمسامح كريم و اذا الله يسامح احنا عباده شلون ما نساح استغفر الله و الواحد يحط راسة و ينام مو ضامن عمره اذا يقوم باجر و لا لأ فالاعمار بيد الله سبحانه و تعالى قبل ما تنامون فكروا شوي و حاسبوا نفسكم انتوا ارضيتوا ربكم .. ارضيتوا والدينكم.. ارضيتوا اهلكم... زعلانين من احد تسامحوا و لو مو انتوا الغلطانين ميخالف انت ابدا بالسلام و اخذ اضعاف من الحسنات ما يضبع اجرك عند رب العالمين






و بس هذي احلى معاني السعادة






و اتمنى للكل السعادة و اسفة اذا طولت​